Colossians 2:8 in Algonquin 8 Iag8amig ega kidji 8aiejimigo8eg a8iag, e abadjitodjin anodj inendamo8inan ega ka teb8emaganigin acitc ega odji pejig ka abadanigin. A8iagokag eta odjise8an ini inendamo8inan, inakonige8inikag acitc ijita8inikag ooma akikag ka kitci apitendag8agin, ka8in 8in Jesos Christikag odjimagasino8an.
Other Translations King James Version (KJV) Beware lest any man spoil you through philosophy and vain deceit, after the tradition of men, after the rudiments of the world, and not after Christ.
American Standard Version (ASV) Take heed lest there shall be any one that maketh spoil of you through his philosophy and vain deceit, after the tradition of men, after the rudiments of the world, and not after Christ:
Bible in Basic English (BBE) Take care that no one takes you away by force, through man's wisdom and deceit, going after the beliefs of men and the theories of the world, and not after Christ:
Darby English Bible (DBY) See that there be no one who shall lead *you* away as a prey through philosophy and vain deceit, according to the teaching of men, according to the elements of the world, and not according to Christ.
World English Bible (WEB) Be careful that you don't let anyone rob you through his philosophy and vain deceit, after the tradition of men, after the elements of the world, and not after Christ.
Young's Literal Translation (YLT) See that no one shall be carrying you away as spoil through the philosophy and vain deceit, according to the deliverance of men, according to the rudiments of the world, and not according to Christ,
Cross Reference Matthew 7:15 in Algonquin 15 “Iag8amenimikog niganadjimo8innig ka kagina8icki8adj. Mi tabickotc mantcenicag ejinagozi8adj, pekic mi maia tabickotc maiganag ka kitci kotanigozi8adj ejidee8adj.
Matthew 10:17 in Algonquin 17 Iag8amig! A8iagog mega kiga takonigo8ag acitc nigan tibakonige8innikag kiga iji8inigo8ag. Kiga papajacteogo8ag odaiamiemigi8ami8akag.
Matthew 15:2 in Algonquin 2 “8egonen 8edji ega nosoneamo8adj kikikinoamaganag ka iji kikinoamage8apan 8eckadj kikitci anicinabeminabanig? Ka8in mega kizindjisi8ag ab8amaci 8isini8adj, tabickotc kagi ikidomaganig aiamie inakonige8ini!”
Matthew 16:6 in Algonquin 6 Jesos dac ogi inan: “Iag8amig Coda8innig ka nagadjito8adjin inakonige8inan acitc Coda8innig ega ka teb8etamo8adj abidjiba8ini odobisidjigani8a.”
Mark 7:3 in Algonquin 3 Coda8innig ka nagadjito8agobanen inakonige8inan, acitc kakina kodagiag Coda8innig, kitci 8e8enda onosoneana8aban ii kikinoamage8ini kagi minigo8apanin 8eckadj okitci anicinabemi8abanin. Ka8in dac 8ikad 8isinisi8agoban ega 8e8enda egi kizindji8adj.
Acts 17:18 in Algonquin 18 Nandam kikinoamage8innig, ega ka Coda8inni8i8adj, Epikorianag (Épicuriens) acitc Isto8ik8ag (Stoïciens) ka ijinikanagani8i8adj, ke8ina8a ogi pi nda 8abama8an Ponan acitc ogi k8ag8e tebima8an. Nandam ki ikido8ag: “Adi ekidog8en 8aa nabe? Ka8in kegoni okikendasin.” Kodagiag dac ki ikido8ag: “Tibadjimodok kodagian manidon, e aiamita8agani8indjin kodag akikag 8edi anodj.” Pon mega omikomabanin Jesosan egi abidjibandjin, mi 8edji ki ikidondjin ii.
Acts 17:32 in Algonquin 32 Apitc igi8e a8iagog ka noda8a8adjin Ponan e mikomandjin Jesosan egi abidjibaagani8indjin, nandam ogi papia8an. Kodagiag dac a8iagog ki ikido8ag: “Nigodin mina8adj ninada8endananan kidji nodamag kitibadjimo8in.”
Romans 1:21 in Algonquin 21 Ketcinam a8iagog okikendana8adok e tendjin Kije Manidon. Ka8in dac pekic odicpenimasi8a8an acitc ka8in mig8etc odinasi8a8an, adi eji inendagozi8adj kidji toda8a8adjin Kije Manidon. Tiegodj, ka8in odji pejig abadasini odinendamo8ini8a, acitc dac ka8in kegoni okackitosina8a kidji nisidotamo8adj.
