Cross Reference Mark 16:15 in Colorado 15 Junni aman Jesús yachi tsachilabe itsantinue: —Nulaca itsanque mantanayoe tinue: Jerale tote nenato, jeralete Diosichi sen fiquica micarito nenalarana! tinue.
Luke 2:10 in Colorado 10 Junni anjeli mantimini jeleratulajode! tinue. Junsi itsantinue: —Meralaquede! tinue. Nulachi sen fiquica tanjanayoe tinue. Junni in fiqui duque son josa carimin fiqui joe tinue yape jeralela son jolajosa.
John 12:26 in Colorado 26 Labe mantaiminla la cuwentanan jonola joe. Labe mantaiminla la chununbinan pechularachunae tie. Labe mantaiminlaca Apa Diosi sen jolajoe tichunae tie.
John 13:14 in Colorado 14 Junni lari nulachi Miya jotonan, peyun cuwenta ito nulachi nedeca tsaleyoe tie. Junni la tsanquinari, nula talanan ticatiya peyun cuwenta ito tsanquinilaquina! tie.
John 15:15 in Colorado 15 Jana patronlari ti quinanunca mantaiminlari miitolajochunae. La mantimini nulabenan jera pacayoe. Lachi Apa Diosi pacaca meráto, nulabe jera cuenta manpolaricayoe tie. Junto amanale nechi nulaca pato, mantaiminla titiyoe. Amanale nechi nulaca amicola tiyoe tie.
John 15:20 in Colorado 20 Nulabe man fiqui numa pacayoe. Mantenhilaide! tie. ¿Peyunla yalachi patronlaca fécari mantá tan itolajochunae tituan? tie. Junni labe seiton jominla nulabenan seitolajochunae tie. La pacaca meráminlari nulacanan meralaquichunae tie.
Acts 9:15 in Colorado 15 Miya Jesús mantimini Ananías tsantinunca tennatuto, yabe itsantinue: —Nuri jiniide! tinue. Lari Sáuloca wentecayoe tinue. Yari laca cuenta polarimin jochunae. Uyan tobi chuminlabe, mantaminlabe, israelítalabenan laca cuenta polarimin pejochunae tinue.
Acts 13:2 in Colorado 2 Junni yala ano fitunca ito, Miya Diosichi cale telenhinaminlanue. Junni tsanlainasa Diosichi Tenca yalabe itsantinue: —La Bernabebe Sáulobeca wenteto mantaca joyoe tinue yape lachi tenchi ticatiya quito nenalarasa. Junni nulanan yalaca mantalaquede! tinue.
Acts 13:9 in Colorado 9 Junni Pablo itsantinue. (Aman Sáuloca tensaato mumun pato, Pablo tinun jominue.) Junni Pablo Diosichi Tencabe jera mantaito, ya poneca cacabi quirato, itsantinue:
Acts 20:24 in Colorado 24 Tsanquinola josanan jeleratiyoe. Miya Jesucristo lachi mantaca cuwaca joe yape sen fiquica micarisa. Diosiri tsachilaca laquirato jutsaca piyarimin joequenan micarino joyoe. Jun fiquicari micarino pode jotori, puyanoca natiya jeleratiyoe tie.
Acts 21:40 in Colorado 40 Junni cuenta quiniquede! tinan, Pablo terancabi wiruito, tedechi nosasailaide! quinue. Junni nosasailainunbi, yalabe israelítalachi fiquichi cuenta quito itsantinue:
Acts 22:7 in Colorado 7 Junnasa lari tobi queereisi, fiqui meráyoe. Aman labe pejinaminlari tsenanunca wepanato quiratonan, juntonan fiquica entendeitulajoe tinue. Junni jun fiquiri lachi tsa mumunca pato, Saulo, Saulo tie tinue. ¿Ti quichun laca seiton quinayun? tie tinue. Junni lari beconan manpato, Miya, ¿moyun? tiyoe tinue. Junni Jesús Nasareno joyoe tie tinue. Laca nu seiton quinae tie.
Acts 22:13 in Colorado 13 Junni yari lachica jato, quelole wiruito, Aco Saulo tie. Diosi nuca manse suwanae tie tinue yape manquirano podeisa. Junni Ananías tsantinasale quirano podeito, yaca quirayoe tinue.
