Cross Reference 1 Samuel 2:12 in Sunwar 12 एली आ तौ निम्फा हिंचा ङा मरिम्शो पाइब बाक्सा बाक्त। मेको निक्शी परमप्रभु यावे कली मान पा महिंब बाक्सा बाक्त।
1 Samuel 2:29 in Sunwar 29 मारदे गे आं देंशो चढ़ेशो नु जचा थोव़क चढ़ेशो नेल्ल आइक्च मिम्ती? मिनु आं क्येङा गे इ तौ आस कली ठेयब सेल्नेवे। आं मुर, इस्राएली आन चढ़ेशो रे गे नेल्ल क्येङा रिम्शो मारदे आंम कली वोंइसीशा, इ तौ आस कली ठेयब सेल्नेवे?” देंमाक्त।
2 Chronicles 18:5 in Sunwar 5 मिनु इस्राएल ङा पिपमी ४ सहे आ नोले दुम्ब लोव़ पाइब आन कली पुक्शा, मेको आन कली “गो रामोथ-गिलाद कली लडाइ तोङ देय मतोङ?” दे हिल्लो पामी बाक्त। मिनु मेकोपुकीम “लडाइ तोने। मारदे हना परमप्रभुम मेको आन कली इन गुइम गेब” देंमा बाक्त।
2 Chronicles 18:12 in Sunwar 12 मिनु मीकाया कली ब्रेश्शा चाक्ब मुरुम मीकाया कली “नेनीन, अरु नोले दुम्ब लोव़ पाइबपुकी नेल्ल थुं का दुम्शा, पिप कली रिम्शो लोव़ पशो बाक्नीम। मिनु इन लोव़ यो मेको आन देंशो नु गारचा ङा रिम्शो लोव़ पने” देंमाक्त।
Psalm 19:7 in Sunwar 7 परमप्रभु यावे आ अरेशो लोव़ नेल्ल आन कली गारब। मेकोमी लेंशा ब्रोंइपाइक्ब। परमप्रभु यावे आ देंतीके थमा लोव़ बाक्ब। मेकोमी मतुइक्ब आन कली तुइक्ब सेल्ब।
Psalm 119:130 in Sunwar 130 इन लोव़ नेंशोनु, रुप्तीक थुं गेब। मतुइक्ब आन कली तुइक्ब सेल्ब।
Proverbs 8:5 in Sunwar 5 मारेइ मजोक्बपुकी होस पतीके शेंसीन। निप्स मपाइश्शो बाक्तीनी हना, निप्स पाइश्शो दुमीन।
Proverbs 14:15 in Sunwar 15 मारेइ मजोक्ब मुरुमी मारेइ मारेइ लोव़ थमा सुइक्ब। तन्न निप्स पाइश्शो मुरुमी आन पशो नेल्ल मिम्नीम।
Proverbs 22:3 in Sunwar 3 निप्स पाइश्शो मुर श्येत जाक्चा चिक्शो तशा, ख्रुंइसीनीम। तन्न मारेइ मजोक्ब मुरुमी मारेइ मतुइक्थु श्येत जाइनीम। हितोपदेस २७:१२
Isaiah 30:10 in Sunwar 10 मेकोपुकीमी नोले दुम्ब लोव़ ताइब आन कली ‘मतने। मकोव़ङीन’ देंनीम। मिनु परमप्रभु यावे आ लोव़ पाइब आन कली ‘ठीक पचा आ पर्बम आंइ कली लोव़ मपने। जोल पा हना यो, आंइ दाक्शो लोव़ ला पने। आमोस २:१२
Isaiah 56:10 in Sunwar 10 इस्राएली आन कली कोव़ब मुर मिक्च मताइब खोदेंशो बाक्नीम। मेको मारेइ मजोक्ब मतुइक्ब बाक्नीम। मेकोपुकी सिक्सी पा बाक्शा, होक्ने मचाप्ब कुचुम खोदेंशो बाक्नीम। मेको ङोमु तचा, इप्चा नु निन्द्रा पचा ला दाक्नीम। इजीकीएल ३:१७; इजीकीएल ३३:६-९
