2 Timothy 1:8 in Colorado 8 Tsan jonan, chiquilachi Miya Jesucrístoca cuenta polarino luratuna! La tenchinan luratuna! Jesucrístochi jonun tenchi dorasatiya, la tenchi luratuna! Diosichi tsachila padeseinola joyoe. Junto nunan yachi sen fiquica panun tenchi padeseino patitori, Diosibe sonban tenca ito padeseiniina!
Other Translations King James Version (KJV) Be not thou therefore ashamed of the testimony of our Lord, nor of me his prisoner: but be thou partaker of the afflictions of the gospel according to the power of God;
American Standard Version (ASV) Be not ashamed therefore of the testimony of our Lord, nor of me his prisoner: but suffer hardship with the gospel according to the power of God;
Bible in Basic English (BBE) Have no feeling of shame, then, for the witness of our Lord or for me, his prisoner: but undergo all things for the good news in the measure of the power of God;
Darby English Bible (DBY) Be not therefore ashamed of the testimony of our Lord, nor of me his prisoner; but suffer evil along with the glad tidings, according to the power of God;
World English Bible (WEB) Therefore don't be ashamed of the testimony of our Lord, nor of me his prisoner; but endure hardship for the Gospel according to the power of God,
Young's Literal Translation (YLT) therefore thou mayest not be ashamed of the testimony of our Lord, nor of me his prisoner, but do thou suffer evil along with the good news according to the power of God,
Cross Reference Mark 8:38 in Colorado 38 Junto meralaquinade! Amana mate sonnamin tsachilari duque seiton jutsa quiminla joe. Junni weyan tsachilari ya seitonlabe cuenta quinato, lachi tsachila jolajoyoe tino lu tilatichunae. Lachi fiqui tenchinan lu tilatichunae. Junni manca mate la tsachi ica jun joto manpatanae tinue. Labe Diosichi sen anjelilabe manpatanae tinue. Lachi Apa Diosichi urara tsenbe manpatanae tinue. Junni jun mate lanan lu tiyanae tinue. La tenchi lu timin jominlacanan lachi tsachila jolajoe tino manlu tiyanae tinue.
Luke 9:26 in Colorado 26 Junni amana mate weyan tsachilari lachi tsachi joyoe tino lu tilatichunae. Lachi fiqui tenchinan amana lu tilatichunae. Junni manca mate la tsachi ica jun joto manpatanae tinue. La manpatano mate labe lachi Apa Diosibe yachi anjelilabe jeralela uraran tsente jolajoanae. Junni jun mate lanan lu tiyanae tinue. La tenchi lu timin jominlacanan lachi tsachila jolajoe tino manlu tiyanae tinue.
John 15:27 in Colorado 27 Aman la casale nenanunle nechi nulanan labe penenaminla joe. Junto nulanan laca cuenta polariminla jochunae tie.
John 19:35 in Colorado 35 La Juanni junca lachi cacachinan jera quirato, junca pila chutenayoe. Tsarasica pánayoe. Lari mirayoe tsarasica jonunca. Junto nulabenan cuenta manpolarinayoe yape nulanan in pilaca quirato quereilaisa.
Acts 5:41 in Colorado 41 Junni tsanque padeseitobi, ya mantaminlachibi nechi duque son tide manlolainue. Diosi yalaca Jesuchi tenchi padeseisa carica jominue. Jun tenchi yalari son tito Diosibe acradeseilainue.
Romans 1:16 in Colorado 16 Jesucrístoca paca sen fiquica lari luratiyoe. Jun fiquiri sonban jonan, Diosi jutsa quiminlaca junbe se larimin joe. Jerale jun fiquica quereiminlaca se larimin joe casale israelítalaca, jun benete israelita itonlacanan.
Romans 8:17 in Colorado 17 Junni yachi nalala jotori, ya tanunca chiquilanan talaranae. Crístobe tanola joyoe. Tsan jotonan Cristo cuwentanan pepadeseinola joyoe yape chiquilaca tsaracari sen suwasa Crístobe.
Romans 8:36 in Colorado 36 Diosichi Pilabi junca itsanque chuteca joe: Chiquila Diosichi tsachila jonun tenchi numasitiya totainonan jolajoyoeque chuteca joe. Junni seitonlaberi chiquilari yalachiri totenun animalila cuwenta jolajoyoeque chuteca joe.
