Acts 26:20 in Limbu 20 काक्नु तगि दमस्कसओ हे़क्क्याङ् यरुसले़म नु काक् यहुदिया लाजेॽबा, हे़क्क्याङ् थिम्मे़न्दङ् सुवाङ्हाॽआङ् खिनिॽ लायोलाम् हिन्दे़म्मे़ॽआङ् निङ्वाॽफुमाङ्ङिल्लो नुःक्खे़म्मे़ॽ हे़क्क्याङ् खिनिॽ लायोलाम् के़हिन्दिबा कुइसिःक् निङ्वाॽफुमाङ्ङिल्ले़ कुनिङ्वाॽ तासे़म्मे़ॽओ फाॽआङ् इङ्भन्चोगुङ्सिङ्लो॥
Other Translations King James Version (KJV) But shewed first unto them of Damascus, and at Jerusalem, and throughout all the coasts of Judaea, and then to the Gentiles, that they should repent and turn to God, and do works meet for repentance.
American Standard Version (ASV) but declared both to them of Damascus first and at Jerusalem, and throughout all the country of Judaea, and also to the Gentiles, that they should repent and turn to God, doing works worthy of repentance.
Bible in Basic English (BBE) But I went about, first to those in Damascus and Jerusalem, and through all the country of Judaea, and then to the Gentiles, preaching a change of heart, so that they, being turned to God, might give, in their works, the fruits of a changed heart.
Darby English Bible (DBY) but have, first to those both in Damascus and Jerusalem, and to all the region of Judaea, and to the nations, announced that they should repent and turn to God, doing works worthy of repentance.
World English Bible (WEB) but declared first to them of Damascus, at Jerusalem, and throughout all the country of Judea, and also to the Gentiles, that they should repent and turn to God, doing works worthy of repentance.
Young's Literal Translation (YLT) but to those in Damascus first, and to those in Jerusalem, to all the region also of Judea, and to the nations, I was preaching to reform, and to turn back unto God, doing works worthy of reformation;
Cross Reference Matthew 3:2 in Limbu 2 “खिनिॽ लायोलाम् हिन्दे़म्मे़ॽओ, थेआङ्भे़ल्ले़ साङ्ग्राम्पेदाङ्बा हाङ्जुम्मिन् निःत्ताङ्ङे त्ये़आङ् वाॽरो॥”
Matthew 3:8 in Limbu 8 लायोलाम् के़हिन्दिबा पाःन्निन् ओसेःन्दाङ् चोःक्से़ नुःबा याःम्बक् चोगे़म्मे़ॽओ॥
