2 Timothy 1:12 in Colorado 12 Jun tenchi padeseinayoe. Junto tsanhinatonan luitiyoe. La quereinun tsachica mirayoe. Junni yari lachi ticatiya quisa mantá cuwato, yanan tsanquisa carino podeichunae ya manpatano ma fecári.
Other Translations King James Version (KJV) For the which cause I also suffer these things: nevertheless I am not ashamed: for I know whom I have believed, and am persuaded that he is able to keep that which I have committed unto him against that day.
American Standard Version (ASV) For which cause I suffer also these things: yet I am not ashamed; for I know him whom I have believed, and I am persuaded that he is able to guard that which I have committed unto him against that day.
Bible in Basic English (BBE) And for which I undergo these things: but I have no feeling of shame. For I have knowledge of him in whom I have faith, and I am certain that he is able to keep that which I have given into his care till that day.
Darby English Bible (DBY) For which cause also I suffer these things; but I am not ashamed; for I know whom I have believed, and am persuaded that he is able to keep for that day the deposit I have entrusted to him.
World English Bible (WEB) For this cause I suffer also these things. Yet I am not ashamed, for I know him whom I have believed, and I am persuaded that he is able to guard that which I have committed to him against that day.
Young's Literal Translation (YLT) for which cause also these things I suffer, but I am not ashamed, for I have known in whom I have believed, and have been persuaded that he is able that which I have committed to him to guard -- to that day.
Cross Reference Matthew 7:22 in Colorado 22 Jun mate layanla laca pato, Miya tilatichunae. ¿Lachi mantate micarin, yucanchi ocolaca sularin, wepanato quirantsancari quin, quilaquituan? tilatichunae tie.
Matthew 12:21 in Colorado 21 Israelita itonlanan yaca tennato meralarachunaeque chuteca joe. Isaías Jesuca tsanque pila chuteca jominue Diosichi Pilabi.
Matthew 24:36 in Colorado 36 Junni aman la numasi ti maca manpatano jonunca monantiya miitolajoe tie. Diosichi anjelilanan miitolajoe. Apa Diosisiri mirae.
Luke 10:12 in Colorado 12 Junni Jesús tsanque mantaquesi, yachi tenchi micaribi jichinaminlabe man fiquiman pato itsantinue: —Tsarasica meralaquede! tinue. To yucapiyarino mate Sodoma pueblobi chumin tsachila seitonla joto, duque padeseilaichunae. Aman nulaca facarituchi timinla mantimini jun tsachilaca fécari padeseilaichunae tinue to yucapiyarino mate.
John 6:39 in Colorado 39 Junni laca ereminni laca itsanque mantaquee: Jerale labe cayaisa carinunlaca cuidaino joyoe tie mancacatiya casticaisa carituto. Junto to jeraino mate yala cayaica junlaca mansoncarino joyoe tie.
John 6:44 in Colorado 44 Apa Diosiri laca erecae tie. Diosi labe cayaino munarasa carinunlasiri labe cayaino podeilaichunae tie. Uyanla podeilaituchunae tie. Cayaica junlacari to jeraino mate la mansoncariyanae tie.
John 10:28 in Colorado 28 numatotiya sonnato polesa carimanyoe tie. Numatotiya puyalaituchunae tie. La yalaca quiranasa, monantiya lachi tedebi nechi josoleno podeilaituchunae tie.
John 17:11 in Colorado 11 Junni tsainaban la wari in tote itochinayoe tie. Nuchica manlachinayoe. Labe penenaminla mantimini, yalari in tote canenalarachunae tie. Apa Diosi, nu tsara sen joe. Junto yalaca cuidaina! tie. Nuri lachi mantá cuwae. Junni yalaca jun mantate cuidaina! yape yala tala man junni jolajosa. Labe nube man junni jonan, yala jun tsannan jolajosa tenjae tie.
John 17:15 in Colorado 15 Apa Diosi, nube rocainato, lachi tsachilaca tote nechi larideque rocaitiyoe; yalaca isaisari rocainayoe yape yucan yalaca feitusa.
Acts 7:59 in Colorado 59 Junni Estébanca su walaca tala quilaquinasanan, yari itsanque Jesube rocainue: —Miya Jesús, lachi tencaca cade! tinue.
Acts 9:16 in Colorado 16 Yaca micarichinayoe tinue yanan lachi tenchi duque padeseino joeque.
Acts 13:46 in Colorado 46 Juntonan Páblobe Bernabebe natiya jeleratuto, israelítalabe itsanlatinue: —Nulacari Diosichi fiqui casale micarino jominlayoe latinue. Nula mantimini ya fiquica natiya merátuchi tilatinae latinue. Diosibe numatotiya sonnato poleno munaitumin tsanni jolajoe. Jun tenchi chiquila nulaca telaquepoto, israelita itonlachica jilaichinayoe tilatinue. Yalaca Diosichi fiquica micaribi jilaichinayoe latinue.
