1 John 5:20 in Colorado 20 Junsi man fiquicaman miralarayoe. Diosichi Nao patato, chiquilachi tenca cuwaca joe yape tsa Diosica mirano podeilaisa. Chiquilari tsa Diosibenan, yachi Naobenan, penenaminla joyoe. Yari tsa Diosi joto, yasiri numatotiya sonnato polesa carimin joe.
Other Translations King James Version (KJV) And we know that the Son of God is come, and hath given us an understanding, that we may know him that is true, and we are in him that is true, even in his Son Jesus Christ. This is the true God, and eternal life.
American Standard Version (ASV) And we know that the Son of God is come, and hath given us an understanding, that we know him that is true, and we are in him that is true, `even' in his Son Jesus Christ. This is the true God, and eternal life.
Bible in Basic English (BBE) And we are certain that the Son of God has come, and has given us a clear vision, so that we may see him who is true, and we are in him who is true, in his Son Jesus Christ. He is the true God and eternal life.
Darby English Bible (DBY) And we know that the Son of God has come, and has given us an understanding that we should know him that [is] true; and we are in him that [is] true, in his Son Jesus Christ. He is the true God and eternal life.
World English Bible (WEB) We know that the Son of God has come, and has given us an understanding, that we know him who is true, and we are in him who is true, in his Son Jesus Christ. This is the true God, and eternal life.
Young's Literal Translation (YLT) and we have known that the Son of God is come, and hath given us a mind, that we may know Him who is true, and we are in Him who is true, in His Son Jesus Christ; this one is the true God and the life age-during!
Cross Reference Matthew 13:11 in Colorado 11 Junni Jesús chiquilaca meráto beconan itsantie: —Duque taminlachi fe cuwanan, nantanancari duque talarachunae. Itonlachica mantimini nasiri tanuncatiya josolenan, natiya iton ilaichunae tie. Jun tsanquenan nulari miraminla joto, fécari miilaichunae. Diosi nulachi mi cuwachunae. Uyanlachi mantimini mi cuwatue.
Luke 21:15 in Colorado 15 La nulaca pasa cariyanae. Aman duque mi caya fiquica pasa cariyanae tinue. Tsanque seque pánaminlaca nulaca pa jominlari nene patarino podeilaituchunae tinue. Niyanlatiya quereintsan fiqui jochunae tinue.
Luke 24:45 in Colorado 45 Aman Jesús yalabe tsantinato, Diosichi Pilabi chuteca fiquica seque tuino podeisa carinue.
John 1:1 in Colorado 1 To quino mate numa jominue. Diosibe pejominue. Yari tsachilachi micuwanue Diosi niyan jonunca. Junto yaca “Diosichi Fiqui” tinun joe. Junto “Diosichi Fiqui” tinun jotonan, yanan Diosinan jominue.
John 1:18 in Colorado 18 Uyanlari Diosica natiya quiralaquitue. Yachi mancari Nao mantimini yabe man parejo chumin joto yaca micuwae.
John 10:30 in Colorado 30 Junni laberi lachi Apaberi man junni jolajoyoe tie.
John 14:6 in Colorado 6 Junni Jesuri itsantie: —Lasiri Apa Diosichica jinun minu joyoe tie. Lasiri tsarasica micarimin joyoe tie. Lasiri sonnasa carimin joyoe tie. Labe cayaiminlasiri Apa Diosichibi feno podeilaichunae tie.
John 14:9 in Colorado 9 Junni Felipe panunca meráto, Jesús itsantie: —Felipe, nulabe numari penenasanan, ¿laca camiitolajoyun? tie. Laca quiraminla Apa Diosicanan quiraminla joe tie. ¿Junni ti quichun Apa Diosica quirawode! tiyun? tie.
John 14:20 in Colorado 20 Jun mate nula tsarasica miralarachunae. La Diosibe man junni joeque, nulanan labe man junni jolajoyoeque, lanan nulabe man junni joeque miralarachunae tie.
John 14:23 in Colorado 23 Jesunan yabe itsantie: —Laca laquiraminlari la pacaca meralaquichunae tie. Junni lachi Apa Diosi ya tsachilaca laquirachunae tie. Junto Apa Diosibe labe yalachica jato, yalabenan penenalaranae tie.
John 15:4 in Colorado 4 Junto nula labe man junni jonola joe. Lanan nulabe man junni joanae tie. Uba aliri silibi churatutori, numanan puca ino podeituchunae tie. Nulanan jun tsanquenan labe man junni itotori, natiya seque nenano podeilaituchunae tie.
John 17:3 in Colorado 3 Nusiri tsa Diosi joe; lari Jesucristo nu ereca jun joyoe. Junni chiquilaca miraminla, yalari numatotiya sonnato polelaichunae tie.
