1 Corinthians 2:14 in Limbu 14 नसाःन् मे़न्जोःक्मनाबा मनाःल्ले़ निङ्वाॽफुमाङ्ङिल्ले़ कुसेसेमाङ्लाम् के़दाःबा पाःन्हाॽ मे़दाःक्तुन्लो॥ खे़ङ्हाॽग खुने़ॽ कुलागि अदङ् पाःन् पोःङ्ङाङ् कुसिङ्निःप्मा मे़सुक्तुन्लो, थेआङ्भे़ल्ले़ याम्साम्गे़न् पाःन्हाॽग सेसेमाङ्लाम्रक्कुसिङ्निःप्मा सुक्ते़त्लो॥
Other Translations King James Version (KJV) But the natural man receiveth not the things of the Spirit of God: for they are foolishness unto him: neither can he know them, because they are spiritually discerned.
American Standard Version (ASV) Now the natural man receiveth not the things of the Spirit of God: for they are foolishness unto him; and he cannot know them, because they are spiritually judged.
Bible in Basic English (BBE) For the natural man is not able to take in the things of the Spirit of God: for they seem foolish to him, and he is not able to have knowledge of them, because such knowledge comes only through the Spirit.
Darby English Bible (DBY) But [the] natural man does not receive the things of the Spirit of God, for they are folly to him; and he cannot know [them] because they are spiritually discerned;
World English Bible (WEB) Now the natural man doesn't receive the things of God's Spirit, for they are foolishness to him, and he can't know them, because they are spiritually discerned.
Young's Literal Translation (YLT) and the natural man doth not receive the things of the Spirit of God, for to him they are foolishness, and he is not able to know `them', because spiritually they are discerned;
Cross Reference Matthew 13:11 in Limbu 11 ये़सुरे़ खे़ङ्हाॽ नोगप् पिरुसि, “थेआङ्भे़ल्ले़ साङ्ग्राम्पेदाङ्बा हाङ्जुम्मिल्ले़न् सिगाङ्बा पाःन्हाॽ खिनिॽरक् कुसिङ्निःप्मा के़घोःसुम्माङ् के़वयिॽरो, कर खे़ङ्हाॽरे़ग मे़ङ्घोए मे़वाॽरो॥
Matthew 16:23 in Limbu 23 ये़सुःन् पत्रुस ले़प्माङ् हिसिङ्ङाङ् मे़त्तु, “माफे़न्साम्मे, खे़ने़ॽ इङ्गाॽलाम् माःङ्घा पेगे़ॽ! खे़ने़ॽ के़घःआरो॥ खे़ने़ॽग निङ्वाॽफुमाङ् कुइसिःक् मे़ःन्, कर मे़न्छाम् याप्मि कुइसिःक्लक् निङ्वाॽ के़इःत्तुॽरो॥”
John 3:3 in Limbu 3 ये़सुरे़ खे़न् मे़त्तु, “इङ्गाॽ से़क्खाए मे़त्ने़ॽ, याम्मो सामे़न्वाःन्छिङ्ङे थारिक् आत्तिल्ले़आङ् निङ्वाॽफुहाङ्जुम्मिन् निःमा मे़सुक्तुन्लो॥”
John 5:44 in Limbu 44 खिनिॽ आबाङे मिङ्सो इङ्धाःङ् के़बिआसि, कर थिक्लक् निङ्वाॽफुमाङ्लाम् के़दाःबा मिङ्सो इङ्धाःङ्ङिङ्ग के़ङ्गोःत्तुम्मिन्, हे़क्केःल्ले़ आक्खेलॽरिक् खिनिॽ याप्मि नसाःन् चोःक्मा के़सुक्तिबे?”
