Matthew 7:15 in Ixil 15 Estiꞌeꞌ ni val sete, atoj chit enachbꞌal vatz unqꞌa chulin yoleꞌ uvaꞌ nu kuxh ibꞌensa tibꞌ qꞌajsan tetz viyol u Tiixheꞌ. As ech tilon vitxumbꞌaleꞌ echeꞌ umaꞌl u bꞌaꞌnla kaneeroꞌ. Pet ech koj u taanxelaleꞌ, tan echeꞌ umaꞌl u xoꞌ tiꞌ ichiꞌat ex.
Other Translations King James Version (KJV) Beware of false prophets, which come to you in sheep's clothing, but inwardly they are ravening wolves.
American Standard Version (ASV) Beware of false prophets, who come to you in sheep's clothing, but inwardly are ravening wolves.
Bible in Basic English (BBE) Be on the watch for false prophets, who come to you in sheep's clothing, but inside they are cruel wolves.
Darby English Bible (DBY) But beware of false prophets, which come to you in sheep's clothing, but within are ravening wolves.
World English Bible (WEB) "Beware of false prophets, who come to you in sheep's clothing, but inwardly are ravening wolves.
Young's Literal Translation (YLT) `But, take heed of the false prophets, who come unto you in sheep's clothing, and inwardly are ravening wolves.
Cross Reference Matthew 10:17 in Ixil 17 As atoj enachbꞌal vatz unqꞌa uxhchileꞌ, tan la eqꞌol ok ex vatz unqꞌa bꞌanol tetz isuuchil unqꞌa tenameꞌ. As la qꞌospu veꞌt ex tulaj unqꞌa atinbꞌaleꞌ tetz nachbꞌal Tiixh.
Matthew 16:6 in Ixil 6 As ech tal veꞌt u Jesús ileꞌ: —Tuk val sete, atoj enachbꞌal vatz vilevadura unqꞌa fariseo tukꞌ unqꞌa saduceo,— tiꞌk Aak.
Matthew 16:11 in Ixil 11 ¿Kam qꞌi uvaꞌ yeꞌ nepal tu vunyoleꞌ? Tan jit u paaneꞌ ni val sete. Pet aꞌeꞌ ni val sete uvaꞌ: «Atoj enachbꞌal vatz vilevadura unqꞌa fariseo tukꞌ unqꞌa saduceo,» chꞌin sete,— tiꞌk u Jesús.
Matthew 24:4 in Ixil 4 Ech tal veꞌt u Jesús ileꞌ: —Atoj chit enachbꞌal vatz unqꞌa chulin yoleꞌ aqꞌal uvaꞌ yeꞌ la maxtibꞌel ex,
Matthew 24:11 in Ixil 11 As nimal unqꞌa uxhchileꞌ la toksa veꞌt tibꞌ qꞌajsan tetz viyol u Tiixheꞌ uveꞌ la taleꞌ. As nimal veꞌt unqꞌa uxhchileꞌ la isotzsa ikꞌuꞌl.
Matthew 24:24 in Ixil 24 Tan at uxhchil la ul alon sete uvaꞌ: «Ineꞌ in Cristo» as moj «Ineꞌ in qꞌajsan tetz viyol u Tiixheꞌ,» chaj la tal sete. As la ibꞌan unqꞌa chulin yoleꞌ tetz echeꞌ unqꞌa kꞌuchbꞌal tetz viyakꞌil u Tiixheꞌ, uvaꞌ la teqꞌo taama unqꞌa tenameꞌ stiꞌ. As la imaxtibꞌe unqꞌa chulin yoleꞌ unqꞌa tenameꞌ. As la koj uchi, as anteꞌ unqꞌa itenam Aakeꞌ uveꞌ txaael taꞌn Aak la maxtibꞌeli.
Mark 12:38 in Ixil 38 As ech tal veꞌt u Jesús ileꞌ tul nik ichusun Aak: —Atoj enachbꞌal vatz unqꞌa uxhchileꞌ uvaꞌ chusel tibꞌ tiꞌ unqꞌa tzaqꞌiteꞌ, tan achaꞌv chit te chajnaj uvaꞌ ni toksa chajnaj unqꞌa bꞌaꞌnla oksaꞌmeꞌ tukꞌ uvaꞌ ni tok iqꞌii chajnaj taꞌn unqꞌa tenameꞌ tu u kꞌayibꞌaleꞌ.
