Romans 6:21 in Ixil 21 Pet tuk unchꞌoti sete, ¿kam umaj ichaꞌxal qꞌi kat taqꞌ u vaꞌlexheꞌ sete? As tul aal kuxh nechꞌixvu veꞌt staꞌn cheel, tan aꞌeꞌ laik eqꞌon ex tu u kamchileꞌ.
Other Translations King James Version (KJV) What fruit had ye then in those things whereof ye are now ashamed? for the end of those things is death.
American Standard Version (ASV) What fruit then had ye at that time in the things whereof ye are now ashamed? for the end of those things is death.
Bible in Basic English (BBE) What fruit had you at that time in the things which are now a shame to you? for the end of such things is death.
Darby English Bible (DBY) What fruit therefore had ye *then* in the things of which ye are *now* ashamed? for the end of *them* [is] death.
World English Bible (WEB) What fruit then did you have at that time in the things of which you are now ashamed? For the end of those things is death.
Young's Literal Translation (YLT) what fruit, therefore, were ye having then, in the things of which ye are now ashamed? for the end of those `is' death.
Cross Reference Luke 15:17 in Ixil 17 As qꞌoon titzꞌa veꞌt jeꞌ naj uvaꞌ nik ipalebꞌe naj kꞌaxkꞌo. As ech tal veꞌt jeꞌ naj ileꞌ ste: «Koꞌlekoleꞌ unqꞌa aqꞌonvileꞌ at xeꞌ aak unbꞌaaleꞌ. As noonaj kuxh chajnajeꞌ. As tul il in ilaꞌ tuk kamoj in taꞌn vaꞌy.
Romans 1:32 in Ixil 32 As ootzimal taꞌn unqꞌa tenameꞌ uvaꞌ ni tal u Tiixheꞌ uvaꞌ abꞌil uvaꞌ aꞌ kuxh u vaꞌlexheꞌ nibꞌaneꞌ, as tetz chiteꞌ uvaꞌ la kami tiꞌ u vaꞌlexheꞌ uveꞌ nibꞌaneꞌ. As yeꞌ niyaꞌsa ibꞌanat u vaꞌlexheꞌ. As achaꞌv chit ste tul nibꞌan vimooleꞌ u vaꞌlexheꞌ unpajte.
Romans 6:23 in Ixil 23 As aꞌ iqꞌaaqꞌal u paaveꞌ u kamchileꞌ. Pet ech koj u oyeꞌ uveꞌ ni taqꞌ u Tiixheꞌ sqe taꞌn vibꞌaꞌnil u Kubꞌaal Jesucristo, tan aꞌeꞌ u kutiichajileꞌ kꞌatz Aak uvaꞌ yeꞌl veꞌt iyaꞌtebꞌal.
Romans 7:5 in Ixil 5 As tul uvaꞌ eqꞌomaliktel vitxumbꞌal u kuchiꞌoleꞌ sqaꞌn, as aꞌ kat kubꞌan unqꞌa tachaꞌv u kuchiꞌoleꞌ uvaꞌ niyaan u tzaqꞌiteꞌ stiꞌ. As aꞌ u tachaꞌv u kuchiꞌoleꞌ kat eqꞌon veꞌt oꞌ tiꞌ kubꞌanat u vaꞌlexheꞌ uvaꞌ laik eqꞌon oꞌ tu u kamchileꞌ.
Romans 8:6 in Ixil 6 Pet asoj aꞌ kuxh la qoksakat qaama tiꞌ inimal u tachaꞌv u kuchiꞌoleꞌ, as aꞌ la teqꞌokat oꞌ tu u kamchileꞌ. Pet asoj aꞌ la qoksakat qaama tiꞌ inimal vitxumbꞌal u Tiixhla Espíritu, as at veꞌt kutiichajil kꞌatz Aak as bꞌaꞌn veꞌt qatineꞌ tukꞌ u Tiixheꞌ.
Romans 8:13 in Ixil 13 tan asoj la kunima u tachaꞌv u kuchiꞌoleꞌ, as kamnalu veꞌt u qaanxelaleꞌ vatz u Tiixheꞌ. Pet asoj taꞌn vibꞌaꞌnil u Tiixhla Espíritu la qeesakat el u vaꞌlexhla txumbꞌaleꞌ tetz u tachaꞌv u kuchiꞌoleꞌ, as at veꞌt itiichajil u qaanxelaleꞌ la ibꞌaneꞌ.
2 Corinthians 7:11 in Ixil 11 As kat pal ex stuul uvaꞌ kam ibꞌaꞌnil u txumuneꞌ uvaꞌ kat ibꞌan veꞌt sete taꞌn u Tiixheꞌ, tan aal kat ok veꞌt ex ilil tiꞌ elochat in, tan kat txumun veꞌt ex as kat chꞌixvu veꞌt ex taꞌn u vaꞌlexheꞌ uveꞌ nik ebꞌaneꞌ. As kat ejaj veꞌt sotzbꞌal epaav, as ayaꞌl chit veꞌt ekꞌuꞌl nesaꞌ uvaꞌ vatzul veꞌt oꞌ setukꞌ la ibꞌaneꞌ. Tan kat xoꞌv veꞌt ex taꞌn u yoleꞌ uvaꞌ kat untzꞌibꞌa bꞌen sete. As kat ekꞌucha uvaꞌ yeꞌl etaama netoksa tiꞌ u vaꞌlexheꞌ.
Galatians 6:7 in Ixil 7 As palojtaj ex stuul, tan yeꞌ la uch emaxtibꞌet u Tiixheꞌ tukꞌ uveꞌ nebꞌaneꞌ. Tan ech la ebꞌaneꞌ echeꞌ umaj naj uvaꞌ ni taveꞌ, tan kam uvaꞌ la tava naj, as aꞌeꞌ la til naj ivatz.