Acts 13:50 in Colorado 50 Israelítala mantimini tsachilaca payilaquinue yape Pábloca, Bernabeca, seiton quilaquisa. Israelítalachi mite Diosica tenca camin sonalacanan payilaquinue respetainun sonalaca. Jun pueblobi mantamin unilalacanan payilaquinue. Junni yala jeralela layaito, Páblobe Bernabébeca seiton quito, junbi nechi suerelaquinue.
Acts 14:5 in Colorado 5 Junni tsachila nosa layaito Crístochi mantá tanlaca tenpalaquinue. Israelítalabe, israelita itonlabe, mantaminlabe tsanque tenpalaquinue yalaca seiton quilaquichun. Yalaca su walaca tala quito totelaquisa! tilatinue.
Acts 21:13 in Colorado 13 Páblori beconan pato itsantie: —¿Ti quichun lachi tenchi warelaquinayun? Laca duque laqui suwalaquinae tie. Miya Jesuchi tenchi Jerusalenbi totenola jonatiya, tennatiyoe tie. Puyano jototiya tennatiyoe; Jesuchi tenchi puyaniinoyoe tie.
Acts 21:27 in Colorado 27 Junni siete ma caitusanan, Páblobe manca tsachibe Jerusalenbi nenaminlanue. Ya tsachiri israelita itominue. Efeso pueblo tsachi jominue Trófimo mumun. Junni uyan israelítala mantimini Asia tobi nechi jato, Páblobe Trófimobeca quiralaquinue. Epele nenaminlaca quiralaquitonan, Pablo israelita iton tsachicanan Diosichi yabi tanwica jomin jonhoe latinue. Trófimoca junbi tanwica jomin jonhoe latinue. Junsi siete ma jerainasa Pábloca manan manquiralaquinue. Diosichi yabi mancasiri nenaminca quiralaquinue. Junto jeralelaca firara timiyato, Pábloca cato, sonba otito itsantilatinue: —Israelítala, ayudailaide! tilatinue. Inni duque seiton tsachi joe latinue. Chiquilacanan, israelítalachi mantacanan, Diosichi yacanan seitonque pamin joe. Junsi israelita itonlacanan Diosichi yabi tanwiniinue latinue. Diosichi sen postoca seiton suwanue tilatinue.
Acts 22:21 in Colorado 21 Junni Jesucrístori la tsanque pacaca natiya tennatuto, labe itsantie tinue: Jide! tie. Nuca bare toca erechinayoe tie tinue israelita itonlachica.
Romans 1:16 in Colorado 16 Jesucrístoca paca sen fiquica lari luratiyoe. Jun fiquiri sonban jonan, Diosi jutsa quiminlaca junbe se larimin joe. Jerale jun fiquica quereiminlaca se larimin joe casale israelítalaca, jun benete israelita itonlacanan.
Romans 5:4 in Colorado 4 Junni peleituminlaca Diosi sen jolajoe tichunae. Junni chiquilaca sen jolajoe tinato, to yucapiyarino matenan chiquilaca se larichunaeque miralarayoe.
Romans 15:12 in Colorado 12 Junsi man postobi Isaíari Crístoca pato, itsanque chuteca joe: Isaíchi alica manca jato, mantá tan joto, israelita itonlacanan mantachunaeque chuteca joe. Yalari yaca tennalarachunaeque chuteca joe.
1 Corinthians 3:13 in Colorado 13 Junni to yucapiyarino materi jeralelaca miintsan jochunae tíca ya quicala jonunca. Jun mate nin jochunae. Ya ninchi miintsan jochunae ya quiminlari niyaque ya quicala jonunca.
Ephesians 3:1 in Colorado 1 Jun tenchi la Pablo Jesucrístochi tenchi, israelita itonlaca Diosichi fiqui micarinanun tenchi dorato, nulachi tenchi rocaimin joyoe.
Philippians 1:20 in Colorado 20 Numasitiya lari tsachilaca Crístoca se timiyamin jomanyoe. Junto amanachitiya Cristo tenchi natiya luratuto yaca se timiyano joyoeque mirayoe. Junni laca totelaquitunari, Crístoca duque se tintsan jochunae laca manlarisa carinun tenchi. O laca totelaquinari, Crístoca tsanquenan se tintsan jochunae lari jeleratuto puyaniinun tenchi.
Philippians 3:8 in Colorado 8 Junni lachi Miya Jesucrístobe cayaito nenano duque se joe. Uyan tala nenanoca tsaracari fécari se joe. Jun tenchi lari tenca mántanan sen jochique tenfenanunca jera telaquepocayoe yabe cayaito nenachun. Jesucrístochi tenchi junca jera piyariniquiyoe. Tiri petseca cuwenta jera telaqueponiquiyoe yachi jochun.
