Titus 3:5 in Algonquin 5 kigi ag8acimigonan, osa mega kigi kidimagenimigonan, ka8in 8in egi mino ijitcigeiak odji. Kigi manibidamagonan kipatado8ininanan, e paiekaba8anigo8ak, Mino Manidon omacka8izi8ini e abadjitodj kidji koki nta8igiigo8ak acitc kidji minigo8ak ocki pimadizi8ini.
Other Translations King James Version (KJV) Not by works of righteousness which we have done, but according to his mercy he saved us, by the washing of regeneration, and renewing of the Holy Ghost;
American Standard Version (ASV) not by works `done' in righteousness, which we did ourselves, but according to his mercy he saved us, through the washing of regeneration and renewing of the Holy Spirit,
Bible in Basic English (BBE) Not by works of righteousness which we did ourselves, but in the measure of his mercy, he gave us salvation, through the washing of the new birth and the giving of new life in the Holy Spirit,
Darby English Bible (DBY) not on the principle of works which [have been done] in righteousness which *we* had done, but according to his own mercy he saved us through [the] washing of regeneration and renewal of [the] Holy Spirit,
World English Bible (WEB) not by works of righteousness, which we did ourselves, but according to his mercy, he saved us, through the washing of regeneration and renewing by the Holy Spirit,
Young's Literal Translation (YLT) (not by works that `are' in righteousness that we did but according to His kindness,) He did save us, through a bathing of regeneration, and a renewing of the Holy Spirit,
Cross Reference Luke 1:50 in Algonquin 50 Apanigotc okije8anan kakina a8iagon ka manadjiigodjin.
Luke 1:54 in Algonquin 54 O8idoka8an Israel a8iagon, ka anokitagodjin. Ka8in odji 8anikesi apanigotc kidji mino toda8adjin Abanaaman (Abraham) acitc kakina odanike ojisini, mi mega ka inagobanen 8eckadj kikitci anicinabeminabanin.” Mi ka ikidodj Mani.
Luke 1:72 in Algonquin 72 Ki ikido kidji kidimagenimadjin 8eckadj kikitci anicinabeminabanin, acitc kidji mik8endag okitcit8a nakomo8in.
Luke 1:78 in Algonquin 78 Kikije Manidominan mega kitci minodee acitc kitci kije8adizi. Kina8it odji Kije Manido 8edji ki pidjinijaag 8asea8ini 8ak8ig ka odjimaganig, tabickotc ako ka mokaag kizis ka ijinag8anig,
Luke 10:27 in Algonquin 27 Aa nabe ogi nak8e8ajian: “Kiga sagia8a ka Tibendjigedj Kikije Manidomi8a enigokodeeieg, enigokodjitcagocieg, kakina epitcieg, acitc enigokomidonendjiganieg. Acitc dac kiga sagia8a kidjipimadizimi8a tabickotc kina8a ka iji sagiidizo8eg.”
John 3:3 in Algonquin 3 Jesos dac ogi nak8e8ajian: “Teb8e ki8idamon, ka8in a8iag ogagi 8abadasin Kije Manidon Odogima8i8ini kicpin ega koki nta8igidj.”
Romans 3:20 in Algonquin 20 Ka8in mega iaga pejig a8iag ka nosoneagin Coda8inni Inakonige8ini ogagi odji k8aiak8abamigosin Kije Manidon. Motci inabadanon ini Inakonige8inan a8iagog kidji odji pabiziskenimidizo8adj e panaage8adj.
Romans 3:28 in Algonquin 28 Kikikendananan mega Kije Manido e odji k8aiak8abamadjin a8ian ka iji teb8eta8andjin Jesosan, ka8in 8in ka iji mino ijitcigendjin e nosoneamindjin Coda8inni Inakonige8inan.
Romans 4:5 in Algonquin 5 Anic dac ka8in okackitosin a8iag kegoni kidji todag kidji gi odji kackitamadizodj kidji k8aiak8abamigodjin Kije Manidon. Panimagotc ki teb8eta8adjin Kije Manidon, ka k8aiak8abamandjin ka patadindjin. Kije Manidon dac oga igon: “Kikasiamaon ka iji patadian. Kik8aiak8abamin,” kada inagani8i.
