Hebrews 4:12 in Ixil 12 As aꞌ viyol u Tiixheꞌ ni aqꞌon itiichajil u qaanxelaleꞌ. As at pal iyakꞌil tiꞌ tilat u qaanxelaleꞌ tiꞌ u chꞌichꞌeꞌ uvaꞌ kaꞌvaꞌl tee, tan la palik ok viyol Aakeꞌ tu u qaanxelaleꞌ techal toon xeꞌ qaama echeꞌ tok umaj chꞌichꞌ tu kuchiꞌol. As la chukun ibꞌen tu kubꞌajil. As aꞌ viyol Aakeꞌ la pichꞌun kam uvaꞌ ni tal qaama tukꞌ uvaꞌ ni qitzꞌa.
Other Translations King James Version (KJV) For the word of God is quick, and powerful, and sharper than any twoedged sword, piercing even to the dividing asunder of soul and spirit, and of the joints and marrow, and is a discerner of the thoughts and intents of the heart.
American Standard Version (ASV) For the word of God is living, and active, and sharper than any two-edged sword, and piercing even to the dividing of soul and spirit, of both joints and marrow, and quick to discern the thoughts and intents of the heart.
Bible in Basic English (BBE) For the word of God is living and full of power, and is sharper than any two-edged sword, cutting through and making a division even of the soul and the spirit, the bones and the muscles, and quick to see the thoughts and purposes of the heart.
Darby English Bible (DBY) For the word of God [is] living and operative, and sharper than any two-edged sword, and penetrating to [the] division of soul and spirit, both of joints and marrow, and a discerner of the thoughts and intents of [the] heart.
World English Bible (WEB) For the word of God is living, and active, and sharper than any two-edged sword, and piercing even to the dividing of soul and spirit, of both joints and marrow, and is able to discern the thoughts and intentions of the heart.
Young's Literal Translation (YLT) for the reckoning of God is living, and working, and sharp above every two-edged sword, and piercing unto the dividing asunder both of soul and spirit, of joints also and marrow, and a discerner of thoughts and intents of the heart;
Cross Reference Luke 8:11 in Ixil 11 As ech isuuchil u kꞌuchuvatz ileꞌ uveꞌ kat vala: Tan unqꞌa iiaeꞌ uveꞌ kat vala, as aꞌeꞌ viyol u Tiixheꞌ.
John 6:51 in Ixil 51 As in uvaꞌ kat kuꞌ chꞌuꞌl in tu almikaꞌ, as ech ineꞌ echeꞌ u echbꞌubꞌaleꞌ uvaꞌ ni aqꞌon itiichajil unqꞌa uxhchileꞌ. As abꞌil uvaꞌ la echbꞌun u echbꞌubꞌaleꞌ, as at itiichajil uveꞌ yeꞌl iyaꞌtebꞌal. As u echbꞌubꞌaleꞌ uveꞌ la vaqꞌeꞌ, as aꞌ vunchiꞌoleꞌ uvaꞌ la vaqꞌ kamoj tiꞌ unqꞌa tenameꞌ, aqꞌal uvaꞌ at itiichajil uveꞌ yeꞌl iyaꞌtebꞌal,— tiꞌk u Jesús.
Acts 2:37 in Ixil 37 As tul tabꞌi veꞌt unqꞌa tenameꞌ viyol u Luꞌeꞌ, as teqꞌo veꞌt taama skajayil. Ech tal veꞌt ileꞌ te u Luꞌeꞌ tukꞌ te junlavat unqꞌa apóstol: —¿Qitzꞌin qatzik, kam la kubꞌan veꞌt cheel?— tiꞌk unqꞌa tenameꞌ.
Acts 4:31 in Ixil 31 As tul yaꞌ veꞌt unqꞌa niman tetz u Jesús tiꞌ inachat Tiixh, as tiin veꞌt u atinbꞌaleꞌ uvaꞌ molikkat tibꞌ unqꞌa tenameꞌ. As taqꞌ veꞌt u Tiixhla Espíritu itxumbꞌal. As yeꞌ nikat ixoꞌv veꞌt unqꞌa tenameꞌ tiꞌ talat viyol u Tiixheꞌ.
Acts 5:33 in Ixil 33 As tul tabꞌi veꞌt unqꞌa bꞌaal tenameꞌ u yoleꞌ, as txꞌiꞌtziꞌltu veꞌt chajnaj. As tal veꞌt chajnaj ikam unqꞌa apóstol.
