1 Chronicles 18:12 in Chuj 12 Yed' pax vin̈aj Abisai yune' ix Sarvia, yajalil jun macan̈ eb' soldado vin̈aj rey David, ix ac'ji ganar eb' soldado yic Edom yuj vin̈. 18 mil eb' ix smilcham vin̈ d'a yac'lical Atz'am Atz'am.
Other Translations King James Version (KJV) Moreover Abishai the son of Zeruiah slew of the Edomites in the valley of salt eighteen thousand.
American Standard Version (ASV) Moreover Abishai the son of Zeruiah smote of the Edomites in the Valley of Salt eighteen thousand.
Bible in Basic English (BBE) And when he came back from putting to the sword eighteen thousand of the Edomites in the Valley of Salt,
Darby English Bible (DBY) And Abishai the son of Zeruiah smote of the Edomites in the valley of salt eighteen thousand.
Webster's Bible (WBT) Moreover, Abishai the son of Zeruiah slew of the Edomites in the valley of salt eighteen thousand.
World English Bible (WEB) Moreover Abishai the son of Zeruiah struck of the Edomites in the Valley of Salt eighteen thousand.
Young's Literal Translation (YLT) And Abishai son of Zeruiah hath smitten Edom in the valley of salt -- eighteen thousand,
Cross Reference 1 Samuel 26:6 in Chuj 6 Yuj chi' ix yal vin̈ d'a vin̈aj Ahimelec hitita yed' d'a vin̈aj Abisai yuc'tac vin̈aj Joab, eb' vin̈ yune' ix Sarvia icha tic: —¿Mach b'ecan sc'ol sb'at ved'oc b'aj ayec' vin̈aj Saúl d'a yol scampamento chi'? xchi vin̈. —A in tic ol in b'at ed'oc, xchi vin̈aj Abisai chi'.
1 Samuel 26:8 in Chuj 8 Ix yalan vin̈aj Abisai chi' d'a vin̈aj David chi': —A val ticnaic toxo ix yac'och jun vin̈ ajc'ool tic Dios d'a yol a c'ab'. Ac' in permiso tzin milcham vin̈. A q'uen slanza vin̈ tic tzin tipem d'a sc'ool masanto tz'emc'och q'uen d'a yol luum, junn̈ej svac' d'a vin̈, scham vin̈ d'a juneln̈ej, xchi vin̈.
2 Samuel 3:30 in Chuj 30 A vin̈aj Joab chi' yed' vin̈aj Abisai ix milancham vin̈aj Abner chi', yujto ayic ix och oval d'a Gabaón, a vin̈aj Abner chi' ix milancham vin̈aj Asael, vin̈ yuc'tac eb' vin̈.
2 Samuel 7:13 in Chuj 13 A' ol b'oanq'ue in cajnub' b'aj ol in b'inajoc. Ol vac'ann̈ejcan yopisio chi' d'a eb' yin̈tilal d'a masanil tiempo.
2 Samuel 8:13 in Chuj 13 Ix te b'inaj val vin̈aj rey David chi' sic'lab'il ayic ix meltzajxi vin̈ d'a oval yed' eb' edomita, 18 mil eb' ix cham yuj vin̈ d'a jun Span̈anil Atz'am Atz'am.
2 Samuel 10:10 in Chuj 10 Axo juntzan̈xo eb' soldado, ix yac'och vin̈ d'a yol sc'ab' vin̈aj Abisai vin̈ yuc'tac vin̈, yic sb'at eb' yac' oval yed' eb' amonita chi'.
2 Samuel 10:14 in Chuj 14 Ayic ix yilan eb' amonita to toxo ix el lemnaj eb' sirio chi', ix elpax lemnaj eb' d'a yichan̈ vin̈aj Abisai, ix och eb' scol sb'a d'a yol schon̈ab' chi'. Yuj chi' ix och vaan vin̈aj Joab chi' yac'an oval yed' eb' amonita chi', ix meltzajcot vin̈ d'a Jerusalén.
2 Samuel 16:9 in Chuj 9 Ix yalan vin̈aj Abisai yune' ix Sarvia d'a vin̈aj rey David chi' icha tic: —Mamin rey, ¿tas yuj sb'ajvajcot jun vin̈ icha noc' chamnac tz'i' tic d'ayach? Cha in b'ati, b'at in xiquel sjolom vin̈, xchi vin̈.