Acts 22:21 in Colorado 21 Junni Jesucrístori la tsanque pacaca natiya tennatuto, labe itsantie tinue: Jide! tie. Nuca bare toca erechinayoe tie tinue israelita itonlachica.
Acts 26:1 in Colorado 1 Junni Festo tsantinunsi, Agripa Páblobe itsantinue: —Nuri cuenta quiniquede! tinue. Junni Pablo tede jalitanue cuenta quechinayoe tito. Junsi isa pato itsantinue:
Acts 26:14 in Colorado 14 Junni jeralela tobi queereitonan lari fiquica meráyoe. Israelítalachi fiquichi pato, lachi tsa mumunca pato, Saulo, Saulo, ¿ti quichun laca seiton quinayun? tie tinue. Laca seiton quinato, nu tencachiquenan fécari padeseinae tie calu chide puntabi terachi quimin cuwenta.
Acts 26:16 in Colorado 16 Junni Jesuri laca cupato manwiruide! tie tinue. Junsi laca yabe mantaito nenamin ide! tie tinue. Jun tenchi labe quirainayoe tie tinue. Junni jun mate quirananunca cuenta polarimin jona! tie tinue. Junni Jesucristo labe manan manquirainan, juncanan cuenta manpolarimin jochunae tie tinue.
Romans 1:5 in Colorado 5 Yari chiquilaca laquirato, chiquilachi mantá cuwanue jerale tote tsachilaca micarilaquisa. Yachi mantá tanla joto, tsachilaca micarinola joyoe yape yabe cayaito yaca meralaquisa.
Romans 1:9 in Colorado 9 Junto la numasitiya Diosibe rocainato, nulachi tenchinan duque perocaimin joyoe. Diosi mirae la nulachi tenchi rocaimin joeque. Lachi jera tencabi Diosibe mantaito, yachi Naoca paca sen fiquica micarimin joyoe.
Romans 1:16 in Colorado 16 Jesucrístoca paca sen fiquica lari luratiyoe. Jun fiquiri sonban jonan, Diosi jutsa quiminlaca junbe se larimin joe. Jerale jun fiquica quereiminlaca se larimin joe casale israelítalaca, jun benete israelita itonlacanan.
Romans 11:13 in Colorado 13 Amana nula israelita itonlabe cuenta quinayoe. Diosi lachi mantá cuwato, israelita itonlaca fécari micarisa mantaquee. Jun tenchi nulaca duque seque micarino muquee
Romans 15:16 in Colorado 16 yape israelita itonlaca Jesucrístochi mantate micarisa. Patelela Diosichi ticatiya cuwanun cuwenta, lanan israelita itonlaca tsanque Diosichi cuwamin joyoe. Diosichi Tenca yalaca jera sen suwaca jonan, Diosi yalaca sen jolajoe tichunae.
Romans 15:29 in Colorado 29 Junni la nulachica jito, Crístoca paca jun sen fiquica micarinasa Diosi duque bendesiquichunaeque mirayoe.
Romans 16:18 in Colorado 18 Tsanque micariminla chiquilachi Miya Jesucrístoca merátuto, yalachi tenca munateri nenaminla joe. Otoque sen fiquinan quiranca pato micarito, tenca itonlacari querecariminla joe.
Romans 16:25 in Colorado 25 Nulachi tencaca sonba suwano podeimin Diosica tsara seque palaquina! Lari nulaca Jesucrístoca paca sen fiquica micarinato, Diosi nulaca sonba tenca suwamin joequenan micariyoe. To caquitununle nechi jun sen fiquica miratunun
1 Corinthians 1:1 in Colorado 1 La Pablo in pilaca nulachi erechun quinayoe Coríntobi chuminlachi. Diosinan laca wenteno muquinan wenteca joe yape Jesucrístochi mantá tan nenasa. Labe junsi chiquilachi aco Sóstenebe nulachi saludo erelaquinayoe. Nulari Diosichi bolon tsachila jolajoe. Junnan nulacanan Diosi wentenue yape Jesucrístochi sen tsachila jolajosa. Piyanle tote Miya Jesucrístobe cayaito penenaminlaca wentenato, nulacanan pewentenue yape jeralela yachi tsachila jolajosa. Yalachi Miya joto, chiquilachinan Miya joe.
