Colossians 2:19 in Algonquin 19 Ka8in aja Jesos Christikag iji tibendagozisi8ag, 8in ka niganizidj kakina Kije Manidon odanicinabeminikag. Mi maia pejig8an Jesos iji octig8anidj, iji o8ia8i8agedj dac ini ka teb8etamindjin. Octig8anikag dac odjimagan kakina kegoni ka iji nda8endamomagag 8ia8, kidji mino pimadizimagagin kakina adi eji papakeag 8ia8 acitc 8e8enda kidji mino mama8igokegin, acitc kidji ani minogig 8ia8, adi eji nda8endag Kije Manido.
Other Translations King James Version (KJV) And not holding the Head, from which all the body by joints and bands having nourishment ministered, and knit together, increaseth with the increase of God.
American Standard Version (ASV) and not holding fast the Head, from whom all the body, being supplied and knit together through the joints and bands, increasing with the increase of God.
Bible in Basic English (BBE) And not joined to the Head, from whom all the body, being given strength and kept together through its joins and bands, has its growth with the increase of God.
Darby English Bible (DBY) and not holding fast the head, from whom all the body, ministered to and united together by the joints and bands, increases with the increase of God.
World English Bible (WEB) and not holding firmly to the Head, from whom all the body, being supplied and knit together through the joints and ligaments, grows with God's growth.
Young's Literal Translation (YLT) and not holding the head, from which all the body -- through the joints and bands gathering supply, and being knit together -- may increase with the increase of God.
Cross Reference John 15:4 in Algonquin 4 Kabena 8idjiocik, midac kiga 8idjionom. 8adan ejisedj 8adik8anijic. Ka8in kadagi mini8isi 8in eta, ega kitiganikag iji madjigidj. Midac pejig8an kekina8a, mi ke ijiseieg kicpin ega 8idjiojieg.”
John 17:21 in Algonquin 21 Nidaiamietama8ag dac kakina ka teb8etamo8adj, kidji gi pejig8eiendagozi8adj. Nidadam! Nidaiamietama8ag kidji gi kigicka8agid8a, tabickotc kin ka iji kigickaojian acitc nin ka iji kigickaonan, kakina a8iagog ooma akig kidji gi teb8etamo8adj teb8e egi pidjinijaojian.
Acts 4:32 in Algonquin 32 Ii apitc, kakina ka teb8etamo8adj pejig8an ki inendamog acitc pejig8an ki iji mosa8endamog. Ka8in a8iag “nin ii nidaim” ikidosiban, misagotc mama8 odabadjitona8abanin kakina kegonan.
Romans 11:17 in Algonquin 17 Mi maia tabickotc pimide mitig, “olip” (olive) ka ijinikazodj, kitigan akikag kagi kitigani8ag, ejinagozi8adj Coda8innig. Nandam dac 8adik8anan ki kickidik8anega8agani8i8ag. Kina8a dac ega ka Coda8inni8ieg, mi maia tabickotc 8adik8anan pimide mitig nopimig kagi odji madjigidj ejinagozieg. Kigi kickigaogom dac acitc kigi iji ackodagokanigom kidji madjigieg iima kodag pimide mitigokag, kitigan akikag kagi kitigani8ag. Ini 8adik8anan ka ackodagokadjigadegin kidji madjigigin kodag mitigokag, minoginon e madjigigin, osa mega ka iji odadabigicinindjin ini mitigon, mi 8edanamomagagin ka iji nda8endamomagagin kidji madjigigin. Mi maia pejig8an, mino kegonan kagi odisigo8apanin Coda8innig, kekina8a kidodisigona8an nogom.
Romans 12:4 in Algonquin 4 Motci pejig8ani eta a8iag o8ia8, pekic dac mane8aiag iji papakeani. Kakina dac ini pepejig ka iji papakezidj a8iag o8ia8ikag pepakan inabadani.