Jeremiah 8:10 in Sunwar 10 मोपतीके गो मेको आन मीश अरु आन कली नु मेको आन रू लडाइ ग्राब आन कली गेनुङमी। नेल्ल क्येङा आइक्च मुर रे नेल्ल क्येङा ठेयब सम्म ठीक पा मचेम्शो क्येट तचा कली शिंम बाक्नीम। परमप्रभु यावे आ लोव़ पाइब रे चढ़ेब सम्म नेल्ल जोल पाइब दुम्शो बाक्नीम। येरमीया ६:१३-१५; यसैया ५६:११
Jeremiah 23:17 in Sunwar 17 मेकोपुकीम आं लोव़ मदाक्ब आन कली गेना हना यो ‘परमप्रभु यावे इन कली थुं नाइश्शा बाक्तीक दुम्ब’ देंनीम। मिनु मेकोपुकीम मटिथु आन थुं ङा मिम्शोम गाक्ब आन कली ‘इन कली मारेइ हिंचा ङा श्येत मदुम्ब’ देंनीम।
Jeremiah 28:1 in Sunwar 1 मेको बर्समीन यहूदा ङा पिप सिदकीयाहम सासन पशो ४ बर्स ५ महिनाम गिबोनम बाक्ब अज्जुर आ तौ परमप्रभु यावे आ लोव़ पाइब हनान्याहम परमप्रभु यावे आ खिंम चढ़ेब नु मुर नेल्ल आन ङोंइती लोव़ पा, आं कली २इतिहास १:३,१३
Jeremiah 28:15 in Sunwar 15 मिनु परमप्रभु यावे आ लोव़ पाइब येरमीयाम, परमप्रभु यावे आ लोव़ पाइब हनान्याह कली “ए हनान्याह, नेनो। परमप्रभु यावेमी इ कली मसोइक्त। मिनु गे एको मुर आन कली जोल लोव़ पा थमा सुइक्पाइश्शो बाक्नेवे।
Ezekiel 13:16 in Sunwar 16 इस्राएल ङा मेको जोल पा परमप्रभु यावे आ लोव़ पाइबपुकीम यरूसलेम आ पर्बम लोव़ पाम्तेक्म। मिनु मेकेर थुं नाइश्शा बाक्तीक मदुम्थु यो ‘थुं नाइश्शा बाक्तीक ताइतक’ देंतेक्म।
Ezekiel 13:19 in Sunwar 19 मुठी का निक्शी क्योव़ज, नु टुक्रा का निक्शी शोब्ले आ पर्बम साइक्चा ममाल्शो मुर आन कली साइक्तीनी। मिनु ब्रोंइचा मगेचा माल्शो मुर आन कली ब्रोंइचा गेतीनी। मिनु आं मुर आन कली जोल पा मोदेंशो पाइतीनी’ दे परमप्रभु, परमप्रभु यावेमी मेको आन कली माइक्मी” देंत।
Hosea 4:8 in Sunwar 8 मेकोपुकी आं मुर आन पाप आ पर्बम चढ़ेशो ब्वशा दोम्नीम। मिनु मुरपुकीम पाप पशो दाक्नीम। लेवी ४:१३-२१, २७-३५; लेवी ६:१९
Micah 3:5 in Sunwar 5 मिनु परमप्रभु यावेमी आ लोव़ पाइब आन पर्बम मार देंत देंशा हना “सुम आं मुर आन कली दूली लांम गाक्पाइक्बा? आं लोव़ पाइबपुकीमी, सुमी मेको आन कली जचा गेमेनु ‘रिम्शो दुम्ब’ देंनीम। तन्न मेको आन कली जचा मगेमेनु, मेको आन कली लडाइ तोचा कली ठीक दुम्नीम।
Malachi 1:10 in Sunwar 10 मिनु लेंशा “गेपुकीमी आं चढ़ेतीकेमी मो मी मुइक्चा क्येङा का लशा लाप्चो चोक्नी हना, रिम्शो दुम वा। गो इन कली तशा मग्येरसीशो बाक्नुङ। मिनु इन चढ़ेशो यो मताक्नुङ” दे मुर नेल्ल आन परमप्रभु यावेमी देंत। मलाकी २:१३; यसैया १:१३
