1 John 2:13 in Ixil 13 As nuntzꞌibꞌa bꞌen unqꞌa yoleꞌ sete, ex txutx bꞌaala, tan tiꞌ uvaꞌ ootzimal veꞌt u Jesúseꞌ setaꞌn uveꞌ atik chit tixeꞌtebꞌal qꞌiisaj. As nuntzꞌibꞌa bꞌen unqꞌa yoleꞌ sete, ex txul aama, tan tiꞌ uvaꞌ kat txꞌakonyu veꞌt ex tiꞌ u txꞌiꞌlanajeꞌ.
Other Translations King James Version (KJV) I write unto you, fathers, because ye have known him that is from the beginning. I write unto you, young men, because ye have overcome the wicked one. I write unto you, little children, because ye have known the Father.
American Standard Version (ASV) I write unto you, fathers, because ye know him who is from the beginning. I write unto you, young men, because ye have overcome the evil one. I have written unto you, little children, because ye know the Father.
Bible in Basic English (BBE) I am writing to you, fathers, because you have knowledge of him who was from the first. I am writing to you, young men, because you have overcome the Evil One. I have sent a letter to you, children, because you have knowledge of the Father.
Darby English Bible (DBY) I write to you, fathers, because ye have known him [that is] from the beginning. I write to you, young men, because ye have overcome the wicked [one]. I write to you, little children, because ye have known the Father.
World English Bible (WEB) I write to you, fathers, because you know him who is from the beginning. I write to you, young men, because you have overcome the evil one. I write to you, little children, because you know the Father.
Young's Literal Translation (YLT) I write to you, fathers, because ye have known him who `is' from the beginning; I write to you, young men, because ye have overcome the evil. I write to you, little youths, because ye have known the Father:
Cross Reference Matthew 11:27 in Ixil 27 As ech tal veꞌt u Jesús ileꞌ te unqꞌa tenameꞌ: —Tan at veꞌt vijleꞌm tiꞌ unqꞌa veeꞌ skajayil taꞌn vunBꞌaaleꞌ. As yeꞌxhebꞌil ootzin vetz uvaꞌ in iKꞌaol u Tiixheꞌ. As yeꞌxhebꞌil ootzin tetz vunBꞌaaleꞌ. Pet taꞌn kuxh ineꞌ uvaꞌ ootzin tetz Aak as tukꞌ unqꞌa tenameꞌ uvaꞌ la unsaꞌ vaqꞌat ste tiꞌ uvaꞌ la tootzi Aak.
Matthew 13:19 in Ixil 19 Tan unqꞌa iiaeꞌ uveꞌ kat kuꞌ tu bꞌey, as aꞌ ni tokkateꞌ tiꞌ unqꞌa uxhchileꞌ uvaꞌ ni abꞌin u yoleꞌ tiꞌ u tijleꞌm u Tiixheꞌ. As yeꞌ nipal stuul, tan ni tul teesa u txꞌiꞌlanajeꞌ u yoleꞌ uveꞌ kat ok tu u taanxelal unqꞌa uxhchileꞌ.
Matthew 13:38 in Ixil 38 As u txꞌavaꞌeꞌ, as aꞌeꞌ unqꞌa tenameꞌ. As unqꞌa bꞌaꞌnla iiaeꞌ, as aꞌeꞌ unqꞌa tenameꞌ uveꞌ at jaqꞌ u tijleꞌm u Tiixheꞌ. Pet ech koj unqꞌa vaꞌlexhla kꞌuacheꞌ, tan aꞌ unqꞌa uxhchileꞌ uveꞌ echen kꞌatz u txꞌiꞌlanajeꞌ.
Luke 10:22 in Ixil 22 As ech tal veꞌt u Jesús ileꞌ te unqꞌa tenameꞌ: —Tan at veꞌt vijleꞌm tiꞌ unqꞌa veeꞌ skajayil taꞌn vunBꞌaaleꞌ. As yeꞌxhebꞌil ootzin vetz uvaꞌ in iKꞌaol u Tiixheꞌ; as yeꞌxhebꞌil ootzin tetz vunBꞌaaleꞌ. Pet taꞌn ineꞌ ootzin tetz Aak as tukꞌ unqꞌa tenameꞌ uvaꞌ la unsaꞌ vaqꞌat tootzil Aak ste,— tiꞌk u Jesús.
John 8:19 in Ixil 19 As ech tal veꞌt chajnaj ileꞌ: —¿Kech vabꞌaaleꞌ qꞌi uvaꞌ ni alon u yoleꞌ seeꞌ?— tiꞌk chajnaj. Ech tal veꞌt Aak ileꞌ: —Yeꞌ netexhla abꞌiste u vijleꞌmeꞌ. ¿As aꞌ kol chit vunBꞌaaleꞌ qꞌa la etexhla u tijleꞌmeꞌ? Tan asoj la etexhla uvaꞌ abꞌiste u vijleꞌmeꞌ, as anteꞌ vunBꞌaaleꞌ la etexhla u tijleꞌmeꞌ,— tiꞌk u Jesús.
