James 2:23 in Cuiba

23 Nacom exana xua caena bayatha Pejume Diwesitha jeye: “Abraham jume cowʉntsiya exana pocotsiwa Nacom itoroba. Daxota Nacom tsita jʉntʉ coyene xanepanatsi jopa penatsicuentsixae xua abe peexanaexae bapontha”, jei Nacom Pejume Diwesi. Barapo Nacom Pejume Diwesi tatsi xainyei, tsipei Nacom exana baxua. Daxota caena bayatha Abraham yabara jeichichi: “Apara Abraham Nacom pia jiton tatsi”, jeichichi.

Other Translations

King James Version (KJV)

And the scripture was fulfilled which saith, Abraham believed God, and it was imputed unto him for righteousness: and he was called the Friend of God.

American Standard Version (ASV)

and the scripture was fulfilled which saith, And Abraham believed God, and it was reckoned unto him for righteousness; and he was called the friend of God.

Bible in Basic English (BBE)

And the holy Writings were put into effect which said, And Abraham had faith in God and it was put to his account as righteousness; and he was named the friend of God.

Darby English Bible (DBY)

And the scripture was fulfilled which says, Abraham believed God, and it was reckoned to him as righteousness, and he was called Friend of God.

World English Bible (WEB)

and the Scripture was fulfilled which says, "Abraham believed God, and it was accounted to him as righteousness;" and he was called the friend of God.

Young's Literal Translation (YLT)

and fulfilled was the Writing that is saying, `And Abraham did believe God, and it was reckoned to him -- to righteousness;' and, `Friend of God' he was called.

Cross Reference

Mark 12:10 in Cuiba

10 Equeicha Jesús nayabara paeba barapomonaetha, jeye: “¡Paxam bara bayatha payorobameba Nacom Pejume Diwesi! Barapo diwesitha neyabara caunuta poxonae iboto yabara paeba, jeye: ‘Pebiwi pomonae ibo bon peacabiwi, barapo pebiwi xuba po iboto tabʉ caboca, po iboto peainya cui iboto. Ichitha Nacom itapeta barapo iboto xua petabʉ cabocaenexa peainya cui ibotoxae. Waxainchi nanta xeinatsi jeichichi: Maisa pocotsiwa Nacom exana naca tsita xanepana, jeichichi’, jei Nacom Pejume Diwesitha”, jei Jesús.

Mark 15:27 in Cuiba

27 Irʉrʉ ponbe jiwi pecaibinbe tʉparucua exanatsi naetotha imoxoyo ichaxota Jesús ducua. Ichʉn Jesús petsocona wetarucuiyatsi, ichʉn pecoxa wetarucueinatsi.

Luke 4:21 in Cuiba

21 Bapoxonae Jesús tamropata pitaba xua paeba, jeye: —Anoxuae xuaunxuae pajume taneme baxua apara barapo mataqueithe Nacom nayabara jume cui weta painya itʉtha, jei Jesús.

John 15:13 in Cuiba

13 Yabara paca tsipaebatsi po peantobewa bichocono ainya cui beyacaincha icha peantobewa. Barapocotsi peantobewa xeina pebin poxonae peantobexae pia jiton yaitataba xua pebexubinexatsi xua pia jiton tatsi jopa bepetabexubiwa tsainchi.

Acts 1:16 in Cuiba

16 “Tamonae pam, pomonae irʉ painya nejume cowʉntsiwixae Jesús. Bewa nayabara jume cui wetsina po coyene bayatha Nacom namchi xua pejume diwesitha yabara tsiwanaya paeba. Bayatha caena David cueicueijei exanatsi Nacom pia Pejumope tʉnaxʉ tatsi xua Judas cui coyene caunutatsi xua pinae Jesús waetabinchi pomonae Judas matacapona.

Romans 4:3 in Cuiba

3 Nacom Pejume Diwesitha Abraham yabara paebatsi, jeye: “Abraham jume cowʉnta Nacom. Peyabara jume cowʉntsixae pocotsiwa xua Nacom exanapaeba, Nacom jʉntʉ coyene xanepana cana exana bapon”, jei Nacom Pejume Diwesitha.