1 Corinthians 1:10 in Algonquin 10 Nidjiki8eg! Kipagoseniminom Jesos Christ ka Tibeniminak odji, kakina kidji nisidotadieg ega kidji pepakan inenimidieg. Kakina pejig8an inendamok acitc kakina pejig8an ijideeok.
1 Corinthians 3:6 in Algonquin 6 Kitige8innig nidijinagozimin. Nin dac, nigi kitige anomin, Apollos dac 8in ogi sigaada8an. Kije Manido dac 8in ogi madjigian ini anominan.
1 Corinthians 10:16 in Algonquin 16 Apitc ako ma8adjiidiak kidji aiamieiak, kidodapinanan minik8anagan, mig8etc kidinanan Kije Manido, acitc kiminik8emin ii cominabo. Midac kina8it acitc Jesos Christ kimama8isemin omisk8im odji. Apitc e papak8ebinaiak acitc e am8aiak pak8ejigan, kina8it acitc Jesos Christ kimama8isemin o8ia8 odji.
1 Corinthians 12:12 in Algonquin 12 Pepakan iji papakeani pejig a8iag o8ia8, anic dac pejig eta odaian a8iag 8ia8ini. Ii dac pejig 8ia8, mane8aiag iji papakea. Mi tabickotc ejinagoziak kina8it Jesos Christikag ka iji mama8iseiak.
Galatians 1:6 in Algonquin 6 Kikitci mamakadeniminom adi ejitcigeieg! Kitci 8ibadj kigi pakanendana8a, e 8ebineg Kije Manido kagi nd8e8emigo8eg e abadjiadjin Jesos Christan kidji kitci ca8enimigo8eg. Nogom dac kodag tibadjimo8in kinadotana8a, nandam a8iagog ka ikido8adj Kije Manidon omin8adjimo8ini ii.
Galatians 5:2 in Algonquin 2 Ndotaocik! Nin, Pon, kidininom oo8e. Kicpin pagidenimidizo8eg kidji pak8ejogo8eg, ka8in sa dac odji pejig ki abadasinigoban adi Jesos Christ kagi pi ijitcigegobanen kina8a odji.
Ephesians 1:22 in Algonquin 22 Kije Manido dac ogi minan Jesosan kakina kegoni kidji tibendamindjin, acitc ogi onabaman kidji niganindjin kakina a8iagokag ka teb8etamindjin ka ma8adjiidindjin kidji aiamiendjin.
Ephesians 4:3 in Algonquin 3 Mino Manido kiminigo8a kidji pekadendameg, mi ke odji mama8ino8eg kakina ka tacieg. Midac kitci nak8iok adi epitcieg kidji mino 8idji8idieg pekadendamo8inikag.
Ephesians 4:15 in Algonquin 15 Tiegodj, kiga tibadjimomin teb8e8ini Kije Manido kagi iji kikendamonigo8ak, apanigotc e 8abadaidiak e sagiidiak. Midac kidji madjigiak kiteb8etamo8ininakag, tabickotc Jesos Christ kidji ani ijinagoziak, 8in ka niganizidj kakina a8iagon ka teb8etagodjin.
Ephesians 5:29 in Algonquin 29 Ka8in a8iag tesi e madjendag 8in tibina8e o8ia8. Tiegodj, osagiton acitc omanadjiton, tabickotc Jesos ka iji manadjiadjin kakina a8ian ka teb8etagodjin.
Philippians 1:27 in Algonquin 27 Mi oo8e ma8adji e kitci apitendag8ag kegon, kidji inadizieg adi ka inendagozi8adj kidji inadizi8adj kakina ka teb8etamo8adj Jesos Christan omin8adjimo8ini. Kicpin dac koki pi nda 8abaminagok kek8an eta nodageian adi e tieg, niga kikendan e sogigaba8ieg kiteb8etamo8ini8akag, e mama8ino8eg kakina ka tacieg, ma8asag e kitci nak8ieg min8adjimo8in kidji teb8etcigadeg.
