Zechariah 11:3 in Sunwar 3 गोठला आन रोंका पशो नेनीन। मेको आन रिम्शो योव़तीके खतम दुम्शो बाक्ब। गुप्स आन ग्रीशो नेनीन। यर्दन ङा ब्वाकी नेल्ल खतम दुम्शो बाक्ब।
Other Translations King James Version (KJV) There is a voice of the howling of the shepherds; for their glory is spoiled: a voice of the roaring of young lions; for the pride of Jordan is spoiled.
American Standard Version (ASV) A voice of the wailing of the shepherds! for their glory is destroyed: a voice of the roaring of young lions! for the pride of the Jordan is laid waste.
Bible in Basic English (BBE) The sound of the crying of the keepers of the flock! for their glory is made waste: the sound of the loud crying of the young lions! for the pride of Jordan is made waste.
Darby English Bible (DBY) A voice of howling of the shepherds; for their glory is spoiled: a voice of roaring of young lions; for the pride of Jordan is spoiled.
World English Bible (WEB) A voice of the wailing of the shepherds! For their glory is destroyed: a voice of the roaring of young lions! For the pride of the Jordan is ruined.
Young's Literal Translation (YLT) A voice of the howling of the shepherds! For destroyed was their robe of honour, A voice of the roaring of young lions! For destroyed was the excellency of Jordan.
Cross Reference 1 Samuel 4:21 in Sunwar 21 मिनु मेकोमी आल आ नें इकाबोद वोदा बाक्त। मेको आ अर्थ “परमप्रभु आ छेङछेङ इस्राएल रे जाम्त” देंशो बाक्माक्त। मारदे हना परमप्रभु आ कबल पशो सन्दोस रोइश्शो नु आ शिउ नु आ वोंइश बेक्शो मिम्शा इकाबोद आ अर्थ “इस्राएल ङा छेङछेङ जाम्त” देंशो बाक्त१सामुएल १४:३; भजन संग्रह ७८:६१
Psalm 22:21 in Sunwar 21 गुप्स आ शोव़ नु ब्वाकी ङा सांढे आन ग्रोव़ रे प्रोंइयीनी। दानीएल ६:२३
Isaiah 65:15 in Sunwar 15 आं योव़शोपुकीमी सराप पची ना इन नें थीनीम। मिनु नोले गो परमप्रभु, परमप्रभु यावेमी इन कली साइक्नन्नी। तन्न आं गेय पाइब आन कली नक नें वोइक्नुङमी। यसैया ६२:२
Jeremiah 2:15 in Sunwar 15 गुप्सपुकी मेको कली तशा ग्रीनीम। ठेयब सेंदा पा ग्रीनीम। मेकोपुकीमी आ रागी कली मुर मबाक्तीके सेल्तेक्म। मेको आ सहर नेल्ल ब्रेत्तेक्म। मिनु मेकेर मुर मबाक्नीम। येरमीया ४:७
Jeremiah 2:30 in Sunwar 30 गो इन आल आन कली मोशा तुप्तामी। गो मेको आन कली शेंचा दाक्ताक्ङ। तन्न मबिस्सम। इन कली सोइश्शो आं लोव़ पाइब इन तरवारमी साइक्चा पुंइसाक्म। गेपुकी ग्रु दाक्ब गुप्स खोदेंशो बाक्नीनी। यसैया १:५; मत्ती ५:१२; मत्ती २२:६; मत्ती २३:३७; मर्कूस १२:५
Jeremiah 7:4 in Sunwar 4 मिनु ‘एको परमप्रभु यावे आ खिं बाक्ब। एको परमप्रभु यावे आ खिं बाक्ब। एको परमप्रभु यावे आ खिं बाक्ब’ देंशो जोल लोव़ थमा मसुतीन।
