John 5:39 in Colorado 39 Aman nulari Diosichi Pilaca quiracachiri quiraniquiminlae. Diosichi Pilabi niyaito numatotiya sonnato poleno jonunca miintsan joe tito, ya pilaca sen joe tito, duque quiraminla joe tie. Junni jun pilabi Diosi laca pánae.
Other Translations King James Version (KJV) Search the scriptures; for in them ye think ye have eternal life: and they are they which testify of me.
American Standard Version (ASV) Ye search the scriptures, because ye think that in them ye have eternal life; and these are they which bear witness of me;
Bible in Basic English (BBE) You make search in the holy Writings, in the belief that through them you get eternal life; and it is those Writings which give witness about me.
Darby English Bible (DBY) Ye search the scriptures, for ye think that in them ye have life eternal, and they it is which bear witness concerning me;
World English Bible (WEB) "You search the Scriptures, because you think that in them you have eternal life; and these are they which testify about me.
Young's Literal Translation (YLT) `Ye search the Writings, because ye think in them to have life age-during, and these are they that are testifying concerning me;
Cross Reference Matthew 19:16 in Colorado 16 Junni aman tsachi manca Jesúchica jato itsantie: —Nu sen joto micarimin joe. Junto labe pade! tie. Titiya senca quino muquee numatotiya Diosibe sonnato polechun. ¿Junni lari niyan quino jowan? tie.
Matthew 22:29 in Colorado 29 Jun fiquica meráto, Jesús itsantie: —Nula Diosichi Pilabi chuteca fiquica miitolajoe tie. Diosi tsaracari sonba quimin joequenan miitolajoe tie. Junto palaque tenca calaquinae.
Mark 12:10 in Colorado 10 Jesús micarichun ya cuentaca polaritobi, israelita mantaminlabe itsantinue: —¿Diosichi Pilabi itsantinunca natiya quiratuminlayun? Junbi itsanque chuteca joe: Suca ya quiminlari su mancaca seitoe tito quepolaquichunaeque chuteca joe. Juntonan tsanquica josanan, wanbile ya suri fe munaranun sen su jochunaeque chuteca joe tinue.
Luke 10:25 in Colorado 25 Junni israelítala tala mantaca duque miramin tsachi Jesube panhanue yaca miiton jonhoe tito falta patarichique. Junni ya tsachiri wiruito Jesube itsanque panhanue: —Aman nu micarimin jotori, labe pade! tinue. Diosibe numatotiya sonnato poleno muquee. ¿Junni lari niyan quino jowan? tinue.
Luke 16:29 in Colorado 29 Junni oco jomin tsachi tsantinan, Abraham beco pato itsantichunae tinue: Te, eretiyoe. Nuchi acola Diosichi Pilaca talarae. Yalari yaca quirato merántsan joe tichunae tinue.
Luke 16:31 in Colorado 31 Junni Abraham manaman manpato, itsantichunae: Diosichi Pilaca tennatutori, puyato mansonhimincanan tennalaratuchunae tichunae tinue. Jesús tsachilaca micarinato ya cuentaca polarinue.
Luke 24:27 in Colorado 27 Aman Jesús tsantisi, yalaca Diosichi Pilaca duque micarinue. Casaleri Moisés chuteca pilabi, junsi Diosichi mantate paminlachi pilabi jera micarinue yaca niyan ticala jonunca.
Luke 24:44 in Colorado 44 Junsi Jesús yalabe itsantinue: —¿Diosichi Pilabi laca duque chuteca joco la niyanhino jonunca? Moisés Diosichi mantá chuteca pilabi, Diosichi mantate paminlachi pilabinan, Salmo pilabinan, jeralebi laca duque chutecala joe. Junni lari nulabe canenaminnan, nulaca micaricayoe junbi ticatiya chuteca jonari, jera jun tsannan patichunaeque. Junni amana jera jun tsanquenan patinae tinue.
John 1:45 in Colorado 45 Junni Felíperi Nataniélica neyato féto, yabe itsantinue: —¿Moisés matu mate Diosichi mantaca chutenato, Diosi wenteto ereno jun tsachica pila quica joco? ¿Diosichi mantate paminlanan ya Cristo tinun tsachica pacala joco? tinue. Aman junni chiquilari wari yaca quiralaquiyoe tinue. Jesús mumun joe Josechi nao. Nasaret pueblobi nechi joe tinue.
