Hebrews 7:26 in Algonquin 26 Jesos dac, mi aa aiamie ogima ma8adji ka niganizidj ka kitci nda8enimaiak. Kitci paiekidee mega, acitc ka8in 8ikad odji patadisi, acitc kitci k8aiakozi. Ka8in tabickotc a8iagon ka nta patadindjin ijinagozisi, acitc ogi kitci icpendagoziigon Kije Manidon e asigodjin opimena 8inikag 8edi 8ak8ig.
Other Translations King James Version (KJV) For such an high priest became us, who is holy, harmless, undefiled, separate from sinners, and made higher than the heavens;
American Standard Version (ASV) For such a high priest became us, holy, guileless, undefiled, separated from sinners, and made higher than the heavens;
Bible in Basic English (BBE) It was right for us to have such a high priest, one who is holy and without evil, doing no wrong, having no part with sinners, and made higher than the heavens:
Darby English Bible (DBY) For such a high priest became us, holy, harmless, undefiled, separated from sinners, and become higher than the heavens:
World English Bible (WEB) For such a high priest was fitting for us: holy, guiltless, undefiled, separated from sinners, and made higher than the heavens;
Young's Literal Translation (YLT) For such a chief priest did become us -- kind, harmless, undefiled, separate from the sinners, and become higher than the heavens,
Cross Reference Matthew 27:18 in Algonquin 18 Pilat mega okikendanaban Jesosan egi pagidenimagani8inigobanen osa e odenimagani8inipanin.
Mark 16:19 in Algonquin 19 Apitc ka ick8a aiamiadjin Jesos ka Tibendjigedj okikinoamaganan, ki icpika 8ak8ig acitc ki nda abi Kije Manidon okitcinikinikag.
Luke 1:35 in Algonquin 35 Ajenin dac ogi nak8e8ajiigon: “Mino Manido kiga pidigeckag, acitc ma8adji ka icpendagozidj Kije Manido kiga minig omacka8izi8in. Mi ke odji kitcit8a8izidj aa abinodjij ke nta8igidj, acitc Kije Manido Og8izisan ke odji ijinikanagani8idj.
Luke 23:22 in Algonquin 22 Pilat kiabadj ogi aiamian a8iagon, aja nisinanaj odaiamian. Ogi inan dac: “Adi dac ka iji panaagedj? Ka8in kegon nidodji mikasin kidji gi panaagedj kidji gi odji nisagani8ipan. Niga anoki dac kidji papajacte8agani8idj, midac ke iji pagidinag.”
Luke 23:41 in Algonquin 41 K8aiak kidinakonigomin kina8it, kitodadizomin mega 8edji nisigo8ag. 8in dac aa ka8in kegoni odji iji panaagesi.”
Luke 23:47 in Algonquin 47 Cimaganici ogima 8eabadag ka ijisenig, ogi icpeniman Kije Manidon, acitc ki ikido: “Ketcinadj k8aiakodeegoban aa nabe.”
Luke 24:26 in Algonquin 26 Mi panima iidi ka inendagozigobanen kidji iji kodagitodj aa8e Kije Manidon kagi ikidonipanin kidji pidjinijaogodjin, kidji gi minigodjin Kije Manidon odicpendagozi8ini.”
Luke 24:46 in Algonquin 46 Ogi inan: “Mi oo mezinadenig: ‘Aa8e Kije Manidon kagi ikidonipanin kidji pidjinijaogodjin kada kodagito, midac kada abidjiba ki nisogonaganig.
John 8:29 in Algonquin 29 Nigi pidjinijaog acitc ni8idjiog. Ka8in nidodji naganigosi, nin eta kidji te8ag. Kabena mega adi eji min8endag nitodan.”
John 14:30 in Algonquin 30 Ka8in aja kin8ej kiga aiamiisinonom. Madji manido mega, 8in ka kackakanadjin a8iagon ooma akig ega ka teb8etaojindjin, aja kada tag8icin. Ka8in 8in okackitosin kidji tibenimijidj,
Acts 3:14 in Algonquin 14 Ki kitci paiekideegoban acitc ka8in 8ikad ki odji patadisigoban. Kina8a dac kigi ana8enima8a. Kigi k8ag8edjima8a dac Pilat meckodj kidji pagidinadjin pejig naben egi nici8endjin.