John 17:14 in Colorado 14 Nuchi fiquica inlachi cuwayoe. Jun tenchi nuca tennatuminla inlaca pa jolajoe. Junni ya pa junlabe lari bolon peitoyoe. Junni labe penenaminlanan, yalanan nuca tennatuminlabe bolon peitolajoe tie. Jun tenchi laca pa jominla labe penenaminlacanan pa jolajoe tie.
John 17:20 in Colorado 20 Nube rocainato, inlachi tenchisiri rocaitiyoe tie. Yalaca meráto labe cayaino junlachi tenchinan rocainayoe tie
John 17:25 in Colorado 25 Sen Apa Diosi, uyanla nuca miitucala joe. La nuca tsarasica mirayoe. Lachi tsachilanan miralarae; la nu ereca jun jaca joeque miralarae tie.
John 20:28 in Colorado 28 Junni Jesús tsantinunsiri, Tomari manpato, lachi Miya, lachi Diosi tie.
Acts 20:28 in Colorado 28 Junni nulanan tencabe nenato, Miya Diosichi tsachilaca seque payito cuidailaina! tie. Miya Jesucrístochi tsachi bolonla jolajoe. Yachi asanchi yalachi jutsaca piyarica joe. Junni Diosichi Tenca nulachi mantá cuwaca joe yape yachi tsachilaca micarito cuidailaisa. Junni seque cuidailaina! tie.
Romans 9:5 in Colorado 5 Matu tote Diosi wenteca junlachi alicala jolajoe. Tsachi tala patori, Diosi wenteca Cristo tinun tsachinan israelita tsachi jominue. Yari jeralelaca mantamin Diosi jonun tenchi, yaca numatotiya se tintsan joe. Tsanque joe.
1 Corinthians 1:30 in Colorado 30 Ya nulaca Jesucrístobe pesonnasa carimin joe. Junni Jesucrístori Apa Diosichi mantate chiquilaca duque seque quimin joe. Chiquilaca mirasa carimin joe. Yachi tenchi Diosi chiquilaca sen jolajoe timin joe. Ya chiquilaca se larimin joto, fe seisa caridede jimin joe.
2 Corinthians 4:6 in Colorado 6 Aman Diosi casaleri to quinato, jera nemen jominca Diosi tsen suwanue. Junni aman Diosinan chiquilachi tencabinan tsen suwaca joe yape Diosica tsarasica sen joeque miralarasa. Jesucrístoca tuca miito, Diosica tsaracari sen joeque tenhiminlayoe.
2 Corinthians 5:17 in Colorado 17 Tsachilari Crístochi ica junlari jera casan manhicala jochunae. Yalachi tenchi matu unica cosala jeraichunae. Jera casan talasiri manhichunae.
Ephesians 1:17 in Colorado 17 Diosi nulaca duque mi carisa rocaimin joyoe. Yari chiquilachi Miya Jesucrístochi tsara sen Apa joe. Junni nulachi tencabi yaca duque mirasa carideque rocaimin joyoe yape yaca seque entendeilaisa.
Ephesians 3:18 in Colorado 18 Tsanque sonnaminla jotori, fe seque miiminla jochunae. Nulaca jerale Diosichi tsachila cuwentanan miino podeilaisa rocainayoe Crístori duque laquiramin joeque. Cristo nisicari laquiranuncatiya monantiya jera sele entendeino podeitulajoyoe. Tsan jototiya, tsaracari laquiramin joequeri miintsan joe. Junni tsanque mirasa rocainayoe yape Diosi nulachi tencabi jera seque chusa.
Philippians 3:9 in Colorado 9 Yachi tsachi jono muquee. Diosi laca sen joe tisa tenjae. Junto amanari Diosibe sen jochique la tenca mánta tenfetiyoe. Yachi mantá chutecacanan meráchique tenfetiyoe. Lari Crístobe cayaitosiri sen jono muquee. Laca yabe cayainan, Diosi sen joe tisa tenjae.
Colossians 2:2 in Colorado 2 yape nula jeralelachi tenca sonbailaisa. Laquiracaato, man junni jonola joe. Crístoca paca fiquica tsaracari mirato, seque miralarayoeque tenhinola joe. Yasiri tsarasica miisa carimin joe. Yasiri jerale tsarasi jonunca micarimin joe. Junni ya fiquica casaleri Diosiri miisa caritumin jotonan, amanari ya fiquica micarica joe. Junni ya fiquica tsanque seque miratori, nulachi tenca sonba ilaichunae.