Matthew 6:24 in Sunwar 24 सुइमी होव़प निक्शी आस गेय पने मचाप्ब। मारदे हना का कली मदाक्ब, का कली दाक्ब। का कली मान पा टीब, का कली मान मपथु मटीब। परमप्रभु यावे नु शोंप निम्फा आस कली गेय पने मचाप्नीनी। लूका १६:१३; याकूब ४:४
Matthew 7:15 in Sunwar 15 होस पांइसीने। मारदे हना परमप्रभु यावे आ लोव़ दूली शेंबपुकी बोक्नीम। मेकोपुकी भेडा खोदेंशो तांइसीनीमी। मेको आन थुं चहिं फर के खोदेंशो बाक्नीम। मत्ती २४:४,५,२४; २कोरिन्थी ११:१३-१५
Matthew 24:11 in Sunwar 11 परमप्रभु यावे आ लोव़ दूली शेंबपुकी शुश बोक्शा, दूली पा शेंशा, शुश मुर आन थुं क्यशा गेनीम। मिनु परमप्रभु यावे आ राज्य ङा लां प्रोंइपाइक्नीम। २पत्रुस २:१; १यूहन्ना ४:१
Matthew 24:24 in Sunwar 24 मारदे हना शुशेमी ‘गो ख्रीस्त नङ’ दे जोल पा गाक्नीम। ‘परमप्रभु यावे आ लोव़ पाइब नकी’ दे जोल पाइबपुकीमी चिन्ड नु छक लाक्चा ङा गेय कोंइनीम। मो पशोमी परमप्रभु यावे आ योव़शो आन कली यो लां प्रोंइपाइक्चा माल्नीम। ब्यवस्था १३:२-४; २थिस्सलोनिकी २:८-९; प्रकाश १३:१३
Matthew 24:48 in Sunwar 48 मरिम्शो थुं पाइश्शो गेय पाइबमी चहिं आ होव़प लम नोले ‘इच्ची ना मजाक्ब’ दे मिम्शा, २पत्रुस ३:४
John 12:26 in Sunwar 26 सुमी आं गेय पाइबा, आं देंशो यो पचा माल्बा, मेको आं बाक्तीकेमी बाक्चा ताइब। आं आफोमी आं गेय पाइब आन कली ठेयब सेल्ब” देंत। यूहन्ना १७:२४
Romans 16:19 in Sunwar 19 गे शेंतीक लोव़ नेंशा, टीब मुर ननी, दे नेल्लेमी तुइक्ताक्मे। एको नेंशा, गो ग्येरसाक्यी। तन्न रिम्शो गेय मरिम्शो गेय, थमा शेंतीक दूली शेंतीक, थमा नु जोल तुइक्ब दुमीने, देंनुङ। मोपतीके ब्रेक्शा, शुश शेंताक्न्नी। रोमी १:८; १कोरिन्थी १४:२०
2 Corinthians 2:17 in Sunwar 17 तन्न गो परमप्रभु यावे आ लोव़ ग्याप्ब लेयब खोदेंशो पा मलेयनीकी। गो ठीक पाइब मुर बाक्नीकी। गो परमप्रभु यावे आ सोइश्शो, परमप्रभु यावे आ ङोंइती ख्रीस्त आ नेंमी शेंनीकी। २कोरिन्थी १:१२; २कोरिन्थी ४:२; १पत्रुस ४:११
2 Corinthians 4:2 in Sunwar 2 गोपुकीमी मुने दोक्तीक ख्रुइश्शा पतीक गेय प्रोंइशो बाक्नीक। मरिम्शो पा परमप्रभु यावे आ लोव़ फाइक्चा रे ङोन बाक्नीकी। तन्न परमप्रभु यावे आ लोव़ तुइक्पाइक्तीकेमी मुर नेल्ल नु परमप्रभु यावे आ ङोंइती ब्रचा ङा बाक्नीकी। २कोरिन्थी २:१७; १थिस्सलोनिकी २:५