1 Corinthians 9:1 in Colorado 1 ¿La titiya jera quino mantá tatuan? ¿Crístochi mantá tan jotuan? ¿Chiquilachi Miya Jesucrístoca quiraca jotuan? ¿Yachi mantate nulaca Jesube cayaisa carimin jotuan?
1 Corinthians 9:16 in Colorado 16 Jesucrístoca paca sen fiquica micarinatonan, jun tsanquinun tenchiri fécari duque seque quimin joyoe tino podeitiyoe. Diosi laca mantaca joe ya sen fiquica micarisa. Yaca micaritutori, lachi tenca duque padeseino jomin joinhie quino jonunca quitiyoeque.
1 Corinthians 15:8 in Colorado 8 Junni wanbile labe debi quiraie. La mantimini Crístochi mantá tanla tala fécari pele joyoe. Lari nanni matuleri Diosi wenteca jun tsachilabe duque seiton jomanyoe. Jun tenchi la Crístochi mantá tan jotonan, yachi mantá tan jono michi sen itoyoe. Weyanla Crístochi mantá tanlari yachi nalala cuwenta jolajosanan, lari yala cuwenta naica jun itoyoe.
2 Corinthians 1:1 in Colorado 1 La Pablo in pilaca Coríntobi chuminlachica erechun quinayoe. Diosi laca wentecae yape Jesucrístochi mantá tan josa. Junni labe aco Timotéobe nulabe saludailainayoe. Corinto pueblobi chuminlachi tenchi, junsi jerale Acaya tobi chuminlachi tenchi in pila quinayoe Diosichi tsachilachi tenchi.
2 Corinthians 4:5 in Colorado 5 Aman chiquilari sen jolajoyoeque micarilaquitiyoe; Jesucrístoca Miya joequeri micarilaquinayoe. Junsi chiquilari yachi tenchi nulaca ayudaichun jolajoyoeque micarilaquinayoe.
2 Corinthians 11:5 in Colorado 5 Jaatsanque micarinaminlari Crístochi fécari mantá tanla joyoe tilatinatonan, lacari natiya fe poden itolajoe.
2 Corinthians 12:11 in Colorado 11 Lari tenca iton cuwenta paniquinamanyoe. Nulari laca tsanque pasa carilaquee. Lari epe tsachi jototiya, ya Crístochi fécari mantá tan joyoe timinlacari fécari mantá tan joyoe. Junni nulari junca tenhitori, lacanan isa paca jomanpari, tencachiquenan isa pano itono jomin joinhie.
Galatians 1:1 in Colorado 1 La Páblori in pilaca quinayoe. Jesucrístochi Galacia tobi chumin tsachi bolonlachi erechun quinayoe. Crístochi mantá tan joto in pilaca quinayoe. Junni tsachilachi mantá catiyoe. Tsachilari Diosichi mantate laca mantá tan suwatucalae. Apa Diosi patsanan laca mantá tan suwacae. Yanan Jesucrístoca puyaca jominca mansoncarinue. Junto yabe Jesucrístobe laca mantá tan suwacalae. Junni labe jerale inte chumin Jesucrístochi tsachilabe nulachi saludo erelaquinayoe.
Galatians 1:10 in Colorado 10 Junni lari tsanque pánato, ¿tsachilachi tenca munate tsantinawan? Tsachilari yape laca sen joe tilatisari tsantitiyoe. Diosisiri laca sen joe tisa pánayoe. Tsachilaca catennamanpari, Crístobe mantaimin itono jomin joinhie.
Ephesians 1:1 in Colorado 1 La Pablo nulabe duque saludainayoe. Diosi laca wenteca joe yape Crístochi mantá tan nenasa. Nulanan Jesucrístobe pecayaicala joto, Diosichi tsachila jolajoe.