Philippians 2:2 in Algonquin 2 Iji inadiziok dac kidji gi odji kitci min8endamiijieg, pejig8an e inendameg, kakina e sagiidieg pepejig e tacieg, e mama8ino8eg kakina ka tacieg, acitc e mino 8idji8idieg kakina.
Colossians 1:10 in Algonquin 10 Midac iidi kigagi inadizim ka iji nda8endag ka Tibendjigedj acitc kakinagotc kigagi todana8a adi eji min8endag. Kakinagotc mino kegonan kiga todana8a acitc eckam eckam kiga ani kikenima8a Kije Manido.
Colossians 1:18 in Algonquin 18 8in nigani kakina Kije Manidon odanicinabeminikag, ka ma8adjiidindjin kidji aiamiendjin, tabickotc Jesos o8ia8 ka ijinagozindjin. 8inikag odjimagani pimadizi8ini, acitc 8in nitam ki abidjiba nibo8inikag, apanigotc 8in ma8adji kidji apitendagozidj.
Colossians 2:2 in Algonquin 2 Ninada8enimag ega kidji ana8endjige8adj odei8akag, acitc kidji mama8ino8adj kakina ka taci8adj, e sagiidi8adj kakina pepejig e taci8adj. Ninada8enimag kidji cabo nisidotamo8adj teb8e8ini, kidji gi odji ca8endagozi8adj e ketcinamendamo8adj e teb8emaganig. Midac iidi kegi odji kikenima8adjin Jesos Christan, ega 8ikad odakanag kagi kikenimagani8indjin, nogom dac ka kikendamonigo8ak Kije Manido.
Colossians 2:6 in Algonquin 6 Aja kigi teb8eta8a8a Jesos Christ, e 8idamageieg “Mi aa ka Tibeniminak.” Nogom dac inadiziok ka iji nda8enimadjin kidji inadizindjin ini8e 8inikag ka iji mama8isendjin.
1 Thessalonians 3:12 in Algonquin 12 Nipagosenimanan ka Tibeniminak kidji minigo8eg eckam kidji ani sagiidieg kakina pepejig e tacieg, acitc eckam kidji ani sagieg8a kakina a8iagog, maia tabickotc kenina8it ka iji kitci sagiigo8eg.
1 Thessalonians 4:10 in Algonquin 10 Mi iidi teb8e e toda8eg8a kakina ka teb8etamo8adj 8edi Masedonia (Macédoine) akikag ka tajike8adj. Nidjiki8enanag! Kipagosenimigom eckam eckam kidji ani sagieg8a.
2 Thessalonians 1:3 in Algonquin 3 Nidjiki8enanag! Apanigotc nidinendagozimin mig8etc kidji inagidj Kije Manido kina8a odji. Kitci k8aiak ii, osa mega kiteb8etamo8ini8a eckam ani mica, acitc eckam kidani kitci sagiidim pepejig e tacieg.
1 Timothy 2:4 in Algonquin 4 ka nda8endag kakina a8iagon kidji ag8acimagani8indjin acitc kidji ani kikendamindjin teb8e8ini.
1 Peter 3:8 in Algonquin 8 Nogom dac niga kijiton oo8e 8a ikido8an. Kina8a kakina, k8ag8e tabickotc pejig8an inendamok kakina pepejig e tacieg, acitc k8ag8e nisidotadiok. Sagiidiok kakina, e kikendameg e 8idjiki8emidieg ka iji teb8etameg. Kidimagenimidiok acitc ka8in kitci inendizokegon.
2 Peter 3:18 in Algonquin 18 Tiegodj sa, iji pimadiziok eckam kidji gi ani kikenimeg Jesos Christ ka Tibeniminak acitc ka Ag8aciminak, acitc eckam kidji gi ani minigo8eg okitci ca8endjige8in, kidji gi odji madjigieg kiteb8etamo8ini8akag. Icpenimadan nogom acitc kagigekamig! Amen. Nin Pien