2 Corinthians 7:7 in Ixil

7 As jit kuxh tiꞌ kukꞌulat qibꞌ tukꞌ u Tito kat yakꞌinkat qaama. Pet tiꞌ uvaꞌ kat ul tal u Tito sqe uvaꞌ ayaꞌl chit ekꞌuꞌl nesaꞌ etilat unvatz unpajte, as kat eyakꞌinsa veꞌt vaama. As kat tal u Tito sve unpajte uvaꞌ vaꞌlik chit etxumuneꞌ tiꞌ unqꞌa vaꞌlexheꞌ uvaꞌ ni tuch sexoꞌl. As nik etoksa etaama tiꞌ enimat unqꞌa yoleꞌ uvaꞌ kat val sete. As tul kat vabꞌi unqꞌa yoleꞌ, as aal chit kat chiibꞌ veꞌt in staꞌn.

Other Translations

King James Version (KJV)

And not by his coming only, but by the consolation wherewith he was comforted in you, when he told us your earnest desire, your mourning, your fervent mind toward me; so that I rejoiced the more.

American Standard Version (ASV)

and not by his coming only, but also by the comfort wherewith he was comforted in you, while he told us your longing, your mourning, your zeal for me; so that I rejoiced yet more.

Bible in Basic English (BBE)

And not by his coming only, but by the comfort which he had in you, while he gave us word of your desire, your sorrow, your care for me; so that I was still more glad.

Darby English Bible (DBY)

and not by his coming only, but also through the encouragement with which he was encouraged as to you; relating to us your ardent desire, your mourning, your zeal for me; so that I the more rejoiced.

World English Bible (WEB)

and not by his coming only, but also by the comfort with which he was comforted in you, while he told us of your longing, your mourning, and your zeal for me; so that I rejoiced still more.

Young's Literal Translation (YLT)

and not only in his presence, but also in the comfort with which he was comforted over you, declaring to us your longing desire, your lamentation, your zeal for me, so that the more I did rejoice,

Cross Reference

Matthew 5:4 in Ixil

4 As achvebꞌal chit unqꞌa uxhchileꞌ uveꞌ nitxumuneꞌ, tan la mutxbꞌel veꞌteꞌ taꞌn u Tiixheꞌ.

Matthew 26:75 in Ixil

75 As jubꞌin veꞌt tul viyol u Jesús skꞌuꞌl u Luꞌeꞌ uvaꞌ maꞌtik talat Aak: «Tul yeꞌxnaj oqꞌ u peleꞌxheꞌ cheel tu aqꞌbꞌalaꞌ, as oxpajul maꞌt eesat eebꞌ sunkꞌatz,» tiꞌk Aak. As el veꞌt chꞌuꞌl u Luꞌeꞌ vatz u qꞌanaleꞌ. As aꞌ chit oqꞌeleꞌ ibꞌan veꞌt naj.

Luke 22:44 in Ixil

44 As ayaꞌl chit veꞌt ikꞌuꞌl Aak nikat inach veꞌt Aak Tiixh, tan vaꞌlik chit itxumun veꞌt taama Aak. As vaꞌlik chit ijoltzꞌaꞌt veꞌt Aak. As nikat ichꞌanxik kuꞌ vitzꞌaꞌ Aakeꞌ tu txꞌavaꞌ echeꞌ ichꞌanxik kuꞌ kaj.

Acts 11:23 in Ixil

23 As tul oon veꞌt u Bernabé, as vaꞌlik chit ichiibꞌ veꞌteꞌ, tan til veꞌteꞌ uvaꞌ nimal vibꞌaꞌnil u Tiixheꞌ atik tiꞌ unqꞌa niman tetz u Jesús. As ibꞌeya veꞌt u Bernabé te unqꞌa uxhchileꞌ skajayil uvaꞌ tukꞌ chit taanxelal la inima viyol u Kubꞌaal Jesús.