Acts 4:27 in Algonquin 27 Tebendjigean! Teb8e mi ka ijiseg! Ooma Jerusalem odenakag, ki ma8asag8akonidi8ag Herod, Pontias Pilat (Ponce Pilate), Coda8innig acitc ega ka Coda8inni8i8adj, kakina e 8i nisa8agobanen Jesosan. Jesos, mi 8aa Kidanodagan ka kitcit8a8izidj, kagi onabamadj.
2 Corinthians 5:21 in Algonquin 21 Ka8in 8ikad odji patadisi Jesos Christ, misa8adj dac Kije Manido ogi pagidinan kidji nisagani8indjin tabickotc patado8innin, kidji gi nabickago8ak. Kije Manido dac oo8e ogi todan kidji gi k8aiak8abamigo8ak, egi nibodj Jesos kina8it odji.
Ephesians 1:20 in Algonquin 20 ka abadjitodj kidji abidjibaadjin Jesos Christan, acitc kidji asadjin kidji abindjin okitcinikikag 8ak8ig.
Ephesians 4:8 in Algonquin 8 Mi 8edji mazinadenig Kije Manido Omazinaiganikag, Jesos e mikomagani8idj: “Apitc ka icpikadj 8ak8ig, ogi madji8inan mane a8iagon ka madjenimigodjin egi cagodjiadjin. Acitc dac ogi minan ca8endjige8inan ini a8iagon ka teb8etagodjin.”
Philippians 2:9 in Algonquin 9 Misa dac ogi odji kitci apitendagoziigon Kije Manidon, e minigodjin na8adj kidji manadjiagani8idj apitc8in kakina kodag kegoni. Ogi minigon 8izoni na8adj e apitendag8anig apitc8in kakinagotc kodag 8izoni.
Hebrews 1:3 in Algonquin 3 Mi maia tabickotc epitci icpendagozindjin Og8izisan tabickotc 8in, acitc mi maia 8in tabickotc ejinagozindjin. Onagadjitoni Og8izisan kakina kegoni, e abadjitondjin ini ka kitci macka8izimaganigin odikido8inan. Ogi todan kidji kasiama8agani8indjin a8iagon opatado8ini, mina8adj dac Kije Manidon ka kitci macka8izindjin okitcinikinikag ki iji abi 8ak8ig.
Hebrews 2:10 in Algonquin 10 8in Kije Manido kakina kegonan kagi kijendagin, acitc kakina kegonan pimadjiomaganon kidji gi icpenimigodjin. Ogi kitci nda8endan ka kitci manendjin odabinodjijiman kidji aiamindjin ke8ina8a odicpendagozi8in. 8in Jesos nigani, kidji gi ag8acimadjin a8iagon, acitc ijinag8aniban kidji kodagitodj, mi mega egi kodagitodj 8edji ki ijiigodjin Kije Manidon mizi8e kidji kackitodj kidji ag8acimadjin a8iagon.
Hebrews 4:14 in Algonquin 14 Aiamie ogima ma8adji ka niganizidj kidaia8anan kidji 8idokago8ak, e kitci macka8izidj, kagi icpikadj 8ak8ig kidji 8idji8adjin Kije Manidon. Mi aa Jesos, Kije Manido Og8izisan. Kitci enigok dac kana8endadan kiteb8etamo8inan ka paba tibadjimo8ak.
Hebrews 7:11 in Algonquin 11 Inakonige8inikag kagi minagani8i8adj Israel a8iagog, mazinadeban panima Lepikag kidji odaiagizi8adj aiamie ogimag. Kicpin dac tibise ki min8acinigiban omikimo8ini8a igi aiamie ogimag kidji gi paiekideea8adjin a8iagon, ka8in mamakadj kadagi tag8icisiban kodag e pakanizidj aiamie ogima, ega Lepikag kidji gi odaiagizipan. Ka8in dac tabickotc Eran (Aaron), Lepikag ka odaiagizipan acitc nitam kagi aiamie ogima8ipan, ijinagozisi 8aa ka pakanizidj aiamie ogima. Tiegodj, Kije Manidon kagi onabamigodjin, tabickotc kagi onabamapanin Mekisedekan.
Hebrews 8:1 in Algonquin 1 8adan oo8e ma8adji ka kitci apitendag8ag kegon ka ikido8ag. Kidaia8anan aiamie ogima ma8adji ka niganizidj kidji 8idokago8ak, Kije Manidon ka kitci macka8izindjin okitcinikinikag 8ak8ig ka tanabidj.
