2 Thessalonians 1:9 in Algonquin 9 Mi oodi ke iji pajacte8agani8i8adj. Kagige kada nici8anadjiagani8i8ag, ega 8ikad kidji gi 8abama8adjin ka Tibendjigendjin, acitc ega 8ikad kidji 8abadamo8adj omacka8izi8ini ka kitci icpendag8anig.
Other Translations King James Version (KJV) Who shall be punished with everlasting destruction from the presence of the Lord, and from the glory of his power;
American Standard Version (ASV) who shall suffer punishment, `even' eternal destruction from the face of the Lord and from the glory of his might,
Bible in Basic English (BBE) Whose reward will be eternal destruction from the face of the Lord and from the glory of his strength,
Darby English Bible (DBY) who shall pay the penalty [of] everlasting destruction from [the] presence of the Lord, and from the glory of his might,
World English Bible (WEB) who will pay the penalty: eternal destruction from the face of the Lord and from the glory of his might,
Young's Literal Translation (YLT) who shall suffer justice -- destruction age-during -- from the face of the Lord, and from the glory of his strength,
Cross Reference Matthew 7:23 in Algonquin 23 Midac niga inag: ‘Ka8in 8ikad kidodji kikenimisinonom. A8as 8edi ijaok, kina8a ka nta madji inakamigizieg!’ ”
Matthew 16:27 in Algonquin 27 Aa8e mega Ka pi Anicinabe8iidizodj kada pi tag8icin kigi odajeniman, e 8abadai8edj Odadaman odicpendagozi8ini. Oga kijika8an dac pepejig a8ian kagi iji kackitamadizondjin adi ka pi inadizindjin.
Matthew 22:13 in Algonquin 13 “Aa dac ogima ogi inan odanodaganan: ‘Nabogadepinik acitc nabonikepinik, midac iji8ebinik ka iji kacki tibikanig. Iima dac kada kitci ma8i acitc kada kitci mamad8eabidecka ke apitci kodagitodj.’ ” Mi ka inadisokedj Jesos.
Matthew 24:30 in Algonquin 30 Midac 8ak8ig niga odji pi nagozinan e pi tag8icinian, nin, Ka pi Anicinabe8iidizodj. Kakina dac a8iagog ooma akikag kada kitci pabibagi8ag acitc kada kitci ma8i8ag, acitc niga 8abamigog, nin Ka pi Anicinabe8iidizodj, kidji pi najiseian nena8idj 8ak8ikag, e kitci macka8izian acitc e kitci icpendagozian.
Matthew 25:41 in Algonquin 41 “Mina8adj dac aa ogima oga inan ini8e onamadinikikag ke tendjin: ‘A8as 8edi ijaok, kina8a ka ick8aienimigo8eg Kije Manido! 8edi ijaok kagige ickodekag, kagi ojitama8agani8idj madji manido acitc odajeniman!
Matthew 25:46 in Algonquin 46 “Kada ijinija8agani8i8ag dac, kagige kidji pajacte8agani8i8adj. Ka k8aiakozi8adj dac kada ijinija8agani8i8ag kagige kidji pimadizi8adj.” Mi ka ikidodj Jesos.
Matthew 26:24 in Algonquin 24 Ketcinam nin, Ka pi Anicinabe8iidizodj, niga nibonan, maia tabickotc ka iji mazinadenig Kije Manido Omazinaiganikag. Anic dac 8in aa nabe ke mamijimijidj, kada kitci madji iji8ebizi. Na8adj kadagi minoseniban aa nabe ega ki nta8igipan.”
Mark 9:43 in Algonquin 43 Kicpin kinidji pataigo8an, kickijan. Na8adj kiga minose kagige pimadizi8in kidji odisigo8an e motci pejigondjian, apitc8in kidji aiamanin midjinijin kinidjin, kidji iji8ebinigo8an dac kitci ickodekag ega 8ikad ka ata8eg.
Luke 13:27 in Algonquin 27 Kiabadj dac kiga igo8a: ‘Ka8in kikikenimisinonom adi 8edjieg. A8as 8edi ijaok, kina8a ka nta madji inakamigizieg.’ ”
Luke 16:25 in Algonquin 25 “Abanaam dac ogi inan: ‘Nidabinodjijim! Mik8endan kitci mane egi odisigo8anin mino kegonan meg8adj e pimadiziaban. 8in dac Lazare ki kitci madji iji8ebiziban. Nogom dac Lazare kitci mina8azi, kin dac kikodagito.
John 5:14 in Algonquin 14 Nage dac Coda8inni kitci aiamiemigi8amikag Jesos ogi nagicka8an ini a8ian ka kigeadjin acitc ogi inan: “Ndotan, nogom aja kigi kige. Ka8in mina8adj patadiken, ega a8acamej kidji madjisean.”
Philippians 3:19 in Algonquin 19 Igi8e dac kada nici8anadjiagani8i8ag. Ka8in mega onosone8asi8a8an Kije Manidon, onosoneana8an eta ini kegonan 8ina8a tibina8e ka iji nda8endamo8adjin. Kitci agadendagozi8ag adi enakamigizi8adj, pekic dac kitci inenimidizo8ag ii e todamo8adj. Mi eta kegonan ooma akig omik8endana8an.
