Revelation 14:10 in Sunwar 10 मेको आन कली तशा, परमप्रभु यावे शुश गाइक्ब। मिनु मेको मुरपुकीमी आ गाइश्शो तचा माल्नीम। दोपा परमप्रभु आ गाइश्शो तचा माल्नीम देंशा हना, पाप रे ङोन बाक्ब परमप्रभु यावे आ स्वर्ग ङा गेय पाइब नु पाठा आस ङोंइती मेको मुरपुकी हुरुर पा ब्रशो मी नु गन्धकम श्येत जचा माल्नीम। भजन संग्रह ७५:७
Other Translations King James Version (KJV) The same shall drink of the wine of the wrath of God, which is poured out without mixture into the cup of his indignation; and he shall be tormented with fire and brimstone in the presence of the holy angels, and in the presence of the Lamb:
American Standard Version (ASV) he also shall drink of the wine of the wrath of God, which is prepared unmixed in the cup of his anger; and he shall be tormented with fire and brimstone in the presence of the holy angels, and in the presence of the Lamb:
Bible in Basic English (BBE) To him will be given of the wine of God's wrath which is ready unmixed in the cup of his wrath and he will have cruel pain, burning with fire before the holy angels and before the Lamb:
Darby English Bible (DBY) he also shall drink of the wine of the fury of God prepared unmixed in the cup of his wrath, and he shall be tormented in fire and brimstone before the holy angels and before the Lamb.
World English Bible (WEB) he also will drink of the wine of the wrath of God, which is prepared unmixed in the cup of his anger. He will be tormented with fire and sulfur in the presence of the holy angels, and in the presence of the Lamb.
Young's Literal Translation (YLT) he also shall drink of the wine of the wrath of God, that hath been mingled unmixed in the cup of His anger, and he shall be tormented in fire and brimstone before the holy messengers, and before the Lamb,
Cross Reference Genesis 19:24 in Sunwar 24 मिनु नोले परमप्रभु यावेमी सोदोम नु गोमोररा सहर आस तारी सरीङ रे गन्धक नु मी रेउ यिशो खोदेंशो पा यिपदा बाक्त। ब्यवस्था २९:२२; भजन संग्रह ११:६; यसैया १:९-१०; यसैया १३:१९; आमोस ४:११; लूका १७:२९; २पत्रुस २:६; प्रकाश १४:१०
Deuteronomy 29:23 in Sunwar 23 मेको रागी नेल्लेम मी ब्रशा गन्धक नु हिक्सी बाक्ब। मारेइ मशोक्शो, काइ गिग मग्रूशो मारेइ मवाशो बाक्ब। मेको परमप्रभु यावेमी चुरशा गाइश्शो सोदोम नु गोमोररा, अदमाह नु सेबोयीम खतम सेल्शो रागी खोदेंशो बाक्ब। उत्पत्ती १९:२४
Job 18:15 in Sunwar 15 मेको आन ताम्बुम मारेइ मलीब। मेको आन बाक्तीकेम गन्धक ब्रुइश्शो बाक्ब।