2 Corinthians 11:3 in Sunwar 3 बुस्सुमी हव्वा कली मिलो शिलो पा जोल पा आ थुं हिरपा, परमप्रभु यावे कली मटीब सेल्शो खोदेंशो पा, दूली शेंबपुकीमी इन थुं क्याल्शा, ख्रीस्त कली दाक्चा रे हेंथे लां खोइक्पाइक्नीम। उत्पत्ती ३:४,१३
2 Corinthians 11:13 in Sunwar 13 मेकोपुकी परमप्रभु यावे आ सोइश्शो मनम। ख्रुइश्शा जोल पा गेय पाइनीम। ख्रीस्त आ सोइश्शो दुम्खु पा शेंथ गाक्नीम। २कोरिन्थी २:१७
Galatians 1:10 in Sunwar 10 मार, गो मुर आन थुं नुपाइक्चा माल्नुङा ङा? गो परमप्रभु यावे आ थुं कका नुपाइक्चा माल्नुङ। गो मुर आन थुं नुपाइक्तीके लोव़ पाता हना, ख्रीस्त आ गेय पाइब माइक्चा मपुंइसीनुङ। १थिस्सलोनिकी २:४-६
Philippians 2:21 in Sunwar 21 नेल्लेमी आंम आंम दाक्शो ला मिम्शा, पना पन बाक्नीमी। येसु ख्रीस्त आ दाक्शा मिम्शो चहिं मपाइनीम। २तिमोथी ४:१०,१६
Philippians 3:19 in Sunwar 19 नोले मेकोपुकी जाम्शा लाइनीम। आन कोव़ज कली परमप्रभु यावे क्येङा ठेयब बाक्ब, दे मुने पचा ङा गेयमी आंम कली ठेयब सेल्सीशा, आन थुंमी रागी ङा माल्शो ला मिम्नीम। रोमी १६:१८
Colossians 2:4 in Sunwar 4 मारदे इन कली मो देंती देंशा हना, जोल पा शेंब जाक्शा, शुश मिलो शिलो लोव़ पशा, दूली शेंने मचाप्मेक्ल, दे मो देंती। रोमी १६:१८
Colossians 3:24 in Sunwar 24 गे प्रभु आ गुइ रे इनाम ताइब बाक्नीनी, दे तुइक्नीनी। मेकोन मिम्ना मिम्न गेय पने। गेपुकी प्रभु ख्रीस्त कली गेय पाइब बाक्नीनी।
2 Thessalonians 2:10 in Sunwar 10 जाम्शा लाइब आन कली जोल शेंब। मारदे हना मेकोपुकीमी थमा शेंतीक नेंचा मदाक्तेम। मिनु पाप रे ब्रोंइतीक ताक्चा मदाक्तेम।
1 Timothy 6:5 in Sunwar 5 मेकोपुकीमी मुर आन दातेमी जिचा पोक्नीम। आन थुं गशो खोदेंशो दुम्शा, थमा लोव़ रुप्ने मचाप्नीम। परमप्रभु यावे कली मिम्चा, दाक्चा क्येट चेम्तीके बाक्ब, दे मिम्नीम।
2 Timothy 2:16 in Sunwar 16 जाम्शा लाइब लोव़ पाइब रे ङोन बाक्को। मारदे हना मेकोपुकीमी मुर आन कली परमप्रभु यावे रे ङोन दुम्पाइक्नीम। १तिमोथी ४:७
2 Timothy 3:2 in Sunwar 2 मारदे हना मुरपुकीमी आंम कली ला दाक्नीम। क्येट कली शुश दाक्नीम। ठेयब लेश्शा, अरु नेल्ल आन कली दिप्नीम। मरिम्शो लोव़ पाइनीम। आम आफ कली मटिथु “गे रिम्शो पाइतीनी” गेनायो मदेंथु, पापम ग्रुम्शा बाक्नीम।