Mark 13:22 in Ixil 22 tan at uxhchil la ul alon sete uvaꞌ: «Ineꞌ in U Cristo» as moj «Ineꞌ in U qꞌajsan tetz viyol u Tiixheꞌ,» chaj la tal sete. As la ikꞌuch unqꞌa kꞌuchbꞌal tetz unqꞌa bꞌaꞌnileꞌ vatz unqꞌa tenameꞌ uvaꞌ la teqꞌo taama unqꞌa tenameꞌ staꞌn tiꞌ imaxtibꞌel unqꞌa tenameꞌ. As la koj uchi, as anteꞌ unqꞌa itenam u Tiixheꞌ uveꞌ txaael veꞌt taꞌn Aak la maxtibꞌeli.
Luke 6:26 in Ixil 26 As ¡oyebꞌ chit evatz tul niyolbꞌe ex unqꞌa uxhchileꞌ skajayil tiꞌ toksal eqꞌii! tan ech kat ulbꞌel unqꞌa qꞌesla ebꞌaaleꞌ tul nikat toksa iqꞌii unqꞌa chulin yoleꞌ uvaꞌ nik toksa tibꞌ qꞌajsan tetz viyol u Tiixheꞌ.
Luke 12:15 in Ixil 15 As ech tal veꞌt u Jesús ileꞌ te unqꞌa tenameꞌ: —Etiltaj jeꞌ etibꞌ. Aꞌiniꞌk kuxh u txꞌiibꞌal qꞌiieꞌ la etoksa etaama stiꞌ, tan jit tiꞌ imolat imaas txꞌiibꞌal qꞌii atkat umaj uxhchil vatz u txꞌavaꞌeꞌ,— tiꞌk u Jesús.
John 10:12 in Ixil 12 Pet ech koj u uxhchileꞌ uvaꞌ chooel tiꞌ ixeep unqꞌa kaneeroꞌeꞌ, tan aꞌ kuxh vijaꞌmileꞌ ni titzꞌa, tan jit tetz unqꞌa kaneeroꞌeꞌ. As tul la til u uxhchileꞌ tul umaj xoꞌ, as la ooj veꞌteꞌ. As la kuxh taqꞌ veꞌt kan u uxhchileꞌ unqꞌa kaneeroꞌeꞌ sijunal vatz u xoꞌeꞌ. As tul la itxey veꞌt u xoꞌeꞌ umaj u kaneeroꞌeꞌ, as la ipaxi veꞌt tibꞌ unqꞌa kaneeroꞌeꞌ skajayil.
Acts 13:6 in Ixil 6 As xaan veꞌt stoj, techal toon tu u tenameꞌ uvaꞌ Pafos uvaꞌ echen jalit el itziꞌ u tal txꞌavaꞌeꞌ. As ilej veꞌt chajnaj umaꞌl u aaqꞌii uvaꞌ tiaal Israel uvaꞌ Barjesús ibꞌii. As nik toksa tibꞌ naj qꞌajsan tetz viyol u Tiixheꞌ, pet chulin yolik naj.
Acts 13:40 in Ixil 40 As atoj enachbꞌal, aqꞌal uvaꞌ yeꞌ la ul setiꞌ echeꞌ uvaꞌ alel kan taꞌn unqꞌa qꞌajsan tetz viyol u Tiixheꞌ, tan ech ni tal ileꞌ:
Acts 20:29 in Ixil 29 Tan vootzajle tul uvaꞌ yeꞌl veꞌt in, as la ul veꞌt kaꞌl unqꞌa uxhchil sexoꞌl uvaꞌ ech vitxumbꞌaleꞌ echeꞌ unqꞌa xoꞌeꞌ tiꞌ iyansal etxumbꞌal. As yeꞌ la yaꞌ veꞌteꞌ tiꞌ teesal unqꞌa qitzꞌin qatzikeꞌ tu bꞌey.
Romans 16:17 in Ixil 17 As nunbꞌeya sete, vitzꞌin vatzik, tiꞌ uvaꞌ la etil unqꞌa uxhchileꞌ uveꞌ ni oksan ixoꞌl unqꞌa qitzꞌin qatzikeꞌ, tan niyansa chajnaj itxumbꞌal. As nijalpu chajnaj isuuchil unqꞌa chusbꞌaleꞌ uveꞌ kat echus sbꞌaxa. As yeꞌ la emolo etibꞌ tukꞌ chajnaj,
2 Corinthians 11:13 in Ixil 13 Pet nu kuxh toksa jeꞌ tibꞌ unqꞌa uxhchileꞌ apóstolil tiꞌ u Cristoeꞌ. As kꞌuxh ni toksa tibꞌ chajnaj lochol etetz, pet nu kuxh ichuli tibꞌ chajnaj tukꞌ u tijleꞌmeꞌ.
