Romans 9:5 in Tsishingini 5 Nkaya n le ama a gbagbain a̱ A̱sula̱ a ɗa a̱ shi, Zamawawa a aciya̱yi mawun ma tsukaya me le ma ɗa. A̱yi waru A̱sula̱ a ɗa, za na aa yuwusan tsugono tse ili i biti! Ica za va̱ yi ɗa babu ukotu! Ami.†
Other Translations King James Version (KJV) Whose are the fathers, and of whom as concerning the flesh Christ came, who is over all, God blessed for ever. Amen.
American Standard Version (ASV) whose are the fathers, and of whom is Christ as concerning the flesh, who is over all, God blessed for ever. Amen.
Bible in Basic English (BBE) Whose are the fathers, and of whom came Christ in the flesh, who is over all, God, to whom be blessing for ever. So be it.
Darby English Bible (DBY) whose [are] the fathers; and of whom, as according to flesh, [is] the Christ, who is over all, God blessed for ever. Amen.
World English Bible (WEB) of whom are the fathers, and from whom is Christ as concerning the flesh, who is over all, God, blessed forever. Amen.
Young's Literal Translation (YLT) whose `are' the fathers, and of whom `is' the Christ, according to the flesh, who is over all, God blessed to the ages. Amen.
Cross Reference Matthew 1:1 in Tsishingini 1 Yesu Kristi† Zamawawa† uta̱ ta̱ o uꞌwa u Mogono Da̱wuda diga o ugundo wa Ibrahim.† Apa nda ugeru u tsukaya tsa na wu uta̱i.
Matthew 6:13 in Tsishingini 13 She vu lyawa tsu tsu uwa a̱ ma̱lyungwa̱ wan, agba vu wawa tsu e ekere a za wuya.’
Matthew 28:20 in Tsishingini 20 I rito le a yuwan ili i na n damma nɗu. N ta̱ da̱na̱ oɓolo na̱ a̱ɗu kuci, hali a̱ tyo o ukosu wu uvaɗi.”
Luke 3:23 in Tsishingini 23 Yesu shi ta̱ na aꞌwan a na a yuwain zuzu na̱ mataꞌatsu, ana u temei uritosu wa̱ yi. A tara yi ta̱ ana a̱yi mawun ma̱ Isuhu ma ɗa. Isuhu ulobo wa̱ Heli u ɗa.
John 1:1 in Tsishingini 1 Kafu a yuwan uvaɗi Danshi da̱na̱ ta̱ lo. Danshiꞌi u da̱na̱ ta̱ oɓolo na̱ A̱sula̱, Danshiꞌi una̱ta̱ u ɗa u ri na̱ A̱sula̱.
John 10:30 in Tsishingini 30 Dadaꞌa na̱ a̱mu ili i ta̱ i ɗa.”
Acts 20:28 in Tsishingini 28 I ka̱lyuwa̱ aciya̱ɗu ulobonu waru na̱ a̱za̱ e Itoni a na Ruhu va Akiza zuwa nɗu yo oꞌwo aza a aguɓa e ikyon† ya̱ A̱sula̱. Ele ɗa aza a na u tsulai na̱ mpasa ma̱ yi.
Romans 1:3 in Tsishingini 3 Alabari a Saꞌaniꞌi u ta yuwusan adanshi adama a Mawun ma̱ yi, Yesu† Kristi Zagbain tsu. A matsan yi ta̱ vuma za na shi mawun ma tsukaya mo Mogono Da̱wuda.† Agba Ruhu na ri akiza roco ta̱ nu ucira na Yesu Mawun ma̱ A̱sula̱ ma ɗa, adama a na u ꞌya̱sa̱n niyi o ukwa̱.
Romans 1:25 in Tsishingini 25 A ꞌyuwan ta̱ amayun a̱ A̱sula̱ a̱vu a̱ usu epen. A yuwaan ta̱ ili i na A̱sula̱ a yuwain a̱ga̱nda̱, ana a yuwaan za na yuwan nle a̱ga̱nda̱. A̱yi ɗa za na a̱a̱ ushishi ica babu ukotu. Ami.†
Romans 10:12 in Tsishingini 12 A̱yi nda ta yuwusan adanshi a za suru, adama a na babu ili i na i tawulai na aza a Israꞌila na Atakpaci. Zagbain ta̱ ɗa ri lo va̱ koyan ɗa. Waru u tsu zuwaa ta̱ aza a na a yuwusan avasa e ekere a̱ yi abaꞌun a̱ a̱bunda̱.
Romans 11:28 in Tsishingini 28 Aza a Israꞌila a ꞌyuwan ta̱ a̱ usu Alabari a Saꞌaniꞌi, adama o ndolo o oꞌwo ta̱ nꞌyuwatan ma̱ A̱sula̱. A̱yi nda wo oꞌwo ta̱ ne adama u kamba ɗu, a̱ɗu na i ri Atakpaci. Agba hali n gogo aza a Israꞌila ama a ɗa a na A̱sula̱ a ɗangwai, waru u ciga le ta̱ adama a nzuwulai n na u yuwayin nkaya n le Ibrahim, na̱ Ishiyaku na̱ Yakubu.