Titus 1:10 in Sunwar 10 परमप्रभु यावे आ शेंशो लोव़ मटीबपुकी शुश बाक्नीमी। शोर गाक्शो लोव़ पाइब नु हेंथे लां शेंब बाक्नीम। मेको शुश ख्रोइक्तीक चिनु पाइश्शो इस्राएली बाक्नीम।
James 1:1 in Sunwar 1 गो, याकूब, परमप्रभु यावे नु प्रभु येसु ख्रीस्त आस वाइल नङ। गो ब्रशा बाक्शो १२ थर ङा यहूदी इन कली नमो पाइनुङ। गे रिम्शो बाक्कीन।
2 Peter 2:3 in Sunwar 3 मेको आन शीम पतीकेमी इन कली दूली लोव़ पा, इन क्येट योल्नीम। मेकोपुकी ङोंइती रे नरक लचा चिक्शो बाक्नीम।
2 Peter 2:10 in Sunwar 10 मिनु सु सु आन दला दाक्स नु ग्रांग्रा दिचा ङा गेय पाइनीमी नु अधिकार गेशो आन कली मटीनीमी, मेकोपुकीमी नेल्ल क्येङा शुश सजाइ ताइनीम। मोदेंशो जोल पा शेंब काइ महिंब दुम्शा, ठेयब लेश्शा, थमा सुइक्ब आन कली शुक्शी पचा महिंनीम।
2 Peter 2:18 in Sunwar 18 मेकोपुकीमी हेंथे लोव़ पा पाप रे प्रोंइचा पुंइसीशो नक थमा सुइक्ब दुम्शो मुर आन कली आन हेंथे पतीके ग्रांग्रा दिचा ङा गेय पपाइक्नीम।
1 John 4:1 in Sunwar 1 आं दाक्शो लोक्बपुकी, शेंबपुकीमी शेंदमेनु, गेपुकीमी परमप्रभु यावे रे पा शेंनीमी देय मशेंनीमी मेको रुपीन। मारदे हना रागीमी शुश दूली पा, परमप्रभु यावे आ लोव़ पाइब बाक्नीम। मत्ती ७:१५
Jude 1:1 in Sunwar 1 गो याकूब आ लोक्ब यहूदा नङ। गो येसु ख्रीस्त आ वाइल दुम्ती। परमप्रभु यावे, इं आफ आ दाक्शो नु येसु ख्रीस्त कली योव़शा वोइश्शो मुर, इन कली ब्रेक्ताक्ङ। मत्ती १३:५५
Jude 1:12 in Sunwar 12 मेकोपुकी इन ग्रुम्मुशो भोजमी जाक्शा, दाइल पपाइक्ब फुल्लु खोदेंशो पा बाक्नीमी। आंम दातेम ग्येरपमुइनीम, तन्न महिंथु आंम कोव़ज ला प्रिंनीम। मेको रेउ मपाइश्शो फशेम बेरशो गोस्स खोदेंशो बाक्नीम। फल सित्ची ना फल मसिप्ब रवा खोदेंशो बाक्नीम। शाक्श दुल्शो रवा खोदेंशो पा, निक्शी खेयप बेक्शो बाक्नीम। १कोरिन्थी ११:२१
Jude 1:16 in Sunwar 16 मेकोपुकी गन गन पाइब बाक्नीम। मेकोपुकीमी “गो श्येत जना जन बाक्नुङ” दे गेनायो मग्येरथु, आन दला दाक्स पना पन बाक्नीम। ठेयब लोव़ पा, ठेयब लेश्शो मुर बाक्नीम। मेकोपुकीमी आंम कली ठेयब सेल्सीचा कली मुर आन कुल कोव़नीम।
Revelation 1:1 in Sunwar 1 परमप्रभु यावेमी येसु ख्रीस्त कली “मार मार दुम्चा चिक्ता, आ रागी ङा वाइलीम वाइलपुकीमी तुइक्तमेक्ल” दे कोंइताक्व। मिनु येसु ख्रीस्तमी आ स्वर्ग ङा गेय पाइब कली आ वाइल यूहन्ना आ बाक्तीके सोइक्ताक्व। मारदे सोइक्ताक्व देंशा हना, मेको दुम्चशो लोव़ शेंथ सोइक्ताक्व।