Romans 1:16 in Ixil 16 As yeꞌl in nunchꞌixveꞌ tiꞌ valat u bꞌaꞌnla yoleꞌ, tan tukꞌ viyakꞌil u bꞌaꞌnla yoleꞌ niqꞌalpukat u Tiixheꞌ unqꞌa tenameꞌ vatz vipaaveꞌ, as jankꞌal uvaꞌ nikꞌujbꞌaꞌ ikꞌuꞌl tiꞌ Aak. As bꞌaxel kat alpu u bꞌaꞌnla yoleꞌ te unqꞌa tiaal Israel. As aꞌn kat alax veꞌt te unqꞌa tenameꞌ uvaꞌ jit tiaal Israel.
1 Corinthians 1:24 in Ixil 24 Pet ech koj oꞌ, jankꞌal oꞌ uvaꞌ molomal veꞌt oꞌ taꞌn u Tiixheꞌ, kꞌuxh oꞌ tiaal Israel as kꞌuxh jit oꞌ tiaal Israel, tan aꞌ vikamebꞌal u Cristo kꞌuchbꞌal tetz viyakꞌil u Tiixheꞌ. As kꞌuchbꞌal tetz vibꞌaꞌnil vitxumbꞌal Aakeꞌ.
1 Corinthians 14:24 in Ixil 24 Pet asoj jolol chit ex la alon isuuchil viyol u Tiixheꞌ as jit kuxh nim la ok umaj uxhchil sexoꞌl uvaꞌ yeꞌ ni niman Aak uvaꞌ yeꞌ nipal tu viyol Aakeꞌ, as la tzꞌeꞌ tok u yoleꞌ tiviꞌ setaꞌn. As la bꞌen veꞌt ste kam uvaꞌ nibꞌaneꞌ,
2 Corinthians 2:17 in Ixil 17 tan jitꞌeꞌch kupaxsat u bꞌaꞌnla yoleꞌ echeꞌ uveꞌ nibꞌan unjoltu unqꞌa uxhchileꞌ uvaꞌ aꞌ kuxh ni titzꞌa itxꞌakat ipuaj tiꞌ ipaxsal viyol u Tiixheꞌ. Pet jik chit ni qal isuuchil u yoleꞌ vatz u Tiixheꞌ, tan Aakeꞌ kat chajon oꞌ tiꞌ kupaxsataꞌ. As tiꞌ uvaꞌ at veꞌt ok oꞌ kꞌatz u Cristo, as estiꞌeꞌ nu kupaxsa u bꞌaꞌnla yoleꞌ tiꞌ Aak.
2 Corinthians 4:2 in Ixil 2 As kat qitzꞌa uvaꞌ yeꞌ la kubꞌan unqꞌa vaꞌlexhla txumbꞌaleꞌ uveꞌ nu kuxh ijutxil ibꞌancheꞌ uveꞌ chꞌixubꞌal chit talpeꞌ, tan yeꞌxhebꞌil nu kumaxtibꞌe. As yeꞌl isuuchil u bꞌaꞌnla yoleꞌ nu kujalpu vatz u Tiixheꞌ. Pet jik chit ni qal isuuchil. As nu kukꞌuch veꞌt vatz unqꞌa tenameꞌ uveꞌ jik chit u kutxumbꞌaleꞌ nu kubꞌaneꞌ.
2 Corinthians 10:4 in Ixil 4 tan jit eela unqꞌa yoleꞌ uvaꞌ ni valeꞌ tukꞌ unqꞌa yoleꞌ uvaꞌ ni tal unqꞌa uxhchileꞌ uvaꞌ eqꞌomal u vatz txꞌavaꞌilla txumbꞌaleꞌ staꞌn. As at iyakꞌil u yoleꞌ uvaꞌ ni valeꞌ taꞌn u Tiixheꞌ tiꞌ tolebꞌ tiꞌ teesal iqꞌii unqꞌa vaꞌlexhla txumbꞌaleꞌ uveꞌ nibꞌan unqꞌa uxhchileꞌ.