Galatians 2:4 in Ixil 4 As kat kubꞌan u nukꞌueꞌ, tan tiꞌ uvaꞌ atik kaꞌl unqꞌa uxhchil xoꞌl unqꞌa qitzꞌin qatzikeꞌ uvaꞌ nik toksa tibꞌ niman tetz u Jesús. As nik ichuk chajnaj txumbꞌal tiꞌ uvaꞌ jit kuxh tiꞌ kukꞌujbꞌaꞌt kukꞌuꞌl tiꞌ u Jesucristo as la sotzsal kupaav. Pet techal la kunima unqꞌa tzaqꞌiteꞌ skajayil uvaꞌ tzꞌibꞌamal kan taꞌn u Moisés. As aꞌn la sotzsal kupaav uvaꞌ nik tal chajnaj.
Ephesians 4:14 in Ixil 14 aqꞌal uvaꞌ jitꞌeꞌch u kutxumbꞌaleꞌ la ibꞌaneꞌ echeꞌ itxumbꞌal umaj talaj intxaꞌ uvaꞌ nu kuxh ijalpu vitxumbꞌaleꞌ. Pet yeꞌ la qaqꞌ qibꞌ maxtibꞌeloj te unqꞌa chulin yoleꞌ uvaꞌ vaꞌlexhla chusbꞌal nichuseꞌ. As jitꞌeꞌch la ibꞌan u kutxumbꞌaleꞌ echeꞌ nibꞌan umaj barco viꞌ u mareꞌ, tan kat kuxh nibꞌenkat u barco taꞌn u kajiqꞌeꞌ.
Ephesians 5:6 in Ixil 6 As etaqꞌak etibꞌ maxtibꞌeloj te unqꞌa uxhchileꞌ uvaꞌ yeꞌl kuxh itxaꞌk viyoleꞌ, tan tiꞌ unqꞌa vaꞌlexhla txumbꞌaleꞌ echeꞌ unqꞌa veeꞌ kat vallu sete, as aꞌ stiꞌeꞌ la ulkat vitxꞌiꞌtziꞌl u Tiixheꞌ tiꞌ unqꞌa uxhchileꞌ uvaꞌ aꞌ kuxh u paasan tziila txumbꞌaleꞌ nibꞌaneꞌ.
Philippians 3:2 in Ixil 2 As la etil etibꞌ vatz unqꞌa uxhchileꞌ uvaꞌ ech vitxumbꞌaleꞌ echeꞌ unqꞌa txꞌiꞌeꞌ, tan aꞌ kuxh u vaꞌlexheꞌ nibꞌaneꞌ tiꞌ talat sete uvaꞌ la tzokꞌax el unbꞌiil vechiꞌoleꞌ.
Colossians 2:8 in Ixil 8 As la chit etil jeꞌ etibꞌ, aqꞌal uvaꞌ yeꞌxhebꞌil la jalpun etxumbꞌal tukꞌ unjoltu unqꞌa chusbꞌaleꞌ uvaꞌ cheesamal kuxh taꞌn unqꞌa uxhchileꞌ uvaꞌ chusel tibꞌ tiꞌ unqꞌa vatz txꞌavaꞌilla txumbꞌaleꞌ, tan jit eela u yoleꞌ uvaꞌ nichuseꞌ tukꞌ u yoleꞌ uvaꞌ abꞌimal setaꞌn tiꞌ u Cristoeꞌ.
