Jeremiah 1:16 in Yalunka 16 A mɔn yi a fala, a naxa, “N na e makitima nɛn, lan e fe ɲaxine birin ma, bayo e bata n nabeɲin, e yi wusulanna gan ala gbɛtɛne xa, e yi e xinbi sin e ala rafalaxine bun.
Other Translations King James Version (KJV) And I will utter my judgments against them touching all their wickedness, who have forsaken me, and have burned incense unto other gods, and worshipped the works of their own hands.
American Standard Version (ASV) And I will utter my judgments against them touching all their wickedness, in that they have forsaken me, and have burned incense unto other gods, and worshipped the works of their own hands.
Bible in Basic English (BBE) And I will give my decision against them on account of all their evil-doing; because they have given me up, burning perfumes to other gods and worshipping the works of their hands.
Darby English Bible (DBY) and I will pronounce my judgments against them for all their wickedness, in that they have forsaken me, and have burned incense unto other gods, and worshipped the works of their own hands.
World English Bible (WEB) I will utter my judgments against them touching all their wickedness, in that they have forsaken me, and have burned incense to other gods, and worshiped the works of their own hands.
Young's Literal Translation (YLT) And I have spoken My judgments with them concerning all their evil, in that they have forsaken Me, and make perfume to other gods, and bow themselves to the works of their own hands.
Cross Reference Deuteronomy 28:20 in Yalunka 20 Alatala dangan nun mayifuun nun fe magaxuxin nafama ɛ ma nɛn ɛ wanle birin yi han ɛ sa halagi, bayo ɛ bata fe ɲaxin liga, ɛ to xɛtɛ a fɔxɔ ra.
Deuteronomy 31:16 in Yalunka 16 Alatala yi a fala Nabi Musa xa, a naxa, “I faxamatɔɔn na a ra. I faxa xanbini, yamani ito xɔɲɛne suxurene batuma nɛn na bɔxɔni e sigama dɛnaxan yi. E e mɛma n na nɛn, e yi layirin kala n naxan xidixi e xa.
Joshua 24:20 in Yalunka 20 Xa ɛ mɛ Alatala ra waxatin naxan yi, ɛ yi ala gbɛtɛne batu, a kelima nɛn ɛ xili ma, a yi gbalon nafa ɛ ma, a yi ɛ birin naxɔri, hali a to fe faɲin ligaxi ɛ xa.”
2 Kings 22:17 in Yalunka 17 Bayo e bata n nabeɲin, e wusulanna gan ala gbɛtɛne xa, e yi n naxɔlɔ e suxurene ra e naxanye rafalaxi, na ma, n ma xɔlɔn bata gbo ayi yireni ito xili ma, a mi ɲanɲɛ mumɛ!’
2 Chronicles 7:19 in Yalunka 19 Koni, xa i xun xanbi so n yi, xa i i mɛ n ma sariyane nun n ma yamarine ra, n naxanye soxi i yii, xa i siga ala gbɛtɛye batudeni, i xinbi sin e bun ma,
2 Chronicles 15:2 in Yalunka 2 A yi siga Asa fɛma, a yi a fala a xa, a naxa, “Asa nun ɛ tan Yuda kaane nun Bunyamin bɔnsɔnna muxune, ɛ tuli mati n na. Alatala ɛ xɔn xa ɛ lu a fɔxɔ ra. Xa ɛ a fen, ɛ a toma nɛn, koni xa ɛ xun xanbi so a yi, a mɛma nɛn ɛ ra.
2 Chronicles 34:25 in Yalunka 25 Bayo, e bata e xun xanbi so n yi, e yi saraxane nun wusulanne gan suxurene xa alogo e xa n naxɔlɔ e kɛwanle xɔn. Nayi, n ma xɔlɔn gbo taani ito xili ma, a mi ɲanɲɛ mumɛ!’
Isaiah 2:8 in Yalunka 8 Yamanan nafexi suxurene nan na. Muxune e xinbi sinma e yii fɔxɔn nan bun ma, e tan yɛtɛɛn seen naxanye rafalaxi.
