Galatians 5:6 in Cuiba

6 Waxainchi caemonae pebʉrʉya Cristo Jesús piamonae wanaexanaexaetsi jopa naca yawenaeyo icha ichamonae naca wi thaba xua judiomonae wanaexanaewa tsane. Ichacuitha icha jopa naca wi thabiyo baxua irʉrʉ jopa naca yawenaeyo. Jame pocotsiwa xua wanaca yawenaewa bewa jame jume cowʉntichi Cristo Jesús. Barapo pejume cowʉntsiwa naca exana xua antobeya wajinompaewa.

Other Translations

King James Version (KJV)

For in Jesus Christ neither circumcision availeth any thing, nor uncircumcision; but faith which worketh by love.

American Standard Version (ASV)

For in Christ Jesus neither circumcision availeth anything, nor uncircumcision; but faith working through love.

Bible in Basic English (BBE)

Because in Christ Jesus, having circumcision or not having circumcision are equally of no profit; but only faith working through love.

Darby English Bible (DBY)

For in Christ Jesus neither circumcision has any force, nor uncircumcision; but faith working through love.

World English Bible (WEB)

For in Christ Jesus neither circumcision amounts to anything, nor uncircumcision, but faith working through love.

Young's Literal Translation (YLT)

for in Christ Jesus neither circumcision availeth anything, nor uncircumcision, but faith through love working.

Cross Reference

Matthew 25:31 in Cuiba

31 Equeicha Jesús pijimonae tsipaeba, jeye: “Xan, ponxaein Nacom Tananeitapetsin patopeicaein, irʉ matatsunpiwi nebarʉ patsicaena. Poxonae patopeicaein, bapoxonae ecaein pexeinya peitʉpanae ecaewatha xua tawa tayabara paebinexa daxita jiwi xua penatsicuentsiwa abe peexanaexae Nacomtha.

Romans 2:25 in Cuiba

25 Paxam judiomonae pam, xua pebiwi pam paca wi thaba poxonae cataunxuae pexui pam. Paca jumapa perʉ muxunene caxica xua ichaxota pebiwichi xeinatsi ichaxota pana nareixacaename. Baxua paca cana exana poxoru Moisés pia peitorobi coyene paca itoroba xua painya tsita itapeinya xeinaenexa xua bara apara Nacom piamonae tatsi pam. Barapo coyenewa xua Moisés pia peitorobi coyene tatsi paca yawena xua Nacom pajume cowʉnta dubenanaebiyame icha paexaname daxita pocotsiwa Moisés paca itoroba. Ichitha icha jopa paexanaem pocotsiwa xua Moisés paca itoroba jopa paca yawenaeyo xua Nacom pajume cowʉnta dubenanaebiyame bequein paca wi thabitha tsipae.

Romans 3:29 in Cuiba

29 Nacom jopa meisa apara judiomonae pia Nacom tatsi. Apara irʉ pomonae jopa judiomonae naexanaeyo barapomonae irʉ pia Nacom tatsi.

1 Corinthians 7:19 in Cuiba

19 Bapana Nacom jopa tsita ainya cuichi, metha bequein pebin bayatha wi thabatsi, ichacuitha metha bequein jopa wi thabichi. Po coyene xua peainya cui coyene xua jiwi bewa exanaena, jame maisa bewa jiwi jume cowʉntsiya exanaena pocotsiwa Nacom itoroba.

2 Corinthians 5:14 in Cuiba

14 Cristo pata tana neantobexae paichichipan xua pata tatanacuichiwanexa bapon. Bara xaniwaicha payaputan xua Cristo tsitʉpa daxita jiwi pomonae pia pejume cowʉntsiwichixaetsi. Daxota Nacom patsitan xua paxan be pomonae pata werapaewi pan abe pata exanaexae.

Galatians 3:28 in Cuiba

28 Nacom daxita jiwi tsita najʉpatsi. Daxota Nacom jopa tsita ainya cuichi metha bequein judiomonae pam tsipaem, irʉ metha bara bequein griegomonae pam tsipaem pomonae jopa judiomonae naexanaeyo. Mataʉtano jopa tsita ainya cuichi metha bequein pomonae amanaya painya nepaca busi cui tatayebeibiwi pam tsipaem, irʉ bara bequein pomonae jopa amanaya painya netanacuichi jiwi pam tsipaem. Mataʉtano jopa tsita ainya cuichi metha bequein bara pebiwi pam tsipaem, irʉ metha bequein yabʉxi pam tsipaem. Nacom tsitatsi xua paxam be caemonae jiwi pam xua caemonae pana nabarʉ exaname Cristo Jesustha.

Galatians 5:2 in Cuiba

2 Xan, Pablon, pana nejume taema. Jopa equeicha pacopatsinde xua bara judiomonae paca wi thabina, pomonae pebiwi pam, ichaxota panareixacaename. Tsipei icha baxua paexanaetsipame bapoxonae Cristo jopa paca yawenaetsipae po coyene bapon nepaca jʉntʉ coyene xanepana exanaewa tsane Nacomtha.

Galatians 6:15 in Cuiba

15 Jopa naca yawenaeyo icha naca wi thaba. Barichino jopa naca yawenaeyo icha jopa naca wi thabiyo. Jame pocotsiwa ainya cui xua bewa Jesucristo tsita xeinaetsi pena jʉntʉ coyene.