Romans 9:11 in Algonquin 11 Kije Manido dac ogi inan Rebekan: “Aa8e nitam ka nta8igidj oga anokita8an ini8e ick8eag ka nta8igindjin.” Apitc Kije Manido ka ikidodj oo8eni, ka8in maci nta8igisibanig igi ockina8esag, acitc dac ka8in maci odji mino ijitcigesibanig kek8an odji madji ijitcigesibanig. Kije Manido dac 8edji ki ikidopan ii, kidji 8abadai8edj e todag ako adi eji min8endag kidji todag. Odonabaman pejig a8ian osa mega o8i nd8e8eman, ka8in 8in egi mino ijitcigendjin odji.
Romans 9:16 in Algonquin 16 Midac Kije Manido odonabaman a8ian ka 8i kidimagenimadjin. Ka8in 8in eji nda8endamindjin ini a8ian 8edji kidimagenimadjin, acitc ka8in 8in egi kitci nak8indjin kidji onabamagani8indjin.
Romans 9:30 in Algonquin 30 Mi oo 8a ikido8ag. Ega ka Coda8inni8i8adj ka8in ok8ag8edjitosina8aban kidji k8aiak8abamigo8adjin Kije Manidon. Misa8adj dac ogi k8aiak8abamigo8an, osa mega ogi teb8eta8a8an.
Romans 11:6 in Algonquin 6 E 8i ca8enimadjin 8edji ki odji onabamadjin, ka8in 8in egi odji mino ijitcigendjin. Kicpin ki odji onabamagani8i8apan omino ijitcige8ini8a odji, ogi odisigona8adok kagi nda kackitamadizo8adj, ka8in 8in ki ca8enimagani8isidog8enag.
Romans 12:2 in Algonquin 2 Ka8in kagikina8abamakegonig igi8e ega ka teb8eta8a8adjin. Tiegodj, pagidinik Kije Manido kidji adjitodj adi enendameg, kidji adjitodj dac adi enadizieg. Midac kiga kikendana8a adi eji nda8endag acitc mi iidi ke todameg. Min8acini dac adi eji nda8endag, acitc mizi8e k8aiak8endag8ani, acitc dac okitci min8endan apitc a8ian iidi e todamindjin.
1 Corinthians 6:11 in Algonquin 11 8eckadj ako, nandam ii e tacieg mi iidi eji panaageiegoban. Nogom dac aja kigi kasiamagom kipatado8ini8a kidji gi paiekideeieg, kigi minigom Kije Manidokag kidji iji tibendagozieg, acitc kigi ijiigom kidji k8aiak8abamigo8eg Kije Manido. Jesos mega ki nibo kipatado8ini8a odji, acitc Mino Manido kigi minigo8a kidji ani teb8etameg.
Galatians 2:16 in Algonquin 16 Anic dac nikikendananan Kije Manido e k8aiak8abamadjin a8ian e teb8eta8andjin Jesos Christan, ka8in 8in ka iji mino ijitcigendjin e nosoneamindjin Coda8inni Inakonige8inan. Kenina8it dac nigi teb8eta8anan Jesos Christ kidji gi odji k8aiak8abamigo8ag Kije Manido egi teb8etamag, ka8in dac 8in egi nosoneam8aiakonin Coda8inni Inakonige8inan. Ka8in mega iaga pejig a8iag ka nosoneagin ini Inakonige8inan ogagi odji k8aiak8abamigosin Kije Manidon.
Galatians 3:16 in Algonquin 16 Mi pejig8an, ka8in adjisesini8an Kije Manido onakomo8inan. Kije Manido ogi inan Abanaaman kidji ca8enimadjin, 8in acitc pejig ini8e 8inikag ke pi odaiagizindjin. Ka8in dac mazinadesinon Kije Manido Omazinaiganikag: “Kiga ca8eniminom kin acitc igi a8iagog kinikag ke pi odaiagizi8adj.” Ka8in mane a8iagon 8inikag ke pi odaiagizindjin mikomagani8isi8an. Tiegodj mazinadeni oo8e: “Kiga ca8eniminom kin acitc aa a8iag kinikag ke pi odaiagizidj.” Pejig eta 8inikag ke pi odaiagizindjin mikomagani8i8an. Jesos Christ dac aa ka mikomagani8idj.
