Acts 1:16 in Colorado 16 —Acola, soquila, Judas Iscariote chiquilabe peayudaimin jominhe tinue. Chiquilabe peaconpanaimin jominhe. Tsan jominnan, ya Júdari Jesuca cuwaponue. Jesuca cachi timinlachi cuwaponue. Aman Diosichi Pilabi yaca chuteca jominue Jesuca tsanque osichunaeque. Matu to David Salmo pila quinasanan, Diosichi Tencari yaca pila chutesa carinue tinue. Itsanque jominue:
Other Translations King James Version (KJV) Men and brethren, this scripture must needs have been fulfilled, which the Holy Ghost by the mouth of David spake before concerning Judas, which was guide to them that took Jesus.
American Standard Version (ASV) Brethren, it was needful that the Scripture should be fulfilled, which the Holy Spirit spake before by the mouth of David concerning Judas, who was guide to them that took Jesus.
Bible in Basic English (BBE) My brothers, the word of God had to be put into effect, which the Holy Spirit had said before, by the mouth of David, about Judas, who was guide to those who took Jesus,
Darby English Bible (DBY) Brethren, it was necessary that the scripture should have been fulfilled, which the Holy Spirit spoke before, by the mouth of David, concerning Judas, who became guide to those who took Jesus;
World English Bible (WEB) "Brothers, it was necessary that this Scripture should be fulfilled, which the Holy Spirit spoke before by the mouth of David concerning Judas, who was guide to those who took Jesus.
Young's Literal Translation (YLT) `Men, brethren, it behoved this Writing that it be fulfilled that beforehand the Holy Spirit spake through the mouth of David, concerning Judas, who became guide to those who took Jesus,
Cross Reference Matthew 26:47 in Colorado 47 Jesús cuenta caquinasanan, Judas fae. Yari chunca paluca Jesube penenaminla jominhe. Junni Júdabe duque israelítala pejalaie weyanla espada tanla, weyanla chide tanla. Mantá tan patelelabe mantamin unicalabe layaito ya tsachilaca Júdabe ereca jominlanue.
Matthew 26:54 in Colorado 54 Tsan josanan rocaitiyoe tie. Diosichi Pilabi laca chuteca joe tie tsanque padeseino joeque. Tsanque chuteca josa, jun tsanquenan patinae tie.
Matthew 26:56 in Colorado 56 Diosichi mantate paminlari Diosichi Pilabi chuteto, nulaca jera chuteca jominlanue nula tsanquinola jonunca. Junni tsanque chuteca josanan, nulari jun tsannan quilaquinae tie. Junni Jesús tsantinunsi yabe penenaminlari yaca purato jera sujilaiyoe.
Mark 12:36 in Colorado 36 Tenca calaquede! David patsa Diosichi Tencachi mantate itsanque pila chuteca joe tinue: Miya Diosi lachi miyaca mantachunae tinue yape yachi tsa tede nanchi chudito yabe pemantasa. Nuca fe losa cariyanae tichunae. Junni junte mechude! tichunae tinue nuca pa jominlaca fe lono fecári.
Mark 14:43 in Colorado 43 Junni Jesús cacuenta quinasanan, Judas Iscariote fanue. Yari chunca paluca Jesube penenaminla jominue. Junni Júdabe duque israelítala pejalainue weyanlari chide tanla, weyanlari espada tanla. Aman mantá tan patelelabe, israelítala tala mantaca micariminlabe, mantá tan unicalabe, layaito ya tsachilaca Júdabe ereca jominlanue.
Luke 22:47 in Colorado 47 Aman Jesuri cuenta caquinasanan, polisialabe duque tsachilabe layaito jalainue. Junni yalaca tanjamin tsachiri Judas jominue. Yari chunca paluca Jesube penenaminla manca jominue. Junto Jesuca mo tito saludaibi janue.