Romans 4:10 in Cuiba

10 Abraham jopa jʉntʉ coyene xanepana exanaetsi poxonae nacana cui wetatsi xua pewi thabiwatsi. Apara Nacom Abraham jʉntʉ coyene xanepana exanatsi poxonae cataunxuae jopa wi thabichi.

Romans 4:22 in Cuiba

22 Abraham peyabara jume cowʉntsixae pocotsiwa Nacom exanapaeba, daxota bapon Nacom tsitatsi xua bapon bara peyabara jʉntʉ coyene tsita xanepanaeinchi xua jopa petsita natsicuentsixaetsi abe peexanaexae bapontha.

Romans 9:17 in Cuiba

17 Nacom cueicueijei pejume diwesitha nacua peewatsintha pon Egipto nacuapiwi itorobiya pia pepa peewatsinchi. Nacom jeye bapontha: “Apara xan ponxaein tacoya cacana exanatsi pon Egipto nacuapiwi itorobiya pia pepa peewatsinchi. Painya xantha tapexeinya tsita itʉtsi coyenewa exanaein xua tsita itapeinya xeinaein xua xan xeinan bichocono peayapusʉ itorobi coyenewa. Mataʉtano exanaein xua daxitan nacuan jiwi taneyabara jume taenexa”, jei Nacom.

Romans 11:2 in Cuiba

2 Nacom jopa torotsiyo piamonae pomonae xua caena bayatha peitapetsixae xua cana exana be piamonae tatsi. Paxam payaputaneme xua Nacom Pejume Diwesitha paeba, po diwesitha ichaxota Elías tsipaeba Nacomtha. Elías pon Nacom pia peitorobi jume pepaebin pon caena bayatha tʉpa. Elías anaya yabara paeba israelmonae, jeye:

Galatians 3:6 in Cuiba

6 Abraham pon caena bayatha popona yabara jume cowʉnta xua Nacom exanaena pocotsiwa Abraham yabara tsiwʉnae muxu dutatsi. Daxota Nacom tsitatsi xua bapon Abraham bara pejʉntʉ coyene xanepanaein xua jopa Nacom tsita xeinaetsi penatsicuentsiwa xua abe peexanaexae.

Galatians 3:8 in Cuiba

8 Caena bayatha Nacom Pejume Diwesi paeba, xua Nacom capanenebiya tsane pomonae jopa judiomonae naexanaeyo xua jopa peatenenexa tsane xua abe peexanaexae. Baxua Nacom exana, icha ichichi pomonae judiomonae xua capanenebiya tsainchi. Daxita pewʉnaeya baxua Nacom paeba pia pexeinya jume diwesitha xua Abrahamtha jeye Nacom: “Daxita nacuanpiwi jʉntʉ coyene weiweina exanaein tana nejume cowʉntsixaemxae”, jei Nacom.

Galatians 3:22 in Cuiba

22 Nacom Pejume Diwesitha jeye: “Daxita jiwi bewa atene tsane abe peexanae coyenein peexanaponaexae xua jopa itacʉpaetsi xua penacui barapentsiwa. Daxota daxita pomonae Jesucristo pejume cowʉntsiwichi Nacom cana exanaena jiwi po coyene xua bayatha yabara tsiwʉnae muxu duta xua bepa pinae jiwi capanenebiya tsainchi Jesucristo pejume cowʉntsixaetsi”, jei.

2 Timothy 3:16 in Cuiba

16 Daxita carepaya Nacom Pejume Diwesin tatsi, barapo diwesin Nacom ayapusʉ diwesin exana. Daxita barapo diwesin xanepana xua jiwi pecuidubiwa tsainchi. Mataʉtano daxita barapo diwesin xanepana xua jiwi yaputane peexanaenexatsi poxonae abe exana. Mataʉtano daxita barapo diwesi xanepana xua jiwi pemuxuwetsinexatsi xua xanepanaya peexanaewa tsane. Mataʉtano daxita barapo diwesin xanepana xua jiwi peyawenaenexatsi xua pejʉntʉ coyene xanepana dubenanaebiyaenexa Nacomtha.