Titus 3:3 in Algonquin 3 Kekina8it mega, kikikimadendagozinanaban ako, ka8in ki8i ndota8asi8anaban Kije Manido, acitc ki8agackibinigonanaban. Ki8i motci madjakamigizinanaban adigotc eji mosa8endamakoban acitc adigotc eji min8endamakoban. Kipanaagenanaban acitc kidodendananaban. Kimadjenimananabanig kodagiag, acitc ke8ina8a kikitci madjenimigonanabanig.
Other Translations King James Version (KJV) For we ourselves also were sometimes foolish, disobedient, deceived, serving divers lusts and pleasures, living in malice and envy, hateful, and hating one another.
American Standard Version (ASV) For we also once were foolish, disobedient, deceived, serving divers lusts and pleasures, living in malice and envy, hateful, hating one another.
Bible in Basic English (BBE) For in the past we were foolish, hard in heart, turned from the true way, servants of evil desires and pleasures, living in bad feeling and envy, hated and hating one another.
Darby English Bible (DBY) For we were once ourselves also without intelligence, disobedient, wandering in error, serving various lusts and pleasures, living in malice and envy, hateful, [and] hating one another.
World English Bible (WEB) For we were also once foolish, disobedient, deceived, serving various lusts and pleasures, living in malice and envy, hateful, and hating one another.
Young's Literal Translation (YLT) for we were once -- also we -- thoughtless, disobedient, led astray, serving desires and pleasures manifold, in malice and envy living, odious -- hating one another;
Cross Reference Matthew 21:29 in Algonquin 29 Og8izisan dac ogi nak8e8ajiigon: ‘Ka8in ni8i nda mikimosi ogajigag.’ Nage dac ki ani adendamon, midac ka iji nda mikimondjin kitigan akikag.
Luke 21:8 in Algonquin 8 Jesos dac ogi nak8e8ajian: “Iag8amendamok ega kidji 8aiejimigo8eg. Mane mega a8iagog kada pija8ag ni8izoni e abadjito8adj, acitc kada ikido8ag: ‘Nin aa8e Kije Manidon kagi ikidonipanin kidji pidjinijaogodjin,’ kek8an: ‘Aja kegat kada iji8eban.’ Ka8in dac nosone8akegonig.
John 8:34 in Algonquin 34 Jesos ogi nak8e8ajian: “Teb8e ki8idamonom, aa8e ka patadidj, patado8ini otibenimigon.
Acts 9:1 in Algonquin 1 Ii apitc 8edi Jerusalem Saul kiabadj ogi kitci k8ag8edjiton kidji segiadjin ini8eni8an ka teb8eta8andjin ka Tibendjigendjin, e inapanin kidji nisadjin. Kegapitc ogi nda 8abaman Coda8inni aiamie ogiman ma8adji ka niganizindjin.
Acts 26:19 in Algonquin 19 Midac Pon kiabadj ki anim8e e ikidodj: “Kitci ogima Akanipa! Apitc ka ick8a nodaman oo, nigi naita8a aa8e 8ak8ikag kagi odji aiamiijidj.
Romans 1:29 in Algonquin 29 Kitci anodj ainakamigizi8ag, madji aiaa8i8ag, omosa8endana8a o8idjipimadizimi8an odaimini, omadji toda8a8an kodagian, ododenima8an kodagian, onisa8an a8iagon, kaganondi8ag, o8agackibina8an a8iagon, omin8endana8a apitc madjisendjin kodagian, acitc opag8anoma8an kodagian.
Romans 3:9 in Algonquin 9 Adi dac ii kakina 8a ikidomagag? Kina8it ka Coda8inni8iak, na8adj na kimin8abamigonan Kije Manido apitc8in kodagiag a8iagog? Ka8in odji pejig ii. Aja nigi ikidonaban kakina a8iagog e tibenimigo8adj patado8ini, kina8it ka Coda8inni8iak acitc ke8ina8a kodagiag.
Romans 6:17 in Algonquin 17 8eckadj ako kikitci tibenimigona8aban patado8in. Enigokodeeieg dac kigi ndotana8a ii kikinoamage8in kagi odisigo8eg. Aja dac kigi pagidjickagona8a, ega kiabadj patado8in kidji tibenimigo8eg. Kigi pagidenimidizom dac Kije Manido kidji tibenimigo8eg, kidji gi odji k8aiak8adizieg. Mig8etc dac inadan Kije Manido!
Romans 6:22 in Algonquin 22 Nogom dac ka8in aja patado8in kitibenimigosina8a, aja Kije Manido kitibenimigo8a kidji anokita8eg. Kidodji 8idjiigo8a dac kidji ani paiekideeieg, aja Kije Manido e tibenimigo8eg kiga odji odisigona8a kagige pimadizi8in.
