Acts 9:15 in Cuiba 15 Jesús Ananías baraichi, jeichichi: “Ponde tsipei yaitama bapon bayatha Saulo itapetan. Bapon Saulo tsipaebina tajume diwesi icha nacuantha, po nacuantha jinompa pomonae jopa judiomonae naexanaeyo. Mataʉtano tsipaebina pomonaetha pomonae jiwi itorobiya pia pepa peewatsiwichi. Mataʉtano tsipaebina barapo tajume diwesi israelmonaetha.
Other Translations King James Version (KJV) But the Lord said unto him, Go thy way: for he is a chosen vessel unto me, to bear my name before the Gentiles, and kings, and the children of Israel:
American Standard Version (ASV) But the Lord said unto him, Go thy way: for he is a chosen vessel unto me, to bear my name before the Gentiles and kings, and the children of Israel:
Bible in Basic English (BBE) But the Lord said, Go without fear: for he is a special vessel for me, to give to the Gentiles and kings and to the children of Israel the knowledge of my name:
Darby English Bible (DBY) And the Lord said to him, Go, for this [man] is an elect vessel to me, to bear my name before both nations and kings and [the] sons of Israel:
World English Bible (WEB) But the Lord said to him, "Go your way, for he is my chosen vessel to bear my name before the nations and kings, and the children of Israel.
Young's Literal Translation (YLT) And the Lord said unto him, `Be going on, because a choice vessel to Me is this one, to bear My name before nations and kings -- the sons also of Israel;
Cross Reference Matthew 10:18 in Cuiba 18 Mataʉta barapomonae paca caponaena pomonae peyanacua ewatsi jiwi peitabaratha tatsi. Mataʉta paca caponaena pomonae jiwi itorobiya pia pepa peewatsiwichi pia peitabaratha tatsi. Baxua paca cana exanaena painya tana nejume cowʉntsixaemxae. Daichitha barapo pentacaponaewi peitabaratha tatsi paca itacʉpaena xua pata neyabara paebiwan pocotsiwa bayatha tapacata exanaewatsi paxam. Mataʉtano paca itacʉpaena xua pata neyabara paebiwan pomonae jopa judiomonae naexanaeyo peitabaratha tatsi.
John 15:16 in Cuiba 16 Apara jopa pana neitapetsim. Jame apara paca itapetatsi. Paca cui itorobatsi xua xanepanaya painya neexanaewa pocotsiwa Taxa paca itoroba. Ichichipan xua jopa peweraweracaewa tsane pocotsiwan painta exanaename. Bapoxonae Taxa bara pacata exanaena poxonae Taxa beicha pawʉcame poxonae pana nebʉxʉna bobenouname.
Acts 13:2 in Cuiba 2 Caentacabi, poxonae barapomonae Nacom pejume coyene canatsipaeba exana, yawa yabara nainbota, barapoxonae Nacom pia Pejumope tʉnaxʉ tatsi barapomonae tsipaebatsi, jeye: “Paitorobare Bernabé, Saulono, petsipaebinexa tsanebe Nacom pia pexeinya jume diwesi tatsi po penacuichiwa baponbe bayatha tsiwabanbe”, jei Nacom pia Pejumope tʉnaxʉ tatsi.
Acts 21:19 in Cuiba 19 Barapomonae Pablo jacoba. Bapoxonae tsiwiyo bexa Pablo tsipaeba daxita po coyene xua Nacom exana pomonaetha pomonae jopa judiomonae naexanaeyo. Yawano paeba po coyene Pablo itorobatsi Nacom, xua petacaponaenexa Nacom Pejume Diwesi tatsi.
Acts 22:21 in Cuiba 21 Ichitha bapon pon jiwi Pecanamataxeinaein nebarai: ‘Antha ponde. Aunxuae tajʉ caitorobinchi barapomonae beya, pomonaetha pomonae jopa judiomonae naexanaeyo beya’, nejei”, jei Pablo.
Acts 25:22 in Cuiba 22 Nexata Agripa Festo baraichi, jeye: —Tha bequein irʉ jume taetsirʉ Pablo, jei Agripa. Agripa jume notatsi, Festo jume nota, jeye: —Metha moya baya tsane jume taename, jei Festo.
Acts 26:17 in Cuiba 17 Cacui itorobatsi xua Nacom Pejume Diwesi necueicueijamnexam. Nexata cacapanepaeinchi poxonae juntucuru caperaxa exana judiomonae irʉ pomonae jopa judiomonae naexanaeyo.
Acts 26:32 in Cuiba 32 Agripa tsipaeba, Festo baraichi, jeye: —Icha metha jopa naca wʉcaetsipae Pablo xua peponaewa tsane pontha pon romanomonae itorobiya pia pepa peewatsinchi xua baxotiya peyabara paebinexatsi penatsicuentsiwa xua abe peexanaexae metha pu copatsipatsi xua bara pepanepaewa tsane yatsicaewa, jei Agripa.
