2 Thessalonians 1:11 in Algonquin 11 Midac 8edji apanigotc aiamietamago8eg. Nipagosenimanan dac Kikije Manidominan kidji 8idjiigo8eg kidji mino inadizieg adi kagi iji nd8e8emigo8eg kidji iji pimadizieg. Nipagosenimanan kidji abadjitodj omacka8izi8in kidji 8idjiigo8eg kidji todamegon kakina ini mino kegonan ka 8i ijitcigeieg, acitc kidji kijito8eg ii mikimo8in e teb8eta8eg Kije Manido ka odji ijitaieg.
Other Translations King James Version (KJV) Wherefore also we pray always for you, that our God would count you worthy of this calling, and fulfil all the good pleasure of his goodness, and the work of faith with power:
American Standard Version (ASV) To which end we also pray always for you, that our God may count you worthy of your calling, and fulfil every desire of goodness and `every' work of faith, with power;
Bible in Basic English (BBE) For this reason, you are ever in our prayers, that you may seem to our God such as may have a part in his purpose and that by his power he will make all his good purpose, and the work of faith, complete;
Darby English Bible (DBY) To which end we also pray always for you, that our God may count you worthy of the calling, and fulfil all [the] good pleasure of [his] goodness and [the] work of faith with power,
World English Bible (WEB) To this end we also pray always for you, that our God may count you worthy of your calling, and fulfill every desire of goodness and work of faith, with power;
Young's Literal Translation (YLT) for which also we do pray always for you, that our God may count you worthy of the calling, and may fulfil all the good pleasure of goodness, and the work of the faith in power,
Cross Reference Mark 4:28 in Algonquin 28 Aki mega tibina8e odobigitonan ini kitiganan, nitam kidji mijacko8agin, mina8adj kidji ani kitigani8anigin, ick8eag dac kidji kiji nta8igi8adj anominag iima kitiganikag.
Luke 12:32 in Algonquin 32 “Ka8in kotadjikegon, kina8a ninikag ka iji tibendagozieg. Kije Manido mega ki onendam kidji kikendamonigo8eg kidji teieg kekina8a Odogima8i8inikag.
John 6:27 in Algonquin 27 Nanada 8abadamok midjim kabena ke min8acig acitc kagige pimadizi8ini ke migi8emagag. Ka8in dac nanada 8abadakegon midjim ega apanigotc ke tag8ag. Nin, Ka pi Anicinabe8iidizodj, kiga mininom midjim ega 8ikad kidji 8anadag. Kije Manido mega, Nidadam, ki 8abadai8e egi min8abamijidj.”
Romans 1:9 in Algonquin 9 Enigokodeeian nidanokita8a Kije Manido, e paba tibadjimo8ag min8adjimo8ini taji eji mikomagani8indjin Og8izisan. Kije Manido dac okikendan e teb8eian apitc ikido8an kabe e mik8eniminagok,
Romans 8:30 in Algonquin 30 Ono8e dac kagi inenimadjin kidji ani ijinagozindjin Og8izisan ka ijinagozindjin, ogi nd8e8eman. Ono8e kagi nd8e8emadjin, ogi k8aiak8abaman. Ono8e kagi k8aiak8abamadjin, ogi minan odicpendagozi8in.
Romans 9:23 in Algonquin 23 Kije Manido acitc ogi iji nda8endanagoban kidji 8abadai8edj okitci icpendagozi8in, kagi minigo8ak kina8it e kidimagenimigo8ak, kagi nigani onabamigo8ak kidji odisigo8ak odicpendagozi8in.
1 Corinthians 1:8 in Algonquin 8 8in Jesos kiga minigo8a macka8izi8ini apanigotc kidji sogigaba8ieg, ega a8iag kidji gi inactaonigo8eg, ii kijigag apitc Jesos Christ ka Tibeniminak ke pi koki tag8icig.
Ephesians 1:5 in Algonquin 5 aja kijadj kigi inenimigonan odabinodjijiman kidji ijinagozi8aiak, kagi pi ijitcigedj Jesos Christ odji. Mi ii Kije Manido kagi iji min8endag acitc kagi iji onendag.
Ephesians 1:9 in Algonquin 9 Kigi kikendamonigonan adi 8a todamogobanen, ega 8ikad odakanag kagi kikendjigadenigiban. Epitci kije8adizidj, aja 8eckadj ogi onendanagoban adi ke todagiban, e abadjiadjin Jesos Christan.
Ephesians 1:16 in Algonquin 16 Apanigotc dac mig8etc nidina Kije Manido, meg8adj e aiamietamonagok.
Ephesians 1:19 in Algonquin 19 Ninada8endan acitc kidji kikendameg adi epitci kitci macka8izidj Kije Manido e 8idokago8ak kina8it ka teb8eta8aiak. Mi oo8e pejig8an okitci macka8izi8in
Ephesians 3:14 in Algonquin 14 Midac 8edji nibak8ita8ag Kije Manido Kidadaminan e aiamieian.
Philippians 1:6 in Algonquin 6 Niketcinamendan dac oo8e. Kije Manido ogi madjiton ii omino mikimo8in kina8akag, acitc kiabadj kada mikimo kina8akag pinici Jesos Christ kidji koki tag8icig.