2 Samuel 19:21 in Chuj 21 Axo vin̈aj Abisai yune' ix Sarvia ix alan icha tic: —A vin̈aj Simei tic, smoj scham vin̈ yujto ix scatab'ej vin̈ rey sic'b'ilel yuj Jehová tic vin̈, xchi vin̈.
2 Samuel 20:6 in Chuj 6 Yuj chi' ix yalan vin̈aj rey David chi' d'a vin̈aj Abisai: —Tecan to ec'b'al ol on̈ yixtej vin̈aj Seba tic d'a yichan̈ icha ix sc'ulej vin̈aj Absalón. Yuj chi' cuchb'ej masanil eb' soldado, tzach b'at d'a spatic vin̈, axo talaj tz'aji tz'och vin̈ scol sb'a d'a junoc chon̈ab' ayoch smuroal, tz'el vin̈ d'ayon̈, xchi vin̈.
2 Samuel 21:17 in Chuj 17 Axo vin̈aj Abisai yune' ix Sarvia ix colan vin̈aj rey David chi'. Ix smilancham jun vin̈ filisteo chi' vin̈, yuj chi' ix yac' sti' eb' soldado d'a vin̈aj David chi' icha tic: Man̈xo ol ach co chab'at qued' d'a oval, yic vach' max ach chami, yujto a ach ayachoch yipoc co c'ol a on̈ israel on̈ tic, xchi eb'.
2 Samuel 23:18 in Chuj 18 A vin̈aj Abisai yuc'tac vin̈aj Joab yune' ix Sarvia, a vin̈ ayoch yajaliloc 30 eb' vin̈ soldado te jelan. A junel ix smilcham 300 vinac vin̈ yed' q'uen slanza. Icha chi' ix aj snivanb'i yelc'och vin̈, icha val eb' vin̈ oxvan̈ chi'.
2 Kings 14:7 in Chuj 7 Ix smilpaxcham 10 mil eb' edomita vin̈aj Amasías d'a oval d'a lum Span̈anil Atz'am Atz'am. Ix yac'pax ganar chon̈ab' Sela vin̈, ix yac'ancan scuch vin̈ Jocteel, aton chi' ix sb'iejcani.
1 Chronicles 2:16 in Chuj 16 Eb' ix yanab' eb' vin̈ tic: Aton ix Sarvia yed' ix Abigail. Axo eb' vin̈ yune' ix Sarvia chi', oxvan̈ eb' vin̈: Aton vin̈aj Abisai, vin̈aj Joab, vin̈aj Asael.
1 Chronicles 11:20 in Chuj 20 A vin̈aj Abisai yuc'tac vin̈aj Joab, yajal yaj vin̈ d'a 30-xo eb' vin̈ te b'inajnac. A d'a jun tiempoal, ix smilcham 300 vinac vin̈ yed' q'uen slanza. Icha val chi' ix aj yic'an sb'inajnaquil vin̈ d'a scal eb' vin̈ 30 chi'.
1 Chronicles 19:11 in Chuj 11 Axo nan̈alxo eb' ix yac'och vin̈ yic scuchb'aj eb' yuj vin̈aj Abisai yuc'tac vin̈ yic syac'an oval eb' yed' eb' amonita chi'.
2 Chronicles 25:11 in Chuj 11 Ix stec'b'an sb'a vin̈aj rey Amasías chi', ix b'at vin̈ yed' eb' soldado d'a span̈anil yic Atz'am Atz'am. Ata' ix smilcham 10 mil soldado aj Seir eb'.
Psalm 60:1 in Chuj 1 A jun b'it tic namami sb'itaji. Aton jun b'it tic yic vin̈aj David yic tzon̈ sc'ayb'ej. Ix stz'ib'ej vin̈ ayic ix yac'an oval vin̈ yed' eb' sirio aj Naharaim yed' eb' aj Soba. Ix b'atpax vin̈aj Joab smilcham 12,000 eb' soldado aj Edom d'a sch'olanil b'aj ay atz'am atz'am. Sb'itej jun b'it tic vin̈ cuchb'um d'a b'it yed' sjajil jun b'it scuchan, An̈ Xumaac. Ach co Diosal yed' val yoval a c'ool ix on̈ actancani. Ix on̈ actejcani, on̈ ac'ji ganar. Mamin, ac'xicot quip ticnaic.
Psalm 60:8 in Chuj 8 A Moab, icha yed'tal b'aj tzin b'ic in b'a yaji. A d'a yib'an̈ Edom ol vac'canb'at in xan̈ab'. D'a tzalajc'olal ol in avajoc yujto ol vac' ganar eb' filisteo, xchi Dios.