Philippians 3:10 in Colorado 10 Crístochi tsachi jono muquee. Cristo mansonhito nenanun cuwenta, lanan sonba tenca ito nenano muquee. Ya cuwenta padeseito, junni ya puyaca jonan, lachi tencabinan jun cuwentanan jono muquee.
Philippians 3:21 in Colorado 21 Yari chiquilachi pucaca canbiyaquichunae. Epe puca jomincanan yachi tsara sen puca cuwenta suwachunae. Yari duque sonban joto, ticatiya jeraleca mantano poden joe. Junni jun sonbabenan chiquilaca canbiyaquichunae yape ya cuwenta jolajosa.
1 Thessalonians 5:4 in Colorado 4 Nula mantimini yala cuwenta itolajoe. Nulachi tenca nemen cuwenta seiton itolajoe. Tarinlaca cuwenta wepanatuntsan jochunae.
1 Timothy 6:20 in Colorado 20 Junni Timoteo, meráde! Diosi nuchi mantá cuwae yape yachi fiquica micarisa. Junni jun fiquica natiya canbiyacarituto micarina! Seiton epe fiquica merátuna! Weyanla Jera mirayoe tilatinatonan, epe paminla joe. Yalachi fiquicanan meratuna!
2 Timothy 1:8 in Colorado 8 Tsan jonan, chiquilachi Miya Jesucrístoca cuenta polarino luratuna! La tenchinan luratuna! Jesucrístochi jonun tenchi dorasatiya, la tenchi luratuna! Diosichi tsachila padeseinola joyoe. Junto nunan yachi sen fiquica panun tenchi padeseino patitori, Diosibe sonban tenca ito padeseiniina!
2 Timothy 1:18 in Colorado 18 Nu jera mirae Efeso pueblobinan ya duque ayudaimin jominheque. Junni rocainayoe Jesús manpatano mate Diosi yaca laquirasa.
2 Timothy 2:9 in Colorado 9 Junni jun sen fiquica micarinanun tenchi padeseito dorayoe criminali cuwenta. Aman Diosichi fiqui mantimini natiya doica itoe.
2 Timothy 3:10 in Colorado 10 Nuri laca numa quirato miica joe la niyan tsachi jonunca. La micarica fiquica meraca joe. Diosichi tenchi nenamin joeque mirae. Diosica tennato, ticatiya wantaito, laquirato, peleituto, seque nenamin joeque nu mirae.
2 Timothy 4:16 in Colorado 16 Casale laca juisio quinasanan, monantiya lachi parte palaquitue. Jeralela laca puralaquee. Diosi yalaca jun tenchi culpa quitusa tenjae.
Hebrews 2:18 in Colorado 18 Junni yucan yaca jutsa quisa carichique tenfenasa, duque padeseinue tsachila cuwenta. Junto ya padeseito, uyanlaca ayudaino podeichunae. Yucan uyanlaca jutsa quisa carichique tenfenasa, yalaca ayudaino podeichunae yape yucanca fe lolaisa.
Hebrews 7:25 in Colorado 25 Yari numatotiya sonnato polemin joe. Junto yaca quereito Diosibe cayaica junlachi tenchi numatotiya Apa Diosibe rocainato poleno podeichunae. Junto yalaca numatotiya se larino poden joe.
Hebrews 12:2 in Colorado 2 Sujinato, Jesuca duque tenca calaquisa! Yari chiquilaca Diosibe cayaisa carimin jominue. Junni yanan jera seque quereisa carimin joe. Jesuri miraminue padeseitobi, aman duque son joichunaeque. Junca tenhito corosibi puyanato wantainue lu josatiya tennatuto. Junto amana yari jamochi chue. Diosi mantato chunun tsa nanchi chue.
1 Peter 1:5 in Colorado 5 Junni nulari Diosica tennanan, nulaca to yucapiyarino ma fecári cuidaichunae yape jun erensia tsanca calaquisa. Numari jera seca joe jun mate nulaca piyanlelachi cale jera se larichun.
1 Peter 1:20 in Colorado 20 Diosi toca caquituminnan, yaca pato, puyano jochunae tinue. Junni to yucapiyarino ma quelo inasa, Cristo nulaca laquirato jamochi nechi patanue nulachi tenchi puyachun.
1 Peter 4:19 in Colorado 19 Jun tenchi Diosichi mantate padeseino jotori, wepanalaituna! Seque nenato, Diosica tennana! yape nulaca seque cuidaisa. Yari nulaca quica joto nulaca pansituchunae.
Jude 1:24 in Colorado 24 Diosiri nulaca cuidaino podeichunae yape jutsa manquilaquitusa. Nulaca jutsa iton suwano podeichunae yape nulari Diosichi urara tsenbi duque son tito wiruralarasa.