Acts 27:24 in Cuiba 24 Barapo matatsunpin nebarai: ‘Pablo jopa junuwinde poxoru bexa tsane romanomonae itorobiya pia pepa peewatsinchi pon Augusto, peitabaratha tatsi uncuaename. Daxota pomonae xua napona cata capanepatsi Nacom’, nejei matatsunpin.
Acts 28:17 in Cuiba 17 Poxonae acoibi po matacabibe yapucaewa, Pablo najume caruta ichamonaetha petawabinexa tsainchi Roma tomarapiwi, pomonae judiomonae pia pentacaponaewi tatsi. Poxonae barapomonae pata, Pablo barai barapomonae, jeye: —Tamonae, jopa abe exanaeinyo wamonaetha pomonae judiomonaexae. Mataʉtano bequein jopa abe exanaeinyo wamo susato jiwi piamonae pia coyene cuitha tatsi, ichitha barapomonae newaetaba. Mataʉtano jiwi pecʉbi botha necapona Jerusalén tomaratha xua romanomonae pia pentacaponaewi tatsi pia xantha tatsi.
Romans 1:5 in Cuiba 5 Jesucristo pata tana neantobexae, Nacom pana cata pocotsi coyene xua pana netsita coyene xanepana xua pata tana necana exanaewa tsane Jesucristo pia peitorobi jiwi tatsi. Nacom pana itoroba pata cueicueijeinexa daxita nacua jiwitha xua barapomonae pejume cowʉntsinexa yawa xua peexanaenexa pocotsiwa xua Jesucristo itoroba.
Romans 1:13 in Cuiba 13 Tamonae pam, pomonae irʉ painya nejume cowʉntsiwixae Jesucristo. Ichichipan xua payaputaneme xua matowa ichichipeiban xua tapaca siwa poneibiwa tsaibi tsainchi. Ichitha beya anoxuae jopa neitacʉpaeyo xua tapaca siwa ponaewatsi. Ichichipan xua tapaca cuidubiwatsi Nacom Pejume Diwesi xua pejume cowʉntsinexa pomonae jopa copiya jume cowʉntsiyo, xua irʉrʉ pejʉntʉ coyene tsacabinexatsi pomonae copiya jume cowʉnta. Baxua barichin tsane icha bayatha ichin ichamonaetha xua poxonae yawenan pomonae jopa judiomonae naexanaeyo xua pejume cowʉntsinexa.
Romans 9:21 in Cuiba 21 Pon xua juruwato peexanaein bapon itacʉpatsi xua cae tsorobotha jiwana exana ainya juruwaton xua seicayan be pocotsi coyeneya xua ichichipa. Bapon itacʉpatsi xua pexeinya juruwato exana xua bichocono ainya matoma. Mataʉtano bapon itacʉpatsi xua bara cana exana xua jopa wʉnaeyo xua saya pecasetsinexa.
Romans 11:13 in Cuiba 13 Anoxuae paca tsipaebatsi pomonae pam pomonae jopa judiomonae naexanaeyo pam. Yaitama Nacom taneitorobixae pomonaetha pomonae jopa judiomonae naexanaeyo, pomonae icha paichim, daxota tsitsipaebaponan Nacom Pejume Diwesi. Barapo tatanacuichiwa Nacom bichocono netsita ainya cui.
Romans 15:15 in Cuiba 15 Barapo cartathe pecono jumeyotha atsaquiya pacata tinatsi. Baxuan xua pocotsiwan pacata tinatsi jopa ichipaeinyo xua painya nejʉntemainaewa. Daxota atsaquiya pacata tinatsi baxuan Nacom tanebarʉ cui itura jinaexae poxonae necata barapo tanacuichiwa.
1 Corinthians 15:10 in Cuiba 10 Ichitha xan nama anoxuae seicayiya exanan Nacom taneyawenaexae. Bapon tana neantobexae jopa abeya taexanaeinyo. Jame nama seicaya bichocono ayapusʉya nacuitan Jesucristo nexa beyacaincha ichamonae pomonaexae Jesucristo pia peitorobi jiwi tatsi. Ichitha xan jopa tacouthinyo xua tanacuichiwa, apara jame Nacom neyawena tana neantobexae.
Galatians 1:1 in Cuiba 1 Xan, Pablon, Jesucristo pia peitorobi jiwi jiwana tatsin. Apara ichʉn jopa neitapetsiyo yawa pebiwi jopa neitorobiyo. Apara jame Jesucristo bapon neitoroba, yawa Nacom, Waxa, neitoroba, pon Pexanto asʉ exana petʉpae coyene weya.
