1 Corinthians 13:13 in Tacana 13 Edue cuana, saida da Espíritu Santo sa ai jatiati cuana ecuaneseda yani puji. Daja biame, Diusu peje su janimetucheati cuana da Espíritu Santo sa ai cuana ebia su saida quita. Tu peje su janimeid'uati cuana di tueda ai cuana ebia su saida quita. Ibuneda jabati da tueda ai cuana ebia su saida.
Other Translations King James Version (KJV) And now abideth faith, hope, charity, these three; but the greatest of these is charity.
American Standard Version (ASV) But now abideth faith, hope, love, these three; and the greatest of these is love.
Bible in Basic English (BBE) But now we still have faith, hope, love, these three; and the greatest of these is love.
Darby English Bible (DBY) And now abide faith, hope, love; these three things; and the greater of these [is] love.
World English Bible (WEB) But now faith, hope, and love remain--these three. The greatest of these is love.
Young's Literal Translation (YLT) and now there doth remain faith, hope, love -- these three; and the greatest of these `is' love.
Cross Reference Mark 12:29 in Tacana 29 Da su Jesús ja jeutsutana: —Beju ye jacuatsasiati da ebia su aida quita: “Id'abaque, Israel. Ecuana sa Diusu mu piada hue. Ibuneda baque Diusu pamapa mique muesumu neje.” Tueda da Diusu sa equene jacuatsasiati.
Luke 8:13 in Tacana 13 Tumu med'i pamuda mahue su dajajatana ejaja cuana da Diusu sa quisa eid'abatani cuana nime. Quejucua hora puji hue beidaji neje jei eputani. Pia cuana tuna neje eduininitani su, Diusu peje jenetia enetideratani. Tuna putaina nime, neicha hue eputaniyu.
Luke 10:27 in Tacana 27 Da su jacuatsasiati ebuetsuaji ja Jesús jeutsutana: —“Ibuneda baque Diusu pamapa mique muesumu neje. Cuaja mida quitaita ibuneda ebatiani nime, daja mique pia cuana ibuneda ba taji.” Daja derejiji yani.
Luke 22:32 in Tacana 32 Beju yama Diusu jubida bajana tu peje su mique janimetucheati cuana ehueiti mahue puji. Da su beju mida ema peje su enimetucheatiicha su, nimetucheameque mique edue cuana.
Romans 8:24 in Tacana 24 Da puji ecuaneda daja hue Diusu peje su enimeid'uatiani. Beju ecuaneda jiahue d'eji su eni mahue tsuhu putsu, Diusu peje su ecuaneseda janimeid'uati taji, ecuana eid'emetayu teje. Da putsu, paciencia neje ecuaneda Diusu eid'uainia tuahueda ecuana d'eji su yaenita puji.
Romans 15:13 in Tacana 13 Diusu ja menimeid'uametaque. Nimepijajame putsu, beidaji meametaque. Daja meataque, tu peje su jei puana putsu. Espíritu Santo ja metsahuataque Diusu peje su jubida menimetucheatique puji.
1 Corinthians 3:14 in Tacana 14 Ahua quebata edue ja Jesucristo saida emebajata su, Diusu ja tueda saida echuje etiatayu, mesa Diusu sa puji ai jamebajati chujeji cuana da oro, plata, joya cuana nime Diusu ja ebata putsu. Ahua quebata edue ja Jesucristo saida emebajata mahue su, aimue Diusu ja tueda echuje etiata mahue, mesa ai jamebajati saida mahue cuana da aqui, nutsa, eina cuana nime Diusu ja ebata putsu. Tueda saida mahue jamebajati cuana cuati utsu su etiupetayu. Beju mesa mudu saida mahue epu biame, tueda edue da d'eji su epu.
1 Corinthians 8:1 in Tacana 1 Pia micuana sa jaquisabati cuana jiahue yama ejeutsu. Uja yama micuana equisa diusu eimea cuana peje su irutsuajiji jana cuana jepuiti. Beju pamapa micuaneda ye ai cuana jepuiti bahue eni pepe hue ebatiani. Micuaneda daja aida ebatiani, ebia su bahue eni pepe hue epibatiani putsu. Beju ebia su saida micuaneda cama huamahuama ibuneda ebati puji. Ahua etse pia cuana ebia su ibuneda ebainia su, aimue tueda quitaita aida ebatiani mahue. Pia cuana sa puji saida bahui epibata.