1 Corinthians 14:16 in Tsishingini 16 Ni i ɓoloto uba̱ta̱ u ta̱, ni i yuwaan A̱sula̱ ica a̱tsuma̱ a̱ ruhu ɗu, ozo o ro ee reve shi. Ne e reve ili i na yaa dansa shi, cine ee reve cine a̱a̱ usu, “Ami, wo oꞌwo ne?”†
2 Corinthians 11:31 in Tsishingini 31 A̱sula̱ e reve ta̱ maa yuwusan epen shi. A̱yi ɗa A̱sula̱ na̱ Dada va̱ Yesu Zagbain, waru a ta cuwa yi babu ukotu.
Philippians 2:6 in Tsishingini 6 Yesu ili i ta̱ i ɗa na̱ A̱sula̱ foyi, agba u yuwusan majiyan ma na waa uwwa uyoꞌo u na A̱sula̱ a uwwusa shi.
Colossians 1:16 in Tsishingini 16 Ne ɗa u ri adama a na A̱sula̱ a yuwan ta̱ ili biti o ukere wa̱ yi. U yuwan ta̱ ili biti zuva ni ili biti pa o uvaɗi. U yuwan ta̱ ili i na tsee ene ne esu biti, waru u yuwan ta̱ ili i na tsee ene shi biti. U yuwan ta̱ icuꞌun i tsugono na̱ cira kokoꞌo suru aza a na a̱ ri uba̱ta̱ u na tse inda shi. Amayun a ɗa Mawun ma̱ A̱sula̱ ma yuwan ta̱ ili biti adama ili biti i ca yi tsugbain.
1 Timothy 3:16 in Tsishingini 16 Apa a̱ba̱jini a amayun o ucawu wo okolo a̱ tsu za na A̱sula̱ a̱ shi o soko ntsu: Zamawawa ta̱wa̱ ta̱ na̱ lipu vuma, Ruhu va̱ A̱sula̱ roco ta̱ a na a̱yi ɗa Za va̱ a̱ɓula̱ꞌa̱. Nlingata ma̱ A̱sula̱ me ene yi ta̱, waru a yuwan ta̱ adanshi a̱ yi o uvaɗi suru. Ama ba̱ta̱ ba̱ta̱ a̱tsuma̱ o uvaɗi a zuwa ta̱ okolo e ekere a̱ yi, reve A̱sula̱ a tara yi a̱ tyo zuva uba̱ta̱ u tsugbain.
1 Timothy 6:15 in Tsishingini 15 A̱sula̱ o to roco Zamawawa diga zuva a mantsa ma na wu ntsayi. A̱sula̱ a ɗa goon za na rawai a ciɓala, a̱yi ɗa goon za na ri nu ucira suru suru a yuwusan tsugono. A̱yi ɗa Mogono mo ngono, a̱yi ɗa Zagbain va azagbain.
2 Timothy 2:8 in Tsishingini 8 A mantsa suru vu cuwan na̱ Yesu Zamawawa. A matsan yi ta̱ diga o ugundo u Mogono Da̱wuda waru a̱ ꞌya̱sa̱n yi ta̱ diga o ukwa̱. A̱yi ɗa Alabari a Saꞌani a na maa yuwusan alajiya.
Hebrews 1:8 in Tsishingini 8 Agba apa ili i na A̱sula̱ a dammai adama a Mawun ma̱ yi, “A̱vu A̱sula̱ a ɗa, waru tsugono tsa̱ wu tsa̱ ri nu ukosu shi. Vu ta yuwan tsugono nu ugeꞌetosu u na wu ntsayi.
1 John 5:20 in Tsishingini 20 Tsu reve ta̱ a na Yesu Zamawawa Mawun ma̱ A̱sula̱ ma̱ ta̱wa̱ ta̱ a̱vu u roco tsu A̱sula̱ a amayun. Tso oꞌwo ta̱ oɓolo na̱ A̱sula̱ a amayun, adama a na tsu ri a muwwulai na̱ Mawun ma̱ yi Yesu Zamawawa. A̱yi ɗa A̱sula̱ a amayun za na tsu ca wuma u babu ukotu.
Revelation 1:18 in Tsishingini 18 A̱mu ɗa za na aa casu wuma. N shi ta̱ n kuwa̱, amma gogo n ta̱ wuma u na u ri n koto shi. N ta̱ na̱ mkpa̱tuꞌutsu n na maa casu mu ucira u na ma̱a̱ kpa̱tuꞌwa̱ ko m ɓa̱ru uba̱ta̱ u na a̱kwa̱kwa̱ a̱ ri, reve n ka̱mba̱to le wuma.
Revelation 5:14 in Tsishingini 14 A̱vu ili i wuma i na̱shiꞌi a̱ usu, “Ne ɗaɗa u ri!” A̱vu azagbaiꞌin a̱ ka̱ɗa̱to a̱vu a yuwaan yi a̱ga̱nda̱.
Revelation 22:16 in Tsishingini 16 “A̱mu Yesu, n lyungu ta̱ malingata ma̱ va̱ u ca ɗu ikaka i nda a̱ tyo uba̱ta̱ wa̱ a̱za̱ e Itoni. A̱mu ɗa Ikyun, ana Akaya, na̱ Mawun ma Tsukaya mo ugundo mo Mogono Da̱wuda.† A̱mu ɗa Talyoꞌo na tsi Ikana na̱ Wasasa.”
Revelation 22:20 in Tsishingini 20 Yesu, za na dammai ili i nda suru amayun a ɗa, u damma ta̱, “Amayun, n ta̱ lo a̱ ta̱wa̱ babu ujimu.” Ami. Ta̱wa̱, Yesu Zagbain!