Matthew 4:17 in Limbu 17 खे़न् ये़म्माङ्धो ये़सुरे़ अक्खे पाःत्तुर इङ्भोःमा हेःक्तु, “लायोलाम् हिन्दे़म्मे़ॽओ, थेआङ्भे़ल्ले़ साङ्ग्राम्पेदाङ्बा हाङ्जुम्मिन् निःत्ताङ्ङे त्ये़आङ् वाॽरो॥”
Matthew 9:13 in Limbu 13 साम्योसाप्लाओ यहवे दाङ्बाल्ले़ इङ्गाॽग सिदुङ्जभा चाहाबा मे़जोःक्कान्, कर वेॽहाॽ लुङ्माॽ तुक्ते़म्सिम्मे़ॽ के़लॽबा निङ्वाॽ कत्तुङ्लो, लॽरिक् पाःत्तुबा कन् पाःन्निल्ले़ कुबेःन् हुॽआसिम्मे़ॽओ॥ इङ्गाॽग साम्योनिबाहाॽरे़ लागि मे़ःन्, कर लायोबाहाॽ लायोलाम् मे़नुःङ्ङाङ्ताङ्मे़से़ःप्ल फाॽआङ् त्याङ्बारो॥”
Matthew 21:30 in Limbu 30 हे़क्क्याङ् कुम्बाःन् कुस्साः फोॽबाल्लो पेआङ् बा हे़क्केए मे़त्तु॥ खे़न् कुस्साः फोॽबाल्ले़आङ्, ‘पोःङ् आदाङ्बे, पेःक्कारो’ मे़त्तु, कर खे़न् याःम्बक्को मे़बेने़न्लो॥
Mark 6:12 in Limbu 12 हे़क्क्याङ् खे़ङ्हाॽ मे़बेआङ् मनाहाॽओ खिनिॽ लायोलाम् हिन्दे़म्मे़ॽ फाॽआङ् इङ्भन् से़ःमा मे़हेःक्तु॥
Luke 1:16 in Limbu 16 खुने़ॽग यरिक् इस्राइलिहाॽ खुनिॽ निङ्वाॽफुमाङ् दाङ्बाओ नुःक्तु तारुसिॽरो॥
Luke 3:8 in Limbu 8 लायोलाम् के़हिन्दिबा पाःन्निन् ओसेःन्दाङ् चोःक्से़ नुःबा याःम्बक् चोगे़म्मे़ॽओ॥ आनिगे़ग अब्राहामरे़ कुस्साःसिगे़, खे़ल्ले़ चोगुल्ले़ खुम्दिङ्लाम् खे़त्छिङ्मा सुक्तिगे़ॽ फाॽआङ् निङ्वाॽ मे़इःत्ते़म्मिन्ने़ॽओ, थेआङ्भे़ल्ले़ निङ्वाॽफुमाङ्ङिल्ले़ग कन् लुङ्हाॽआङ् अब्राहामरे़ कुस्साः चोःक्मा सुक्तुसिॽरो॥
Luke 13:3 in Limbu 3 मे़ःन्लो! खिनिॽआङ् खिनिॽ लायोलाम् के़न्हिन्दिन्ने़ फाॽग्र बा हे़क्केए के़बोःक्खिॽआङ् के़मे़गिॽरो॥
Luke 13:5 in Limbu 5 मे़ःन्लो! खिनिॽआङ् खिनिॽ लायोलाम् के़न्हिन्दिन्ने़ फाॽग्र बा हे़क्केए के़बोःक्खिॽआङ् के़मे़गिॽरो॥”
Luke 15:7 in Limbu 7 खे़प्से़म्मे़ॽओ, हे़क्केलॽरिक्के साङ्ग्राम्पेदाङ्ङो लायोलाम् हिम्मा मे़म्बोःङ्मनाबा फाङ्-फाङ् (९९) साम्योनिबाहाॽनुःल्ले़आङ् लायोलाम् के़हिम्बा लायोबाधिक्किल्ले़ लागि यम्बा सःप्मान् पोःङ्लो॥”
Luke 15:10 in Limbu 10 खे़प्से़म्मे़ॽओ, हे़क्केलॽरिक्के थिक् लायोलाम् के़हिम्बाल्ले़ लागि निङ्वाॽफुमाङ्ङिल्ले़ कुमाङ्लाइङ्बाहाॽआङ् मे़सःत्लो॥”
Luke 19:8 in Limbu 8 याङ्सि जक्कैःन् ये़म्सिङ्ङाङ् दाङ्बान् अक्खे मे़त्तु, “इङ्गाॽ कत्तुङ्बा याङ्साकुन्धेःन् कुभ्रे़ःङ् याङ्गे़साॽबाहाॽ हाःत्तुङ्सिङ्लो॥ हे़क्क्याङ् आत्तिन्हाॽ इङ्ले़क् मे़त्तुङ्सिङ्ङाङ् यरिक् याङ् फोःक्खुङ्सिङ्ङाङ् वाॽआ, खे़ङ्हाॽ इङ्गाॽ लिसि ले़ङ् थारिक् नुःक्तुङ् पिरुङ्सिङ्लो॥”