Job 21:20 in Sunwar 20 मेकोपुकीम आंमा आन कली खतम दुम्तीक तामेक्ल। मेकोपुकीम नेल्ल क्येङा ठेयब सक्ति पाइश्शो आ गाइश्शो तुइक्तमेक्ल।
Psalm 11:6 in Sunwar 6 परमप्रभुमी आ अरेशो मटीब आन तारी मी नु गन्धक यिपाइक्ब। मिनु मेको आन तारी होश फश पपाइक्ब। मरिम्शो पाइब मोदेंशो पाइक्चा पुंइसीशो बाक्नीम।
Psalm 37:34 in Sunwar 34 परमप्रभु यावे कली रिम्दीन। मेको आ लांम गाक्कीन। मेकोमी इन कली ठेयब सेल्शा, रागी इन कली गेब। मिनु गे परमप्रभु आ अरेशो मटीब आन कली खतम सेल्चा ताइनीनी।
Psalm 52:6 in Sunwar 6 ठीक पाइबपुकी मेको आन कली तशा, हिंनीम। मिनु मेकोपुकीमी रिश्शा कोव़शा भजन संग्रह ९१:८
Psalm 60:3 in Sunwar 3 परमप्रभु, गे इन मुर आन कली ठेयब श्येत जपाइक्तीनी। गे आंइ कली दिङ दाङ गोल्ब तूचा थोव़क तूपाइक्तीनी। भजन संग्रह ७५:९
Psalm 73:10 in Sunwar 10 मोपतीके मुरपुकी मेको आन गे लेत्नीम। मिनु आन लोव़ थमा सुइश्शा आन नोले खोइश्शा मेको आन कली ठेयब सेल्नीम।
Psalm 75:8 in Sunwar 8 परमप्रभु यावे आ गुइमी बोटको का बाक्ब। मेकेर मार मार सुप्शो बोग्यो बोक्शो अङगुर शांबु बाक्ब। परमप्रभुमी मेको तूचा गेब। मिनु रागी रागी ङा आ अरेशो मटीबपुकीमी मेको तूचा माल्नीम। भजन संग्रह ६०:५; येरमीया २५:१५-१६
Psalm 91:8 in Sunwar 8 परमप्रभु कली मटीबपुकी दोपा क्येक्क लेत्चा पुंइसीनीमी, गे मेको ताइनेवे।
Isaiah 29:9 in Sunwar 9 छक लाक्शा कोव़ङीन। मिक्च क्रिप्शा, मिक्च मताइब दुमीन। दुक्शो दुमीन। तन्न अङगुर शांबुम ममाइ। गोल्चा चिक्शा गाक्कीन, तन्न राकसीम ममाइ।
Isaiah 30:33 in Sunwar 33 मारदे हना ङोंइती रे ठेयब चोतीके का सेल्शो बाक्त। मेको थमा पा पिप कली सेल्शो बाक्त। मेको शुश लुक्च लशो नु ब्रेम्शो बाक्त। मेकेर मी नु शुश शी बाक्त। परमप्रभु यावे आ मुइश्शो गन्धक खोदेंशो पा मेको मी ब्राइब।
Isaiah 34:9 in Sunwar 9 मेना एदोम ङा खोलापुकी अलकत्रा दुम्नीम। मिनु आ खप चहिं गन्धक दुम्ब। एदोम रागी ब्रशो अलकत्रा दुम्ब। उत्पत्ती १९:२४
Isaiah 51:17 in Sunwar 17 यरूसलेम बोक्को। परमप्रभु यावे इ पर्बम गाइश्शा, श्येत तूचा गेप्तु। गे दिङ दाङ गोल्पाइक्ब कचौरा तूशा श्येत्थ सेल्तीवी। भजन संग्रह ६०:५; भजन संग्रह ७५:९; येरमीया १३:१२-१३; प्रकाश १६:१९
Isaiah 51:21 in Sunwar 21 मोपतीके गे गार पाइश्शो मुर नेनीन। गे दुक्शो बाक्नीनी, तन्न अङगुर शांबुम ममाइ।
Jeremiah 25:15 in Sunwar 15 मिनु परमप्रभु यावे, इस्राएली आन परमप्रभुमी आं कली “आं गुइ रे आं गाइश्शोमी ब्रीशो अङगुर शांबु बाक्शो कचौरा ताक्को। मिनु इ कली सोइश्शो रागी रागी ङा मुर नेल्ल आन कली तूपाइक्मी। येरमीया ५१:७; यसैया ५१:१७; प्रकाश १४:१०
