Revelation 1:16 in Sunwar 16 मिनु मेको आ ग्युरा गुइमी ७ ओटा सोरुल शेशो बाक्त। मिनु निम्फा गे क्योरतीक पाइश्शो हेश्शो तरवार का आ शोव़ रे ग्रूत। मिनु आ कुल नाक्त ङा नां खोदेंशो पा कोव़ने मचाप्चा ङा तांइसाक्व।
Other Translations King James Version (KJV) And he had in his right hand seven stars: and out of his mouth went a sharp twoedged sword: and his countenance was as the sun shineth in his strength.
American Standard Version (ASV) And he had in his right hand seven stars: and out of his mouth proceeded a sharp two-edged sword: and his countenance was as the sun shineth in his strength.
Bible in Basic English (BBE) And he had in his right hand seven stars: and out of his mouth came a sharp two-edged sword: and his face was like the sun shining in its strength.
Darby English Bible (DBY) and having in his right hand seven stars; and out of his mouth a sharp two-edged sword going forth; and his countenance as the sun shines in its power.
World English Bible (WEB) He had seven stars in his right hand. Out of his mouth proceeded a sharp two-edged sword. His face was like the sun shining at its brightest.
Young's Literal Translation (YLT) and having in his right hand seven stars, and out of his mouth a sharp two-edged sword is proceeding, and his countenance `is' as the sun shining in its might.
Cross Reference Judges 5:31 in Sunwar 31 मिनु परमप्रभु यावे, इन जोरी सत्रु नेल्ल मोपान खतम दुम्मल। इन कली दाक्बपुकी चहिं सुनी दाप्शो नां खोदेंशो पा ब्रशा सक्ति पाइश्शो दुम्शा, बाक्मल” दे कुम्सो पाम्से बाक्त। मिनु ४० बर्स सम्म मेको रागीमी लडाइ मदुम्माक्त। ब्यवस्था ६:५
Job 38:7 in Sunwar 7 मेना सुनी ङा सोरुलपुकीमी कालेम कुम्सो पाम्तेक्म। मिनु स्वर्गम बाक्ब नेल्ल ग्येरसीशा ग्रीतेक्म। भजन संग्रह १९:२; अय्युब १:६
Isaiah 11:4 in Sunwar 4 ठीक पतीकेमी प्रुङग आन कली निसाफ पाइब। रागी ङा आइक्च नु ठेयब मुर नेल्ल आन कली उइक्थ पा निसाफ पाइब। मिनु रागी ङा मुर आन कली आ लोव़मी तुप्ब। परमप्रभु यावे आ अरेशो लोव़ मटीब आन कली मुइश्शा साइक्ब। २थिस्सलोनिकी २:८
Isaiah 24:23 in Sunwar 23 मेना तास्ला लल जीब, नां आ छेङछेङ जाम्ब। मारदे हना मुर नेल्ल आन परमप्रभु यावेमी सियोन डांडा नु यरूसलेमम सासन पाइब। खाल्पा आन ङोंइती आ छेङछेङ कोंइब।
Isaiah 49:2 in Sunwar 2 मेकोमी आं शोव़ हेश्शो तरवार खोदेंशो सेल्तु। आं कली आ गुइमी सुम्शा, ख्रुइक्ताक्यी। मेकोमी आं कली हेश्शो ब्रा खोदेंशो सेल्शा, आ ब्रा कुरतीकेम कुर पा ख्रुइश्शा वोइक्ती। हिब्रू ४:१२; प्रकाश १:१६; यसैया ५१:१६
Isaiah 60:19 in Sunwar 19 मेना इ कली नाक्त ङा नां छेङछेङ मदुम्ब। नाक्दो तास्ला हाम्सो मदुम्ब। मारदे हना इ परमप्रभु इ कली गेना हना यो छेङछेङ बाक्ब। मिनु इ परमप्रभु इ दारस बाक्ब। यसैया २४:२३; प्रकाश २१:२३; प्रकाश २२:५
Daniel 12:3 in Sunwar 3 मिनु जोक्ब तुइक्बपुकी सरीङ ङा छेङछेङ खोदेंशो दुम्नीम। मिनु सु सुमी मुर आन कली ठीक लांमी गाक्पदमे, मेकोपुकी गेना हना यो सोरुल आ छेङछेङ खोदेंशो दुम्नीम। दानीएल ११:३३; हितोपदेस ४:१८; मत्ती १३:४३