Luke 24:46 in Limbu 46 खे़ङ्हाॽ अक्खे मे़त्तुसि, “निङ्वाॽफुमाङ्ङिल्ले़ सेःन्दुबा ख्रिस्ते़ङ्ग तुक्खे चामाए पोःङ्, हे़क्क्याङ् सिःमाआङ् सुम् ये़न्नो याम्मो हिङ्माए पोःङ् फाॽआङ् साप्ते़आङ् पत्लो॥
Acts 2:38 in Limbu 38 हे़क्क्याङ् पत्रुसरे़ मे़त्तुसि, “खिनिॽ के़रे़क् लायोलाम् हिन्दे़म्मे़ॽआङ् दाङ्बाओ नुःक्खे़म्मे़ॽ, हे़क्क्याङ् लायोलाम् ले़प्मि खोःमा फाॽआङ् ये़सु ख्रिस्तरे़ कुमिङ्ङो बप्तिस्मा पोःक्खे़म्मे़ॽओ! हे़क्क्याङ् सेसेमाङ्ङिल्ले़न् पर्धाःम् के़घोःसुम्लो॥
Acts 3:19 in Limbu 19 खे़ल्ले़ चोगुल्ले़ आल्लो खिनिॽ लायोलाम् हिन्दे़म्मे़ॽआङ् दाङ्बाओ नुःक्खे़म्मे़ॽओ॥ हे़क्केलॽरिक् खिनिॽ लायो लासोःत्हाॽ माबेःक्नि, हे़क्क्याङ् निङ्वाॽफु दाङ्बालाम् याम्साम्मो के़धुम्बा पोःङ्मा ये़म् तानिरो॥
Acts 9:15 in Limbu 15 कर दाङ्बाल्ले़ हननियाःन् मे़त्तु, “खे़ने़ॽ पेगे़ॽ! थेआङ्भे़ल्ले़ खे़न् मनाःन् इङ्गाॽ आसेवा चोगुनि फाॽआङ् सेगुङ्ङाङ् वाॽआरो॥ खे़ल्ले़ग थिम्मे़न्दङ् सुवाङ्हाॽ, हाङ्हाॽ, नु इस्राइलिहाॽ आमिङ् इङ्भन् चोगुसिॽरो॥
Acts 9:19 in Limbu 19 हे़क्क्याङ् खुने़ॽ कुजा चआङ् कुसक्मा त्ये़रो॥ सावले़न्कुभा ये़न् थारिक् दमस्कसओबा नसानिबाहाॽनु वये़॥
Acts 9:35 in Limbu 35 हे़क्क्याङ् लिद्दा ये़क्यक्को नु सारोन ते़म्बेॽओ के़वाॽबा यरिक् मनाहाॽरे़ खे़न् मनाःन् वेःत्ते़बा मे़निःसुआङ् दाङ्बा ले़प्माङ् मे़हिसिङ्लो॥
Acts 11:18 in Limbu 18 हे़क्क्याङ् खे़न् यहुदि नसानिबाहाॽरे़ कन् पाःन्निन् मे़घे़प्सुल्ले़ खुने़ॽनु पाःन् थक्मा मे़ले़रुआङ् अक्खे मे़बाःत्तुर निङ्वाॽफुमाङ्ङिल्ले़ कुनारा फोःमा मे़हेःक्तुरो, “निङ्वाॽफुमाङ्ङिल्ले़ थिम्मे़न्दङ् सुवाङ्हाॽआङ् लायोलाम् हिम्माआङ् मे़न्नुप्मनाबा हिङ्मन्ले़न् सुये़म् पिरुसि के़लॽबा पाःन्निन् नुःरिक्काङ् के़निःसुम्लो॥”
Acts 11:26 in Limbu 26 खे़प्मो खुने़ॽ तुमुआङ् एन्तिओक्को तारु॥ हे़क्क्याङ् तङ्बे खाराक् खे़ङ्हाॽरे़ सेसेहुप्लक्को मनाहाॽ तुमे़त्छुर यरिक् मनाहाॽ हुॽरे़त्छुरो॥ (हुॽसाम्बाहाॽ एन्तिओक्कोए काक्नु तगि ख्रिस्तानिसि फाॽआङ् मे़मे़त्तुसिरो॥)
Acts 13:46 in Limbu 46 कर पावल नु बरनाबासे़न् मे़ङ्गिए अक्खेलॽरिक् पारे़त्छि, “निङ्वाॽफु पाःन्जाक्किङ्ग काक्नु तगि खिनिॽ यहुदिहाॽनु पाःप्मा के़बोःङ्बा वये़, कर खिनिॽए कन् के़नाॽरुम्लो॥ हे़क्क्याङ् मे़न्नुप्मनाबा हिङ्मन् खोःमा सुम्बोधासाबा मे़म्बोःङ्मा फाॽआङ् खिनिॽ ओसेःन्गे़धाक्तुम्लो॥ खे़ल्ले़ चोगुल्ले़ आल्ल आनिगे़ खिनिॽलाम् लःन्दिगे़आङ् थिम्मे़न्दङ् सुवाङ्हाॽओ पेगिगे़ॽरो॥