John 12:38 in Colorado 38 Matu mate tsachi manca Diosichi mantate pamin jominue ya Isaías mumun. Yari Jesube cayaituchi timinlaca pilabi itsanque chuteca jominue: Miya Diosi, chiquila meracaricaca tsachila tennatuchi latieque chuteca joe. Nu duque wepanato quirantsancari seque quinaminca quiratonan, tennatuchi latieque chuteca joe. Isaías tsanque pila chuteca jominue.
John 13:18 in Colorado 18 Nula jeralelacari tsantitiyoe tie. La mirayoe la wenteca jun tsachila niyan jolajonunca. Tsan josanan Diosichi Pilabi man fiquinan chuteca joe: Labe ano pefimin tsachi manca lachi contraino joeque chuteca joe tie. Jun fiquiri jun tsanquenan patichunae tie.
John 18:2 in Colorado 2 Junbi Jesús yachi tsachilabe duque layaimin jominue. Junni Júdanan jun postoca miraminue. Ya Judas Jesuca cuwapochun jominue.
John 19:28 in Colorado 28 Junni Jesús numa tenhinue titiya jera quino jonunca jerayoeque. Junto Diosichi Pilabi chuteca jonun fiquica manpato, pi muquee tie.
John 19:36 in Colorado 36 Junca matute Diosichi Pilabinan pila chuteca jominue. Itsanque chuteca joe: Yachi nede chidecari colelaquituchunaeque chuteca joe. Man postotenan man fiquinan chuteca joe. Itsanque joe: Yaca tileto quiralaquichunaeque chuteca joe. Junni tsanque chuteca josa, jun tsanquenan manpatie.
Acts 1:20 in Colorado 20 Aman Salmo pilabi itsanque chuteca joe: Yachi to yape epe jonijosa! tinue. Monantiya junbi chuno itochunae tinue. Diosichi Pilabi tsanque chuteca josa, jun tsanquenan patinue. Judas Iscariótechi to epe inue. Junni Pedro manpato itsantinue: —Junsi Diosichi matu pilabi man fiquinan cajoe tinue Salmo tinun pilabi. Junbi Judas Iscarióteca itsanque chuteca joe tinue: Yachi mantaca josoleto, uyanchi mancuwano joeque chuteca joe tinue.
Acts 2:23 in Colorado 23 Tsan josanan, nulari Jesuca totesa carinilaquinue tinue. Nulari Jesuca cato cuwapolaquinue tinue yape seiton tsachila yaca corosibi totelaquisa. Junnasa mantimini Diosiri junca natiya wepanatunue. Matulenan Diosi miraminue Jesuca totenola joeque. Diosi paca jominue tsanhiniino joeque.
Acts 2:29 in Colorado 29 Junni David chuteca fiquica jera patobi, Pedro itsantinue: —Amicola, Miya Davica tuca pantsan joe tinue. Yari matu mate puyato menaito, ¿natiya camansonhituco? tinue. Amananantiya ya menaranun postoca quirantsan rae.
Acts 2:37 in Colorado 37 Junni tsantinunca meráto, israelítalari tencabi duque wepanalainue jutsa quiminlayoeque. Junni Pédrobenan weyan Crístochi mantá tanlabenan itsanque panhalaquinue: —Acola, palaquede! tilatinue. ¿Ti quinola jowan? tilatinue.
Acts 4:25 in Colorado 25 Matu to miya Daviri nube seque mantaimin jominue. Junni nuchi Tencabe mantaito David itsanque pila chutenue: Uyan to tsachilari paito cuenta quilaquichunaeque chutenue. In to tsachilanan seiton quino tenca calaquichunaeque chutenue. Juntonan yari epe jochunae. ¿Ti quichun tsanlatichunan?