Galatians 1:15 in Cuiba 15 Ichitha caena bayatha Nacom neitapeta xua tajume cowʉntsiwa tsane bapon pewʉnaeya poxonae beya tanaexanaewa tsane. Daxota Nacom newaba, bichocono petana neantobexae.
Galatians 2:7 in Cuiba 7 Barapomonae jopa necatsiyo pena pecuidubiwa xua tacueicueijeinexa. Barapomonae yaputane xua Nacom neitoroba tacueicueijeinexa pia pecapanenebiyae diwesi pomonaetha pomonae jopa judiomonae naexanaeyo pomonae jopa pewi thabiwichi. Icha Nacom ichi xua Pedro itorobatsi xua pecueicueijeiwa tsane barapo pecapanenebiyae diwesi judiomonaetha, barichi Nacom neitoroba xua tacueicueijeiwa tsane barapo diwesi pomonaetha pomonae jopa judiomonae naexanaeyo.
Ephesians 3:7 in Cuiba 7 Nacom neitoroba xua tacueicueijeiwa barapo pexeinya jume diwesi amanaya tatanacuichixae Cristo. Nacom necata barapo tatanacuichiwa pia tana neantobexae xua tayawenaewa tsane ichamonae. Mataʉtano Nacom necata pia peayapusʉ itorobi coyenewa xua tacueicueijeiwa tsane barapo pexeinya jume diwesi.
Colossians 1:25 in Cuiba 25 Xan, Pablon, Nacom Pejume Diwesi tacueicueijei jiton tana neitorobixae Nacom tapaca cayawenaenexatsi xua irʉ daxita carepaya jiwi pejume taetaeponaewa tsane barapo Nacom Pejume Diwesi.
1 Timothy 2:7 in Cuiba 7 Daxota Nacom newʉn duta, jeye: “Bapon apara pon tajume diwesi pecaponaein yawa bapon taitorobi jiwi jiwanapin”, jei Nacom. Bara xaniyeya paeban, jopa naerabinyo. Daxota Nacom neitoroba tacuidubinexa pomonaetha pomonae jopa judiomonae naexanaeyo xua Nacomtha pejume cowʉntsiwa yabara yawano xua Nacom pia pexainyeiwa yabarano tatsi.
2 Timothy 1:11 in Cuiba 11 Nacom newaba xua tacueicueijeinexa barapo pia pexeinya diwesi jume tatsi. Mataʉtano neitorobano xua tana necana exanaenexa Jesucristo pia peitorobi jiwi jiwana tatsin xua tacuidubinexa pomonae jopa judiomonae naexanaeyo.
2 Timothy 2:20 in Cuiba 20 Botha ba ichaxota pin bo, barapo bo xeina penain coroton pocotsiwa pewʉn oro nain, yawano icha penainwan pocotsiwa pewʉn plata nain. Mataʉtano ba muxuna xeina napae coroton. Mataʉtano ba xeina tsorobo coroton pocotsiwan be juruwaton. Po coroton xua pexeinya coroton, barapo coroton pecanamatawenonaenexa penabarʉ itata weiweinae matacabintha. Po coroton xua saya pexeinya coroton aibi, barapo coroton pecanamatawenonaenexa daxita matacabintha.
2 Timothy 4:16 in Cuiba 16 Poxonae tacoutha nayabara jume yawenaeya cueicueijan pentacaponaewi peitabaratha, dapon aibi pon tana neyabara jume yawenaewa tsane. Daxita nepunapenta. Ichichipan xua Nacom bʉ jopa cabetsi tsane barapomonaetha xua tana nepunapentsixae.
Revelation 17:14 in Cuiba 14 Daxita barapomonae pomonae diez poyobe, pomonae piamonae itorobiya pepa peewatsiwi irʉ pon be Corei, Cordero bʉtsi. Ichitha barapo Cordero amanayabina daxita barapomonaetha. Tsipei barapon pon jiwi pia pepa Pecanamataxeinaeinchi pia peayapusʉ itorobi coyenewa xeina beyacaincha xua ichamonae xeina pomonae jiwi pecanamataxeinaewichi. Mataʉtano bapon pon Corderoxae jiwi itorobiya pia pepa Peewatsinchi tatsi pia peayapusʉ itorobi coyenewa xeina beyacaincha xua ichamonae xeina pomonae jiwi itorobiya pia pepa peewatsiwichi xua irʉ xeina pia peayapusʉ itorobi coyenewa. Pomonae Cordero nabarʉ yawenatsi xua poxonae amanayaba barapomonaetha, Nacom waba barapomonae poxoru Nacom pia peitapetsiwichi tatsi, mataʉtano tsipei exana pocotsiwa Nacom itoroba”, nejei matatsunpin.