Romans 1:12 in Ixil

12 As aꞌ ni valeꞌ uvaꞌ la iyakꞌinsa veꞌt tibꞌ qaanxelal sukuvatzaj tiꞌ uvaꞌ kꞌujleꞌl veꞌt kukꞌuꞌl tiꞌ u Jesucristo.

2 Corinthians 1:14 in Ixil

14 uvaꞌ kam chit etootzit unbꞌiil u kutxumbꞌaleꞌ uvaꞌ kat kubꞌan sexoꞌl, as echat etootzit veꞌteꞌ uvaꞌ techal la txuqꞌtxun veꞌt ex sqiꞌ echeꞌ oꞌ, tan la txuqꞌtxun veꞌt oꞌ setiꞌ tu u qꞌiieꞌ uvaꞌ la ul u Kubꞌaal Jesús unpajte.

2 Corinthians 2:3 in Ixil

3 As tul kat untzꞌibꞌa bꞌen u uꞌujeꞌ sete bꞌaxa, as tii unbꞌiil unqꞌa yoleꞌ uvaꞌ kat val sete, tan aꞌ kat vala uvaꞌ la ejalpu vetxumbꞌaleꞌ. As yeꞌ la etxumunsa vaama tul la oon in sexoꞌl, tan exeꞌ la chiibꞌisan in uveꞌ nik valeꞌ. As kꞌujlik chit unkꞌuꞌl setiꞌ tiꞌ uvaꞌ eela kuchiibꞌ skukajayil la ibꞌaneꞌ.

2 Corinthians 2:9 in Ixil

9 As estiꞌeꞌ uvaꞌ kat untzꞌibꞌa bꞌen u uꞌujeꞌ sete bꞌaxa, tan aꞌ ni valeꞌ uvaꞌ la vootzi ma la enima unqꞌa yoleꞌ uvaꞌ ni val sete moj yeꞌle.

2 Corinthians 5:2 in Ixil

2 As aꞌ chit ni tal qaama uvaꞌ oora koj la kukꞌul umaꞌt u kuchiꞌoleꞌ uvaꞌ la aqꞌpu sqe tul la oon oꞌ tu almikaꞌ.

2 Corinthians 7:10 in Ixil

10 tan tul uvaꞌ kat txumun ex taꞌn vepaaveꞌ echeꞌ uvaꞌ nisaꞌ u Tiixheꞌ uvaꞌ la ebꞌaneꞌ, as aꞌeꞌ kat lochon ex tiꞌ uvaꞌ la ekꞌaxa etibꞌ vatz Aak. As kat isotzsa veꞌt Aak vepaaveꞌ. As yeꞌl in nuntxumun veꞌteꞌ tiꞌ uvaꞌ kat untxumunsa etaama, tan kat ekꞌaxal veꞌt etibꞌ tiꞌ vepaaveꞌ. As aal nunchiibꞌ stiꞌ cheel. Pet ech koj nibꞌan unqꞌa uxhchileꞌ uvaꞌ vatz txꞌavaꞌilla txumbꞌal kuxh vitxumbꞌaleꞌ, tan aꞌ kuxh nitxumeꞌ kam uvaꞌ nipalebꞌe taꞌn vipaaveꞌ. As yeꞌl itiichajil at kꞌatz u Tiixheꞌ, tan yeꞌ nikꞌaxa tibꞌ tiꞌ vipaaveꞌ.

2 Corinthians 8:16 in Ixil

16 Estiꞌeꞌ ni vaqꞌ taꞌntiixh te u Tiixheꞌ, tan Aakeꞌ kat oksan veꞌt vitxumbꞌaleꞌ tu u taanxelal u Tito tiꞌ tok ilil setiꞌ echeꞌ uveꞌ nunbꞌaneꞌ.

Philippians 1:20 in Ixil

20 As aꞌ ni tal vaama uvaꞌ kꞌuxh kam kuxh la unpalebꞌe, as yeꞌ la chꞌixvu veꞌt in vatz u Tiixheꞌ tiꞌ voksat iqꞌii Aak, tan kꞌujleꞌl unkꞌuꞌl kꞌuxh kam kuxh la unpalebꞌe, tan kꞌuxh la alpu unyatzꞌpeꞌ as moj la chajpul in, as yeꞌl in la xoꞌv in tiꞌ valat u bꞌaꞌnla yoleꞌ.