Romans 16:25 in Colorado 25 Nulachi tencaca sonba suwano podeimin Diosica tsara seque palaquina! Lari nulaca Jesucrístoca paca sen fiquica micarinato, Diosi nulaca sonba tenca suwamin joequenan micariyoe. To caquitununle nechi jun sen fiquica miratunun
1 Corinthians 1:6 in Colorado 6 Nulari Crístoca paca fiquica meráto, ya fiquica duque tencabi pocalaquee.
1 Corinthians 4:9 in Colorado 9 Chiquilari Jesucrístochi mantá tanla jotonan, te, fe tsachila itolajoyoe. Jeralela quiranasa puyano jun criminalila cuwenta jolajoyoe. Soldadola yalaca cato, benechi tanjalaimanhe yape jeralela ya seitonlaca pamiyato quiralaquisa. Junni lachi tencari Diosi chiquilaca jun tsan suwanue yape jeralela chiquilaca quiralaquisa. Tsachilanan, anjelilanan chiquilaca quiraniquiminla joe.
2 Corinthians 6:7 in Colorado 7 Junsi tsarasica paminlayoe. Diosichi sonbabe seque nenalarayoe. Soldadola tsa nanchi, junsi jala nanchinan quera quicaanun cuwenta, chiquilanan niyaquetiya seque quito yucanca fe lochique tenfeminlayoe.
2 Corinthians 11:23 in Colorado 23 Yalari Crístobe mantaito nenamin joyoe latinari, lanan Crístobe fécari seque mantaito nenamin joyoe. Aman tenca itonlasiri fécari sen jolajoyoe timinla jochunae. Tsan josanan, amanari petsantino joyoe. La Jesucrístochi tenchi micarinato, yalaca fécari duque tenfenayoe. Yalaca fe duque ne Jesucrístochi tenchi doimanyoe. Lari duque neca asotaiyoe. Duque neca puyanoca polariyoe.
2 Corinthians 12:9 in Colorado 9 Junni michi rocainasanan, Diosiri labe itsantie: Laca padeseinaminca quirato, yari duque laquirato ayudaiyanae tie yape padeseinatotiya wantainiisa. Chiquilacari fe cumana jominca Diosi fe sonba suwano poden joyoe tie. Jun tenchi cumana joyoeque son tito pamin joyoe yape Crístori yachi sonbaca lachi cuwasa.
Ephesians 3:1 in Colorado 1 Jun tenchi la Pablo Jesucrístochi tenchi, israelita itonlaca Diosichi fiqui micarinanun tenchi dorato, nulachi tenchi rocaimin joyoe.
Ephesians 3:13 in Colorado 13 Junto la nulachi tenchi padeseinaeque pele tenca ilaituna! tiyoe. Junca son jonola joe.
Ephesians 4:1 in Colorado 1 Junni la Miya Jesucrístochi mantate nenanun tenchi dorato, nulaca payino muquee. Nulaca yabe cayaisa tinue yape tsara seque nenalarasa. Junni tsanquenan seque nenalarana!
Ephesians 4:17 in Colorado 17 Aman junni Miya Jesucrístochi mantate nulaca payichinayoe: Amanale nechi Diosichi tsachila itonla cuwenta nenatulajona! Diosichi tsachila itonlari tenca itonla joto,
Philippians 1:7 in Colorado 7 Nulacari duque laquirato tenca camin joyoe. Junto nulaca son tito tenca cano joyoda. La titiya quinasanan, nulari ayudaiminla joe. Lari dorasanan, Jesuca paca sen fiquica micarinasanan, jun fiqui tenchi beco pánasanan, Diosi laca laquirato cuidaimin joe. Junni tsan josanan, nulanan Diosibe peayudaiminla joe.
Philippians 3:10 in Colorado 10 Crístochi tsachi jono muquee. Cristo mansonhito nenanun cuwenta, lanan sonba tenca ito nenano muquee. Ya cuwenta padeseito, junni ya puyaca jonan, lachi tencabinan jun cuwentanan jono muquee.
Philippians 4:13 in Colorado 13 Crístori lachi tencaca sonba suwanasari, niyaquetiya quino podeiniiyoe.
Colossians 1:11 in Colorado 11 Junni Diosiri tsaracari sonban joto, nulachi tencaca sonba suwachunae yape nulari duque son tito, quereinoca numanan peleituto nenalarasa. Sonban tenca ito, niyan quilaquinasatiya pailaituchunae. Junni chiquilari Diosibe nulachi tenchi duque rocaiminlayoe yape nula tsantin nenalarasa.
Colossians 1:24 in Colorado 24 Aman nulachi tenchi duque padeseinatotiya, son jonijoyoe. Crístochi tsachilari layaito yachi puca cuwenta jolajoe. Junni yalaca la ayudaimin joyoe. Diosi lachi tsanque mantá cuwaca joe yape nulaca yachi fiquica jera micarisa. Junni Crístori labe pae yachi tsachilachi tenchi duque padeseichunaeque. Junni lari capadeseino jonunca jera padeseinayoe.
1 Thessalonians 3:4 in Colorado 4 Nulabe cachuminnan palaquiyoe jera Jesucrístobe penenaminla padeseinola joyoeque. Chiquila tsanque paca josanan, jun tsanquenan patilaiyoeque miralaranae.