Ephesians 1:13 in Colorado 13 Junni nulanan israelita itonlanan jun sen fiquica meralaquinue. Jun tsarasi fiqui nulaca se lolaichunaeque paca joe. Junni nulanan Crístobe cayailainue. Aman junni Diosi mantimini paca jominue Crístoca quereiminlachibi yachi Tencaca wisa carino joyoeque. Junto nulachi tencabinan yachi Tencaca ereca joe yape nula jeralela Diosichi jolajoyoeque miralarasa.
Ephesians 3:5 in Colorado 5 Junni ya fiquiri matu male nechiri miratunun jomin jotonan, amanari miranun ica joe. Crístochi mantá tanlanan, Diosichi mantate paminlanan, ya fiquica miralarayoe. Diosichi Tenca chiquilachi tencabi wica joto micarie.
Ephesians 4:11 in Colorado 11 ¿Junni tsachilachi ticatiya epe cuwanue tinatun? Itsanque joe: Mancachi mancachi epe cuwanique cuwenta mantaca cuwaca joe. Weyanla Crístochi mantá tanla, weyanla Diosichi mantate paminla, weyanla Jesucrístobe cayaisa cariminla, weyanlari Jesucrístobe penenaminla tala cuidaiminla, weyanla micariminla, jolajosa mantá cuwaca joe.
Philippians 1:1 in Colorado 1 Páblobe Timotéobe in pilaca quilaquinayoe. Jesucrístobe mantaiminla joto, Filipos pueblobi chuminlachi erechun pila quilaquinayoe. Jerale Jesucrístochi sen tsachilachi, nula tala mantá tanlachi, junsi Jesucrístochi tsachi bolon tenchi trabajaquiminlachi erechun quilaquinayoe.
Philippians 2:11 in Colorado 11 Jeralela palaquichunae Jesucrístori piyanlelaca mantamin Miya joeque. Jeralela tsanlatichunae yape Apa Diosicari tsara sen patsa joeque mirantsan josa.
Philippians 3:6 in Colorado 6 Jun mantaca merátumin joequeri monantiya laca culpa quino podeilaituchunae. Lari israelítalachi mite nenanoca tsara se joe timin joto, junca telaquepominlacari duque seitolajoe timin jomanyoe. Junto israelítalari Jesucrístobe cayailainari, yalaca paito yalabe duque seiton jomanyoe.
Colossians 1:1 in Colorado 1 La Pablo nulachi saludo erenayoe Colosa pueblobi chuminlachi. Diosiri laca wentecae yape Crístochi mantá tan nenasa. Junni labe Timoteo acobe nulachi saludo erelaquinayoe. Nulari Diosichi tsachila jolajoe. Crístobe cayaica joto, chiquilachi acola, soquila icala joe. Jun tenchi nulabe saludailainayoe. Chiquilachi Apa Diosibe Miya Jesucrístobe nulaca laquirato pansi chularasa carisa tenjalaquee yape wepanatuto chularasa.
1 Thessalonians 2:2 in Colorado 2 Diosichi sen fiquicari micariminlayoe. Filipos pueblobi seitonlari chiquilaca jelepochique tenfelaie. Nula miralaranae chiquila junbi duque padeseilaieque. Junni tsanque padeseinasatiya, Diosi chiquilaca sonba tenca suwae yape nulacanan yachi sen fiquica micarilaquisa.
2 Thessalonians 2:13 in Colorado 13 Junni tsan josatiya, acola, soquila, nulachi tenchi numasitiya Diosibe acradeseinola joyoe. Miya Jesús casalele nechi nulaca laquirato wentenue yape yachi Tenca nulaca se suwato se larisa. Tsarasi paca jun fiquica quereito, se lolaie.
1 Timothy 1:1 in Colorado 1 Timoteo, la Pablo in pilaca nuchi erechun quinayoe. Nuca Jesucrístobe cayaisa carito, nuchi apa cuwenta joyoe. Jesucrístochi mantá tannan joyoe. Diosi laca tsanque mantaca joe. Yari chiquilaca se larimin joe. Miya Jesucrístonan laca tsanque mantaca joe. Chiquilari yaca son tito meralarayoe. Junni chiquilachi Apa Diosibe Miya Jesucrístobenan nuchi tenchi rocaimin joyoe yape nuca se tito laquiralarasa, nu wepanatuto pansi chusa.