Philippians 1:9 in Algonquin 9 Mi oo eji pagosenimag Kije Manido kina8a odji. Nipagosenima eckam eckam kidji ani sagiidieg kakina pepejig e tacieg, acitc na8adj kidji ani kikendameg teb8e8in, kidji gi odji kikendameg dac kidji mino ijitcigeieg acitc ega kidji madji ijitcigeieg.
Philippians 2:13 in Algonquin 13 Kije Manido mega taji mikimo kipimadizi8ini8akag, kidji 8i todameg ka iji nda8endag acitc kidji kackito8eg ii kidji todameg.
Philippians 3:14 in Algonquin 14 Nigan dac ineke nidija, e pimibato8an pinici e iji 8ek8ajimog, kidji gi odisigo8an nikackitamadizo8in. Mi mega oo8eni Kije Manido ka iji nd8e8emigo8ak kidji odisigo8ak, kidji 8idji tajikemaiak 8ak8ig, kagi pi todag Jesos Christ odji.
Colossians 1:9 in Algonquin 9 Midac 8edji apanigotc aiamietamago8eg, ka ako nodageiag e mikomigo8eg. Nipagosenimanan Kije Manido kidji minigo8eg kakina kagita8endamo8ini acitc nisidotamo8ini Omino Manidoman ka migi8endjin, 8e8enda kidji gi kikendameg adi eji nda8enimigo8eg kidji todameg.
1 Thessalonians 1:3 in Algonquin 3 Apitc ako aiamita8agidj Kije Manido Kidadaminan, kimik8enimigom, adi epitci mino ijitcigeieg osa e teb8etameg, acitc adi epitci kitci macka8i mikimo8eg osa e sagii8eieg, acitc adi epitci sogigaba8ieg kiteb8etamo8ini8akag e apacenimo8ageieg Jesos Christ ka Tibeniminak.
1 Thessalonians 2:12 in Algonquin 12 Kigi sogideeckagom acitc kigi kagidjiigom, acitc kigi kitci sogi pagosenimigom kidji todameg adi eji nda8endag Kije Manido, 8in ka nd8e8emigo8eg Odogima8i8inikag kidji iji tibendagozieg acitc kidji aiameg odicpendagozi8in.
1 Thessalonians 3:9 in Algonquin 9 Ka8in 8ikad tibise mig8etc nigagi inasi8anan Kikije Manidominan kina8a odji, epitci kitci modjigendamag e mik8enimigo8eg apitc aiamita8agidj!
2 Thessalonians 1:5 in Algonquin 5 Midac iima 8edji kikendag8anig 8e8enda kidji tibakonadjin Kije Manido a8iagon, adi maia enendagozindjin kidji iji tibakonagani8indjin. Eji kodagito8eg mega iidi, kiga odji onakonigom enendagozieg kidji pidigeieg Odogima8i8inikag, mi 8edji taji kodagito8eg nogom.
2 Thessalonians 2:14 in Algonquin 14 Ogi abadjiton Kije Manido ii min8adjimo8ini nina8it kagi pi tibadjimotago8eg, kidji nd8e8emigo8eg kidji ag8acimigo8eg. Kigi nd8e8emigo8a kidji gi odisigo8eg kekina8a ka Tibendjigedj Jesos Christ odicpendagozi8in.
Titus 3:4 in Algonquin 4 Misa8adj dac, apitc Kije Manido ka Ag8aciminak ka 8abadai8edj epitci minodeedj acitc epitci sagiadjin a8iagon,
Hebrews 3:1 in Algonquin 1 Nidjiki8eg! Kina8a ka tibenimigo8eg Kije Manido acitc kagi nd8e8emigo8eg, mamik8enimik Jesos. 8in aa8e Kije Manido kagi pidjinijaamago8ak, acitc kagi pi nda aiamie ogima8idj ma8adji ka niganizidj, kidji gi 8idokago8ak. Mi aa8e ka 8idamageiak e teb8eta8aiak.
Hebrews 12:2 in Algonquin 2 Mamidonenimadan Jesos. 8in mega kigi minigonan teb8etamo8ini ockadok, acitc 8in ki8idjiigonan kidji teb8etamak pinici 8ak8ig kidji oditamak. Ki pagidenimidizo kidji nisagani8idj tcibaiatigokag, misa8adj e agazinagozidj ako a8iag iidi iji nibodj. Okikenimabanin mega Kije Manidon kidji minigodjin kidji kitci mina8azidj. Nogom dac taji abi Kije Manidon okitcinikinikag.
1 Peter 5:10 in Algonquin 10 Teb8e 8enibik kikodagitom nogom. Midac Kije Manido, 8in apanigotc ka kije8adizidj, ka8in aja kin8ej kidji todag kakina kegoni kidji minosenig kina8a odji. Kiga minigo8a omacka8izi8in. Kiga sogigaba8iigo8a. E teb8eta8eg mega Jesos Christ, kigi nd8e8emigo8a kagige kidji 8idji tajikemeg, 8in ka apitci icpendagozidj.
Revelation 3:4 in Algonquin 4 Nandam dac e tacieg iima Sanidas paiekinagozi8ag, ega egi 8inito8adjin okegojici8an e nta patadi8adj. 8ina8a dac, oga kigickana8a 8abiginokonae8ini. Mama8 dac niga pimosemin, tibise mega minozi8ag.
Revelation 5:10 in Algonquin 10 Kigi ma8adjiag kidogima8i8inikag, acitc kigi minag kidji anokita8a8adjin Kikije Manidominan. Kada ogima8i8ag akikag.”