John 8:54 in Ixil 54 As ech tal veꞌt u Jesús ileꞌ: —Asoj an kuxh in la voksa jeꞌ unqꞌii, as yeꞌl itxaꞌk vunyoleꞌ. Pet aꞌ vunBꞌaaleꞌ ni oksan unqꞌii. As an chit vunBꞌaaleꞌ taꞌ uveꞌ «kuTiixh» chꞌex netal stiꞌ.
John 14:7 in Ixil 7 As kat koj bꞌen sete kam u vijleꞌmeꞌ, as la bꞌeneꞌ sete kam u tijleꞌm vunBꞌaaleꞌ unpajte. As cheel tuk etootzi veꞌt u tijleꞌm vunBꞌaaleꞌ, tan il in netil veꞌt in tan eela kuxh ineꞌ tukꞌ vunBꞌaaleꞌ,— tiꞌk Aak.
John 14:9 in Ixil 9 As ech tal veꞌt Aak ileꞌ: —Naꞌytzaneꞌ taꞌ, Piꞌl, vatin sexoꞌl. ¿As ma yeꞌ ootzit veꞌt u vijleꞌmeꞌ? Tan abꞌil uveꞌ kat ilon in, as aꞌ Kubꞌaaleꞌ kat tillaꞌ. ¿Kam qꞌi uvaꞌ naal veꞌt sve uvaꞌ: «Kꞌuch u Kubꞌaaleꞌ sqe,» chꞌaxh naaleꞌ?
John 16:3 in Ixil 3 As aꞌ nibꞌankat unqꞌa uxhchileꞌ, tiꞌ uvaꞌ yeꞌ nipal tu tijleꞌm u Kubꞌaal Tiixheꞌ. As mitaꞌn nibꞌen ste kam u vijleꞌmeꞌ.
John 17:3 in Ixil 3 As aꞌeꞌ vitiichajileꞌ uveꞌ yeꞌl iyaꞌtebꞌal uvaꞌ la tootzi axh uvaꞌ taꞌn axheꞌ u jikla Tiixheꞌ. As la tootzi in unpajte, tan ineꞌ u Cristo uvaꞌ kat achaj tzan vatz u txꞌavaꞌeꞌ.
John 17:21 in Ixil 21 As nunjaj bꞌaꞌnil see, Kubꞌaal Tiixh, tiꞌ unqꞌa niman qetzeꞌ tiꞌ uvaꞌ unvatzul kuxh veꞌt la ibꞌan svatzaj echeꞌ oꞌ, tan at axh sunkꞌatz. As at in sakꞌatz. Estiꞌeꞌ unvatzul kuxh veꞌt oꞌ tukꞌ unqꞌa niman qetzeꞌ la ibꞌaneꞌ. As la inima veꞌt unqꞌa tenameꞌ skajayil uvaꞌ axh kat chajon tzan in,
2 Corinthians 4:6 in Ixil 6 As u Tiixheꞌ kat alon uvaꞌ la txijun u sajeꞌ tu u toktoeꞌ. As Aakeꞌ u txijun tetz u qaanxelaleꞌ, aqꞌal uvaꞌ la pal oꞌ stuul tiꞌ qoksat iqꞌii u Tiixheꞌ uvaꞌ nikꞌuch u Jesucristo sqe.
Ephesians 6:10 in Ixil 10 As la val sete, vitzꞌin vatzik, eyakꞌinsataj tibꞌ etaama tiꞌ u Kubꞌaal Jesucristo tukꞌ vibꞌaꞌnil viyakꞌil Aakeꞌ.
1 Timothy 5:1 in Ixil 1 As yeꞌ la ayaa umaj qꞌesla aama. Pet jik chit la abꞌeya ste echeꞌ abꞌeyat te abꞌaal. As echat la abꞌan te unqꞌa chelem najeꞌ. As ech abꞌeyat ste echeꞌ abꞌeyat te umaj eetzꞌin aatzik.
Titus 2:6 in Ixil 6 As la abꞌeya te unqꞌa chelem najeꞌ unpajte uvaꞌ la titzꞌa chajnaj sbꞌaꞌn tiꞌ unqꞌa veeꞌ la ibꞌan chajnaj.
1 Peter 5:8 in Ixil 8 As atoj enachbꞌal. As la chit etil etibꞌ, tan nichuk u txꞌiꞌlanajeꞌ txumbꞌal setiꞌ tiꞌ teesat etiichajil kꞌatz u Tiixheꞌ echeꞌ nibꞌan umaj bꞌalam tul nivulun txoo tiꞌ iyatzꞌat umaꞌtoj txoo tiꞌ ichiꞌataꞌ.