1 Timothy 2:6 in Colorado 6 Junni jeralelaca se larichun puyanue. Tsanque pacara quinue chiquilachi jutsaca piyarichun. Junni ya sen fiquica cuenta polarino ma fanan, Diosi ya fiquica merawosa carinue.
2 Timothy 1:12 in Colorado 12 Jun tenchi padeseinayoe. Junto tsanhinatonan luitiyoe. La quereinun tsachica mirayoe. Junni yari lachi ticatiya quisa mantá cuwato, yanan tsanquisa carino podeichunae ya manpatano ma fecári.
2 Timothy 1:16 in Colorado 16 Onesíforori laca duque ne ayudaie. La doramin tenchi luratuminhe. Junni Diosibe yaca laquirasa rocaimin joyoe.
2 Timothy 2:3 in Colorado 3 Jesucrístochi jonun tenchi padeseino patitori, yachi sen soldado cuwenta padeseina!
2 Timothy 2:9 in Colorado 9 Junni jun sen fiquica micarinanun tenchi padeseito dorayoe criminali cuwenta. Aman Diosichi fiqui mantimini natiya doica itoe.
2 Timothy 2:11 in Colorado 11 Junni in fiqui tsara quereintsan fiqui joe: Jesucrístochi jonun tenchi puyaca jotori, yabenan mansonhicaichunae.
2 Timothy 4:5 in Colorado 5 Nu Timoteo mantimini sen tenca tan nenana! Padeseino patitori, wantainiina! Jesucrístoca paca sen fiquica micarina! yape tsachila yabe cayailaisa. Diosichi mantate ticatiya quino jonunca jera seque quina!
2 Timothy 4:17 in Colorado 17 Junni tsachilari laca puracala josanan, Miya Diosiri laca natiya puratue. Yari laca sonba tenca suwae yape yachi fiquica jera pano poden josa, yape jerale israelita itonlanan jun fiquica meralaquisa. Tsanque Diosi laca puyano polarisa carito se larie.
1 Peter 1:5 in Colorado 5 Junni nulari Diosica tennanan, nulaca to yucapiyarino ma fecári cuidaichunae yape jun erensia tsanca calaquisa. Numari jera seca joe jun mate nulaca piyanlelachi cale jera se larichun.
1 Peter 4:13 in Colorado 13 Aman Jesucrístonan padeseinue. Junni nulanan padeseilaitori, ya cuwenta jolajochunae. Junni duque son jolajona! Aman inale jeralela Jesucrístoca sele quiralaquichunae tsarasi mantá tan jominca. Junni nula amana ya cuwenta padeseitori, jun mate fécari pansi jolajochunae ya cuwenta joyoe tito.
1 John 4:14 in Colorado 14 Apa Diosiri yachi Naoca erenue yape jerale tote chuminlaca se larisa yape yucan catusa. Chiquila Crístoca quiraminla joto, tsanque micarino podeilaiyoe.
1 John 5:11 in Colorado 11 Diosi yachi Naoca itsantinue: Yari yachi Naobe penenaminlaca numatotiya sonnato polesa carimin joyoe tinue.
Jude 1:24 in Colorado 24 Diosiri nulaca cuidaino podeichunae yape jutsa manquilaquitusa. Nulaca jutsa iton suwano podeichunae yape nulari Diosichi urara tsenbi duque son tito wiruralarasa.
Revelation 1:2 in Colorado 2 junca chutenayoe. In Diosichi fiqui joe. Jesucristo junca lachi micuwae. Junnan lachi jera quirajacaca pila chutenayoe.
Revelation 1:9 in Colorado 9 La Juan nulachi aco joto in pilaca quinayoe. Lanan Jesuchi tsachi joto, ya mantananun tsachi bolonbi pejoyoe. Chiquilanan padeseito nenatonan, peleituminlayoe. Junni la Diosichi fiquica micarinun tenchi, Jesucrístoca cuenta polarinun tenchi, Patmos tinun pisabi doramin cuenta chumanyoe.
Revelation 12:11 in Colorado 11 Opisa Nari Diosichi tsachilachi tenchi puyato asan larinan, yucanca fe locala joe tie. Yala sonnanoca polencari munaratuto, Diosichi tenchi puyano jeleralaratue tie. Junto Diosica paminla joto, yalachi fiquichinan yucanca fe lolaie.
Revelation 19:10 in Colorado 10 Ya anjeliri tsantinunsi, lari yachi nedele telenhiyoe Diosichi cale cuwenta. Tsanhinasa yari itsantie: —Tsanhitude! tie. Lanan nu cuwentanan, uyan Jesuchi fiquica merámin acola cuwentanan, Diosibe pemantaiminni joyoe. Diosichi mantate paminlanan Jesuchi fiquica paminla joe tie. Junni lachi cale telenhituto, Diosichi calesiri telenhina! tie.