Colossians 3:11 in Cuiba

11 Poxonae jiwi pena jʉntʉ coyenein xeina pejume cowʉntsixae, bapoxonae Nacom tsita najʉpatsi, metha bara bequein griegomonaepin tsipae, irʉ metha bequein judiomonaepin tsipae, irʉ metha bequein pon xua pewi thabinchi tsipae xua ichaxota pebiwi nareixacaena, irʉ metha bequein pon jopa pewi thabinchi tsipae xua ichaxota pebiwi nareixacaena, irʉ metha bequein pon penanapaincha poponaein tsipae, irʉ metha bequein pon unupin tsipae, irʉ metha bequein pon pebusi cui taetaeinchi tsipae, irʉ metha bequein pon pepu copatinchi tsipae xua bara piawa penata exanaewa tsane. Apara jame meisa bapon Cristo ainya cui peexanaeinchi. Mataʉtano Cristo barʉ popona pomonae peantobewixaetsi.

1 Thessalonians 1:3 in Cuiba

3 Pajan tsaibi Nacomtha: “Pata Taxam, Nacom, maisa barapo Tesalónica tomarapiwi bichocono cajume cowʉntsiya cata exana dubenanaebiya. Mataʉtano, bichocono necaantobexae daxota ayapusʉya cata nacuita dubenanaebiya. Maisa bichocono barapomonae wʉnae ewateiba xua Jesucristo pia pepatopeicaewanexa tsane, pon Pata Tanecanamataxeinaein”, pajan tsaibi Nacomtha.

Hebrews 11:8 in Cuiba

8 Abraham pon caena bayatha popona yabara jume cowʉnta xua Nacom yawenapaeba. Daxota poxonae Nacom pewabixae, bapon bara exana pocotsiwa Nacom itoroba. Bapon Abraham pia nacua weya pona xua peponaenexa icha nacuatha, po nacua bayatha Nacom yabara tsiwʉnae muxu duta, xua bapon catapaebatsi. Bapon Abraham pia ira weya pona xua icha nacua beya pona po nacua bequein jopa yaputaeyo ichaxota pona.

Hebrews 11:17 in Cuiba

17 Nacom Abraham jʉntʉ coyene jʉjʉtatsi peyaputaenexa icha bara metha yatsicaya jume cowʉntatsi. Daxota Nacom Abraham itorobatsi xua pexanto pebexubiwa tsane icha be pocotsi coyeneya ichi xua poxonae duwein bexuba Nacom nexa. Abraham pejume cowʉntsixae Nacom daxota pexanto capana atororo beya pon yatsicaewa compa tatsi pon pewʉn Isaac. Abraham muxu pexanto pebexubi icha be pocotsi coyeneya ichi xua poxonae duwein bexuba Nacom nexa. Bapon baxua exana bequein Nacom yabara tsiwʉnae muxu duta barapo Abraham pexanto tatsi, jeye:

James 2:14 in Cuiba

14 Tamonae pam, irʉ pomonae painya nejume cowʉntsixae Jesucristo. ¿Eta xua metha tsipae? Metha ichʉn jei: Xan Nacom Pejume Diwesi jume cowʉntan, jei, ichitha jopa betiya xanepanaya exanaeyo. ¿Bara metha bapon najʉntʉ coyene capanepaetsipa Nacom beya? Apara jume tsipae, jopa najʉntʉ coyene capanepaetsipae.

1 Peter 1:8 in Cuiba

8 Paxam paantobem Jesucristo bara bequein jopa bapon pataem. Mataʉtano anoxuae pajume cowʉntame bequein jopa bapon anoxuae pataem. Paxam bichocono pajʉntʉ coyene weiweiname. Bara bequein barapo pexeinya pejʉntʉ coyene weiweinae coyenewa bayatha payabara paebame daichitha awiya pacata seica xua po jumetha beta payabara paebame barapo peajʉntʉcoyenesʉwa. Daxota bichocono pajʉntʉ coyene weiweiname tsipei pananta xeiname xua painya nexeinaewa tsane pebarʉ cui itura jinaewa Nacom pia nacuatheicha.

1 John 3:14 in Cuiba

14 Waxainchi yaputainchi xua bewa werapaeinchi abe waexanaexae. Ichitha anoxuae peajʉntʉyapusʉwa xeinatsi, po peajʉntʉyapusʉwa ataya tsiteca waantobexae pomonaetha pomonae irʉ pejume cowʉntsixae. Pon xua jopa antobeyo piamonae jiwanapin tatsi, pon irʉ pejume cowʉntsin Nacom, bapon bequein popona ichitha jopa xeinae tsane peajʉntʉyapusʉwa.

1 John 4:18 in Cuiba

18 Poxonae antobetsi ichamonae barapo jʉntʉ coyenewatha ba jopa cunuwichi barapomonae. Tsipei barapo peantobe coyenewatha torotatsi pocotsiwa xua pejunuwiwa xua wajʉntʉ coyene weya. Tsipei pon junuwa nayaputane xua atene tsaneba, penayaputaexae xua abe exana. Pon ba junuwa jopa xeinaeyo peantobe coyenewa, po peantobe coyenewa Nacom weya.