Isaiah 37:19 in Yalunka 19 E bata e alane woli tɛɛni, bayo Ala mi yi e ra nun mumɛ, muxune yii funfune nan yi e ra, wudine nun gɛmɛ masolixine nan tun yi e ra.
Isaiah 44:15 in Yalunka 15 Adamadiine na wudina ndee ganma yegen na, e yi nde tongo, e yi e maxara a ra. E na nan ndee mɔn tongoma, e yi kudin so, e mɔn yi ndee tongo, e yi e gbee alana nde rafala, e yi e xinbi sin a bun, e suxuren nafala, e yi a batu.
Isaiah 65:3 in Yalunka 3 Yamaan na a ra naxan n naxɔlɔma n yɛtagi e saraxane bama kide nakɔne yi e wusulanne gan saraxa gande bitikidi daxine fari,
Jeremiah 2:13 in Yalunka 13 A mɔn yi a fala, a naxa, “N ma yamaan bata yulubi firin tongo. E bata e mɛ n na, n tan naxan findixi siimaya ige tigin na, e yi sa e gbee ige ramaradene rafala, naxanye yibɔxi, e minima.
Jeremiah 2:17 in Yalunka 17 Na birin mi ligaxi ɛ ra naxi ba, bayo ɛ bata ɛ mɛ Alatala ra, ɛ Ala, a yi ɛ tima kira faɲin xɔn ma waxatin naxan yɛtɛ yi?
Jeremiah 4:12 in Yalunka 12 Foye gbeen nan a ra naxan sa kelixi mɛnni n ma yamarin bun. Iki, n tan nan kitin sama n ma yamaan xili ma.”
Jeremiah 4:28 in Yalunka 28 Na ma, bɔxɔ xɔnna sunuma nɛn, kore xɔnna fan yi yifɔrɔ, bayo n na a fala nɛn, n mi fa nimisama. N bata a feen nagidi, n mi fa xɛtɛma a fɔxɔ ra.”
Jeremiah 5:9 in Yalunka 9 N mi lan n xa e saran na fe sifane ra ba? N mi n gbeen ɲɔxɛ na yama sifan na ba?” Alatalaa falan nan na ra.
Jeremiah 5:29 in Yalunka 29 N mi lan n xa e saran na fe sifane ra ba? N mi n gbeen ɲɔxɛ na yama sifan na ba?” Alatalaa falan nan na ra.
Jeremiah 7:9 in Yalunka 9 Ɛ muɲan tima, ɛ faxan tima, ɛ yalunyaan ligama. Ɛ kɔlɔn wulen fari, ɛ wusulanna ganma Baali suxuren xa, ɛ ala gbɛtɛne batuma, ɛ mi naxanye kolon.
Jeremiah 10:8 in Yalunka 8 E birin xaxilitare, e birin fekolontare. E xaranxi fe fuun nan ma, wudi batuna.
Jeremiah 10:15 in Yalunka 15 Fe fuun nan e ra, wali magelexina. E halagi waxatin na a li, e raxɔrima nɛn.
Jeremiah 11:12 in Yalunka 12 Yuda kaane nun Yerusalɛn kaane sa alane maxandima nɛn, e wusulanna gan naxanye xa, koni ne mi e rakisɛ gbalon waxatini mumɛ!
Jeremiah 11:17 in Yalunka 17 Alatala Sɛnbɛn Birin Kanna naxan ɛ fe fɔlɔxi, na nan tɔrɔn nafaxi ɛ ma, lan Isirayila yamaan nun Yuda yamana fe ɲaxi rabaan ma, e to wusulanna gan Baali suxuren xa, e yi a raxɔlɔ.
Jeremiah 15:6 in Yalunka 6 Alatalaa falan ni ito ra, a naxa, “Ɛ bata ɛ mɛ n na, ɛ lu xɛtɛ xanbin na. Nayi, n na n yiini tema nɛn ɛ xili ma, n yi ɛ halagi, bayo ɛ kininkinin mi fa n yi.