Romans 16:17 in Algonquin 17 Nidjiki8eg! Ki8idamonom dac kidji iag8amieg igi a8iagog ka iji kikinoamage8adj pakan kina8a kagi pi iji kikendameg. O8i nenicikebina8an ka teb8etamindjin, acitc o8i pakebina8an. 8imackaokog igi!
1 Corinthians 1:19 in Algonquin 19 8adan oo8e ka mazinadenig Kije Manido Omazinaiganikag: “Niga 8abadaag ega odji pejig e min8acinig ka kagita8endamo8adj okagita8endamo8ini8a, acitc maia niga 8isk8emag ‘nikitci omidonendjiganimin’ ka inendamo8adj.”
1 Corinthians 3:18 in Algonquin 18 Ka8in 8aiejimidizokegon. Ne8ad pejig e tacieg “nikagita8endan” inenimidizodok, e aiag ii kagita8endamo8ini ka aiamindjin nogom a8iagon ooma akikag. Oda iji 8ebinan dac ii kagita8endamo8ini, taji eji ega kikenimagani8indjin Kije Manidon, misa8adj kagibadenimigodjin ini8e ega ka teb8etamindjin. Midac ii apitc maia ke kagita8endag.
1 Corinthians 15:35 in Algonquin 35 Ne8ad a8iag ka ana8etag kagi nibondjin kidji abidjibaagani8indjin kada k8ag8ed8e oo8e: “Adi ke todag Kije Manido kidji abidjibaadjin kagi nibondjin? Apitc a8iag abidjibadj, adi ke ijinag8anig o8ia8?”
2 Corinthians 10:5 in Algonquin 5 acitc ninagabinananag a8iagog ka kitci inendizo8adj ka nagabina8adjin kodagian kidji kikenimandjin Kije Manidon. Nik8ag8e pakan inendamiananag a8iagog kidji ani ndota8a8adjin Jesos Christan.
Galatians 1:14 in Algonquin 14 Nin na8adj nigi kitci nak8i e nosoneamaban Coda8inni aiamie8in apitc8in mane kodagiag Coda8innig tabickotc nin ka apitadizi8adj. Inigikigotc epitciaban nigi k8ag8e nosoneanan adi ka iji kikinoamage8apan 8eckadj nikitci anicinabeminabanig.
Galatians 4:3 in Algonquin 3 Mi maia pejig8an kekina8it, meg8adj kiabadj abinodjijag e ijinagoziakoban ega maci e kikendamakoban teb8e8in, kigi tibenimigonanabanin inakonige8inan acitc ijita8inan, ooma akikag ka kitci apitendag8agin.
Galatians 4:9 in Algonquin 9 Nogom dac aja kikikenima8a Kije Manido. Kek8an na8adj kada minoseban kidji ikidonani8ag e kikenimigo8eg Kije Manido. Adi dac 8edji kackito8eg kidji 8i koki apitendamegon ini Inakonige8inan acitc ijita8inan, ega ka macka8izimagagin, acitc ega odji pejig ka abadagin? Adi dac 8edji pagidinamegon kidji koki tibenimigo8egon?
Ephesians 2:2 in Algonquin 2 Ii dac apitc kimadji inadizina8agoban ako, apitc kagi nosone8eg8a a8iagog ega ka teb8eta8a8adjin Kije Manidon, acitc kagi nosone8eg kitci madji manido, 8in eji kackitogobanen kidji ogima8idj kakina madji manidokag. 8in mega madji manido ka mikimadjin a8iagon kidji ana8eta8agani8indjin Kije Manidon.
Ephesians 4:20 in Algonquin 20 Kina8a dac, kikikendana8adok ega iidi eji nda8endag Jesos Christ kidji inakamigizieg.
Ephesians 5:6 in Algonquin 6 Kije Manido mega oga pajacte8an a8iagon ega ka ndotagodjin, ka inakamigizindjin iidi. Ka8in dac pagidinakegon a8iag kidji 8agackibinigo8eg, e kagina8ickimigo8eg e ikidodj: “Ka8in manadasinon iidi kidji inakamigizinani8ag.”