Jeremiah 7:11 in Sunwar 11 मार, आं नेंमी बाक्शो आं खिं इन ङोंइती रोइक्ब आन बाक्तीक खिं दुम्मे? गो यो इन कली कोव़ना कोव़न बाक्नुङ। मत्ती २१:१३
Jeremiah 25:34 in Sunwar 34 गे गोठलापुकी रोंका पने। मिनु वाइ ब्रेश्शा ङाक्कीन। गे मेको बगाल ङा लां कोंइबपुकी पुलुम दिङ दाङ गोलीन। मारदे हना इन कली क्योरशा साइक्तीक नाक्त जाक्शो बाक्ब। गेपुकी गोल्नीनी। मिनु शुश क्येट लाइब ग्योंब खोदेंशो पा प्रोल्चा पुंइसीनीनी। येरमीया २३:१
Jeremiah 26:6 in Sunwar 6 गो मेको खिं कली शिलो खोदेंशो सेल्नुङ। मिनु मेको सहर कली रागी नेल्ल ङा मुर नेल्ल आन दातेमी सराप राइब सेल्नुङ’ देनो” देंत। २राजा २५:९; येरमीया ७:१२
Jeremiah 49:19 in Sunwar 19 यर्दन आ नेक्था ङा ठेयब ब्वाकी रे बस्तु भाव योव़तीकेम गुप्स जाक्शो खोदेंशो पा गो एदोम कली याम कामी मेको आ रागी रे ग्रुंइनुङ। गो सु कली सासन पचा कली योव़ङु, मेको कली गेनुङ। आं खोदेंशो सु बाक्बा? आं कली सुम अरेने चाप्बा ङा? तेको गोठला आं ङोंइती राप्ने चाप्बा ङा?” दे परमप्रभु यावेमी देंत येरमीया ५०:४४-४६
Jeremiah 50:44 in Sunwar 44 यर्दन आ नेक्था ङा ठेयब ब्वाकी रे बस्तु योव़तीकेम गुप्स जाक्शो खोदेंशो पा गो मेको कली याम कामी मेको आ रागी रे ग्रुंइनुङ। गो सु कली सासन पचा कली योव़ङु, मेको कली गेनुङ। आं खोदेंशो सु बाक्बा? आं कली सुम अरेने चाप्बा ङा? तेको गोठला आं ङोंइती राप्ने चाप्बा ङा? येरमीया ४९:१९
Ezekiel 19:3 in Sunwar 3 मिनु मेकोम आ चाइक्ब आन दाते ङा का कली कोल्पाइश्शा, ठेयब सेल्तु। मिनु मेको ठेयब बोल्यो ठिटा गुप्स का दुम्त। मेकोम सिखार पचा शेंसाक्व। मिनु मुर आन कली ब्वाप्तु।
Ezekiel 24:21 in Sunwar 21 मार लोव़ पाप्तु देंशा हना ‘इस्राएल आ खिं ङा मुर आन नेल्ल क्येङा दाक्शो, इन सक्ति, इन कोव़त दाक्शो नु थुंम दाक्शो आं बाक्तीक गो ग्रांग्रा दिशो सेल्नुङ। मिनु इन प्रोंइशा वोइश्शो इन तमी तौ तरवारम साइक्चा पुंइसीनीम
Hosea 1:9 in Sunwar 9 मिनु परमप्रभुमी होसे कली “मेको आ नें लो-अम्मी वोतो। मारदे हना गेपुकी आं मुर मननी। गो इन परमप्रभु मनङ। लो-अम्मी आ अर्थ ‘गे आं मुर मनवे नु गो इ परमप्रभु मनङ’ देंशो बाक्ब।
Hosea 10:5 in Sunwar 5 सामरीयामी बाक्ब मुरपुकी बेथ-आवेन ङा बाछा आ मूर्ति आ पर्बम हिंनीम। ङोंइती मेको मूर्ति आ दारस तशा, ग्येरसीशो मुरपुकी मेको आ पर्बम रोंका पाइनीम। चढ़ेबपुकी यो मेको आ पर्बम रोंका पाइनीम। मारदे हना मेको मूर्ति ङोन लाइक्सीशो बाक्ब। होसे ४:१५
Joel 1:13 in Sunwar 13 चढ़ेबपुकी, सुर्ता पा अरन्डी फेक्शा रोंका पने। चढ़ेतीकेमी गेय पाइबपुकी रोंका पने। आं परमप्रभु आ गेय पाइबपुकी, नाक्दो यो सुर्ता पा अरन्डी फेक्शा बाक्कीन। मारदे हना इन परमप्रभु आ खिंमी अन्न चढ़ेतीके नु तूचा थोव़क चढ़ेतीके देक्शो बाक्ब।
Amos 8:8 in Sunwar 8 मार, मेको आ पतीके रागी ख्रिंख्रि मपाइबा ङा? मेकेर बाक्ब नेल्लेमी रोंका मपाइनीमी ङा? रागी नेल्ल नील खोला खोदेंशो पा बारनीम। इजीप्त रागी ङा नील खोला बारशा ग्युम्शो खोदेंशो पा नुप्शा लाइनीम। आमोस ९:५
