Psalm 82 in Boko
1 Asafa lɛ. Lua zↄ̃lɛa balu guu, àlɛ yã́gↄ̃gↄ̃ gbãadeↄnɛ à mɛ̀:
2 Bↄɛ á yã́kpalɛkɛ a zɛ́wai? Áↄ kɛ vãikɛnaↄnɛ kɛ̀kɛ gↄↄpii yã̀?
3 À yãnakpa yɛ̃̀ɛɛsaideↄwa ń tonɛ pↄ́ gwana vĩoↄ. À zɛ ń taasideↄ ń gbɛ̃́ pↄ́ wàlɛ ĩadamáↄ.
4 À yɛ̃̀ɛɛsaideↄ ń wɛ̃nadeↄ misi à ń bↄ vãikɛnaↄ ↄzĩ.
5 Gbãadepiↄ yãe dↄ̃o, aa a kee gbáɛo. Aa ku gusiauɛ, ↄ̃ dṹnia zĩ́na lɛ́ fu.
6 Ma mɛ̀ luaↄn á ũ, Musude nɛ́ↄn á ũ ápii.
7 Ń beeo á ga gbɛ̃nazĩna ũɛ, á kpagua lán kía pãleↄwaɛ.
8 Lua, fɛlɛ yã́kpalɛkɛ ń dṹniao, asa bui píiá n pↄ́ɛ.