Luke 1:75 in Yucuna

75 Marí que rila'ajica huecá palá, rihuátaca que la'acaño hue'emacáloje raú penaje. Palá la'ajeño hue'emajica raú, hue'emajica quetana. Marí que la'ajícaño hue'emajica palá raú, que Zacarías quemacá Tupana nacú.

Other Translations

King James Version (KJV)

In holiness and righteousness before him, all the days of our life.

American Standard Version (ASV)

In holiness and righteousness before him all our days.

Bible in Basic English (BBE)

In righteousness and holy living before him all our days.

Darby English Bible (DBY)

in piety and righteousness before him all our days.

World English Bible (WEB)

In holiness and righteousness before him all the days of our life.

Young's Literal Translation (YLT)

To serve Him, in holiness and righteousness Before Him, all the days of our life.

Cross Reference

Matthew 1:21 in Yucuna

21 Ñaquele ruhuá'ajica ee ru'urí, pa'ajé rií Jesús. Ri'imataje rile'ejena ina'uqué capichácajo liyá. Ñaquele uncá Tupana huajálaje ra'apiyá jema'ajeño pu'uhuaré nala'acare chona. Ñaquele pa'ajé rií Jesús —que Tupana hua'atéjeri quemacá Josejlo ritapú.

Ephesians 1:4 in Yucuna

4 Uncá chiyó Tupana queño'ótari eja'ahuá i'imacá, ripechu nacú ri'imá i'imacá, hue'emacáloje Jesucristo ejena penaje. Ripechu nacú ri'imá caja, hue'emacáloje rijló lamára'ataquejanami que rijló pu'uhuaré huala'acare liyá penaje. Uncá na chona calé rihuajaje huecá.

Ephesians 2:10 in Yucuna

10 Marí que quemacana uncá i'imalá inajlo. Tupánaja calé a'arí huecá, ra'apiyá jema'ajeño, hue'emacáloje Jesucristo hua'atéjena penaje, huala'acáloje ajopana ina'uqué palá rijhua'até penaje. Marí que i'imacaño hue'emacáloje penaje, i'imari Tupana pechu nacú júpimi.

Ephesians 4:24 in Yucuna

24 I'imá chuhua huajé ipechu ja'apiyá. Tupana a'arí ijló huajé ipechu. Ripechu que caja rila'acá ipechu huajé. Raú iná i'imá palá huani la'ajeri rijhua'até. Uncá iná la'alá pu'uhuaré; uncá caja iná la'alá iná manaicho huajé iná pechu hua'até.

1 Thessalonians 4:1 in Yucuna

1 Nojena, caja ila'á palá Tupana huátaca que. Huehuíña'ata icá i'imacá que caja ila'acá nacaje palá. Chuhua Jesucristo puráca'alo aú nuhuacára'a ila'acá richaje, richájeno que palá.

1 Thessalonians 4:7 in Yucuna

7 Tupana i'ihuapari huecá ajopana ina'uqué e'iyayá, hue'emacáloje palá la'ajeño penaje, hue'emacá piyá huamanaicho la'ajeño. Hue'emacáloje rile'ejena ina'uqué penaje ri'ihuapá rijluhua huecá ajopana ina'uqué e'iyayá i'imacá.

2 Thessalonians 2:13 in Yucuna

13 Iqui'ija Tupana huátacarena icá, Jesucristo hua'atéjena i'imacale. Aú pulapeno que huemacá Tupánajlo inacu marí que: —Palá pila'acá huecá, nema'acale pa'apiyá aú. Marí que quemacana palani huajló, Tupana i'ihuapácale rijluhua icá ajopana e'iyayá. Eja'ahuá queño'ocó huacajé caja Tupana pechu nacú ri'imá, i'imacáloje rile'ejena ina'uqué penaje. Ri'ihuapá rijluhua icá ne'iyayá, ri'imatácaloje rijluhua icá capichácajo liyá penaje. Ripechu aú ja ri'imatá icá, i'imacáloje rile'ejena ina'uqué penaje. Caphí ipechu i'imacá Tupana puráca'alo chojé, aú i'imaó.

2 Timothy 1:9 in Yucuna

9 Tupana i'imatari huecá capichácajo liyá, hue'emacáloje rile'ejena ina'uqué raú penaje, huahue'epícaloje huatucumó rihuátaca que la'acana penaje. Uncá na calé huala'á i'imacá, ri'imatácaloje huecá capichácajo liyá penaje. Jesucristo palamane aú ja calé ri'imatá huecá richiyá. Caja queja Tupana pechu nacú huala'acana i'imacá, íqui'ija huani rihuátacale huecá. Uncá chiyó riqueño'ó eja'ahuá la'acana, hue'emá ripechu nacú.

Titus 2:11 in Yucuna

11 Caja Tupana la'arí pu'uhuacá ricá, nacaje rihuátacare la'acana ina'uquéjloje penaje. Piyuque ina'uqué i'imacóloje capichácajo liyá raú penaje.

1 Peter 1:14 in Yucuna

14 Tupana yaní i'imacale, jema'á ra'apiyá. Uncá chiyó ihue'epí Tupana nacojé, huéchiruna i'imacá pu'uhuaré la'acana nacú, imanaicho la'acana nacú. I'imaniya ñaqué caja chuhuaca.

2 Peter 1:4 in Yucuna

4 Rihue'epúeja nacaje rihuátaca que penaje. Ra'apiyá jema'acana aú iná la'á rihuátaca que. Hue'emacáloje rica huani raú penaje. Palá huani hue'emajica ripalamane aú. Iná huajhué que huani inajlo ricá. Marí eja'ahuá chu re cajrú ina'uqué uncá nema'alá Tupana ja'apiyá. Huéchiruna necá pu'uhuaré la'acana nacú, namanaicho la'acana nacú. Tupana Pechu ja'apiyá i'imacana aú hue'emaó ñaqué caja la'acana liyá. Hue'emaó richiyá, hue'emacáloje Jesucristo que caja raú penaje.