1 Thessalonians 5:3 in Algonquin 3 Apitc dac a8iagog ikido8adj: “Kitci pekadan acitc ka8in kegon nigodisinon!” mi ii apitc kitci kaiezigotc ke odji nici8anadjiagani8i8adj. Mi maia tabickotc ka madapinedj ik8e kidji nta8igindjin odabinodjijiman ke iji8ebag. Ka8in oga kackitosina8a kidji ojimo8adj.
2 Thessalonians 2:8 in Algonquin 8 Midac ii apitc ke odji nagozidj aa kitci madji a8iag, acitc ka Tibeniminak Jesos oga nisan e motci podanadjin. Oga nici8anadjian okitci icpendagozi8inikag e odji nagozidj.
Titus 2:13 in Algonquin 13 Inadizidan dac iidi, meg8adj e taji pito8ak ii kijik apitc ke odji kitci modjigendamak, apitc ke tag8icig Jesos Christ ka Ag8aciminak, ke nag8anig epitci icpendagozidj. Mi 8aa Kikije Manidominan ka kitci kitcit8a8izidj.
Hebrews 10:29 in Algonquin 29 Kana dac na8adj kiabadj kada kitci sanagizisi aa8e ka tabasenimadjin Kije Manidon Og8izisini? Ka8in mega odji pejig okitci apitendasin Jesosan omisk8ini aa, Kije Manido kagi abadjitodj kidji ojitodj odocki nakomo8in. Mi ii misk8ini kagi abadanig kidji paiekideeagani8idj aa a8iag. Acitc aa a8iag omanazoman Mino Manidon ka kikendamoni8endjin Kije Manidon okitci ca8endjige8ini. Teb8e sa kitci sogi kackitamadizo aa a8iag kidji pajacte8agani8idj.
2 Peter 2:17 in Algonquin 17 Igi8e kikinoamage8innig kina8akag ka te8adj, mi maia odaiban ka iskateg ejinagozi8adj, acitc mi maia tabickotc 8ak8i ka ani 8ebanak8ag ejinagozi8adj. Kije Manido dac oga ijinija8an ma8adji ka iji kitci kacki tibikanig.
2 Peter 3:7 in Algonquin 7 Kije Manido acitc ki inakonige 8ak8i acitc aki nogom ka tag8agin kidji pimadjiomagagin pinici kidji odjitcisenig apitc ke pi tibakonigedj acitc apitc ke pi nici8anadjiadjin ini8e ega ka ndotagodjin. Ii dac apitc, ickodeni oga abadjiton kidji nici8anadjitodjin.
Jude 1:13 in Algonquin 13 Mi maia tabickotc ka kitci mamagaag kitcigami ejinagozi8adj. Tabickotc pite ka 8inag ka pi ag8aag tcigagam apitc kitci mamagaanig, mi eji paietenag8anig adi eji agadakamigizi8adj. Mi maia tabickotc 8anagocag ka nagadamo8adj kagi iji midjimagokanigo8apanin Kije Manidon 8ak8ig ejinagozi8adj. Kije Manidon ogi ojitamago8an ma8adji ka iji kacki tibikanig kidji te8adj acitc apanigotc iima kada tajike8ag.
Revelation 14:10 in Algonquin 10 Kije Manidon oga kitci nickenimigo8an. Panima kada minik8e8ag ka kitci macka8agaminig cominaboni Kije Manidon kagi siginamago8adj odonagani8akag igi8e kakina kagi nickia8adjin. Oga todan kidji kodagitondjin ini a8iagon ickodeni kidji abadjitodj acitc ii ka kitci oza8abatenig ka kitci kotazomatenig, meg8adj Kije Manidon okitcit8a ajeniman e kana8abagendjin acitc Mantcenicesan.
Revelation 20:11 in Algonquin 11 Mina8adj dac nigi 8abadan kitci 8abi ogima8i tesabi8agan. Nigi 8abama acitc a8iag iima e taji abidj. Ogi ojimigon akini acitc 8ak8ini, acitc ka8in 8ikad mina8adj kada nag8asino8an.
Revelation 20:14 in Algonquin 14 Ickode sagaiganikag dac ki madjocte8ebinigade8an nibo8in acitc ii8e iima taji ka te8adj a8iagog kagi nibo8adj. Mi iima ickode sagaiganikag ke iji nibo8adj a8iagog mina8adj, nijinanaj e nibo8adj.
Revelation 21:8 in Algonquin 8 Igi8e dac ka cagodee8adj kidji 8idamage8adj e teb8eta8a8adjin Jesosan, acitc igi8e ega ka teb8etamo8adj, acitc igi8e ka nta madjakamigizi8adj, acitc igi8e ka nici8e8adj, acitc igi8e madji aido8ini ka pamendamo8adj, acitc igi8e ka mandoke8adj, acitc igi8e ka icpenima8adjin manidokanan, acitc kakina ka kagina8icki8adj, 8ina8a kakina kada madjocte8ebinagani8i8ag. Mi maia sagaigan ejinag8ag ii ickode, ka kitci oza8abateg ka kitci kotazomateg. Mi iima ke iji nibo8adj a8iagog mina8adj, nijinanaj e nibo8adj.”
Revelation 22:15 in Algonquin 15 A8iagog dac ka aiagadakamigizi8adj, acitc igi8e ka mandoke8adj, acitc igi8e madji aido8ini ka pamendamo8adj, acitc igi8e ka nici8e8adj, acitc igi8e ka icpenima8adjin manidokanan, acitc igi8e mojag ka 8i kagina8icki8adj, 8ina8a kakina ag8adjik odenag kada iji tajike8ag.”