Galatians 3:22 in Colorado 22 Junni Diosichi Pilabi chuteca joe jeralela jutsa quiminla joeque. Diosi mantimini man fiquiman paca joe: Jerale Jesucrístobe cayaiminlacasiri se lariyanae tinue. Junni Diosiri mocanantiya tenca mántanan se lono podeisa caritunue yape jeralela Jesucrístobe cayaitosiri se lono podeinola josa.
Other Translations King James Version (KJV) But the scripture hath concluded all under sin, that the promise by faith of Jesus Christ might be given to them that believe.
American Standard Version (ASV) But the scriptures shut up all things under sin, that the promise by faith in Jesus Christ might be given to them that believe.
Bible in Basic English (BBE) However, the holy Writings have put all things under sin, so that that for which God gave the undertaking, based on faith in Jesus Christ, might be given to those who have such faith.
Darby English Bible (DBY) but the scripture has shut up all things under sin, that the promise, on the principle of faith of Jesus Christ, should be given to those that believe.
World English Bible (WEB) But the Scriptures shut up all things under sin, that the promise by faith in Jesus Christ might be given to those who believe.
Young's Literal Translation (YLT) but the Writing did shut up the whole under sin, that the promise by faith of Jesus Christ may be given to those believing.
Cross Reference Mark 16:16 in Colorado 16 Diosichi sen fiquica quereito mumunhiminlaca Diosi se larichunae tinue. Quereituminlaca casticaquichunae tinue.
John 3:15 in Colorado 15 Corosibi erunhino joyoe yape labe cayaiminlachi tenca puyatuto numatotiya sonnato polelaisa.
John 3:36 in Colorado 36 Diosichi Naobe cayaiminlari Diosibe numatotiya sonnato polelaichunae. Yaca merátuminlari Diosibe numatotiya sonnato polelaituchunae; Diosi yalaca paito casticaquichunae.
John 5:24 in Colorado 24 La nulabe tsarasica pachinayoe tie: Lachi fiquica merán, laca ereminbe cayain, iminlari numatotiya sonnato polelaichunae tie. Yalaca natiya culpa quino itochunae. Yalari yucanbe puyanun minuca purato, Diosibe sonnanun minuca uran penenalarae tie.
John 6:40 in Colorado 40 Lachi Apari itsanque munarae: Yachi Naoca tennato yabe cayaiminlari jeralela numatotiya sonnato polenola joe. Junto to jeraino mate yalaca mansoncarino joyoe tie. Lachi Apa Diosi tsanque mansoncarisa munarae tie.
John 11:25 in Colorado 25 Junni Jesunan beconan pato itsantie: —Lari sonnasa carin, junsi puyaca junlaca mansonhisa carin, quimin joyoe tie. Labe cayaica junlari puyaca jominnan mansonhilaichunae tie.
John 12:46 in Colorado 46 Junni tsachilachi tenca nemen jominbi tse suwabi patacayoe tie. Labe cayaiminlachi tencaca nemenbi nechi laribi patacayoe tie.
John 20:31 in Colorado 31 Weyancari pila quiyoe yape nula in pilaca quirato Jesuca quereilaisa. Jesús Diosi wenteca Cristo tinun joe. Ya Apa Diosichi Nao joe. Junca quereiminlari yachi mantate yabe numatotiya sonnato polelaiichunae. Junni nulanan junca jera quereilaisa, in pilaca quinayoe.
Acts 16:31 in Colorado 31 Junni Páblola yachi fiquica merasi itsantilatinue: —Miya Jesucrístobe cayaide! Yabe cayainari, nuca se larichunae latinue. Nuchi yabi chuminlanan jeralela jun tsanquenan se lono podeilaichunae tilatinue.
Romans 3:9 in Colorado 9 ¿Junni niyan tintsan jun? Israelita jono se jonari, ¿junto chiquila israelítala joto uyanlaca fe sen jolajowan? Te, natiya fe sen itolajoyoe. Israelítala, israelita itonla, jeralelanan jutsa quiminla joyoe. Junca numa tuca payoe.
Romans 4:11 in Colorado 11 Junto Abraham quidoca caporaitoncanan Diosi sen joe titobinan, quidoca poraisa mantanue yape ya Diosichi sen tsachi joeque miintsan josa. Tsanque Diosi Abrahanca sen joe tinue yape jeralela jun tsanquenan sen joe tinunla josa. Israelita itonlari Abraham cuwenta jolajoyoe latichunae. Quidoca poraica itotonan, Diosibe cayaito, Abraham cuwenta jolajoyoe tilatichunae. Jun tenchi Diosi Abrahanca sen joe tinun cuwenta chiquilacanan sen jolajoe tichunae tilatichunae.
Romans 5:12 in Colorado 12 Matu mate tsachi manca, Adán tinun, jutsa quinue. Junni ya Adán jutsa quinun tenchi puyano patinue. Juntele nechi jeralela jutsa quito, jeralela puyano paticalayoe.
Romans 5:20 in Colorado 20 ¿Junni ti quichun Diosi yachi mantá chutecaca cuwan? Mantá chutecaca cuwanue yape seiton quinun tenchi fécari culpa jolajosa. Junni fécari culpa taminlaca Diosi fécari laquirato perdonaimin joe
Romans 10:9 in Colorado 9 Junni meralaquinana! Tencabi quereica junlaca Diosi sen jolajoe tichunae. Jeralelabe cuenta quinato Jesucrístochi joyoe timinla se lolaichunae. Junni Jesús Miya joeque paniquinola joe. Diosi Jesús puyacaca mansoncarinueque tencabi quereinola joe. Tsanlaitori, se lolaichunae.