Ephesians 1:6 in Algonquin 6 Midac ii ka todag, kidji gi odji icpenimaiak egi kitci mino todago8ak e minigo8ak okitci ca8endjige8in ka kitci icpendag8anig. Kitci mane kigi minigonan ii okitci ca8endjige8in, kagi pi ijitcigendjin Og8izisan odji ka kitci sagiadjin.
Ephesians 2:4 in Algonquin 4 Anic dac kikitci kidimagenimigonan Kije Manido acitc kikitci sagiigonan.
Ephesians 2:8 in Algonquin 8 Epitci kitci kije8adizidj Kije Manido, kigi ca8enimigo8a kidji ag8acimigo8eg, egi teb8eta8eg. Ka8in dac kikackitosina8a kina8a tibina8e kidji ag8acimidizo8eg. Mi sa Kije Manido ka iji ca8enimi8edj.
Ephesians 4:23 in Algonquin 23 Panima kakina kiga adjitona8a enendameg acitc ejideeieg.
Ephesians 5:26 in Algonquin 26 Jesos ki nibo, kakina a8iagon ka teb8etagodjin kidji gi iji tibendagozindjin Kije Manidokag, egi paiekaba8anadjin nibikag, odikido8in e abadjitodj.
Colossians 3:10 in Algonquin 10 Nogom dac kigi ani ocki a8iago8im. Kije Manido kagi kijendag ii ocki pimadizi8ini ka aiameg, acitc apanigotc o8a8ejiton, tabickotc 8in ka ijinagozidj kidji ani ijinagozieg, eckam eckam kidji ani kikenimeg.
2 Timothy 1:9 in Algonquin 9 Kije Manido kigi ag8acimigonan acitc kigi nd8e8emigonan 8inikag kidji iji tibendagoziak. Ka8in sa egi mino inakamigiziak 8edji ki ag8aciminak, tiegodj sa mi ka iji onendag, acitc mi ka iji ca8eniminak, 8in ka kitci kije8adizidj. Ab8amaci kijendjigadenig akini, aja kijadj kigi minigonan Kije Manido oca8endjige8in, kina8it Jesos Christikag ka iji tibendagoziak.
Titus 3:4 in Algonquin 4 Misa8adj dac, apitc Kije Manido ka Ag8aciminak ka 8abadai8edj epitci minodeedj acitc epitci sagiadjin a8iagon,
Hebrews 4:16 in Algonquin 16 Ka8in dac cag8enimokedan, acitc nazika8adan Kije Manido ka 8i ca8enimigo8ak, e kitci apacenimo8ageiak. Kiga kidimagenimigonan dac acitc kiga ca8enimigonan kidji gi 8idokago8ak apitc maia nda8enimaiak.
Hebrews 6:6 in Algonquin 6 Misa8adj dac, ki poni teb8etamog, acitc ki koki madji ijitcige8ag. Igi dac a8iagog, ka8in mina8adj kadagi koki 8idjiagani8isi8ag kidji an8endizo8adj. Mi mega maia pejig8an koki acidak8a8a8apanin tcibaiatigokag Kije Manidon Og8izisan acitc manazoma8apanin nigan kodagian a8iagokag ejinagozi8adj.
1 Peter 1:3 in Algonquin 3 Icpenimadan Kije Manido, Jesos Christ ka Tibeniminak Odadaman! Kigi kitci kidimagenimigonan mega, e minigo8ak ocki pimadizi8ini egi abidjibaadjin Jesosan. Midac 8edji ketcinamendamak kagige kidji pimadiziak,
1 Peter 2:10 in Algonquin 10 8eckadj ako ka8in kitibenimigosina8aban Kije Manido, nogom dac 8inikag kidiji tibendagozim. 8eckadj ako ka8in kikikendasina8aban Kije Manido okije8adizi8in, nogom dac aja kigi odisigona8a.
1 Peter 3:21 in Algonquin 21 Ii dac kagi iji8ebizi8adj, kinigani 8abadaigonan sigaadazo8ini, nogom ka odji ag8acimigo8eg, Jesos Christ egi abidjibadj. Sigaadazo8in dac, ka8in 8in kidji kizisibadjigadeg kia8inan inabadasinon, tiegodj kidji 8idama8aiak Kije Manido enigokodeeiak e 8i mino inakamigiziak, ega e 8i patadiak.