John 9:34 in Algonquin 34 Midac ogi nak8e8ajia8an: “Kin dac mojag kigi nta patadinan, ka ako pimadizian. Nogom dac kidinendan na kidji gi pi kikinoamaojiag?” Midac ogi sagidjinija8a8an Coda8inni aiamiemigi8amikag.
Other Translations King James Version (KJV) They answered and said unto him, Thou wast altogether born in sins, and dost thou teach us? And they cast him out.
American Standard Version (ASV) They answered and said unto him, Thou wast altogether born in sins, and dost thou teach us? And they cast him out.
Bible in Basic English (BBE) Their answer was: You came to birth through sin; do you make yourself our teacher? And they put him out of the Synagogue.
Darby English Bible (DBY) They answered and said to him, Thou hast been wholly born in sins, and thou teachest us? And they cast him out.
World English Bible (WEB) They answered him, "You were altogether born in sins, and do you teach us?" They threw him out.
Young's Literal Translation (YLT) They answered and said to him, `In sins thou wast born altogether, and thou dost teach us!' and they cast him forth without.
Cross Reference Matthew 18:17 in Algonquin 17 Kicpin dac ega 8i ndota8adjin ini a8iagon, a8i 8idamaok kodagiag ka teb8etamo8adj ka ma8adjiidi8adj kidji aiamie8adj. Kicpin dac aa a8iag ega 8a8adj 8i ndota8adjin ka ikidondjin ka teb8etamindjin ka ma8adjiidindjin, ka8in odji pejig pabiziskenimaken. Tabickotc a8iag ega ka teb8eta8adjin Kije Manidon inenim, kek8an tabickotc patado8inni ega ka 8i an8endizodj.”
Luke 6:22 in Algonquin 22 “Kica8endagozim apitc a8iagog madjenimigo8eg, madjinijaogo8eg, manazomigo8eg, acitc madji a8iagog enenimigo8eg, e nosone8eg aa Ka pi Anicinabe8iidizodj odji.
Luke 11:45 in Algonquin 45 Pejig Coda8inni kikinoamage8inni ogi inan: “Kikinoamage8inni! E manazomad8a igi8e ka nagadjito8adjin inakonige8inan, kenina8it kimanazomijinam.”
Luke 14:11 in Algonquin 11 Kakina mega a8iag ka icpenimidizodj, kada tabasendagozi, acitc dac kakina a8iag ka tabasenimidizodj, kada icpendagozi.”
Luke 18:10 in Algonquin 10 Ki ikido: “Nijin a8iagog ki pidige8agoban kitci aiamiemigi8amikag kidji nda aiamie8adj. Pejig aa8e Coda8inni ka nagadjitodjin inakonige8inan inabadizigoban, kodag dac aa8e ka ma8adjiadjin conian kitci ogiman odji inabadizigoban 8in.
Luke 18:17 in Algonquin 17 Teb8e ki8idamonom, a8iag ega nda8endag Kije Manidon Odogima8i8ini, tabickotc abinodjij ke iji nda8endagiban, ka8in 8ikad oga kackitosin kidji pidigedj Kije Manidon Odogima8i8inikag.”
John 6:37 in Algonquin 37 Kakina ini8eni8an Nidadam ka minijidj niga nosoneogog. A8enenigotc dac ke pi nazikaojidj, ka8in 8ikad niga ana8eta8asi.
John 7:48 in Algonquin 48 Te na pejig Coda8inni ka niganizidj kek8an pejig Coda8inni ka nagadjitodjin inakonige8inan egi teb8eta8adjin? Ka8in 8a8adj pejig ka taci8adj ogi teb8eta8asi8an!
John 8:41 in Algonquin 41 Ii dac e ijitcigeieg, mi maia pejig8an kidadami8a kagi ijitcigedj ejitcigeieg!” Ogi nak8e8ajia8an: “Ka8in pig8adojanag nidijinagozisimin. Maiagotc Kije Manido mi aa Nidadaminan.”
John 9:2 in Algonquin 2 Okikinoamaganan dac ogi k8ag8edjimigon: “Kikinoamage8inni! Adi 8edji ki ijinagozidj ega e 8abidj ka ako nta8igidj aa nabe? 8in na ki patadi kek8an onigiigon?”
John 9:22 in Algonquin 22 Kotadjibanig mega, mi 8edji ki ikido8adj ii. Aja mega ki onaco8ebanig Coda8innig ka niganizi8adj kidji sagidjinija8agani8idj Coda8inni aiamiemigi8amikag a8enenigotc ke tibadjimog8en Jesosan mi ini Kije Manidon kagi ikidonipanin kidji pidjinijaogodjin.
John 9:35 in Algonquin 35 Jesos ki nodage egi sagidjinija8agani8indjin ini naben acitc ogi a8i nda 8abaman. Apitc dac ka nagicka8adjin, ogi inan: “Kiteb8eta8a na aa8e Ka pi Anicinabe8iidizodj?”
John 9:40 in Algonquin 40 Nandam Coda8innig ka nagadjito8agobanen inakonige8inan iima tebanig. Ogi nodana8a dac kagi ikidondjin Jesosan, midac ogi ina8an: “Kik8ag8e ikidonan na kenina8it ega e 8abiag?”
1 Corinthians 5:4 in Algonquin 4 Mi oo8e ke todameg. Ma8adjiidiok kidji icpendameg ka Tibeniminak Jesos o8izon. Kiga aiana8a Jesos ka Tibeniminak omacka8izi8in acitc kiga mik8eniminom.
Galatians 2:15 in Algonquin 15 Nina8it Nicoda8inni8imin ka ako nta8igiag, ka8in 8in ega ka Coda8inni8i8adj nigagi inagimigosimin, ega ka nosoneamo8adjin Coda8inni Inakonige8inan.
Ephesians 2:3 in Algonquin 3 Kakina kina8it, tabickotc 8ina8a kigi inadizimin ab8amaci ka teb8eta8aiak Kije Manido. Mojag ako kitodananaban adigotc kina8it tibina8e eji madji mosa8endamakoban kidji todamak, e motci mamidonendamak kidji min8endamiidizo8ak. Mi maia tabickotc 8ina8a ega ka teb8eta8a8adjin Kije Manidon ka inadiziakoban, tabickotc dac 8ina8a kigi odji kackitamadizonanaban kidji pajacteogo8ak Kije Manido.
1 Peter 5:5 in Algonquin 5 Kina8a dac ka ocki pimadizieg! Pagidendizok kidji ndota8eg8a kitci anicinabeg. Kina8a kakina ka teb8etameg, tabasenimidizok acitc 8idokodadiok. Mazinadeni mega oo8eni Kije Manido Omazinaiganikag: “Kije Manido onagabinan ka kitci inenimidizondjin, anic dac okitci ca8endjige8in ominan ini8e ka tabasenimidizondjin.” Mi mezinadenig.
3 John 1:9 in Algonquin 9 Aja nigi ojibiama8abanig ka teb8etamo8adj 8edi kidodenamikag, ka8in dac Tiotepis (Diotrèphe) o8i ndotasin ekido8an. 8in eta kabe 8i niganizi.
Revelation 13:17 in Algonquin 17 Kicpin dac a8iag ega ka kikina8adjibi8agani8ipan, ka8in kegoni okackitosinaban kidji kicpinadodj kek8an kidji ada8edj. Kikina8adjibiigan dac, mi ii nitam madji a8esiz o8izon, kek8an agidasoni ka abadjitcigadenig kidji 8inagani8idj.