1 Timothy 1:15 in Colorado 15 Junni tenca cade! Jeralela quereintsan fiquica chutechinayoe. In fiqui tsarasi fiqui joe. Duque merántsan fiqui joe. Yari itsanque joe: Jesucrístori jutsa quiminlaca se laribi toca patanue. Junni piyanle jutsa quiminla tala lari fécari jutsa quimin jomanyoe.
1 Timothy 2:7 in Colorado 7 Jun tenchi Jesucristo lacanan yachi mantá tan suwae yape jun fiquica micarisa. Israelita itonlaca tsarasica micarisa mantá cuwae. Crístochi tsachi joto, tsarasica pánayoe; nene pátiyoe.
2 Timothy 1:11 in Colorado 11 Junni lachinan mantá cuwae yape Crístochi mantá tan nenasa. Jun sen fiquica jerale tote israelita itonlaca micarito nenasa mantá cuwae.
Titus 1:1 in Colorado 1 La Pablo in pilaca Títochi erechun quinayoe. Jesucrístochi mantá tan joto, Diosichi mantate ticatiya quimin joyoe. Diosi ya wenteca junlachi tenchi lachi mantá cuwae. Yalaca fécari quereisa carino joyoe. Yalaca micarinonan joyoe yape Diosichi fiquica miralarasa. Jun fiqui chiquilari tsarasi quereinun fiqui joe.
Hebrews 5:4 in Colorado 4 Mantá tan patelelari yalachi tenca munate patele ilaituchunae. Diosi matu tote Aaronca wenteto patele suwaca cuwenta, tsanquenan Diosiri tsachilaca wenteto patele suwamin joe.
Hebrews 7:26 in Colorado 26 Junni Jesús, yari chiquila munaranun mantá tan patele joe. Yari tsara sen joto, natiya culpa itoe. Jutsa quiminla cuwenta natiya nenatuminue. Junni Diosiri yaca yoquidole nechi fe jamochi tanloca joe.
James 1:1 in Colorado 1 La Santiago in pilaca chuteto erechinayoe. Diosibe mantaimin joto, junsi Miya Jesucrístobenan mantaimin joto, pila chutenayoe. Jerale ara cura chumin Diosichi tsachilachi erechun in pilaca chutenayoe. Nula jeralelabe saludainayoe.
2 Peter 1:1 in Colorado 1 Simón Pedro in pilaca nulachica erechun quinayoe. Crístochi mantá tan joto, yabe mantaito nenayoe. Yari chiquilaca se larimin joe. Yabe Apa Diosibe seque quiminla joto, nulaca chiquilaca cuwentanan tsara sen fiquica quereisa caricalae.
Jude 1:1 in Colorado 1 La Judas, Jacóbochi aco, in pilaca chutenayoe. Jesucrístobe mantaimin joto, in pilaca nulachica erechun quinayoe. Apa Diosiri nulaca laquirato, yabe cayaisa tica joe yape yachi tsachila jolajosa. Junni Jesucristo nulaca seque cuidainae yape Diosibe seque penenalarasa.
Revelation 1:1 in Colorado 1 In cuenta Jesucrístochi joe. Casaleri miituntsan jominca Diosi Jesucrístochi micuwanue yape yabe mantaiminlachi manmicuwasa. Inale niyanhino jonunca miralarasa yalachi junca micuwano jominue. Junni Jesucristo yachi anjelica erenue yape junca lachi jera micuwasa. Junni la Juan
Revelation 22:6 in Colorado 6 Junni anjeli labe pato itsantie: —In fiquiri tsarasi quereintsan fiqui joe tie. Miya Diosi yachi anjelica eree tie yape yabe mantaiminlaca meracarisa inale niyan ino jonunca. Diosiri yachi mantate paminlachi tenca cuwamin joe tie yape yachi fiquica seque palaquisa.
Revelation 22:9 in Colorado 9 Junni yari wari labe itsantie: —Tsanhitude! tie. Lanan nu cuwenta Diosibe mantaimin joyoe tie. Lanan, nunan, Diosichi mantate paminla nulachi acola joto, yalanan, jerale in pilabe mantaiminlanan, jeralela jun tsannan jolajoyoe tie. Junni Diosichi calesiri telenhito se tintsan joe tie.