Malachi 4:2 in Sunwar 2 तन्न गे आं नें कली मान पाइब, इन ङोंइती आं ठीक पतीके नां खोदेंशो पा दाप्ब। इन रोइ यो सानीनी। गे गोठ रे पा ग्रूशो बाछा खोदेंशो पा प्रेक्ना प्रेक्न दोरनीनी। लूका १:७८
Matthew 17:2 in Sunwar 2 मिनु मेको आन ङोंइती येसु फांइसेनु, मेकोपुकीमी आ कुल नां खोदेंशो नु आ फेक्शो वा बुबु पा जिलील पा बुश दुम्शो तामे बाक्त। २पत्रुस १:१६-१८; प्रकाश १:१६
Acts 26:13 in Sunwar 13 अग्रीप्पा सरकार हजुर, मुल नोफा दाइश्शा नेनीन। नाक्ती उइक्थ दुम्मेनु गाक्कानु, मार दुम्त देंशा हना, नां पशो क्येङा छेङछेङ सरीङ रे यिशा, आंइ एर ओंथ कोंइताक्व।
Ephesians 6:17 in Sunwar 17 मिनु येसु ख्रीस्तम इन कली पाप रे प्रोंइशो तुइक्तीक पीतल के ताक्की खोदेंशो पा गुम्सीने। मिनु परमप्रभु यावे आ लोव़ लतीन। मेको चहिं परमप्रभु यावे आ सोक्त ङा तरवार बाक्ब। १थिस्सलोनिकी ५:८; हिब्रू ४:१२
Hebrews 4:12 in Sunwar 12 मारदे हना परमप्रभु यावे आ लोव़ ब्रोंइतीक सक्ति पाइश्शो, गेय पाइब नु निम्फा पटटी हेश्शो तरवार क्येङा हेश्शो बाक्ब। मेकोमी श्ये नु रुश, सोक्त नु थुं तिल्ब। मिनु मिम्तीके नु थुं ङा लोव़ नेल्ल नाक्ने चाप्ब। प्रकाश २:१२; येरमीया २३:२९
Revelation 1:20 in Sunwar 20 मिनु आं ग्युरा गुइमी बाक्शो ७ ओटा सोरुल नु ७ ओटा खपीम बाक्शो सुन के दियारी आ ख्रुइश्शो अर्थ मार बाक्ब देंशा हना, मेको आं गुइमी तशो ७ ओटा सोरुलपुकी मेको एसीया ङा ७ ओटा सहर ङा थमा सुइक्ब आन ग्रुम्तीके ङा शेंब नम। मेको ७ ओटा दियारी चहिं मेको एसीया ङा ७ ओटा सहर ङा थमा सुइक्ब आन ग्रुम्तीके ङा मुर नम” दे माइक्ती।
Revelation 2:12 in Sunwar 12 मिनु येसु ख्रीस्तमी आं कली पेरगामोम सहर ङा थमा सुइक्ब आन शेंब कली ब्रेक्पाइक्ती। आ शोव़ रे निम्फा गे क्योरतीक पाइश्शो हेश्शो तरवार पाइश्शोमी
Revelation 2:16 in Sunwar 16 मोपतीके इन थुं गो आं गे लेत्तीन। मलेत्ताक्नी हना, गो इन ग्रुम्तीकेमी रीब पा जाक्नुङ। मिनु आं शोव़ ङा तरवारमी मेको नु लडाइ पाइनुङ।
Revelation 3:1 in Sunwar 1 मिनु येसु ख्रीस्तमी आं कली सारडीस सहर ङा थमा सुइक्ब आन शेंब कली ब्रेक्पाइक्ती। एको ७ ओटा ठाउं ङा परमप्रभु यावे आ सोक्त नु ७ ओटा सोरुल नु बाक्ब आ लोव़ बाक्ब। मेकोमी “गो इन पशो गेय तुइक्नुङ। गेपुकीमी चहिं ‘गो ख्रीस्त कली थमा सुइश्शा, ब्रोंइशा बाक्नीकी’ देंनीनी। तन्न इन थमा सुइक्तीके बेक्शो खोदेंब पा इप्शो बाक्ब। प्रकाश १:४
Revelation 10:1 in Sunwar 1 मिनु नोले गोमी सक्ति पाइश्शो परमप्रभु यावे आ स्वर्ग ङा गेय पाइब का गोस्सुमी गिल्सीशा, रागीमी यिशो ताता। मेको आ पियामी वाक्श दाप्शो बाक्त। मिनु मेको आ कुल नां खोदेंशो नु आ खोइली हुरुर पा ब्रशो मी के थाम खोदेंशो तांइसाक्व।
Revelation 19:15 in Sunwar 15 मिनु मेको ङोंइती ङा बुश शारा ङोइक्ब आ शोव़ रे रागी रागी ङा मुर आन कली साइक्चा कली हेश्शो तरवार का ग्रूत। मिनु मेकोमी फलाम के कोक्केमी मेको आन कली सासन पाइब, नेल्ल सक्ति पाइश्शो परमप्रभु यावे आ गाइक्चा ङा कोल खोइलीमी दिम्ब। भजन संग्रह २:९; प्रकाश १४:१९-२०
Revelation 19:21 in Sunwar 21 मिनु लीशो मेको आस फौजपुकी चहिं मेको बुश शारा ङोइक्ब आ शोव़ रे ग्रूशो तरवारमी साइक्चा पुंइसाक्म। मिनु चिक्बपुकी मेको नेल्ल आन श्ये ब्वशा रूतेक्म।