John 6:44 in Limbu 44 थेआङ्भे़ल्ले़ इङ्गाॽ याप्मि के़बाङ्बा पानुदिङ् पाःल्ले़ मनाहाॽ इङ्गाॽओ ताःमा निङ्वाॽ मे़बिरुन्सिन्ल थारिक् आत्तिन्नाङ् इङ्गाॽओ ताःमा मे़न्छुक्ने़न्लो॥ खे़ङ्हाॽ मे़दाने़ फाॽग्र इङ्गाॽ कुनुप्मा ये़न्नो कुहिङ्वे़त् चोगुङ्सिङ्लो॥
John 8:43 in Limbu 43 इङ्गाॽ पाःत्तुङ्बा पाःन्निन् थेआङ् कुसिङ् के़न्निःत्तुम्मिम्बाबे? थेआङ्भे़ल्ले़ इङ्गाॽ आबाःन्जाक्किन् खे़म्मा के़न्छुक्तुम्मिन्लो॥
John 8:51 in Limbu 51 इङ्गाॽ से़क्खाए मे़त्निङ्, आत्तिल्ले़ आनिसाम्मिन् इःत्तु नाःत्तुॽ, खे़न् आप्फाल्ले़आङ् मे़सिःने़न्लो॥”
John 10:20 in Limbu 20 यरिक्ले़ अक्खे मे़बाःत्तु, “कङ्ग से़क्खासाङ् फे़न्साम्मिल्ले़ युक्तुआङ् नाक्खे़ पेआङ् वाॽरो! अक्तङ्बा मनाःल्ले़ कुबाःन्निन् थेआङ् खे़म्माबे?”
John 10:26 in Limbu 26 कर खिनिॽ नसाःन् के़न्जोगुम्मिन्लो थेआङ्भे़ल्ले़ खिनिॽग आमे़ल्लुक् मे़ःन्निङ्लो॥
John 12:37 in Limbu 37 ये़सुरे़ यरिक् मनाहाॽरे़ खुनिॽ तगि कम्म्याक् यरिक् निङ्वाॽ के़माबा मिक्सेःन्हाॽ चोगुसाङ् खे़ङ्हाॽरे़ खुने़ॽ नसाःन् मे़न्जोगुन्लो॥
John 14:26 in Limbu 26 कर पानुदिङ् पाःल्ले़ आमिङ्ङो पाङ्मा इःत्तुबा कुभाॽ के़बिबा सेसेमाङ्ङिल्ले़ काक् पाःन्हाॽ के़हुॽरिआङ् इङ्गाॽ मे़त्निङ्बा पाःन्हाॽ निङ्वाॽसोओ तारु के़बिरिॽरो॥
John 15:26 in Limbu 26 आल्ल पानुदिङ् पाःलाम् कुभाॽ के़बिबा सेसेमाङ्ङिन् खिनिॽओ पाङ्घुङ्लो॥ खुने़ॽग पानुदिङ् पाःलाम्बा के़युःबा से़क्खाओ लाम्गे़लोःबा सेसेमाङ्लो, खुने़ॽए इङ्गाॽ आयाःम्बेओ तोःन्दि के़बिरिॽरो॥
John 16:8 in Limbu 8 खुने़ॽ युःआङ् इक्सादिङ् खाम्बेःक्मोबा मे़न्छाम्गे़न् याप्मिहाॽरे़ खुनिॽ लायोरे़ कुयाःम्बेओ, निङ्वाॽफुमाङ्ङिल्ले़ कुसाम्योनिमान् हे़क्क्याङ् कुघासे़न्निल्ले़ कुयाःम्बेओ पिर्बेःन् मे़इःत्तुबा पाःन्निन् ओसेःन्धाक्तुसिॽरो॥
Acts 16:14 in Limbu 14 खे़प्मो सुनाइङ् के़घे़म्माहाॽओ लिदिया मे़प्मनामा थियातिरा ये़क्यक्कोस्मा परान्ला तेःत् ले़ङ्हङ् के़जोःक्माधिक् वये़॥ हे़क्क्याङ् खे़न् निङ्वाॽफुमाङ्ङिन् सेवा के़जोःक्मा थिम्मे़न्दङ् सुवाङ्स्मा वये़॥ पावलरे़ पाःत्तुबा पाःन्निन् कुसिङ् निःत्तुआङ् नसाःन् चोगुर फाॽआङ् दाङ्बाल्ले़ कुनिङ्वाॽइन्हन्दु पिरु॥