Hebrews 9:14 in Algonquin 14 Kicpin dac iidi iji macka8izimaganig a8esizag omisk8i8a, na8adj kiabadj a8acamej Jesos Christ omisk8i kitci macka8izimaganidok! Ka8in 8ikad odji patadisi Jesos, acitc 8in tibina8e ki pagidenimidizo Kije Manidokag, e kigickag Mino Manidon omacka8izi8ini kagige ka tendjin. Omisk8i kipaiekideeigonanan, ega kiabadj kidji inendamak panima kidji todamakonin kegonan ega ke ag8acimigo8akonin, tiegodj ki8i anokita8anan ka pimadizidj Kije Manido!
Hebrews 9:23 in Algonquin 23 Panima dac ki paiekitcigadegin ini kegonan, a8esizag omisk8i8a e abadjitcigadenig kagi pagidinigetama8agani8idj Kije Manido. Motci 8abadai8emaganon dac ini kegonan adi ejinag8anigin kegonan 8ak8ig ka tag8anigin. Panima dac na8adj ki kitci apitendag8ag pagidinige8in kidji paiekitcigadegin kegonan ka tag8agin 8ak8ig.
Hebrews 10:11 in Algonquin 11 Taso kajik kakina pepejig e taci8adj aiamie ogimag tajigaba8i8ag e mikimo8adj. Minamina8adj pejig8an odiji pagidinigetama8a8an Kije Manidon, ega 8ikad ke minosenigin kidji gi kasiigadenigin patado8inan.
Hebrews 12:2 in Algonquin 2 Mamidonenimadan Jesos. 8in mega kigi minigonan teb8etamo8ini ockadok, acitc 8in ki8idjiigonan kidji teb8etamak pinici 8ak8ig kidji oditamak. Ki pagidenimidizo kidji nisagani8idj tcibaiatigokag, misa8adj e agazinagozidj ako a8iag iidi iji nibodj. Okikenimabanin mega Kije Manidon kidji minigodjin kidji kitci mina8azidj. Nogom dac taji abi Kije Manidon okitcinikinikag.
1 Peter 1:19 in Algonquin 19 Tiegodj Jesos Christ omisk8i ka kitci apitendag8anig 8edji ki ag8acimigo8eg. 8eckadj ako, apitc e pagidinigetama8agani8ipan Kije Manido mantcenicesan, panima maia kidji kitci minozindjin, ega odji pejig kidji iji manadizindjin o8ia8inikag. Mi tabickotc ini mantcenicesan ejinagozipan Jesos, kagi pagidenimagani8igobanen kidji gi ag8acimigo8eg.
1 Peter 2:22 in Algonquin 22 Ka8in 8ikad odji patadisi acitc ka8in 8ikad odji kagina8ickisi.
1 Peter 3:22 in Algonquin 22 Nogom dac aja 8ak8ig te Jesos, Kije Manidon okitcinikinikag ineke iji te. 8in nogom odogimakanan ajenin acitc kakina manidon ka kacka8indjin acitc ka macka8izindjin.
1 John 2:2 in Algonquin 2 Jesos mega kagi pagidenimidizodj kidji nibodj tcibaiatigokag, kidji odji kasiigadenigin kipatado8ininanan. Ka8in dac kina8it eta ka odji kasiamago8ak Kije Manido adi ka iji patadiak, kakina sa a8iagon ooma akig odji kasiama8agani8i8an adi ka iji patadindjin.
1 John 3:5 in Algonquin 5 Kikikendana8a Jesos egi pi tag8icig kidji kasiama8adjin a8iagon opatado8ini. 8in dac ka8in 8ikad ki patadisi.
Revelation 1:17 in Algonquin 17 Apitc ka 8abamag, nigi medjim8adji pagicin ozidikag, tabickotc a8iag ka nibodj. Midac okitcinik nigi saminig e ikidodj: “Ka8in segiziken. Nin nitam ka tedj acitc nin ick8eag ke tedj.
Revelation 3:7 in Algonquin 7 Nigi inig kiabadj: “Ojibian ke ininan acitc ijinijaamao ojibiigani aa8e ka nagadjiadjin ka teb8etamindjin 8edi Piladelapia odenag. Ojibian dac oo8edi: Mi ekidodj aa8e ka kitcit8a8izidj, ega 8ikad ka kagina8ickidj. Davidan okidabikaigani otakonan. Kicpin cenag ick8ademini, ka8in a8ian ogagi kibaasini. Kicpin kibaag ick8ademini, ka8in a8ian ogagi cenasini.