John 5:32 in Colorado 32 La tencachique paca fiquica meráno munaralaratuchunae. Junni lachi fiquica meráno muquilaquitunari, mancachi fiquica meráto, laca miilaide! mo jonunca. Yanan laca jun tsanquenan pachunae Diosi ereca jaca joeque. Yachi fiquica ura mirayoe tie laca tsarasica pamin joeque.
John 5:36 in Colorado 36 Junni la tsaina uyanchi fiquibe laca miilaide! tinato, Juanchi fiquica pátiyoe; lachi Apa Diosichi fiquica pánayoe tie. Lachi Apa laca mantaca joe tie ticatiya quisa. Junni nulari la tsanquinanunca quirato miino jominlanue laca Diosi ereca jaeque.
John 5:46 in Colorado 46 Moisechi fiquica tsarasi quereiminla jomanpari, lacanan quereino jominla jonhoe. Moisés pila chutenato, lacanan paca jominue.
John 7:52 in Colorado 52 Junni Nicodemo tsantinan, uyan mantaminlari yaca merátuchi tito itsanlatinue: —¿Nunan tsan quiran Galilea to tsachiyun? latinue. Diosichi Pilabi quirade! Galiléabi nechi Diosichi mantate pamin tsachi natiya jano itochunaeque chuteca joe tilatinue.
Acts 8:32 in Colorado 32 Aman Isaías chuteca jun pilabi itsanque chuteca jominue: Opisaca cuwenta totebi tanjichunae tinue. Jana opisa náca fu porecanasanan, atituto tsoniramanhe tinue. Junni yari jun tsanquenan beco patuchunae tinue.
Acts 13:27 in Colorado 27 Matu tote Diosichi mantate paminla Jesuca pila chuteto yaca totesa carilaquichunae tilatie tinue. Junni Jerusalenbi chuminlabe yalaca mantaminlabe jun fiquica tennatumin jominlanue. Jasaino ma cura ya pilacanan quiraminla jotonan, natiya tennatumin jominlanue tinue. Jun tenchi Jesús jaca josa, ya Diosichi tsachi joeque tenhilaitunue. Aman Jesús sen jominue. Junni ya israelítala yaca paito culpa quechique tenfelainue yaca totesa carichun. Junni tsa culpa quino podeitutonan, Jerusalenbi chuminlari miya Pilátobe rocailainue yape Jesuca toteniquisa. Tsanqueri Jesuca totesa carino podeilainue. Tsanque matu mate Jesuca totesa carilaquichunae tica fiquiri tsa patinue. Junni aman Jesús puyacaca tsachila corosibi nechi manpataricato mantanjato, menalaquinue tinue.
Acts 17:11 in Colorado 11 Junni Beréabi chumin israelítala Tesalónicabi chuminlaca fe seque tenca camin jominlanue. Pablo micarica fiquica tsaracari meráto, Diosichi Pilaca manquiralaquinue. Ma cura Diosichi Pilabi seque neyato quiralaquinue Pablo tsarasica pánanunca miichun.
Acts 26:22 in Colorado 22 Tsan josanan Diosi laca isainue yape totelaquitusa. Junto amanachitiya inte Jesucrístoca cuenta caquito wirurayoe. Jeralelabe, mantá tanlabenan, mantá itonlabenen, jun cuentaca quinayoe tinue. Matu tote Moisebe uyanlabe Diosichi mantate pila chutelaquinue Diosi wenteca Cristo tinun tsachi padeseino jochunaeque. Puyato, ya caquenan mansonhichunae latinue. Tsanque israelítalabe israelita itonlabe Diosica tsarasica miino podeilaichunae latinue. Junni lanan jun tsanquenan manpánayoe tinue Moisela matu tote pilabi chutelaquinunca.
Acts 26:27 in Colorado 27 Junni Pablo Féstobe tsantisi, miya Agrípabe itsantinue: —¿Nuri Diosichi Pilaca quereiyun? ya matu to Diosichi mantate pila chutecaca. La mirayoe tinue nu quereimin joeque.