Romans 11:32 in Colorado 32 Tsanque Diosi jeralelaca culpa quito, merátuminla joe tica joe tsanquenan jeralelaca laquirato ayudaichun.
Galatians 3:8 in Colorado 8 Junsi Abrahanca man fiquiman pantsan joe. Diosiri yabe trato quinue. Aman Diosiri miraminue yabe cayaiminlacari sen jolajoe tino joyoeque. Israelita itonlacanan jun tsanquenan sen jolajoe tino joyoeque matu mate jera tenhinue. Junto Diosiri Abrahanbe itsanque trato quinue: Nu tenchisiri jerale to tsachilabe sen joanae tito trato quinue. Matu mate Abrahanbe jun sen fiquica cuenta quinueque chuteca joe Diosichi Pilabi.
Galatians 3:14 in Colorado 14 Diosiri Abrahanbe paca jominue Abraham tenchisiri jerale tote chuminlabe sen joanaeque. Junni Crístori chiquilachi tenchi yucaquica inue yape israelita itonlanan yabe cayainari yalacanan sen jolajoe petisa. Crístobe cayainan, Diosi yachi Tencaca chiquilachibi wisa carimin joe. Ya patsa panue tsanquino joyoeque.
Galatians 3:17 in Colorado 17 Junni ya tratoca tenca calaquede! Diosi Abrahanbe telatunun trato quinue. Diosinan firmaquica cuwenta jominue. Junni Diosiri jun tratoca quetobi, junpalu patsa peman chunca wata inasabi aman yachi mantaca pila chutesa carinue. Junni mantaca pila chuteca josatiya, jun tratori epe ituchunae. Caquenan quica jun joto, merántsan cajochunae.
Galatians 3:23 in Colorado 23 Chiquilari Crístobe cayainola joe tinun fiquica camiitoto, Diosichi mantaca obedeseitunun tenchi doramin cuwenta jominlayoe. Yabe cayaino joe tinun fiquica miino fecári, se lono podeilaitiyoe.
Galatians 3:29 in Colorado 29 Junni nulanan Crístochi pejolajotori, Abrahanchi alicala cuwenta pejolajoe. Junni Diosi Abrahanchi alicalachi tenchi ticatiya queyanae tito nulachi tenchinan pequichunae erensia cuwenta.
2 Timothy 1:1 in Colorado 1 La Pablo in pilaca Timotéochi erechun quinayoe. Timoteo, la nuca apa cuwenta laquirato, Jesucrístochi mantá tan joto, nuchi pila quinayoe. Diosi lachi tsanque mantaca cuwano munarato mantá cuwae. Jesucrístobe cayaiminlari numatotiya sonnato polelaichunaeque micarisa mantá cuwae. Junni Timoteo, nuchi tenchi Apa Diosibenan, chiquilachi Miya Jesucrístobenan rocainayoe yape nuca duque laquirato seque quilaquisa yape nu wepanatuto pansi chusa.
Hebrews 6:13 in Colorado 13 Diosi Abrahanbe cuenta quinato, yachi tenchi se queyanaeque cuenta quino jominue. Junni Diosiri tsanque trato quechinato, testico munaraminue. Juntonan fe mantá tanlaca testico suwantsan joe. Junni monantiya Diosica fe mantá tan itonan, ya tencachiquenan testico inue.
Hebrews 9:15 in Colorado 15 Junni Cristo chiquilachi tenchi casan trato quisa carinue. Caque tratobe penenato, jutsa quimin cajominlanue. Junni Cristo puyanue ya jutsa tenchi jera pacara quichun. Casan tratori testamento quinun cuwenta jochunae. Jana testamento pila quimin tsachila pila quilaquichunae molatiya erensia cano jonunca. Junni casan trato quicabe Diosi wenteca junlachi tenchi Diosi numatotiya tsara seque quichunae erensia cuwanun cuwenta.
2 Peter 1:4 in Colorado 4 Junni yari chiquilabe tsaracari sen fiquica cuenta quinato, chiquilaca se suwanae ticae. Aman jun sen fiquica quereito, se ino podeilaiyanae. Diosica tennatuminlari yalachi tenca munate nenato jelenquira nenaminla joe. Chiquila mantimini Diosica tennatuminlachile nechi se loto, Diosibe man junni ino podeilaiyanae.
2 Peter 3:13 in Colorado 13 Junni Diosiri itsantica joe: Jera yucapiyanunbi, casan yoquido, casan to manjochunae tica joe. Junbi chuminlari sen talari jolajochunae. Junni chiquilari jun casan toca tenca cato meralarayoe.
1 John 2:25 in Colorado 25 Junnan Jesucristo chiquilaca numatotiya Diosibe sonnato polesa cariyanae tinue.
1 John 3:23 in Colorado 23 Yachi mantá mantimini itsanque joe: Beco beco laquiracaato, yachi Nao Jesucrístoca quereintsan joe. Aman Jesucrístonan jun tsanquenan mantanue.
1 John 5:11 in Colorado 11 Diosi yachi Naoca itsantinue: Yari yachi Naobe penenaminlaca numatotiya sonnato polesa carimin joyoe tinue.