Acts 14:15 in Limbu 15 “आदाङ्बासे, कन् थे चोःक्मा के़इःत्तुम्बाबे? आन्छिगे़ग बा खिनिॽ हे़क्के मे़न्छाम्गे़न् याप्मिसिगे़रो! खिनिॽ कन् हने़बा नावाइत्लाःन् सेवा चोःक्मा ले़रे़म्मे़ॽआङ् ताङ्साक्पे़न्, इक्सादिङ् खाम्बेःक्मान्, वाहङ्हाॽ हे़क्क्याङ् खे़प्मो के़वाॽबा के़रे़क् पाःन्हाॽ नावागे़न् चइःत् के़ने़बा आजुनि निङ्वाॽफुमाङ्ङिल्लो नुःक्खे़म्मे़ॽ फाॽआङ् सुनाइङ् इङ्भन् चोःक्से़ आन्छिगे़ कप्मो त्ये़त्छिगे़बारो॥
Acts 15:19 in Limbu 19 याकुबरे़ याम्मो अक्खे पाःत्तु, “निङ्वाॽफुमाङ्ङो के़नुःङ्बाआङ्के़दाःबा थिम्मे़न्दङ् सुवाङ्हाॽ तुक्खे चाःप्मासि मे़ःन्लो के़लॽबा आनिङ्वाॽ वाॽरो॥
Acts 17:30 in Limbu 30 पेबा ये़म्मो निङ्वाॽफुमाङ्ङिल्ले़ मे़न्छाम् याप्मिहाॽरे़ मे़न्नि मे़न्धाए फे़न् याःम्बक् मे़जोगुबाओ खुम्दिङ् मे़बिरुन्सिन्, कर आल्ल खे़ङ्हाॽ आत्तान् पिसाङ्साङ् मनाहाॽ फे़न् याःम्बक् कुधिम् हिङ्मन्लाम् मे़हिन्ल फाॽआङ् इङ्जाःङ् पिरुसिआङ् वाॽरो॥
Acts 20:21 in Limbu 21 यहुदिहाॽ नु थिम्मे़न्दङ् सुवाङ्हाॽ लायोलाम् हिन्दे़म्मे़ॽआङ् निङ्वाॽफुमाङ् ले़प्माङ् नुःक्खे़म्मे़ॽ मे़प्मासि नु आनिॽ दाङ्बा ये़सु ख्रिस्त सम्दाङ् नसाःन् चोःक् पाङ्मासि फाॽआङ् इङ्गाॽ साम्दिङ् पिरुङ्सिङ्ङाङ् वाॽआरो॥
Acts 22:17 in Limbu 17 हे़क्क्याङ् इङ्गाॽ यरुसले़म्मो याम्मो नुःक्खाङ् पेगाङ्ङाङ् माङ्हिम्मो तुवा चोःक्कि युङाङ्ङिल्ले़ इङ्गाॽ सुफो निःसुङ्लो॥
Acts 26:17 in Limbu 17 इङ्गाॽ खे़ने़ॽ के़मनाहाॽ नु थिम्मे़न्दङ् सुवाङ्हाॽ ने़प्जाङ्लाम् ताङ्से़ःप्ने़ॽरो॥ हे़क्क्याङ् खुनिॽ मिक्हाॽ हन्छे़, माक्चिगे़न् खादाम्मोलाम् से़न्दाङ्गे़न् ओःत्तिओ ताःत्छे़ हे़क्क्याङ् माफे़न्साम्मिल्ले़ कुयुक्कोलाम् निङ्वाॽफुमाङ्ङिल्ले़ कुयुक्को ताःत्छे़ खे़ङ्हाॽरो पाङ्ने़ॽरो॥ हे़क्केलॽरिक् खे़ङ्हाॽरे़ इङ्गाॽ नसाःन् मे़जोगाङ्बाल्ले़ चोगुल्ले़ खुनिॽ लायोलाम् ले़प्मि मे़घोःसुॽ, हे़क्क्याङ् निङ्वाॽफुमाङ्ङिल्ले़ आबाङे सेसे चोगुसिबा कुमनाहाॽनु खुनिॽ युङ्दे़न् मे़घोःसुॽरो॥’
Romans 2:4 in Limbu 4 मे़ःङ्ग्र खिनिॽ निङ्वाॽफुमाङ्ङिल्ले़ लुङ्माॽ के़दुक्तिबान्, नासि के़धःत्तिबान् हे़क्क्याङ् कुसिक् नःम्नःम् लॽबान् हने़ के़लेःत्तुम्बि? खिनिॽ लायोलाम् के़हिन्दिर फाॽआङ् निङ्वाॽफुमाङ्ङिल्ले़ खिनिॽ साॽरिक् लुङ्माॽ के़दुक्तिबा फाॽआङ् कुसिङ् के़न्निःत्तुम्मिन्बि?