Romans 1:2 in Colorado 2 Matu tote Diosichi mantate paminla yachi pilabi chuteto, jun sen fiquica cuenta polarilaquinue. Jun mate Diosi paca jominue tsachilaca se larino joyoeque.
Romans 2:17 in Colorado 17 Israelítala tala pachinayoe. Israelítala Diosichi mantá chuteca jonunca talarayoe. ¿Diosi israelítalaca wenteca joco? yape yachi tsachila jolajosa. Junni Diosi wenteca jonun tenchi nula itsanlatichunae: Israelítala joto, fe sen jolajoyoe tilatichunae.
Romans 3:2 in Colorado 2 Te, epe itoe. Diosi israelítalaca wenteto yachi fiquica chiquilachi cuwaca joe uyanlaca micarilaquisa. Jun tenchi israelita jono fe se joe.
Colossians 3:16 in Colorado 16 Junsi Crístoca paca sen fiquica duque tenca cato nenalarana! Jun se fiquichi tenca tan joto, nula tala micaraan, payicaan, quilaquina! Diosichi tenchi canta quilaquina! Canta quinato, nulachi tencabi Diosibe acradeseilaina!
2 Timothy 3:14 in Colorado 14 Nu mantimini tsarasi fiquica miito seque quereie. Na mánta Diosichi Pilaca min joe. Jun pilabe Jesucrístobe cayaito, se lono jonunca miinomanhe. Junni nuca jun fiquica micariminlari seque nenaminla jonunca mantenhide! Junca tenhito, jun fiquica meráto nenana!
Hebrews 11:16 in Colorado 16 Te, yala jun toca manneyalaquitunue; yala neyananun to tsaracari fe sen to jominue. Diosichi to jominue. Jun tenchi Diosiri luratue yalachi Diosi joe latinasa. Yalachi tenchi sen puebloca jera seca joe.
Hebrews 11:35 in Colorado 35 Sonalachi unilala puyaca jominlaca Diosi mansonhisa carinue. Weyanla mantimini puyanilainue. Seitonla yalaca padesecarito totelaquinue. Totelaquechinasanan, yalari se lotuchi latinue fe seque chuchun mansonhiyanae tito.
1 Peter 1:10 in Colorado 10 Matu mate Diosichi mantate paminlari junca cuenta quito, Diosi nulaca laquirato se larichunae latinue. Junsi Jesucrístochi Tenca yalachibi wito, cuenta quisa carinue. Junni yachi mantate cuenta quinato, itsanlatinue: Se larimin tsachi padeseitobi, tsara uraran mantá tan ichunae latinue. Junni tsantinatonan, yalanan miitominlanue mo numasi tsanhino jonunca. Junca miichi tinaminlanue. Tsachilaca se larino jonun fiquica duque miichi tinaminlanue.
2 Peter 1:19 in Colorado 19 Junni matute Diosichi mantate paminlanan Jesucrístoca cuenta quilaquinue. Junni chiquilanan ura miralarayoe tsarasi fiqui joeque. Yalari tenca mántari natiya pila chutetulajonue. Yalaca Diosichi Tenca tsanque pila chutesa carinue. Tsanque yachi mantate pila chutelaquinue. Junni in fiquica seque meralaquina! Nulachi Diosichi Pilaca miino muquilaquinari, nulachi tenca munateri epe quiratuntsan joe. Matute pila chuteminla man quiraque chutecaca quirato, uyan quiraque pánae titulajona! Jun fiquica seque meránola joe nemente lanparinchi quiranun cuwenta. Tsanque meránari, Jesucrístori nulachi tencabi jera tsechunae. Casale quepenan tsemin tsabo cuwenta tseto, junsi jera malon cuwenta tsen suwachunae.
Revelation 19:10 in Colorado 10 Ya anjeliri tsantinunsi, lari yachi nedele telenhiyoe Diosichi cale cuwenta. Tsanhinasa yari itsantie: —Tsanhitude! tie. Lanan nu cuwentanan, uyan Jesuchi fiquica merámin acola cuwentanan, Diosibe pemantaiminni joyoe. Diosichi mantate paminlanan Jesuchi fiquica paminla joe tie. Junni lachi cale telenhituto, Diosichi calesiri telenhina! tie.