1 Corinthians 8:3 in Tacana 3 Ahua quebata Diusu ibuneda ebatani su, Diusu ja tueda eshanapatani.
1 Corinthians 13:1 in Tacana 1 Edue cuana, ebia su saida quita cristiano cuana ibuneda eba puji. Ahua ema bue mahue biame tsapiapiati yana cuana su mimi cua su, tueda da chuje mahue, ahua yama cristiano cuana ibuneda ba bue mahue su. Quema mimi cuana da bombo, platillo sa id'apadada nime.
1 Corinthians 14:1 in Tacana 1 Beju edue cuana, micuaneseda jubida huamahuama ibuneda jabati taji. Espíritu Santo sa jatiati ai cuana mechacuque. Quisaquisa mepuque Diusu sa quisa saida cuana. Tueda da pamapa pia Espíritu Santo sa jatiati ai cuana ebia su saida.
1 Corinthians 16:14 in Tacana 14 Ibuneda neje huamahuama medusutique.
2 Corinthians 5:10 in Tacana 10 Pamapa ecuaneseda Cristo butse su neti taji. Da tsine su tuahueda ecuana equisabata ecuaneda ye equita neje eid'e anina tupu, ai saida cuana ana, ahua mahue. Cuaja ecuaneda ana batame, ecuana metse su hue eturuca etiatayu.
2 Corinthians 5:15 in Tacana 15 Cristo pamapa ecuaneseda puji beju manuana. Daja huecha pamapa ecuaneseda puji id'eibana. Da putsu, pamapa tu jepuiti eid'e, nimeeichacua cuana sa tueda bahui mebaja taji. Aimue tuneseda puji bahui eid'e ani taji mahue.
Galatians 5:6 in Tacana 6 Ecuaneda Cristo neje dunejiji yani putsu, mue ai puji saida ecuaneseda huitsanasiquijiji ahua mahue epu puji. Diusu peje su janimetucheati bahui ebia su saida quita. Daja huecha ibuneda neje edusuti puji.
Galatians 5:13 in Tacana 13 Edue cuana, Diusu ja ecuana d'eji tiatana. Daja ecuaneda d'eji su epuani biame, aimue ecuana sa ai utsatada madhada cuana ecuaneseda a taji mahue. Ecuaneda cama huamahuama saida ibuneda neje jabati taji. Daja huecha jatsahuati taji.
Philippians 1:9 in Tacana 9 Yama Diusu ebajainia metsahuataque puji, micuaneda daja hue huamahuama ebia su saida ibuneda ebati puji. Tuahueda metsahuataque mesa mimi saida eshanapa puji.
Colossians 1:5 in Tacana 5 Micuaneda enimeid'uatiani cielo su Diusu peje su eputi puji. Beju micuaneda Cristo jepuiti ene quita quisa saida cuana su jei puana jenetia daja hue Diusu peje su janimeid'uatianiame epu.
Colossians 1:27 in Tacana 27 Mesa etsia piba saida cuana uja eshanapametani huecuana: Pamapa Cristo peje su jei eputani cuana da Cristo neje dunejiji yani. Tu peje su enimeid'uatitani putsu, cielo su eputita huecuana.
Colossians 3:14 in Tacana 14 Ibuneda mebatique. Jaibunebati neje pamapa ai cuana saida yapemetani.
1 Thessalonians 5:8 in Tacana 8 Aimue ecuaneda mu tuna nime epuani mahue, Diusu sa hueda su yani putsu. Ecuaneseda basetajiji ani taji. Daja huecha janimepiti neje ani taji. Cuaja soldado cuana ja etsedu su piama edusutani etsedupeneti puji nime, daja ibuneda neje ecuaneseda Diusu peje su janimetucheati taji. Cuaja soldado cuana echuapeneti puji casco eichatitani nime, daja ecuana Diusu ja epenetani ecuana d'eji su atana putsu.
