Matthew 21:44 in Tol

44 Napj niná pe 'üsüs jinwá, napj tjevelé jinwá. Nun wosis su jünsǘ jinwá. Yom pe niná casá yaca, jupj malala ca mpalas pajal. Pe niná yom casá yaca na, más malala ca mpalas jupj. 'Üpjǘ jinwá ca mpalas jupj. Ca nin nsem ma quelel la najay jis lal —nin tjevele Jesús yupj jis lal.

Other Translations

King James Version (KJV)

And whosoever shall fall on this stone shall be broken: but on whomsoever it shall fall, it will grind him to powder.

American Standard Version (ASV)

And he that falleth on this stone shall be broken to pieces: but on whomsoever it shall fall, it will scatter him as dust.

Bible in Basic English (BBE)

Any man falling on this stone will be broken, but he on whom it comes down will be crushed to dust.

Darby English Bible (DBY)

And he that falls on this stone shall be broken, but on whomsoever it shall fall, it shall grind him to powder.

World English Bible (WEB)

He who falls on this stone will be broken to pieces, but on whoever it will fall, it will scatter him as dust."

Young's Literal Translation (YLT)

and he who is falling on this stone shall be broken, and on whomsoever it may fall it will crush him to pieces.'

Cross Reference

Matthew 26:24 in Tol

24 Napj p'iyá niná Yomen Dios jas tjejyamá. Pajal püna profetapan tapac ca nin ma palas napj. Yupj tapac jin p'iyá ca nsem. Ma pats' ca napj, yupj tapac jinwá. Mop'in pajal malala nin, jupj ca jis lal ncuwim napj enemigopan, ca ma tjililin̈. Pajal malala ca mpalas jupj, jupj malala la niji mpes. Pajal malala ca mpalas jupj, mpes más 'ücj ca nactsja jupj lovin ma pǘ'ütsja —nin tjevele Jesús.

Matthew 27:25 in Tol

25 Pjü way yupj jupj wola tjowelepj: —'Ücj ca qjuis capj ntülüs Dios, ncupj mü'ü'nacj Jesús. 'Ücj wa jis capj ntülüs cupj qjuis ts'uyupan —nin tjowelepj yupj.

Luke 20:18 in Tol

18 ”Napj niná pe 'üsüs jinwá, napj tjevelé jinwá. Nun wa su jünsǘ jinwá. Yom pe niná casá yaca, malala ca mpalas jupj pajal. Pe niná yom casá yaca na, más malala ca mpalas jupj. 'Üpjǘ ca mpalas jupj, yomen —tjevele Jesús.

John 19:11 in Tol

11 Jesús jupj wola tjevele: —Dios 'e tje'aya 'ücj lo jütütj 'oyn nyuca la cüjay napj lal. Dios ma que'as, jipj ma ca cüjütütsja 'oyn nyuca la cüjay napj lal. Nin mpes yom p'a wa más malala la tjiji jipj lal, jupj nlal tjac' jipj nt'a.

Romans 9:33 in Tol

33 Dios Popel vele: “Tjapja'aqué nun. Napj la t'ya yom pjaní pajal 'üsüs. Pe 'üsüs jinwá jupj, 'ücj jas la jünsüs wosis. Sión nt'a jas müjünsüs nawá, napj nts'uyupj patja nt'a. Nepénowa pejon̈ niná pe po'ó, yupj ma japon mpes. Pe niná si tülüna liji. Nin tulucj jupj lal japon jis lal. Dios lovin ma ca mveles yupj malala.”

2 Corinthians 4:3 in Tol

3 Nepénowa ma sin 'yüsa cupj velecj jin. Cupj velecj tsjan niná Jesucristo 'üsüs la tjiji gente mpes. Pülül jis wala po'o japwijitj jinwá, ne ma polel januc, ma polel sin 'yüsa. Pülücj nca'lin̈ ca; yupj ma sin 'yüsa cupj velecj jin, ne nin.

1 Thessalonians 2:16 in Tol

16 Cupj qjuisastsja judiopan tulucj 'ücj mpatjam Dios lal. Mpes yupj jilal tjevelecj Jesucristo po'ó. Judiopan ma jisastsja cupj mvelecj judiopan tulucj jilal Jesucristo po'ó. Mpes malala nyuca la tjajay cupj qjuilal. T'üc' way lovin malala nyuca la tjajay. Newa nin lajay yupj. Dios po ma jos yupj nin lajay, ne jupj pajal ca jis capj ntülüs quinam.

Hebrews 2:2 in Tol

2 Püna angelpan tjowelepj Moisés lal. Tjowelepj tsjan niná Dios jostsja judiopan ca nin la mijicj. Mpes Moisés niná tjevele judiopan jilal. Angelpan tjowelepj tsjan ca mpalas p'a jawas. T'üc' way nin tepyala p'a jawasá. Gente ma la tjajay na yupj tjowelepj jinwá, Dios lovin jis capj tyüla.

1 Peter 2:8 in Tol

8 Dios Popel vele wa: “Nepénowa pejon̈ niná pe po'ó, yupj ma japon mpes. Pe niná si tülüna liji.” T'üc' way yupj ma quelel japon Dios tjevelá Jesucristo po'ó. Nin mpes ma lajay Dios jos jin. Nin mpes nin tjevele Dios Popel. Dios tjijyü'ta ca malala jis mpalas, ma quelel japon mpes.