Jeremiah 25:27 in Sunwar 27 मिनु नोले गे मेको आन कली “मुर नेल्ल आन परमप्रभु यावे, इस्राएली आन परमप्रभुमी मार देंत देंशा हना ‘गे मेको तूशा दुक्शा मेने। मिनु गेना यो मबोक्चा ङा पा गोलीन। गो इन दातेम सोइश्शो तरवार आ पर्बम मो दुम्ब’ दे माइक्मी।
Jeremiah 49:12 in Sunwar 12 परमप्रभु यावेमी “श्येत ङा कचौरा तूचा ममाल्शोमी यो मेको तूचा माल्ताक्व हना, मार, गे सजाइ मतथु ब्रोंइचा ताइनेवे? गे सजाइ तचा माल्नेवे। गे मेको तूचा माल्नेवे। येरमीया २५:१५,२८,२९; भजन संग्रह १३७:७
Jeremiah 51:57 in Sunwar 57 गो मेको आ सरकार ङा गेय पाइब, जोक्ब तुइक्ब, मेको आ हुकुम पाइब, नु आ लडाइ पाइब नेल्ल आन कली दुक्पाइक्नुङमी। मिनु मेकोपुकी गेना हना यो कली इप्नीम। लेंशा मबोक्नीम” दे पिपम देंत। मेको पिप आ नें मुर नेल्ल आन परमप्रभु यावे बाक्ब।
Lamentations 4:21 in Sunwar 21 एदोम आ तमी ग्येरसो। गे ऊज रागीम बाक्नेवे। तन्न गे यो मेको श्येत ङा कचौरा तूचा माल्नेवे। गे दुक्नेवे। मिनु शिश्रा सेल्सीनेवे। येरमीया ३:६४; भजन संग्रह १३७:७; येरमीया २५:१५,२१
Ezekiel 20:48 in Sunwar 48 मिनु मुर नेल्लेमी गो, परमप्रभु यावेमी मेको जेत्ताक्ङ, दे तुइक्नीम। मेको काप्चा मदुम्ब’ देनो” देंत।
Habakkuk 2:16 in Sunwar 16 गे ठेयब दुम्चा क्येङा शुश मुने दोक्नेवे। मुल इ पालो जाक्त। गे यो तूशा, दुक्शा दाइल पांइसो। परमप्रभु यावेमी आ ग्युरा गुइ ङा कचौरा इ कली गेब। मिनु इ ठेयब दुम्तीके मुने दोक्ब। येरमीया २५:१५,२६
Matthew 13:41 in Sunwar 41 रागीम जरमेशोमी परमप्रभु यावे आ गेय पाइब आन कली सोइक्ब। मिनु मेकोपुकीमी आ राज्य रे पाप पपाइक्ब नु पाप पाइब नेल्ल आन कली खुप्शा, मत्ती २४:३१
Matthew 13:49 in Sunwar 49 निसाफ पची नाक्त मोदेंशोन दुम्ब। परमप्रभु यावे आ गेय पाइबपुकी जाक्शा, ठीक पाइब आन दाते रे पापी आन कली योव़शा ग्रुंइशा, मत्ती २५:३२
Matthew 20:22 in Sunwar 22 मिनु येसुमी आ तौ आस गे हिरशा “इस पुंइशो मार बाक्मे, दे मरुप्नीसी। गोमी तूचशो कचौरा तूने चाप्नीसी?” देंमेनु “चाप्नस्कु” देंताक्स। मत्ती २६:३९
Matthew 25:41 in Sunwar 41 मिनु आ पेरा गे राप्शो आन कली हिरशा ‘सराप तशोपुकी, गो नु मबाक्कीने। सैतान नु आ गेय पाइब आन कली गेनायो मकाप्ब मी वोइश्शो बाक्ब। मेकेर लने। प्रकाश २०:१०,१५
Matthew 26:39 in Sunwar 39 मिनु इच्का ङोंइती लशा, खुम्की पा खपीम बाप्शा “आं आफ, दुम्ब हना, एको कचौरा आं कली मतूपाइक्थु सोइक्तीने। तन्न आं दाक्शो मदुम्ल, इन दाक्शोन दुम्ल” दे प्रार्थना पशा, लेश्शा जाक्माक्त। यूहन्ना १८:११; यूहन्ना ६:३८; हिब्रू ५:८
2 Thessalonians 1:8 in Sunwar 8 मेको नु हुरुर पा ब्रशो मी सरीङ रे यीब। प्रभुमी परमप्रभु यावे कली मतुइक्ब नु आ ग्येरपाइक्ब लोव़ मटीब आन कली क्येक्क लेप्ब। रोमी २:८