Philippians 3:2 in Algonquin 2 Iag8amenimikog igi madji kikinoamage8innig ka 8i 8agackibinigo8eg. Ikido8ag panima kidji pak8ejogo8eg kidji 8abadai8eieg e tibenimigo8eg Kije Manido.
Colossians 2:18 in Algonquin 18 Nandam a8iagog okitci min8endana8a kidji 8abadaa8adjin kakina a8iagon adi epitci tabasendizo8adj, acitc okitci min8endana8a kidji kitci manadjia8adjin ajenin. Mojag opaba mikodana8a adi kagi inabadamo8adj. Ka8in dac pagidinakegonig kidji 8agackibinigo8eg igi, kidji gi odji ega odisigo8eg adi kagi iji kackitamadizo8eg. Kitci inendizo8ag, anica dac igotc ii, osa mega ooma eta akikag ododji midonendana8a.
Colossians 2:20 in Algonquin 20 Mi maia tabickotc kagi 8idji nibomeg Jesos Christ ejinagozieg, ka8in dac aja kigagi tibenimigosina8an inakonige8inan acitc ijita8inan ooma akikag ka kitci apitendag8agin. 8egonen dac 8edji inadizieg tabickotc a8iagog ooma 8akidakamig ka iji tibendagozi8adj? 8egonen 8edji ndotamegon ono8e inakonige8inan:
Colossians 2:22 in Algonquin 22 Kegonan ka odjiigo8eg iima inakonige8inikag, mi eta ini kegonan abidinaj ke abadjito8adjin a8iagog, midac ka8in mina8adj kada tag8asino8an. A8iagog igi kagi ojito8adjin ini inakonige8inan acitc kikinoamage8inan.
1 Timothy 6:20 in Algonquin 20 Timote! 8e8enda kana8endan ii ca8endjige8ini Kije Manido kagi minik. Ojimik igi8e anodj kegonan ka aikido8adj, ega Kije Manidokag ka odjimaganigin. Ojimik igi8e ka k8ag8e cagozomidi8adj teb8e8ini odji, “Nikikendananan teb8e8in” ka inendamo8adj, acitc ka 8agackimidizo8adj.
2 Timothy 2:17 in Algonquin 17 Tabickotc omigi8in ka ani tcagickag 8ia8ini ijinag8ani ii okikinoamage8ini8a. Iminias (Hyménée) acitc Pinet (Philète) mi eji kikinoamage8adj.
2 Timothy 3:13 in Algonquin 13 8ina8a dac ka madji inadizi8adj acitc ka 8aiejimi8e8adj, eckam eckam kada madji inadizi8ag, kodagian a8iagon e 8aiejima8adjin acitc 8ina8a tibina8e e 8aiejimagani8i8adj.
Hebrews 13:9 in Algonquin 9 Iag8amig ega kidji 8agackibinigo8eg igi8e anodjigotc kegoni ka kikinoamage8adj. Kije Manido kiminigonan okitci ca8endjige8in, kidji sogideeiak. Ka8in 8in e nosoneamakonin aiamie Inakonige8inan ka ikidomagagin 8egonen ke midjigadenig ke odji sogideeiak. Ka8in 8ikad ododji 8idjiigosina8a igi8e ka nosoneamo8adj iidi e inakonigani8anig.
1 Peter 1:18 in Algonquin 18 8eckadj ako, kinana8adakamigizina8aban, e k8ag8e iji pimadiziegoban ako ka iji kikinoamago8eg 8eckadj kikitci anicinabemi8abanig. Kikikendana8a dac adi panima ka iji kijikadamoseg kidji gi ag8acimigo8eg iidi egi iji pimadizieg. Ka8in odji abadizisi oza8iconia kek8an 8abiconia kidji ag8acimigo8eg kek8an kodag kegon ke ani nici8anadag.
2 Peter 3:17 in Algonquin 17 Ni8idji8aganag ka kitci sagiinagok! Kina8a, aja kikikendana8a adi ke iji8ebag. Iag8amendamok dac, ega kidji pakebinigo8eg igi a8iagog ega ka ndota8a8adjin Kije Manidon, ka 8i kackiigo8eg kekina8a kidji patadieg tabickotc 8ina8a. Iag8amendamok ega kidji poni sogigaba8ieg.
2 John 1:8 in Algonquin 8 Iag8amig dac, ega kidji 8anito8egon ini kegonan ka pi kackitamadizo8eg, tiegodj kidji odisigo8egon kakina ca8endjige8inan Kije Manido ka 8i minigo8eg.