Acts 17:18 in Limbu 18 खे़प्मो एपिक्युरि नु स्तोकि सिक्साम्बाहाॽआङ् खुने़ॽनु पाःन् मे़धक्ते़रो॥ कुभा अक्खे मे़मे़त्छिङ्, “कन् अॽअबाल्ले़ थे़माःन् पाःत्तुबे?” वेॽहाॽरे़ अक्खे मे़मे़त्तु, “कल्ले़ग कुसङ् वेॽ साम्माङ्ज्याङ् नु माङ्पाःन् चे़क्खु पाःत्तुबा हे़क्के लॽरो॥” पावलरे़ ये़सुःन्नु सिःमे़न्लाम् याम्मो हिङ्मारे़ कुयाःम्बेओ इङ्भन् चोगुबाल्ले़ खे़ङ्हाॽरे़ अक्खे मे़बाःत्तुबारो॥
Acts 17:32 in Limbu 32 पावलरे़ सिःमे़न्लाम् याम्मो हिङ्माल्ले़न्पाःन् पाःत्तुबा मे़घे़प्सुआङ् कुभारे़ खुने़ॽ किनाःन्दि मे़बिरुसाङ् वेॽहाॽरे़ अक्खे मे़मे़त्तु, “आनिगे़ के़बाःत्तुबा कन् पाःन्निन् याम्मोआङ् खे़म्मा सिराॽ थाङे़आङ् वाॽरो॥”
Acts 18:15 in Limbu 15 कर कन् पाःन्निन् खिनिॽ साम्योथिम्मोबा मिङ्हाॽ, सुत्लाहाॽ नु थिम्मिल्ले़न्लक् वाॽबाल्ले़ चोगुल्ले़ कङ्ग खिनिॽ आबाङे तङ्घे़म्मे़ॽओ॥ इङ्गाॽग कन् पाःन्हाॽ खासे़न् मे़लोःन्नान्लो॥”
Acts 25:19 in Limbu 19 कर कुआप्तिक्किङ्ग आबाङे खुनिॽ साम्योथिम्मिल्ले़ निङ्वाॽ मे़न्दङ् पाःन्धङ्हाॽ नु के़सिःबाआङ् के़बेःक्पा ये़सु मे़प्मनाबा मनाःल्ले़ कुयाःम्बेओरक् वये़रो॥ खे़न् आल्लोआङ् कुहिङ्वे़त् वाॽ लॽरिक् पावले़न् चक्मे़ल्लॽए हादिङ् थक्ते़रो॥
Acts 26:24 in Limbu 24 अक्खेलॽरिक् पावलरे़ नाङ्सिङ्मा पाःन्निन् पाःत्तुर पत्छे़ल्ले़ सुहाङ्गे़म्बा फे़स्तसरे़ फे़ःक्तु, “पावलए, खे़ने़ॽग के़नाक्खे़ के़बेरो! खे़ने़ॽग यरिक् निसाम्मिल्ले़ के़नाक्खे़ के़बेरो॥”
Romans 8:5 in Limbu 5 लायोबा सुत्नाःल्ले़ निङ्वाॽ चोगुबा कुइसिःक् के़हिङ्बाहाॽरे़ग खे़न् सुत्नाःल्ले़ कुनिङ्वाॽ ताःमाओए निङ्वाॽ मे़बिरुॽ, कर सेसेमाङ्ङिल्ले़ पाःत्तुबा कुइसिःक् के़हिङ्बाहाॽरे़ग सेसेमाङ्ङिल्ले़ कुनिङ्वाॽ ताःमाओए निङ्वाॽ मे़बिरुॽरो॥
1 Corinthians 1:18 in Limbu 18 सिलाम्साक्मा सिङ्ङिल्ले़न् सुनाइङ्ङिङ्ग के़मे़क्पार के़बेःक्पाहाॽरे़ खुनिॽ लागि अदङ् पाःन्लो, कर आनिॽ से़न्लप् के़घोःबार के़बप्पाहाॽरे़ लागिग निङ्वाॽफुमाङ्ङिल्ले़ कुमुक्साम्लो॥
1 Corinthians 1:23 in Limbu 23 कर आनिगे़ग सिलाम्साक्मा सिङ्सम्दाङ् मे़भोःन्दुबा ख्रिस्ते़न्ने इङ्भोःसुम्बे़रो॥ खे़ङ्ग यहुदिहाॽरे़ लागि आघघबा पाःन् नु थिम्मे़न्दङ् सुवाङ्हाॽरे़ लागि अदङ् पाःन्लो,