1 Timothy 4:1 in Ixil 1 Pet alel kan taꞌn u Tiixhla Espíritu uvaꞌ at uxhchil la ijalpu vitxumbꞌaleꞌ tiꞌ inimat unqꞌa jikla yoleꞌ tu vimoxtebꞌal unqꞌa qꞌiieꞌ. As aꞌeꞌ uvaꞌ at veꞌt oꞌ stuul cheel. Tan ninima veꞌt unqꞌa uxhchileꞌ unqꞌa ichusbꞌal unqꞌa subꞌuleꞌ uvaꞌ la eesan vitxumbꞌaleꞌ tu bꞌey
2 Timothy 3:5 in Ixil 5 As kꞌuxh la ibꞌensa tibꞌ unqꞌa uxhchileꞌ nachol Tiixh, tukꞌ u vaꞌlexheꞌ uvaꞌ la ibꞌaneꞌ as ech ikꞌuchkateꞌ uvaꞌ yeꞌl vitxumbꞌaleꞌ jalpumal taꞌn u Tiixheꞌ. As abꞌil uvaꞌ ech nibꞌaneꞌ as yeꞌ la uch amolot eebꞌ stukꞌ,
2 Timothy 3:13 in Ixil 13 Pet ech koj unqꞌa najeꞌ uveꞌ vaꞌlexh kuxh nibꞌaneꞌ tukꞌ unqꞌa najeꞌ uveꞌ ni maxtibꞌen imool, tan aal kuxh ibꞌen chajnaj tu u paaveꞌ tuk bꞌenoj. As kam chit imaxtibꞌet chajnaj unqꞌa uxhchileꞌ as echat la ulbꞌel chajnaj unpajte.
2 Timothy 4:3 in Ixil 3 tan la ilej veꞌt u qꞌiieꞌ uvaꞌ yeꞌ la isaꞌ veꞌt unqꞌa uxhchileꞌ tabꞌit isuuchil viyol u Tiixheꞌ. Pet la ichuk unqꞌa uxhchileꞌ unjoltoj ichusunaal uvaꞌ la chusun unqꞌa yoleꞌ ste uvaꞌ bꞌaꞌn svatz, tan aꞌ kuxh tachaꞌv u taanxelaleꞌ nibꞌaneꞌ.
2 Peter 2:1 in Ixil 1 As la val sete, vitzꞌin vatzik, tan atik chit unqꞌa uxhchileꞌ uvaꞌ nu kuxh toksa jeꞌ tibꞌ qꞌajsan tetz viyol u Tiixheꞌ xoꞌl unqꞌa itenam Aakeꞌ naꞌytzan. As echat tuk ibꞌan sexoꞌl, tan at unqꞌa uxhchileꞌ uvaꞌ la toksa jeꞌ tibꞌ chusul tetz viyol u Tiixheꞌ. As yeꞌ nachel sete tul la ichus ex tiꞌ unjoltu unqꞌa yoleꞌ uvaꞌ la yansan vetxumbꞌaleꞌ. As yeꞌ la inima veꞌt unqꞌa uxhchileꞌ uvaꞌ kat kam u Kubꞌaal Jesúseꞌ tiꞌ ichooat ipaav unqꞌa uxhchileꞌ. As aꞌ uxhchileꞌ uvaꞌ yeꞌ kuxh nachel ste uvaꞌ la ul u kꞌaxkꞌoeꞌ stiꞌ.
2 Peter 2:18 in Ixil 18 As tul nijeꞌsa tibꞌ unqꞌa chulin yoleꞌ tukꞌ viyoleꞌ uvaꞌ yeꞌl itxaꞌk, as nichuk txumbꞌal tiꞌ imaxtibꞌet unqꞌa uxhchileꞌ uvaꞌ aꞌn oknajle tiꞌ inimat u Tiixheꞌ, tan aꞌ ni tal unqꞌa chulin yoleꞌ uvaꞌ la qꞌaav unqꞌa uxhchileꞌ tiꞌ ibꞌanat u vaꞌlexheꞌ uvaꞌ nisaꞌ vichiꞌoleꞌ, echeꞌ uveꞌ nik ibꞌan bꞌaxa xoꞌl unqꞌa imooleꞌ uvaꞌ aꞌ kuxh u vaꞌlexheꞌ nibꞌaneꞌ.
2 Peter 3:17 in Ixil 17 Vitzꞌin vatzik uvaꞌ xoꞌn ex sve, as ootzimal setaꞌn uvaꞌ at unqꞌa uxhchileꞌ uvaꞌ la maxtibꞌen ex. Atoj chit enachbꞌal, tiꞌ uvaꞌ yeꞌ la enima unqꞌa vaꞌlexhla chusbꞌaleꞌ uvaꞌ ni tal unqꞌa chulin yoleꞌ, tan asoj la enima unqꞌa vaꞌlexhla chusbꞌaleꞌ, as la ibꞌaneꞌ uvaꞌ la kaꞌkabꞌin veꞌt etaama tiꞌ u jikla yoleꞌ.