Philippians 3:19 in Ixil 19 Tan aꞌ kuxh ni toksakat taama tiꞌ ibꞌanataꞌ kam uvaꞌ ni tachva vichiꞌoleꞌ. As ni toksa jeꞌ iqꞌii tiꞌ ibꞌanat unqꞌa veeꞌ uvaꞌ chꞌixubꞌal chittuꞌ. Pet alel veꞌt kan stiꞌ uvaꞌ la bꞌen tu u kꞌaxkꞌoeꞌ, tan aꞌ kuxh unqꞌa vatz txꞌavaꞌilla txumbꞌaleꞌ ni titzꞌa.
Hebrews 6:8 in Ixil 8 Asoj aꞌ kuxh unqꞌa chꞌiꞌxeꞌ la chꞌii tu u txꞌavaꞌeꞌ tukꞌ unqꞌa tzeꞌeꞌ uvaꞌ at ichꞌiꞌxil, as yeꞌl itxaꞌkeꞌ. As at veꞌt tzan u kꞌaxkꞌoeꞌ tiꞌ u txꞌavaꞌeꞌ, tan la tzꞌeꞌsal veꞌt unqꞌa chꞌiꞌxeꞌ skajayil.
Hebrews 10:29 in Ixil 29 Pet nim chiteꞌ u kꞌaxkꞌoeꞌ la ul tiꞌ unqꞌa uxhchileꞌ uvaꞌ ni ixvan viKꞌaol u Tiixheꞌ tiꞌ uvaꞌ kat ul tiꞌ unqꞌa tenameꞌ uvaꞌ naꞌytzan, tan antu veꞌt viKꞌaol u Tiixheꞌ ni tixva u uxhchileꞌ. As nikꞌuch u uxhchileꞌ tukꞌ vitxumbꞌaleꞌ uvaꞌ yeꞌl itxaꞌk vikajal viKꞌaol u Tiixheꞌ uvaꞌ kat kꞌujbꞌaꞌn kan u akꞌ tzaqꞌiteꞌ tiꞌ toksal unqꞌa uxhchileꞌ jikla aamail. Techal la ul u kꞌaxkꞌoeꞌ tiꞌ u uxhchileꞌ, tan niyoqꞌon tiꞌ u Tiixhla Espíritu uvaꞌ ni aqꞌon vibꞌaꞌnil u Tiixheꞌ stiꞌ.
James 1:15 in Ixil 15 tan aꞌ nicheekat u paaveꞌ taꞌn unqꞌa tachaꞌv u kuchiꞌoleꞌ. As tul uvaꞌ maꞌt ichian u paaveꞌ sqe, as la teqꞌo veꞌt oꞌ tu u kamchileꞌ.
James 5:20 in Ixil 20 as la pal ex stuul uvaꞌ abꞌil uvaꞌ la bꞌeyan sete uvaꞌ ex aapaav, as jit kuxh tiꞌ ekolax vatz u kamchileꞌ. Pet nimal vepaaveꞌ la sotz veꞌteꞌ.
1 Peter 4:17 in Ixil 17 As ni val sete uvaꞌ yeꞌ la sotz ekꞌuꞌl tiꞌ epalebꞌet unqꞌa kꞌaxkꞌoeꞌ tiꞌ eyakꞌinsaleꞌ, tan kat ilejlu veꞌt u qꞌiieꞌ uvaꞌ la xeꞌt u Tiixheꞌ tiꞌ ibꞌanat kusuuchil, oꞌ uvaꞌ oꞌ itenam Aak. Asoj ech la ibꞌan Aakeꞌ sqe as tul oꞌ itenam Aak, ¿as aꞌ kol yeꞌ la ibꞌan Aak qꞌa te unqꞌa uxhchileꞌ uvaꞌ yeꞌ ni niman u bꞌaꞌnla yoleꞌ uvaꞌ ni tal Aak?
1 John 2:28 in Ixil 28 As tuk val sete, vitzꞌin vatzik uvaꞌ xoꞌn chit ex sve, kuchabꞌata qatin kꞌatz u Jesúseꞌ, aqꞌal uvaꞌ yeꞌ la xoꞌv oꞌ tul la ul Aak vatz u txꞌavaꞌeꞌ unpajte. As yeꞌ la qeesa el qibꞌ kꞌatz Aak taꞌn chꞌixvichil,
Revelation 16:6 in Ixil 6 Tan aꞌ unqꞌa tenameꞌ kat yatzꞌon unqꞌa qꞌajsan tetz vayoleꞌ as tukꞌ unjoltu unqꞌa tenameꞌ uvaꞌ ni niman axh. As tul kat yatzꞌpi, as kat motxik el ikajal. As cheel, Kubꞌaal, as kat aaqꞌlu veꞌt ichꞌexel te unqꞌa uxhchileꞌ uvaꞌ kat yatzꞌon vatenameꞌ, tan kaj la tukꞌa veꞌteꞌ aꞌn. ¡As taal chiteꞌ ste! tiꞌk veꞌt u ángeleꞌ.
Revelation 20:14 in Ixil 14 As cheel tiꞌ ibꞌeneꞌ as yeꞌxhebꞌil la kam veꞌteꞌ, as u atinbꞌaleꞌ uvaꞌ atkat unqꞌa kamnajeꞌ, as kat sutil veꞌt bꞌen tu u nimla xamaleꞌ uvaꞌ echeꞌ naabꞌ. As aꞌ veꞌt u kaꞌv kamchileꞌ.