1 Timothy 1:5 in Tacana 5 Daja miqueda cuatsasia taji edue cuana huamahuama ibuneda pabatita huecuana puji. Nimebutsepi paputa huecuana. Daja huecha saida Diusu peje su panimetucheatita huecuana.
2 Timothy 1:7 in Tacana 7 Diusu ja ecuana Espíritu Santo tiatana. Da putsu, aimue ecuaneda iyuame epuani mahue cristiano cuana peje su quisaquisa epu puji, Espíritu Santo ja ecuana nimetucheda yametani putsu. Ecuana sa piba saida yametani. Ecuaneda cristiano cuana ebia su ibuneda ebametani.
Hebrews 6:11 in Tacana 11 Beju quema tsada epuani pamapa micuaneda daja hue mepuderaniunetique emanu teje. Daja a putsu, Diusu neje cielo su yanienitiyu micuaneda bahue.
Hebrews 6:19 in Tacana 19 Da su ecuaneda nimetucheda epuani, ecuana sa janimetucheati cuana Jesús peje su yani putsu, tuahueda ecuana cielo jenetia ebaenitani.
Hebrews 10:35 in Tacana 35 Da su menimetucheaderatique Echua Puji peje su. Be meichaderaji tueda janimetucheati cuana. Ahua micuaneda daja hue enimetucheaderati su, cielo su micuaneda ecuinati.
Hebrews 10:39 in Tacana 39 Beju ecuaneda mu aimue daja mahue. Aimue ecuaneda Diusu sa castigo su eputita cuana nime mahue. Beju ecuaneda Diusu peje su enimetucheatiani putsu, d'eji su epueni.
1 Peter 1:21 in Tacana 21 Jiahue micuaneda Diusu peje su jei epuani Cristo jepuiti. Tueda Diusu ja quitaita Cristo manujiji cuana duju jenetia netianametaibana. Echua Puji ebia su aida, tucheda ichatana. Da putsu, micuaneda ebia su enimetucheatiani Diusu peje su.
1 John 2:10 in Tacana 10 Ahua quebata ja mesa edue saida ibuneda ebatani su, tueda da Diusu sa jabuetsuati cuana su epuniuneti. Aimue jucha su edajaja mahue.
1 John 2:14 in Tacana 14 Tata cuana, micuaneda Cristo eshanapainia. Tueda anidha, pamapa ai cuana aniji mahue su. Edeahue cuana, micuaneda da nimetucheda. Diusu sa quisa saida cuana su jei puana putsu, Ishahua pishitiameana.
1 John 2:24 in Tacana 24 Da putsu, meaderatique Diusu sa ene quita jabuetsuati cuana. Tueda jabuetsuati cuana ecuanaju micuana equene buetsuapiruana. Ahua daja hue micuaneda tueda jacuatsasiati cuana yaderati su, Ebacua Jesucristo, Tata Diusu neje micuaneda dunejiji epu.
1 John 3:3 in Tacana 3 Ahua ecuaneda daja Cristo peje su enimeid'uatiani su, aimue ecuaneda jucha cuana aja epu mahue, tu nime butsepi ecuaneda epu.
1 John 3:9 in Tacana 9 Quebata Diusu sa ebacua epuani su, aimue tuahueda daja hue jucha cuana yaderatita mahue, tueda Diusu ja eid'e nimeeichacua atana putsu. Jucha mesa a taji mahue, Diusu sa ebacua putsu.
1 John 4:7 in Tacana 7 Edue cuana, jubida huamahuama ibuneda mebatique, daja Diusu ja ecuana ebuetsuatani putsu. Quebata ja edue cuana ibuneda ebatani su, tueda da Diusu sa ebacua. Diusu saida eshanapatani.
1 John 5:1 in Tacana 1 Quebata, Jesucristo da Diusu sa jabeituti, jei epuani su, tueda da Diusu sa ebacua. Ahua ecuaneda Tata Diusu ibuneda ebainia su, ahua tusa jacuatsasiati cuana jei ya su, da su ecuana sa edue cuana di ecuaneda ibuneda eba.
2 John 1:4 in Tacana 4 Piada piada mique ebacua cuana Cristo neje saida eputaniuneti putsu, ema beidaji epuani. Daja epuniuneti puji ecuana Tata Diusu ja cuatsasiatana.