1 John 4:1 in Ixil 1 Vitzꞌin vatzik uvaꞌ xoꞌn ex sve, as jit kajayil unqꞌa yoleꞌ la enima. Pet lanal pal ex stuul ma aꞌ tzaanajkat u yoleꞌ xeꞌ u Tiixheꞌ moj yeꞌle, tan nimal unqꞌa uxhchileꞌ paxin tibꞌ vatz u txꞌavaꞌeꞌ uvaꞌ nu kuxh toksa tibꞌ qꞌajsan tetz viyol u Tiixheꞌ. As chulin yol kuxhtuꞌ.
Jude 1:4 in Ixil 4 As yeꞌ kat bꞌen sete tul kat ok kaꞌl unqꞌa uxhchil sexoꞌl uvaꞌ eqꞌomal u vaꞌlexhla chusbꞌaleꞌ staꞌn. As aꞌ unqꞌa uxhchileꞌ uvaꞌ tzꞌibꞌamal kan unqꞌa yoleꞌ stiꞌ naꞌytzan uvaꞌ techal la bꞌen tu u kꞌaxkꞌoeꞌ, tan paasan tzii unqꞌa uxhchileꞌ. As ni taleꞌ uvaꞌ at veꞌt vibꞌaꞌnil u Kubꞌaal Tiixheꞌ stiꞌ. Estiꞌeꞌ la uch ibꞌanataꞌ kam uvaꞌ ni tal taama. As aꞌ nikꞌuchkat uvaꞌ ni tixva chajnaj u Tiixheꞌ as tukꞌ u Kubꞌaal Jesucristo uvaꞌ yeꞌxhebꞌil la lejon stiꞌ. As taꞌn Aakeꞌ unchꞌiꞌtil.
Revelation 13:11 in Ixil 11 As vil ijeꞌ veꞌt chꞌuꞌl umaꞌt u txoo tu txꞌavaꞌ. As atik kaꞌvaꞌl tukꞌ txoo, echeꞌ tukꞌ umaj kaneeroꞌ. As ech iyolon u txooeꞌ echeꞌ umaj nimla txꞌiꞌlatxoo.
Revelation 16:13 in Ixil 13 As kat vil veꞌt oxvaꞌl unqꞌa subꞌul uvaꞌ ech tiloneꞌ karat. As umaꞌl nik tel chꞌuꞌl titziꞌ u nimla txꞌiꞌlatxooeꞌ, as umaꞌt nik tel chꞌuꞌl titziꞌ u txooeꞌ uvaꞌ maꞌtik ijeꞌ chꞌuꞌl xeꞌ u mar, as umaꞌte nik tel chꞌuꞌl titziꞌ u uxhchil uvaꞌ ni toksa tibꞌ qꞌajsan tetz viyol u Tiixheꞌ.
Revelation 17:6 in Ixil 6 As kat vil veꞌteꞌ uvaꞌ qꞌabꞌareel u ixojeꞌ, tan maꞌtik tukꞌat ixoj vikajal unqꞌa itenam u Kubꞌaal Tiixheꞌ as tukꞌ unqꞌa tenameꞌ uvaꞌ maꞌtik iyatzꞌpeꞌ uvaꞌ nik niman u Jesús. As tul kat vila, as yak kuxh kat teqꞌo veꞌt vaama staꞌn.
Revelation 19:20 in Ixil 20 As txeypu veꞌt u txooeꞌ uvaꞌ jeꞌ chꞌuꞌl xeꞌ u mar tukꞌ u chulin yolla txooeꞌ uvaꞌ jeꞌ chꞌuꞌl tu txꞌavaꞌ, uvaꞌ maꞌtik ikꞌuchat veꞌt txoo uvaꞌ xoꞌvebꞌal chit unqꞌa kꞌuchbꞌal tetz u tijleꞌm u txooeꞌ uvaꞌ ibꞌana. As maꞌtik imaxtibꞌet txoo unqꞌa uxhchileꞌ uvaꞌ atik veꞌt ok u texhlal umaꞌt u txooeꞌ stiꞌ. As maꞌtik iqaaebꞌ unqꞌa uxhchileꞌ vatz vivatzibꞌal u txooeꞌ. As sutil veꞌt bꞌen txoo skaabꞌil tu u veeꞌ echeꞌ naabꞌ uvaꞌ ni toypukat u nimla xamaleꞌ tukꞌ azufre.