Zephaniah 1:10 in Sunwar 10 मिनु परमप्रभु यावेमी “मेको नाक्त ङांइ लाप्चो रे ठेयब सेंदा पा ङाक्शो, नक सहर रे रोंका पशो नु डांडा रे पा ठेयब रेयके पशो नेंसीब।
Zephaniah 3:3 in Sunwar 3 मेको सहर ङा सरकार ङा ठेयब मुर ग्रीब गुप्स खोदेंशो बाक्नीम। मेको आ निसाफ पाइब नाक्दो गाक्शा, सुनी सम्म मारेइ महेंब फर नम। इजीकीएल २२:२७
Zephaniah 3:11 in Sunwar 11 मेको नाक्त आं कली मटिशो आ पर्बम गे मुने दोक्चा ममाल्नीनी। मेना इ दाते ङा ठेयब लेश्शो मुर आन कली ग्रुंइनुङमी। आं डांडामी गे लेंशा ठेयब लेश्शो मदुम्नेवे।
Zechariah 11:8 in Sunwar 8 गो महिना कामी गोठला सां आन कली खेरतामी। गो मेको आन गेय तशा ब्रीशा, फाल्ने मचाप्शो बाक्ती।
Zechariah 11:15 in Sunwar 15 मिनु परमप्रभु यावेमी आं कली “गे लेंशा शोर गाक्शो गोठला खोदेंशो दुमो।
Matthew 3:7 in Sunwar 7 मिनु यूहन्नामी फरिसी नु सदुकी शुश जाक्शो तशा, मेको आन कली “गे बुस्स आ खलकपुकी, सुमी परमप्रभु यावे आ सजाइ रे ब्रोंइचा तांइसीब, दे शेंदीनी?फरिसी रिती थीती सेल्शा, रिम्शो पचा कली कोव़ब यो बाक्शो बाक्तेक्म। सदुकी यहूदी आन सरकार ङा हुल ‘मुर मसेंसीनीम’ दे थमा सुइक्ब बाक्शो बाक्तेक्म। मत्ती २३:३३
Matthew 15:14 in Sunwar 14 मेकोपुकीमी मारेइ पामेक्ल। मिक्च मताइब लां कोंइब नम। मिक्च मताइबमी मिक्च मताइब कली कीशा लां कोंइताक्व हना, निम्फा खाल्टाम बिक्नीस” देंत। मत्ती २३:२४; लूका ६:३९; रोमी २:१९
Matthew 21:43 in Sunwar 43 मोपतीके परमप्रभु यावे आ राज्य इन गुइ रे रोइक्चा पुंइसीनीनी। मिनु फल सिप्ब अर्को जात ङा मुर आन कली गेब, दे माइक्तीमी।
Matthew 23:13 in Sunwar 13 सास्त्री नु फरिसीपुकी, गे कपटी, इन कली तशा थुं खाइक्ती। मारदे हना स्वर्ग ङा राज्य ओव़तीक लां तेक्नीनी। गे मओव़नीनी, मिनु अरु आन कली यो ओव़चा मगेनीनी।
Acts 6:11 in Sunwar 11 मोपा ग्राने मचाप्तीके सुइ आन मतुइक्थु, मुर आन कली पोक्शा “मेकोमी इं किकी पिपी मोसा नु परमप्रभु यावे आ पर्बम हेंथे नु ग्रांग्रा दिशो लोव़ पशो नेंतक” दे जोल पा लोव़ ब्रपदमे बाक्त। मत्ती २६:६०-६६
Acts 7:52 in Sunwar 52 इन किकी पिपीमी मार पामे? परमप्रभु आ लोव़ पाइब सु कली श्येत मगेमे ङा? नेल्ल आन कली श्येत गेम्तेक्म। श्येत गेशा ला ममाइ। इन कली पाप रे प्रोंइब ख्रीस्त जाक्ब, दे लोव़ नेंपा गाक्ब आन कली साइक्पाइक्ना पाइक्न बाक्तेक्म। इन कली पाप रे प्रोंइब ख्रीस्त जाक्त। मिनु गेपुकीमी मेको कली यो साइक्पाइक्तीनी। २इतिहास ३६:१६; मत्ती २३:३१
Acts 22:21 in Sunwar 21 प्रभुमी ‘मेकेर रे लावो। मारदे हना ङोन ङोन बाक्ब अर्को रागी ङा मुर आन कली आं पर्बम शेंथ सोइक्नन’ देंत” दे पावलमी देंमाक्त। प्रेरित १३:२
Romans 11:7 in Sunwar 7 मिनु मार देंचा ङा? इस्राएलम माल्शा यो आ माल्शो मथित्थु, परमप्रभु यावे आ योव़शो का निक्शी ला ठीक दुम्तेक्म। अरु नेल्ल परमप्रभु यावे आ लोव़ मटीब दुम्तेक्म। रोमी ९:३१
James 5:1 in Sunwar 1 नेनीन, गे क्येट शुश थीब मुरपुकी, ङाक्कीन। रोंका पने। मारदे हना गे नोले श्येत जाइब दुम्नीनी। लूका ६:२४-२५