Jude 1:7 in Sunwar 7 सोदोम, गोमोररा नु आस एर ओंथ बाक्शो सहर ङा मुरपुकीमी आन खोदेंशो पा ग्रांग्रा दिचा ङा नु मपचा ङा दूली गेय पशो बाक्तेक्म। परमप्रभुमी मेको आन कली कोंइतीक दुम्पाइक्चा कली गेना हना यो ब्रशो मीमी सजाइ गेशो बाक्त। उत्पत्ती १९:१,४-११
Revelation 9:17 in Sunwar 17 मिनु मेको शारा नु शारा ङोइक्बपुकी दोदेंशो तातामी देंशा हना, मेको शारा ङोइक्ब आन कुचुमी पीतल के फेक्तीके फेक्शो तातामी। मेको फेक्तीके मी खोदेंशो लल गिम गिम नु हौ ताता। मेको शारा आन पिया गुप्स आ पिया खोदेंशो ताता। मिनु आन शोव़ रे मी, कुन नु गन्धक ग्रूत।
Revelation 16:19 in Sunwar 19 मिनु मेको ठेयब सहर सां दुम्त। रागी रागी ङा सहरपुकी ब्रेत्तेक्म। मिनु परमप्रभु यावेमी बेबीलोन ठेयब सहर कली फ्रुक्तु। मारदे फ्रुक्तु देंशा हना, मेको मुर आन पाप तशा “गो सजाइ गेनुङमी” दे गाइश्शा फ्रुक्तु। प्रकाश १४:८-१०
Revelation 18:3 in Sunwar 3 मारदे मेको सहर मोदेंशो दुम्त देंशा हना, रागी रागी ङा मुर नेल्लेमी आ ग्रांग्रा दिचा ङा गेय शेंसीशा मोदेंशो पाम्तेक्म। मिनु रागी रागी ङा पिपपुकीमी यो मोदेंशो पाम्तेक्म। मिनु रागी रागी ङा ग्याप्ब लेयबपुकी मेको सहर ङा शुश थोव़क रे शोंप पाइश्शो दुम्तेक्म” देंत। यसैया ५१:७; नाहुम ३:४
Revelation 18:6 in Sunwar 6 मिनु गे इन कली गेशो श्येत मेको कली लेत्तीन। श्येत का ला ममाइ, निक्शी खेयप श्येत गेने। इन कली गेशो श्येत निक्शी खेयप गेचा ठीक दुम्ब। भजन संग्रह १३७:८; येरमीया ५०:१५,२९; २थिस्सलोनिकी १:६
Revelation 19:20 in Sunwar 20 मोपा मेकोपुकी लडाइ पामेनु, मेको ठेयब जन्तु नु जोल पा परमप्रभु यावे आ लोव़ पखु पाइब आस कली ग्याइक्ताक्म। परमप्रभु यावे आ लोव़ पखु पाइब चहिं ठेयब जन्तु नु बाक्शा, छक लाक्चा ङा गेय पाइब बाक्त। मोपा मेको ठेयब जन्तु नु आ मूर्ति कली पूजा पाइब नु आ चिन्ड वोइक्ब आन कली मरिम्शो लां शेंशा खोइक्पदा बाक्त। मिनु मेको निक्शी सेसीन गन्धक नु ठेयब मी ब्रतीकेमी हुम्चा पुंइसाक्स। प्रकाश १३:११-१७; २थिस्सलोनिकी २:८
Revelation 20:10 in Sunwar 10 मिनु मुर आन कली मरिम्शो लां शेंब दियाबलस गन्धक रे हुरुर पा ब्रशो मी ब्रतीकेमी हुम्चा पुंइसाक्व। मेकेर ठेयब जन्तु नु जोल पा परमप्रभु यावे आ लोव़ पखु पाइब यो बाक्ताक्स। मिनु मेकेर बाक्बपुकी नाक्दो नाक्ती गेना हना यो श्येत गेचा पुंइसीनीम। प्रकाश १९:२०
Revelation 21:8 in Sunwar 8 तन्न मुर तशा हिंबपुकी, परमप्रभु यावे कली थमा मसुइक्बपुकी, पापमी ग्रुम्शोपुकी, मुर आन कली साइक्बपुकी, तेल्लेम पाइबपुकी, टुना मुना पाइबपुकी, देवी देवता आन कली पूजा पाइबपुकी, नु जोल पाइबपुकी नेल्ल गन्धक रे हुरुर पा ब्रशो मीमी हुम्चा पुंइसीनीम। मिनु मेको नोले ङा बेक्तीक बाक्ब” दे माइक्ती।