Acts 7:2 in Colorado 2 Junni Estébanni beconan manpato, baren cuenta polarinue yala Diosibe cayaituchi timinla joeque. Itsantinue: —Israelita pejunla, laca meralaquede! tinue. Chiquilachi matu to tata Abraham casale Mesopotamia tobi chuminue. ¿Yanan Caldea tinun to joco? Junni Abraham Harán toca chubi cajitusanan, tsara sen Diosi yabe quiraito
Acts 13:15 in Colorado 15 Junni jun yabi mantaminla Diosichi Pila quiratobi, Páblolachi fiqui ereto itsanlatinue: —Acola, chiquilachi tenchi titiya cuenta quino munaratori, panilaquede! latinue.
Acts 13:26 in Colorado 26 Junni nula israelítala, Abrahanchi alicala joto laca meralaquede! Diosica respetaito jeleraminla, nulanan meralaquede! tinue. Jesuca paca sen fiqui nulachi tenchinan joe tinue. Tsara sen fiqui joe tinue jutsa quimin jomin jotonan manse lonola joeque.
Acts 13:38 in Colorado 38 Junni Pablo tsanque micarisi, man fiquiman cuenta quinue. Itsantinue: —Israelítala, lanan israelita pejoyoe. Junni laca meralaquede! tinue. Nulabe tuca pato itsantinayoe tinue: Ya Jesuri nulachi jutsaca jera piyarino podeichunae tiyoe tinue.
Acts 15:7 in Colorado 7 Junni duque tenpanaminnan, Pedro wiruito itsantinue: —Acola, matuleri Diosiri laca wenteto mantanue tinue yape israelita itonlaca Diosichi sen fiquica micarisa. Jun fiquica meráto, Jesucrístobe cayailaie tinue.
Acts 15:13 in Colorado 13 Aman Páblola jun cuenta jera quinunsile, Jacobo itsantinue: —Acola, laca meralaquede! tinue.
Acts 22:1 in Colorado 1 —Israelítala, amana nulabe tuca cuenta quechinayoe tinue la titiya quica jonunca. Meralaquede! tinue.
Acts 23:1 in Colorado 1 Junni Pablo israelita mantaminlaca tenca cato quirato, itsantinue: —Israelítala, lari na mánta Diosibe seque nenamanyoe tinue luratuchun.
Acts 23:6 in Colorado 6 Junni mantaminlari weyan weyanlari saduséola jominlanue man tala Diosica tenca caminla. Aman weyan weyanlari fariséola jominlanue uyan tala Diosica tenca caminla. Junni Páblori junca mantenhito, sonba pato itsantinue: —Israelítala, la fariseo joyoe tinue. Lachi apalanan fariséola jominlanue. La fariseo joto, puyaca junlaca mansonhilaichunae timin joyoe tinue. Tsantinun tenchisiri nulari laca amana culpa quilaquinae tinue.
Acts 28:17 in Colorado 17 Junni Pablo peman ma Rómabi chuminnan, junbi chumin israelita mantaminlaca jasa carie. Junni layailainunbi, Pablo yalabe itsantie: —Israelítala, lanan israelítayoe. Tsan jomincanan Jerusalenbi chumin israelítalari laca románolachi cuwapoto dosa carilaquee. La israelítalaca natiya seiton quitusanan, chiquilachi tatalachi mite nenanoca natiya yucacuratusanan, laca dosa carilaquee.
Acts 28:25 in Colorado 25 Junto tsanque man tala man tala tenca canaminnan manjilaie. Junni yalari manjilaichinasanan, Páblori itsantie: —Matu to Isaíachi fiquica mantenhilaide! tie. Diosichi Tenca yaca matu to israelítalabe tsarasica cuenta quisa carinue.
Hebrews 3:7 in Colorado 7 Junni matu mate miya Daviri Diosichi Tencachi mantate pato, israelítalaca paca jominue. Yachi fiquica mantenhilaide! David itsantinue: Amana Diosi pánaminca meránato,
2 Peter 2:21 in Colorado 21 Sen mantaca meraca jotonan manpuranari, duque seitochunae. Diosichi sen minuca natiya meraca itomanpari, fe se jono jomin jonhoe.