Ephesians 5:13 in Ixil 13 As jankꞌal unqꞌa veeꞌ nijutxi unqꞌa uxhchileꞌ ibꞌanataꞌ, as la chit el chꞌuꞌleꞌ vatz saj, tan aꞌ u sajeꞌ la kꞌuchun el tzan,
Ephesians 6:17 in Ixil 17 As atoj chit sekꞌuꞌl uvaꞌ qꞌalpumal veꞌt ex vatz u paaveꞌ taꞌn u Jesucristo, tan aꞌeꞌ la lochon ex vatz u txꞌiꞌlanajeꞌ echeꞌ umaj chotkin bꞌoobꞌal uvaꞌ at jeꞌ tiviꞌ u soleꞌ tiꞌ ikolat viviꞌeꞌ. As atoj chit viyol u Tiixheꞌ sekꞌuꞌl, tan ech ilochat ex viyol Aakeꞌ echeꞌ umaj chꞌichꞌ uvaꞌ echeꞌ machit uvaꞌ eqꞌomal taꞌn u soleꞌ tiꞌ ibꞌanat chꞌaꞌo.
1 Thessalonians 2:13 in Ixil 13 Estiꞌeꞌ yeꞌl oꞌ nu kukooleꞌ tiꞌ qaqꞌat taꞌntiixh te u Tiixheꞌ setiꞌ. Tan tul uvaꞌ kat etabꞌi u yoleꞌ uvaꞌ kat qal sete, as kat enima uvaꞌ iyol Tiixh kat qal sete. As jit iyol umaj uxhchil kat etabꞌi. Pet jikla yol chit u yoleꞌ sevatz, tan aꞌ viyol u Tiixheꞌ uvaꞌ kat qal sete uvaꞌ ni jalpun vetxumbꞌaleꞌ, jankꞌal ex uvaꞌ ex niman tetz u Jesús.
1 Thessalonians 5:23 in Ixil 23 As aꞌ u Tiixheꞌ ni bꞌanon uvaꞌ bꞌaꞌn etatin sevatzaj, as Aakeꞌ la bꞌensan ex jikla aamail, tukꞌ vechiꞌoleꞌ as tukꞌ vetaanxelaleꞌ. Estiꞌeꞌ yeꞌ la chee umaj vaꞌlexh setiꞌ tul la ul veꞌt u Kubꞌaal Jesucristo,
Hebrews 13:7 in Ixil 7 As la etitzꞌa uvaꞌ kam itxumbꞌal unqꞌa qitzꞌin qatzikeꞌ nik ibꞌan sexoꞌl uveꞌ ni ilon isuuchil vitenam u Tiixheꞌ, tan ech nibꞌaneꞌ echeꞌ unqꞌa xeen txooeꞌ. As etitzꞌataj kam ikuyat chajaak unqꞌa veeꞌ uvaꞌ kat ipalebꞌe. As eteesataj etexhlabꞌal tiꞌ u kꞌujlebꞌal ikꞌuꞌl chajaakeꞌ.
James 1:18 in Ixil 18 As Aak ni saꞌon uvaꞌ la chee itiichajil u qaanxelaleꞌ taꞌn vijikla yol Aakeꞌ, tiꞌ uvaꞌ ech qatineꞌ vatz Aak nibꞌaneꞌ echeꞌ unqꞌa bꞌaxa ivatz unqꞌa chikoeꞌ uvaꞌ ni toyal te Aak, tan oꞌeꞌ bꞌaxel kat taqꞌ Aak kutiichajil skꞌatz vatz unjoltu unqꞌa tenameꞌ.
1 Peter 1:23 in Ixil 23 tan at veꞌt etiichajil kꞌatz Aak. As jit iyol umaj vatz txꞌavaꞌilla aama kat aqꞌon vetiichajileꞌ. Pet aꞌ viyol Aakeꞌ uvaꞌ tiꞌ chit ibꞌeneꞌ uvaꞌ yeꞌ la sotzi, kat aqꞌon etiichajil.
1 Peter 2:4 in Ixil 4 As kꞌuxh aꞌ u Cristo aqꞌol tetz kutiichajil kꞌatz u Tiixheꞌ, as ech tatin u Cristo vatz unqꞌa tenameꞌ echeꞌ umaj kꞌubꞌ uvaꞌ kat sutil el taꞌn u lakol kabꞌaleꞌ, tan yeꞌl itxaꞌk svatz. Pet vatz u Tiixheꞌ as ech tatin u Cristo echeꞌ umaj kꞌubꞌ uvaꞌ txaael taꞌn umaj uxhchil, tan nim ijaꞌmil. As jankꞌal ex uvaꞌ nimamal u Cristo setaꞌn,
Revelation 1:16 in Ixil 16 Atik ok vujvaꞌl unqꞌa txꞌumileꞌ tisebꞌal iqꞌabꞌ. As nik tel chꞌuꞌl umaꞌl u jutzꞌ viꞌ chꞌichꞌ titziꞌ uvaꞌ kaꞌvaꞌl tee. As ech vivatzeꞌ echeꞌ u qꞌiieꞌ uvaꞌ vaꞌl chit ikꞌachoneꞌ.
