Romans 14:22 in Cuiba

22 Icha paxam pajume cowʉntame xua bara Nacom paca copata xua bara painya nenabanaewan daxita coyeneya pexaewan, po pexaewan jopa paca jʉntʉ coyene taxobiyo saya jame meisa Nacomtha yabara patsipaebare baxua. Painya xoba ichamonae yabara patsipaebame pexaewa po pexaewa barapomonae jopa bapana xae. ¡Maisa jʉntʉ coyene weiweina pon daxita coyeneya pexaewa penabanaein pon pia jʉntʉ coyenewa jopa tsipaebichi xua pinae penatsicuentsiwa xua abe peexanaewaxae Nacomtha poxonae barapo pexaewa xane!

Other Translations

King James Version (KJV)

Hast thou faith? have it to thyself before God. Happy is he that condemneth not himself in that thing which he alloweth.

American Standard Version (ASV)

The faith which thou hast, have thou to thyself before God. Happy is he that judgeth not himself in that which he approveth.

Bible in Basic English (BBE)

The faith which you have, have it to yourself before God. Happy is the man who is not judged by that to which he gives approval.

Darby English Bible (DBY)

Hast *thou* faith? have [it] to thyself before God. Blessed [is] he who does not judge himself in what he allows.

World English Bible (WEB)

Do you have faith? Have it to yourself before God. Happy is he who doesn't judge himself in that which he approves.

Young's Literal Translation (YLT)

Thou hast faith! to thyself have `it' before God; happy is he who is not judging himself in what he doth approve,

Cross Reference

Acts 24:16 in Cuiba

16 Daxota jopa najʉntʉ coyene acaurinyo tsipei nayaputan xua Nacom beta taexanan. Jiwithano jopa najʉntʉ coyene acaurinyo.

Romans 7:15 in Cuiba

15 Tsipei jopa xapain yaputaeinyo pocotsiwa xua exanan, poxoru jopa exanaeinyo pocotsiwa xua xanepana xua pocotsiwa ichichipan xua taexanaewa nexa. Ichitha pocotsiwa aichaxaibin xua jopa pexanepanaexae, daichitha apara baxua exaneiban.

Romans 7:24 in Cuiba

24 ¡Ooo, jopa taxanepanae tsocuaeinyo! ¡Jopa tajʉntʉ coyene wʉnae tsocuaeinyo! ¿Jintam metha necapanepaena barapo tapepon weya po pepon xua bewa tʉpaena?

Romans 14:2 in Cuiba

2 Ichamonae ba nanta xeina xua itacʉpatsi penabanaewa xua daxita coyenein pexaewan. Ichamonae ba pomonae jʉntʉ coyene faefaena xua pejume cowʉntsiwa Cristotha barapomonae ira pipexaewa xane jopa pewi xaeyo.

Romans 14:5 in Cuiba

5 Ichamonae nanta xeina xua caentaqueitha bichocono peainya cui matacabi beyacaincha xua icha matacabi tsipei barapo matacabitha xua Nacom wʉnae pejainchiwatsi. Ichamonae nanta xeina xua daxita matacabin bara najʉpa xua peainya cui matacabin xua Nacom wʉnae pejainchiwanexatsi barapo matacabintha. Daxita barapomonae bewa barompaya pia jʉntʉ coyenewatha yabara nanta xeinae xua barapara pexainyeiwa po coyenewa xua peyabara nanta xeinaexae. Jopa bewa nanta xeinae po coyenewa ichʉn yabara nanta xeina.

Romans 14:14 in Cuiba

14 Tsipei xan tajume cowʉntsixae Jesús pon jiwi Pecanamataxeinaein daxota bara yatsicaya yaputan, xua dapocotsiwa ajibi po pexaewa tanejʉntʉ coyene taxobiwa xua icha taxaewa tsane. Ichitha icha ichʉn yabara nanta xeina xua po pexaewa betaxobichipatsi icha xaetsipa bapoxonae bara tsita xainyeichi, betaxobichipatsi icha xaetsipa.

Romans 14:23 in Cuiba

23 Pon yabara ainya ʉnthʉton xeina xua pocotsiwa penabanaewan, bapon barapara pia coya natsicuenta Nacomtha xua abe exana xua poxonae daichitha xane barapo pexaewa. Daxota daxita pocotsiwan waxainchi exanatsi icha jopa beta yabara jume cowʉntichi xua waexanaewa pocotsiwa Nacom ichichipa bapoxonae barapara abe exanatsi, poxonae baxuan exanatsi.

2 Corinthians 1:12 in Cuiba

12 Pajʉntʉ coyene weiweinan, daxota atsaquiya pata jeiwa pocotsiwe: Daxita pocotsiwa paexanan po cae pin nacuathe, xuano poxonae pata paca barʉ jinompaewatsi, pata jʉntʉ coyene bara pana tsipaeba xua pinae bara beta paexanan. Pajʉntʉ coyene xanepanan Nacomtha. Mataʉtano bara xainyeya paexanan daxita coyenein. Nacom pana neyawena xua beta pata jinompaewa tsane pata antobexae Nacom. Apara baxua jopa paexanaeinyo barompaya pata tayaputae coyenewatha.

Galatians 6:1 in Cuiba

1 Tamonae pam, paxam pomonae irʉ painya nejume cowʉntsiwixae Jesucristo. Icha ichʉn pacui taneme xua abe exana, pon pejume cowʉntsin Jesucristo, bapon payawende xua equeicha beta peponaewa tsane Nacomtha. Payawende bapon paxam jiwana pomonae pam Nacom pia Pejumope tʉnaxʉ tatsi pajume cowʉntsiya jinompame. Jopa anaya bichocono pamuxuconaeinde xua abe peexanaexae. Ichitha dota pam, xua irʉrʉ paca jʉntʉ coyene cana exana xua abe painya neexanaewa tsane.

James 3:13 in Cuiba

13 Icha painya xantha popona pon bichocono peyaputaein xua yawa pecoxonaein bapon bara bewa moya xanepanaya beta poponae yawa bara bewa moya ita ururaquiya poponae. Beta peexanaexae jiwi peitʉtha, bapoxonae jiwi tane xua bara bapon pon bichocono pepa peyaputaein.

1 John 3:21 in Cuiba

21 Tamonae pam, paxam pomonae tapaca caantobe jiwichi pam, painya nejume cowʉntsixae Jesucristo. Bequein wajʉntʉ coyene jopa abeya naca yabara jeiyo: “Jamaisa jopa beta exanaem”, jopa jeiyo, daxota awiya Nacom jume cowʉntatsi xua waexanaewa pocotsiwa Nacom ichichipa.