1 Corinthians 2:12 in Limbu 12 आनिॽग कन् इक्सादिङ् खाम्बेःक्मोबा साम्मिन् मे़ङ्घोए आवाॽरो, कर निङ्वाॽफुमाङ्ङिल्ले़ हाबा आबिरे़बा काक् पाःन्हाॽ कुसिङ्निःप्मा आसुक्तुम्ल फाॽआङ् खुने़ॽलाम्बाए सेसेमाङ्ङिन् आघोःसुम्माङ् वाॽरो॥
1 Corinthians 15:44 in Limbu 44 नासिङ्गे़न् थक्किन् लुप्, हे़क्क्याङ् याम्साम्गे़न् थक्किन् हिङ्लो॥ नासिङ्गे़न् थक् वाॽबा हे़क्केए याम्साम्गे़न् थक्किन्नाङ् वाॽरो॥
1 Corinthians 15:46 in Limbu 46 के़रे़क्नुःल्ले़ तगि नासिङ्गे़न् थक्किन् ताः, हे़क्क्याङ्लक् याम्साम्गे़न् थक्किन् ताःरो॥
2 Corinthians 4:4 in Limbu 4 कन् इक्सादिङ् खाम्बेःक्मोबा माङ् माफे़न्साम्मिल्ले़ए नसाःन् मे़न्जोःक्मनाबाहाॽरे़ खुनिॽ निङ्वाॽइन्फे़त्लाःन्दु पिरुसिबाल्ले़ चोगुल्ले़ खे़ङ्हाॽरे़ ख्रिस्तरे़ कुमिमिदिङ्गे़न् सुनाइङ्ङिल्ले़न् ओःत्तिःन् निःमा मे़न्छुक्तुन्॥ ख्रिस्ते़ङ्ग निङ्वाॽफुमाङ्ङिल्ले़ कुइःत्लो॥
James 3:15 in Limbu 15 अक्तङ्बा “सिक्कुम्दिङ् निङ्वाॽइङ्ग” थाःङ् साङ्ग्राम्पेदाङ्लाम् मे़ःन्, कर इक्साबा नु याम्निङ्वाॽबा चोःक्, हे़क्क्याङ् खे़ङ्ग माफे़न्साम्लाम् ताःरो॥
1 John 2:20 in Limbu 20 कर खिनिॽग सेसेबा ख्रिस्तरे़ सेसेमाङ् के़बिरिआङ् वाॽ, हे़क्क्याङ् खिनिॽ के़रे़क्ले़ से़क्खाःन् कुसिङ् के़निःत्तुम्लो॥
1 John 2:27 in Limbu 27 कर खिनिॽओग ख्रिस्तरे़ के़बिरिबा सेसेमाङ्ङिल्ले़न् माङ्धुक्नाःन् वाॽ याःक्लो॥ हे़क्क्याङ् खिनिॽ के़हुॽबा हाःत्ताङ् चाहाबा के़न्जोगिन्, कर सेसेमाङ्ङिल्ले़ के़रे़क् पाःन्निल्ले़ कुयाःम्बेओ के़हुॽरिॽ॥ खे़न् के़हुॽरिबा पाःन्निङ्ग इङ्ले़क् मे़ःन्लो, कर से़क्खाएरो॥ हे़क्केःल्ले़ सेसेमाङ्ङिल्ले़ के़हुॽरिबा निसाम्मिन् इःत्ते़म् नाःत्ते़म्मे़ॽआङ् ख्रिस्ते़न्मे़ल्ले़त्ते वये़म्मे़ॽओ॥
1 John 5:20 in Limbu 20 निङ्वाॽफुसाःन् ये़आङ् वाॽ फाॽआङ् कुसिङ् आनिःत्तुम्, हे़क्क्याङ् से़क्खाबा निङ्वाॽफुमाङ्ङिन् कुसिङ् आनिःत्तुम्ल फाॽआङ् सिक्कुम्दिङ् निङ्वाॽ आबिरे़आङ् आवाॽरो॥ हे़क्क्याङ् आल्लो आनिॽ से़क्खाबा निङ्वाॽफुमाङ्ङिन्नु हे़क्क्याङ् आबुगे़न् कुस्साः ये़सु ख्रिस्ते़न्नु सोरिक् आवाॽरो॥ खुने़ॽए से़क्खाबा निङ्वाॽफुमाङ् नु मे़न्नुप्मनाबा हिङ्मन्लो॥
Jude 1:19 in Limbu 19 बा कन् मनाहाॽरे़ए खिनिॽ लुम्मो खे़माॽ मे़भोःक्खुआङ् के़म्से़न्दिॽरो॥ खे़न् सेसेमाङ् मे़ःन्नेबा मनाहाॽरे़ कन् हिङ्मन्नोबा याम्निङ्वाॽ पाःन्हाॽओरक् निङ्वाॽ मे़बिरुॽ,