Revelation 2:16 in Ixil 16 Estiꞌeꞌ ni val see, kꞌaxa eebꞌ, tan asoj yeꞌle, as oora kuxh tuk uloj in seeꞌ tukꞌ u chꞌichꞌeꞌ uveꞌ ni tel chꞌuꞌl tuntziꞌ tiꞌ unbꞌanat chꞌaꞌo tiꞌ unqꞌa uxhchileꞌ uvaꞌ nimamal vitxumbꞌal unqꞌa nicolaíta staꞌn,– tiꞌk Aak ni taleꞌ,» chaj axh te u alol tetz vunyoleꞌ xoꞌl unqꞌa niman vetzeꞌ tu u Pérgamo.
Revelation 2:23 in Ixil 23 As xoꞌvebꞌal chit u kamchileꞌ uvaꞌ la vaqꞌ tzan tiꞌ unqꞌa tal ixojeꞌ tiꞌ uvaꞌ la bꞌen sete, ex uvaꞌ nenima vitxumbꞌal ixojeꞌ, tan ineꞌ ootzin tetz vetxumbꞌaleꞌ sekajayil as tukꞌ vetaanxelaleꞌ. As la vaqꞌ veꞌt ichꞌexel sete tiꞌ uvaꞌ kam kat ebꞌana.
Revelation 19:15 in Ixil 15 As u najeꞌ uvaꞌ atik jeꞌ tiꞌ u sajiꞌ kaayeꞌ, as el chꞌuꞌl umaꞌl u jutzꞌ viꞌ chꞌichꞌ titziꞌ uvaꞌ xiꞌleꞌl chit tee, tan tukꞌ u chꞌichꞌeꞌ nikꞌaxbꞌisakat veꞌt unqꞌa tenameꞌ skajayil. As la kꞌaxbꞌisal unqꞌa tenameꞌ skajayil taꞌn u najeꞌ tukꞌ umaꞌl u bꞌaara uvaꞌ chꞌichꞌ chittuꞌ. As echeꞌ ni tulbꞌel u uuvaeꞌ tul uvaꞌ nipochꞌil u taꞌleꞌ, as echat la tulbꞌe unqꞌa tenameꞌ skajayil tiꞌ ikꞌaxbꞌisaleꞌ tukꞌ vitxꞌiꞌtziꞌl u Tiixheꞌ uvaꞌ nim talcheꞌ tiꞌ unqꞌa veeꞌ skajayil.
Revelation 19:21 in Ixil 21 As u najeꞌ uvaꞌ atik jeꞌ tiꞌ u sajiꞌ kaayeꞌ, as aꞌeꞌ kat yatzꞌon veꞌt unqꞌa tenameꞌ taꞌn u jutzꞌ viꞌ chꞌichꞌeꞌ uvaꞌ nik tel chꞌuꞌl titziꞌ. As kat mox noo veꞌt unqꞌa txooeꞌ skajayil uvaꞌ nixichꞌan tu almikaꞌ tiꞌ ichiꞌat vichibꞌil unqꞌa kamnajeꞌ.
Revelation 20:4 in Ixil 4 As vil unjoltu unqꞌa xonlebꞌaleꞌ uvaꞌ xonlikkat unqꞌa uxhchileꞌ uvaꞌ aqꞌax veꞌt tijleꞌm. As vil veꞌt u taanxelal unqꞌa tenameꞌ uvaꞌ kat eesal iviꞌ taꞌn chꞌichꞌ, tan tiꞌ uvaꞌ nik inima unqꞌa yoleꞌ uvaꞌ ni tal u Jesús as tukꞌ unqꞌa itzaqꞌit u Tiixheꞌ. As aꞌ unqꞌa tenameꞌ uvaꞌ yeꞌ kat kuꞌ qaaloj vatz u txooeꞌ uvaꞌ kat jeꞌ chꞌuꞌl xeꞌ u mar as mitaꞌn vatz vivatzibꞌal u txooeꞌ. As yeꞌ kat isaꞌ veꞌt tok texhlal u txooeꞌ xoꞌl ipala moj tiꞌ iqꞌabꞌ. As kat ul veꞌt taama unqꞌa tenameꞌ uvaꞌ kat yatzꞌpi. As at veꞌt tijleꞌm kꞌatz u Cristoeꞌ kat ibꞌana tu umaꞌl 1,000 yaabꞌ.