1 Corinthians 6:9 in Algonquin 9 Kikikendana8adok igi8e ka madji todamo8adj ega 8ikad kidji pidige8adj Kije Manidon Odogima8i8inikag. Ka8in 8aiejimidikegon pakan kidji inendameg! A8iagog madji aido8ini ka pabamendamo8adj, acitc igi8e manidokanan ka icpenima8adjin, acitc igi8e ka 8idji8a8adjin kodag a8ian o8idigemagani, acitc igi8e nabeg ka nodjinabe8e8adj,
2 Corinthians 12:20 in Algonquin 20 Apitc pi ndaodeominagok, nikotadjinan kidji odji mikaonagok pakan e inakamigizieg adi eji nda8eniminagok. Nikotan acitc ega maia kidji inadizian adi kina8a eji nda8enimijiegoban kidji inadizian. Nikotan nandam ka tacieg kidji kaganondi8adj, kidji mosa8endamo8adjin o8idjipimadizimi8an odaimini, kidji nta 8ake8ina8ezi8adj, kidji kitci k8ag8edjito8adj kidji niganizi8adj kakina pepejig e taci8adj, kidji pag8anomidi8adj, kidji manazoma8adjin kodagian, kidji kitci inendizo8adj, acitc kidji kitci sanagii8e8adj.
Galatians 6:3 in Algonquin 3 Kicpin a8iag kitci apitenimidizodj, ega dac odji pejig sabendagozidj, kitci anodj inendam.
Ephesians 2:1 in Algonquin 1 8eckadj ako, mi maia pejig8an kagi nibo8egoban ka ijinagozieg, osa mega kinita patadina8aban acitc kipanaagena8aban ako.
Colossians 1:21 in Algonquin 21 8eckadj ako kina8abama8aban Kije Manido. Kimadjenima8aban, osa mega kikitci mamidonendana8aban adi ke iji madji inakamigiziegoban, acitc kigi kitci madji ijitcigena8aban.
Colossians 3:7 in Algonquin 7 Kekina8a kidinakamigizina8aban ako iidi, meg8adj e tibenimigo8egobanin ini patado8inan.
2 Timothy 3:2 in Algonquin 2 Ii dac apitc, mane a8iagog 8ina8a tibina8e eta kada mik8enimidizo8ag. Conian oga kitci sagia8an. Kada kitci inadjimidizo8ag acitc kada kitci kitenimo8ag. Oga manazoma8an Kije Manidon. Oga ana8eta8a8an onigiigo8an. Ka8in mig8etc oga inasi8a8an a8iagon ka 8idjiigo8adjin, acitc ka8in kada aiamiesi8ag.
James 1:26 in Algonquin 26 Kicpin dac a8iag “nikitci aiamie” inendag, pekic dac ega nagadjiidizodj adi ekidodj, 8agackibinidizo. Misa dac ka8in odji pejig abadasini adi eji aiamiedj.
1 Peter 1:14 in Algonquin 14 8eckadj ako, ka8in kikikenimasi8a8aban Kije Manido, anodj kidinakamigizina8aban adi eji madji mosa8endamegoban. Nogom dac, e 8i ndota8eg Kije Manido Kidadaminan, ka8in iidi todakegon.
1 Peter 4:1 in Algonquin 1 Apitc Jesos Christ ka anicinabe8iidizodj, ki kodagiagani8i o8ia8ikag. Midac pejig8an kekina8a, panima ki eco8ieg kidji kodagito8eg. Aa8e mega ka kodagitodj oteb8etamo8in odji, 8abadai8e ega kiabadj e 8i patadidj.
Revelation 12:9 in Algonquin 9 Ki sagidji8ebinagani8i dac aa kitci kikadanak. Mi aa 8eckadj kinebig, kitci madji manido kek8an Satan ka ijinikanagani8idj. Apanigotc o8agackibinan kakina a8iagon akikag ka tendjin. Akikag ki iji8ebinagani8i kigi odajeniman.
Revelation 13:14 in Algonquin 14 Ogi 8agackibinan dac a8iagon akikag ka tajikendjin, egi minagani8idj kidji gi mamada8izidj meg8adj e taji kana8abamigodjin nitam madji a8esizan. Ogi inan a8iagon: “Ojiik manidokan kidji gi manadjieg aa a8esiz kagi mij8aganiagani8idj kitci mokomani e abadanig acitc misa8adj kagi pimadizidj. Ojiik manidokan 8in ka ijinagozidj kidji ijinagozindjin.”
Revelation 18:2 in Algonquin 2 Ki kitci pibagi: “Aja ick8a nici8anadan! Aja ick8a nici8anadan ka kitci inendag8ag Babilon odena! Midac aja iima eji tajike8adj madji manidog. Pinecijag ega ka am8agani8i8adj acitc ega ka min8enimagani8i8adj mi iima e te8adj.