Romans 11:18 in Limbu 18 खे़न् मे़जे़प्तुआङ् लाप्मे़भुसुबा सिङ्बोराःक्हाॽनुःल्ले़ आनिगे़ नुःबा चोगिगे़ फाॽआङ् आङ्दिङ् मे़लॽरे़म्मिम्ने़ॽओ, थेआङ्भे़ल्ले़ खिनिॽ कुसाःप्पिन् के़न्धरुम्मिन्, कर कुसाःप्पिल्ले़ने़ खिनिॽ के़धरिआङ् वाॽ के़लॽबान् निङ्वाॽ इःत्ते़म्मे़ॽओ॥
2 Corinthians 3:16 in Limbu 16 कर आत्तिन् मनाःल्ले़ दाङ्बान् नसाःन् चोगुॽ, खे़ल्ले़ कुनादे़प्मान् हन्लो॥
2 Corinthians 7:10 in Limbu 10 निङ्वाॽफुमाङ्ङिल्ले़ कुनिङ्वाॽ कुइसिःक्पा निङ्वाॽ तुक्माल्ले़ग लायोलाम् मनाहाॽ मे़हिन्, हे़क्क्याङ् खे़न् हिम्माल्ले़ से़न्लप्पो लाम्लोसुसिॽरो॥ हे़क्क्याङ् निङ्वाॽलोःमा मे़बोःङ्ने़ल्लो॥ कर मे़न्छाम् याप्मि निङ्वाॽ कुइसिःक्पा निङ्वाॽ तुक्माल्ले़ग सिःमे़न् तारुॽरो॥
Ephesians 4:17 in Limbu 17 खे़ल्ले़ चोगुल्ले़ इङ्गाॽ दाङ्बाल्ले़ कुयुक्किल्ले़ अक्खे मे़त्निङ्, खिनिॽ निङ्वाॽफुमाङ् कुसिङ् मे़न्निःप्मनाबाहाॽ मे़वाॽबा कुइसिःक् मे़वये़म्मिन्ने़ॽओ, थेआङ्भे़ल्ले़ खे़ङ्हाॽरे़ खुनिॽ निङ्वाॽइन्कुसुम्मे़न्दम्मनाबा चोःक्लो॥
Ephesians 6:1 in Limbu 1 हिन्जाॽबित्छासे, दाङ्बाल्ले़ कुमना के़बोःक्खिबाल्ले़ चोगुल्ले़ खिनिॽ पाः माहाॽरे़ मुरा के़म्मे़त्तिबा पाःन्निन् खे़प्से़म्मे़ॽ, थेआङ्भे़ल्ले़ अक्खे चोःक्माल्ले़ नुःबा पोःङ्लो॥
1 Thessalonians 1:9 in Limbu 9 थेआङ्भे़ल्ले़ खिनिॽओ त्ये़ॽइगे़ल्ले़ याप्मि के़दाःक्तिबा पाःन् नु नावाइत्ला सेवा चोःक्मोलाम् के़नुःक्खिआङ् से़क्खा नु आजुनि निङ्वाॽफुमाङ्ङिन् सेवा के़जोगुम्बा पाःन्निङ्ग काक् मनाहाॽरे़ए मे़जे़क्खु मे़बाःत्तुॽरो॥
2 Timothy 2:25 in Limbu 25 हे़क्क्याङ् तक्ले़ङ्वाओ के़बोःक्पाहाॽआङ् सिक् नःम्नःम्माङ् खाहुन् पिमा के़सुक्पा पोःङ्मा पोःङ्, हे़क्केलॽरिक् से़क्खाबा पाःन् कुसिङ्मे़निःत्तुआङ् निङ्वाॽफुमाङ्ङिल्ले़ खुनिॽ लायोलाम् नुःक्तु तारुसिररो॥
Titus 2:2 in Limbu 2 खदाक्मिहाॽग लुम्लुम्बा पोःङ्मा, तुम्म्याहाङ् पोःङ्मा लाॽरुसिबा, इङ्धाःङ्साबा, निङ्वाॽ हाङ्गे़म्सिङ् के़जोःक्पा पोःङ्मा, से़क्खाबा नसाःन् के़गप्पा, वेॽहाॽ लुङ्माॽ के़दुक्पा हे़क्क्याङ् नासि के़धःप्पा पोःङ्मा पोःङ् मे़त्ते़से़ॽओ॥