1 John 1:1 in Ixil 1 As u Jesucristo, u kꞌuchul tetz u tijleꞌm u Tiixheꞌ, tan atik chit Aak tixeꞌtebꞌal u qꞌiisajeꞌ. As aꞌeꞌ uvaꞌ kat qabꞌi viyoleꞌ. As kat qila tukꞌ kuvatz; as kat kukana tukꞌ kuqꞌabꞌ. As kat qootzi u tijleꞌmeꞌ, tan aꞌeꞌ u kꞌuchul tetz u tijleꞌm u Tiixheꞌ. As aꞌeꞌ u aqꞌol tetz kutiichajil kꞌatz u Tiixheꞌ,
1 John 2:1 in Ixil 1 Vitzꞌin vatzik, ech exeꞌ meꞌal unkꞌaol. As nuntzꞌibꞌa bꞌen unqꞌa yoleꞌ sete tiꞌ uvaꞌ yeꞌ la paavin ex. Asoj at umaj oꞌ kat paavin oꞌ, as at umaꞌl u oksan qetz vatz u Tiixheꞌ. As aꞌeꞌ u Jesucristoeꞌ uvaꞌ jik chit itxumbꞌal.
1 John 2:3 in Ixil 3 Asoj la kunima unqꞌa itzaqꞌit u Jesúseꞌ, as aꞌ texhlal tetzeꞌ uvaꞌ ootzimal veꞌt u Tiixheꞌ sqaꞌn,
1 John 2:12 in Ixil 12 Vitzꞌin vatzik, ech exeꞌ meꞌal unkꞌaol. As nuntzꞌibꞌa bꞌen unqꞌa yoleꞌ sete, tan tiꞌ uvaꞌ kat sotzyu veꞌt vepaaveꞌ taꞌn u Tiixheꞌ.
1 John 2:14 in Ixil 14 As nuntzꞌibꞌa bꞌen unqꞌa yoleꞌ sete, ex txutx bꞌaala, tan kat etootzil u Jesús uveꞌ atik chit tixeꞌtebꞌal u qꞌiisajeꞌ. As nuntzꞌibꞌa bꞌen unqꞌa yoleꞌ sete, ex txul aama, tan kat yakꞌinyu veꞌt etaama. As chabꞌamal tok veꞌt viyol u Tiixheꞌ tu vetaanxelaleꞌ. As kat txꞌakonyu veꞌt ex tiꞌ u txꞌiꞌlanajeꞌ.
1 John 3:12 in Ixil 12 As echenik kubꞌaneꞌ echeꞌ uvaꞌ kat ibꞌan u Caín tan tetzik u txꞌiꞌlanajeꞌ naj. As iyatzꞌ veꞌt naj u titzꞌineꞌ. ¿As kam stiꞌ qꞌi iyatzꞌ kuxh u Caín u titzꞌineꞌ? Tan tiꞌ uvaꞌ aꞌ unqꞌa vaꞌlexheꞌ nik ibꞌan u Caíneꞌ. Pet ech koj u titzꞌin najeꞌ, tan aꞌ u bꞌaꞌneꞌ nik ibꞌan naj.
1 John 4:4 in Ixil 4 Vitzꞌin vatzik uvaꞌ xoꞌn ex sve, as ex veꞌt tetz u Tiixheꞌ. As estiꞌeꞌ yeꞌ kat etaqꞌ etibꞌ maxtibꞌeloj te unqꞌa chulin yoleꞌ, tan yeꞌ la lejon u aqꞌol tetz vitxumbꞌal unqꞌa chulin yoleꞌ tiꞌ u Tiixhla Espíritu uvaꞌ ni aqꞌon etxumbꞌal.
1 John 5:4 in Ixil 4 tan jankꞌal oꞌ uvaꞌ oꞌ meꞌal ikꞌaol u Tiixheꞌ, as ni qolebꞌeꞌ tiꞌ teesal iqꞌii u vaꞌlexheꞌ vatz u txꞌavaꞌeꞌ tan tiꞌ uvaꞌ kꞌujleꞌl kukꞌuꞌl tiꞌ u Jesús.
1 John 5:18 in Ixil 18 As ootzimaleꞌ sqaꞌn uvaꞌ jankꞌal oꞌ uvaꞌ oꞌ meꞌal ikꞌaol u Tiixheꞌ, as yeꞌ ni qoksa veꞌt qaama tiꞌ kupaavineꞌ, tan aꞌ viKꞌaol u Tiixheꞌ ni kolon oꞌ. As yeꞌ la olebꞌ veꞌt u txꞌiꞌlanajeꞌ sqiꞌ.
1 John 5:20 in Ixil 20 As ootzimal sqaꞌn uvaꞌ kat ul viKꞌaol u Tiixheꞌ vatz u txꞌavaꞌeꞌ. As kat taqꞌ Aak kutxumbꞌal tiꞌ uvaꞌ la qootzi veꞌt u jikla Tiixheꞌ. As eyen veꞌt oꞌ kꞌatz Aak as kꞌatz viKꞌaol Aakeꞌ unpajte uvaꞌ Jesucristo. As aꞌ u Jesucristoeꞌ u jikla Tiixheꞌ. As Aakeꞌ u aqꞌol tetz u kutiichajileꞌ uvaꞌ yeꞌl iyaꞌtebꞌal.