Jeremiah 16:11 in Yalunka 11 Nayi, i yi a fala e xa, i naxa, ‘Alatalaa falan ni ito ra, a naxa: N na ligaxi nɛn bayo ɛ benbane e mɛ nɛn n na, e bira ala gbɛtɛne fɔxɔ ra, e yi e xinbi sin e bun, e yi e batu, e yi e mɛ n tan na, e mi n ma sariyan suxu.
Jeremiah 17:13 in Yalunka 13 I tan Alatala, Isirayila yigina, naxanye birin e mɛma i ra, ne yagima nɛn. Naxanye e masigama i ra, ne sa luma burunburunna nin, bayo e bata e mɛ Alatala ra, siimaya ige tigina.
Jeremiah 19:4 in Yalunka 4 Amasɔtɔ e bata e mɛ n na! Muxun mi fa be kolonma bayo e bata be findi wusulan ganden na ala gbɛtɛne xa, e mi naxanye kolon, e benbane mi e kolon, Yuda mangane mi e kolon, e yi be rafe sɔntarene wunla ra.
Jeremiah 44:17 in Yalunka 17 Koni nxu waxi nxu dɛ xuiin nan nakamali fe yi, nxu yi wusulanna gan Kore Xɔnna Ɲaxalan Mangan xa, nxu yi minse saraxane rabɔxɔn a xa alo nxu nun nxu benbane nun nxɔ mangane nun kuntigine yi a ligama kii naxan yi a fɔlɔni Yuda taane yi, e nun Yerusalɛn kirane xɔn. Na waxatini, donseene yi nxu yii nun, nxu yi ɲaxunni, nxu mi yi ɲaxankataxi.
Jeremiah 51:17 in Yalunka 17 Muxune birin bata findi xaxilitarene nun fekolontarene ra. Xɛma rawanle birin yagixi lan e sawura rafalaxine fe ma, bayo wulen nan e suxurene ra, nii yo mi e yi.
Ezekiel 8:9 in Yalunka 9 A yi a fala n xa, a naxa, “So mɛnni, i sa e fe xɔsixi haramuxine mato e naxanye ligan be.”
Ezekiel 24:14 in Yalunka 14 “‘N tan Alatala nan falan tixi. Na nu ligama nɛn. N na a rabama nɛn, n mi diɲama sese ma, n mi kininkininma, n mi nimisama. I kitima nɛn lan i sigati kiin nun i kɛwanle ma.’ Marigina Alatalaa falan nan na ra.”
Hosea 8:6 in Yalunka 6 A kelixi ɛ tan nan yii, ɛ tan Isirayila kaane. Walikɛna nde nan a rafalaxi, Ala mi a ra! Nanara, Samari a ɲinge dii suxuren kalama nɛn fefe!
Hosea 11:2 in Yalunka 2 Koni n to yi e xilima, e yi e masiga n na. E yi saraxan ba Baali suxurene xa, e yi wusulanne gan suxurene xa.
Joel 2:11 in Yalunka 11 Alatala sɔnxɔma a ganla yɛɛ ra. A yamaan mi nɔɛ yatɛ. Naxanye a falan suxuma, ne sɛnbɛn gbo! Amasɔtɔ Alatalaa lɔxɔn gbo, a magaxu! Nde nɔɛ tiyɛ a bun?
Matthew 23:35 in Yalunka 35 Na kiini, ɛ saranma nɛn na tinxin muxune birin faxa feen na, keli Habila tinxin muxun ma han Sakari, Bɛrɛkaya dii xɛmɛna, ɛ naxan faxa Ala Batu Banxin nun saraxa ganden tagi.
Acts 7:41 in Yalunka 41 Nayi, e ɲinge dii sawuran nafala e suxuren na, e saraxan ba na xa, e yi sɛwa e yɛtɛna se rafalaxina fe ra.