1 Peter 1:14 in Limbu 14 निङ्वाॽफुमाङ्ङिल्ले़ इङ्जाःङ् के़इःप्पा के़नाःप्पा कुस्साः के़बोःक्खिबाल्ले़ चोगुल्ले़ तगि मे़न्निए मे़ल्ले़ए के़वयिल्ले़ के़जोगुम्बा फे़न् याःम्बक् चोःक्मा निङ्वाॽओ याम्मो मे़बत्छे़म्मिन्ने़ॽओ॥
1 Peter 2:9 in Limbu 9 कर खिनिॽग निङ्वाॽफुमाङ्ङिल्ले़ के़सेगिबा मना, हाङ् निङ्वाॽफुसाम्बा, सेसे सुवाङ् हे़क्क्याङ् निङ्वाॽफुमाङ्ङिल्ले़ कुमनानिङ्लो॥ खिनिॽग निङ्वाॽफुमाङ्ङिल्ले़ चोगुबा निङ्वाॽ के़माबा याःम्बक्हाॽ इङ्गे़भोःसुम्ल फाॽआङ् माक्चिगे़न् खादाम्मोलाम् निङ्वाॽ के़माबा से़न्दाङ्गे़न् ओःत्तिओ खिनिॽ के़उःत्तिआङ् के़वयिॽरो॥
1 Peter 4:2 in Limbu 2 हे़क्केःल्ले़ खे़न् हिङ्ल थारिक् मनाहाॽरे़ मे़इःत्तुबा फे़न् निङ्वाॽ कुइसिःक् मे़ःन्, कर निङ्वाॽफुमाङ्ङिल्ले़ कुनिङ्वाॽ कुइसिःक् हिङ्लो॥
2 Peter 1:5 in Limbu 5 खे़ल्ले़ चोगुल्ले़ खिनिॽ नसाःन्नो कुनो-कुदा योॽमा खिनिॽ सुक्सुक् तम्सिन् चोगे़म्मे़ॽ, हे़क्क्याङ् कुनो-कुदाओ साम्जिक्किन् योॽरे़म्मे़ॽ,
Revelation 2:5 in Limbu 5 खे़ने़ॽ तगि मिःम्जि के़मे़त्ताङ्बा मिःम्जिलाम् आक्खे़म्म्याक् माःङ्घा के़बोःक्खे़आङ् के़वाॽ खे़न् पाःन्निन् निङ्वाॽ इःत्ते़ॽ॥ खे़ने़ॽ लायोलाम् हिन्दे़ॽआङ् तगि के़जोगुबा हे़क्केए चोगे़ॽओ॥ खे़ने़ॽ के़लायोओनु के़न्नुःङ्ने़न्ने़ फाॽग्र इङ्गाॽ खे़ने़ॽओ ताआ हे़क्क्याङ् के़सेमियुङ्दे़न्निन् कुयुङ्दे़न्नोलाम् खे़त्तुङ्देःसुङ्लो॥
Revelation 2:21 in Limbu 21 इङ्गाॽ खे़न्निन् कुलायोलाम् हिन्ल फाॽआङ् ये़म् पिरुङ् कर खे़न् याम्बोःप्मा कुयाःम्बक्कोलाम् हिम्मा मे़दे़न्ने़न्लो॥
Revelation 3:3 in Limbu 3 खे़ने़ॽ के़घे़प्सुबा नु के़हुॽसिङ्बा पाःन्निन् नुःरिक्काङ् इःत्ते़ॽ॥ हे़क्क्याङ् खे़न् ते़न्दिङ् चोगे़ॽआङ् के़लायोलाम् हिन्दे़ॽओ॥ कर के़म्बोःक्ने़न्ने़ फाॽग्र के़घुःम्बान् सुल्लि ताबा कुइसिःक् इङ्गाॽ खे़ने़ॽओ ताआरो, हे़क्क्याङ्ताःआबा ये़म्मिन्खे़ने़ॽ के़न्निःसुन्॥
Revelation 16:11 in Limbu 11 हे़क्क्याङ् खे़ङ्हाॽरे़ खुनिॽ याङ्घेःक्हाॽ साॽरिक् तुगे़बाल्ले़ चोगुल्ले़ साङ्ग्राम्पेदाङ्बा निङ्वाॽफुमाङ्ङिन् साङ्ग्रा मे़मे़त्तुरो॥ आल्लसाङ् खे़ङ्हाॽ खुनिॽ फे़न् याःम्बक्कोनु मे़न्हिन्दे़न्लो॥