1 Timothy 3:16 in Colorado 16 Junni chiquila quereinun fiquiri tsaracari merántsan fiqui joe. Tsachila miitonunca Diosi chiquilaca miisa carie. Yari itsanque joe: Jesucristo tsachi ica jonunca Diosi quirawonue. Ya sen jonunca Diosichi Tenca panue. Ya nenaminca anjelila quiralaquinue. Ya se larimin jonunca yachi tsachila jerale tote chuminlaca merawolaquinue. Ya se larimin jonunca tsachila quereilainue. Ya jamochi manloca jonan, Diosi yaca urara tsente manchusa carinue.
Titus 2:13 in Colorado 13 Tsanque nenato, Jesucristo manpatano maca meralarayoe. Ya manpatanato, tsara tsen jochunae. Yari chiquilachi tsara sen Diosi joto, chiquilaca se larimin joe.
Hebrews 1:8 in Colorado 8 Naocari Diosi itsantica joe: Nunan Diosi joto, numatotiya mantamin joto polechunae tinue. Nu Miya joto, seque mantachunae tinue.
1 John 1:1 in Colorado 1 Casale casaleri tinantiya caitosanan, Cristo numa jominue. Yari Diosi niyan jonunca micarimin joto, Fiqui tinun mumun joe. Diosibe sonnasa carimin Fiqui cuwenta joe. Ya sonnasa cariminni quiraie. Chiquilari yaca quiraca joto, cuenta quinayoe. Yari numatotiya Diosibe sonnasa carimin joe. Junto Apa Diosibenan pechumin joto, chiquilabenan quiraie. Junca nulabe cuenta quinayoe. Yaca merán, cacachi quiran, tedechi taquiran, quilaquiyoe.
1 John 2:24 in Colorado 24 Matu meraca Diosichi fiquica tenca cato nenalarana! Matu meraca fiquica tenca cato nenaminla jotori, Diosibenan, yachi Naobenan penenaminla jochunae.
1 John 4:2 in Colorado 2 Junni itsanque miintsan jochunae mo Diosichi Tencabe micarimin jonunca: Jesucristo jamochi nechi patato tsachi ica junca quereiyoe timinlari Diosichi jolajoe.
1 John 4:14 in Colorado 14 Apa Diosiri yachi Naoca erenue yape jerale tote chuminlaca se larisa yape yucan catusa. Chiquila Crístoca quiraminla joto, tsanque micarino podeilaiyoe.
1 John 4:16 in Colorado 16 Diosi chiquilaca laquiranunca mirato junca tennalarayoe. Diosiri laquirasa carimin joe. Laquiraminlari Diosibe penenalarachunae. Diosi yalabenan penenachunae.
1 John 5:1 in Colorado 1 Jesuca Diosi ereca Cristo tinun joeque quereiminlari jeralela Diosichi nalala jolajochunae. Junni Apa Diosica laquiraminlari jerale Diosichi nalalacanan laquiralarachunae.
1 John 5:11 in Colorado 11 Diosi yachi Naoca itsantinue: Yari yachi Naobe penenaminlaca numatotiya sonnato polesa carimin joyoe tinue.
Revelation 3:7 in Colorado 7 Junni labe cuenta quinamin tsachi manpato, itsantie: —La Diosichi joto, tsarasica pamin joyoe. La yabe tayoe matu to miya Davichi yabe tinunca. Junni la yabe tan joto, la ticatiya lasinari, monantiya mandono podeilaituchunae. La ticatiya donari, monantiya manlasino podeilaituchunae. Junni Filadélfiabi chumin bolonchi anjelichi erechun lachi fiquica itsanque pila chutede! tie:
Revelation 3:14 in Colorado 14 Junni labe cuenta quinamin tsachi manpato itsantie: —La Amen tinun mumun joyoe. Tsarasica pamin joyoe. Diosi jera quica junca lari mantamin joyoe. Junni Laodicéabi chumin bolonchi anjelichi erechun lachi fiquica itsanque pila chutede! tie:
Revelation 6:10 in Colorado 10 Yalari sonba pato, itsanlatie: —Miya Diosi, tsara sen joto, tsarasica pamin joe latie. ¿Junni chiquilaca toteminlaca casticaquino nisi cajoyun? tilatie. Tote chuminla chiquilaca totelaquee. ¿Numasi yalacanan casticaquino joyun? tilatie.
Revelation 15:3 in Colorado 3 Junte wirurato, Moisechi cansionca cantaquito, Opisa Nachi cansionca cantaquito, itsanque canta quilaquee: Tsara sonban Miya Diosi, nu tsaracari wepanato quirantsancari seque quimin joe latie. Tsaracari seque mantamin joto, nuchi tsachilachi Miya joe.
Revelation 19:11 in Colorado 11 Junni Diosichi to lasainan, fibaden calu quiraie. Junbi chuminni “Tsarasica Pato, Encanatumin Joe” tinun joe. Yari jutsa quiminlaca duque tuca miito casticaquimin joe. Quera quicaato, se patarichunni quicaamin joe.