Colossians 2:5 in Ixil

5 As kꞌuxh yeꞌl in at in sexoꞌl, as ni vitzꞌa bꞌen ex. As nunchiibꞌ setiꞌ, tan ni vabꞌi yol setiꞌ uvaꞌ unvatzul chit veꞌt ex. As kꞌujleꞌl chit ekꞌuꞌl tiꞌ u Cristo.

1 Thessalonians 3:6 in Ixil

6 As tul ul veꞌt u Timoteo sukukꞌatz tul maꞌtik bꞌex tilat ex, as achaꞌv chit u yoleꞌ uveꞌ kat ul tal veꞌt sqe setiꞌ tiꞌ uvaꞌ kꞌujleꞌl chit ekꞌuꞌl tiꞌ u Jesús. As xoꞌn chit etibꞌ sevatzaj. As bꞌenameen netulsa oꞌ sekꞌuꞌl, tan atoꞌk etaama sqiꞌ. As kat tal u Timoteo uvaꞌ nesaꞌ etilat oꞌ echeꞌ uvaꞌ nu kubꞌan setiꞌ.

1 Thessalonians 3:8 in Ixil

8 As cheel kat kꞌujebꞌyu veꞌt qaama, tan tiꞌ uvaꞌ kat qabꞌi uvaꞌ chabꞌamal chit ekꞌujbꞌaꞌt ekꞌuꞌl tiꞌ u Kubꞌaaleꞌ.

Hebrews 2:1 in Ixil

1 Estiꞌeꞌ ni val sete, qitzꞌataj u bꞌaꞌnla yoleꞌ uveꞌ abꞌimal veꞌt sqaꞌn, tan asoj yeꞌ la kunima, as la ibꞌaneꞌ uvaꞌ vaꞌlen veꞌt u kutxumbꞌaleꞌ la kubꞌaneꞌ.

James 4:9 in Ixil

9 As etitzꞌataj kam uveꞌ nebꞌaneꞌ. As txumunojtaj etaama. As oqꞌojtaj ex. As aꞌ ivaatzil u tzeꞌleꞌmeꞌ tukꞌ u chiibꞌichileꞌ u oqꞌeleꞌ tukꞌ u txumuꞌmeꞌ uvaꞌ la ebꞌaneꞌ.

James 5:17 in Ixil

17 Echeꞌ uvaꞌ kat ibꞌan u Elías, tan echik kuxh u Elías echeꞌ oꞌ. As ayaꞌl chit ikꞌuꞌl u Elías tul kat inach Tiixh tiꞌ uvaꞌ yeꞌl jabꞌal la uli, as oxvaꞌl yaabꞌ tukꞌ vaajit ichꞌ uvaꞌ yeꞌl jabꞌal kat ul veꞌteꞌ.

2 John 1:4 in Ixil

4 As vaꞌl untxuqꞌtxun veꞌteꞌ, tan ni vabꞌi uvaꞌ at ex nenima u jikla yoleꞌ echeꞌ ni tal u Tiixheꞌ sqe.

Jude 1:3 in Ixil

3 Vitzꞌin vatzik, ex uvaꞌ xoꞌn chit ex sve, as kat ok tu vaanxelal tiꞌ untzꞌibꞌat bꞌen kaꞌl unqꞌa yol sete tiꞌ u sotzbꞌal paaveꞌ uvaꞌ kat ibꞌan Aak sqiꞌ setukꞌ. Pet ni vileꞌ uvaꞌ techal chit la untzꞌibꞌa bꞌen u yoleꞌ sete tiꞌ unbꞌeyat sete tiꞌ uvaꞌ ayaꞌl chit ekꞌuꞌl la etxakbꞌaꞌ etibꞌ tiꞌ etilat isuuchil unqꞌa jikla chusbꞌaleꞌ uvaꞌ kꞌujlu kan sukuxoꞌl tiꞌ chit ibꞌeneꞌ, jankꞌal oꞌ uvaꞌ oꞌ itenam u Tiixheꞌ.