Nehemiah 9:20 in Sunwar 20 मिनु मेको आन कली शेंचा, दे इन रिम्शो पाइब सोक्त गेतीनी। मेको आन कली मन्ना शोब्ले गेचा मप्रोंइनी। मिनु मेको आन कली रूथ्री पा ब्वाक्कु तूचा गेतीनी। प्रस्थान १६:३५; प्रस्थान १७:६; गन्ती ११:१७-२५; भजन संग्रह ७८:१५-१६; भजन संग्रह ७८:२३-२४
Other Translations King James Version (KJV) Thou gavest also thy good spirit to instruct them, and withheldest not thy manna from their mouth, and gavest them water for their thirst.
American Standard Version (ASV) Thou gavest also thy good Spirit to instruct them, and withheldest not thy manna from their mouth, and gavest them water for their thirst.
Bible in Basic English (BBE) And you gave your good spirit to be their teacher, and did not keep back your manna from their mouths, and gave them water when they had need of it.
Darby English Bible (DBY) Thou gavest also thy good Spirit to instruct them, and withheldest not thy manna from their mouth, and gavest them water for their thirst.
Webster's Bible (WBT) Thou gavest also thy good spirit to instruct them, and withheldest not thy manna from their mouth, and gavest them water for their thirst.
World English Bible (WEB) You gave also your good Spirit to instruct them, and didn't withhold your manna from their mouth, and gave them water for their thirst.
Young's Literal Translation (YLT) `And Thy good Spirit Thou hast given, to cause them to act wisely; and Thy manna Thou hast not withheld from their mouth, and water Thou hast given to them for their thirst,
Cross Reference Exodus 16:15 in Sunwar 15 इस्राएलीपुकीमी मेको तशा “मार में?” देंमुम्तेक्म। मारदे हना मार बाक्मे, मतुइक्तम। मिनु मोसामी मेको आन कली “परमप्रभु यावेमी इन कली गेशो मन्ना शोब्ले एकोन बाक्ब। प्रस्थान १६:४; ब्यवस्था ८:३; यूहन्ना ६:३१; १कोरिन्थी १०:३
Exodus 16:35 in Sunwar 35 मिनु इस्राएलीपुकीमी ४० बर्स सम्म मन्ना जाम्तेक्म। मुर बाक्तीक कनान रागी ङा सांद मजाक्मा सम्म मेको जाम्तेक्म। यहोसु ५:१२
Exodus 17:6 in Sunwar 6 गो होरेब माइश्शो डांडा आ नेक्था सेरथे फुल्लु तार इ ङोंइती बाक्नुङ। मिनु गे मेको सेरथे फुल्लु तुप्चा माल्नेवे। मिनु, सेरथे फुल्लु रे ब्वाक्कु यीब। मिनु मुरपुकीम तूने चाप्नीम” देंत। मिनु इस्राएली आन खाल्पा आन ङोंइती मोसाम मो पाप्तु। गन्ती २०:११; १कोरिन्थी १०:४
Numbers 11:17 in Sunwar 17 मिनु गो यिशा, गे नु लोव़ पाइनुङ। मिनु गो इ आगामी बाक्शो सोक्त रे लाइश्शा, मेको आन तारी वोइक्नुङ। मिनु मेकोपुकीमी गे नु गारशा, मेको मुर आन श्येत कुरनीम। मिनु गे का ला कुरचा ममाल्नेवे।
Numbers 11:25 in Sunwar 25 मिनु नोले परमप्रभु यावे गोस्सुमी उइ आगा तोइश्शा, मोसा नु लोव़ पाप्तु। मिनु मेकोमी मोसा आ आगा बाक्शो सोक्त इच्का लाइश्शा, मेको ७० जना खाल्पा आन तार वोइक्तु। मिनु मेको सोक्त मेको आन तार नांइसेनु, मेकोपुकीमी परमप्रभु यावे आ लोव़ पाम्तेक्म। तन्न नोनोले मो मपाम।
Joshua 5:12 in Sunwar 12 मेको रागी ङा अन्न जामे नोले, आ दीसा नाक्त रे मन्ना शोब्ले यिचा नांइसाक्व। मेकोपुकीमी मेको नाक्त रे कनान रागी ङा अन्न जाम्तेक्म। प्रस्थान १६:३५
Nehemiah 9:30 in Sunwar 30 गे शुश बर्स सम्म मेको आन कली फाल्नी बाक्त। इन लोव़ पाइबपुकीमी मेको आन कली इन सोक्त रे पा शेंपाइक्नी बाक्त। तन्न मेकोपुकीमी नेंचा मबिस्समा बाक्त। मोपतीके गे मेको आन कली अर्को जात जात ङा मुर आन गुइमी गेनी बाक्त। येरमीया ७:२५-२६; येरमीया ४४:४-६
Psalm 105:41 in Sunwar 41 मेकोमी सेरथे फुल्लु रे ब्वाक्क बुक्पदा बाक्त। मिनु मेको गोरशो रागीमी खोला खोदेंशो पा शांइसे बाक्त। प्रस्थान १७:६
Psalm 143:10 in Sunwar 10 आं कली इन दाक्शो पचा कली शेंदीनी। मारदे हना गे आं परमप्रभु बाक्नीनी। इन रिम्शो सोक्तीम आं कली ठीक लांम गाक्पाइय्यीनी।
Isaiah 41:17 in Sunwar 17 मेकोमी लेंशा “प्रुङग नु क्येट मथीबम ब्वाक्कु माल्नीम। तन्न मथित्नीम। मेकोपुकी तूतू दाक्शा, आन लाकचा सोव़ब। गो, परमप्रभु यावेमी, मेको आन लोव़ नेंनुङ। मिनु गो, इस्राएली आन परमप्रभुमी मेको आन कली मप्रोंइथु, मेको नु बाक्नुङ।
Isaiah 48:21 in Sunwar 21 मेकोमी मेको आन कली गोरशो रागीम लदानु, मेकोपुकी ब्वाक्कु तूतू मदाक्म। मारदे हना मेकोमी सेरथे फुल्लु रे ब्वाक्कु बुक्पाइक्तु। सेरथे फुल्लु प्रोलानु, शुश ब्वाक्कु ग्रूत।
Isaiah 49:10 in Sunwar 10 शोव़लु मबेक्नीम, तूतू मदाक्नीम। नां नु होश फश नु नांमी मेको आन कली मनाप्ब। मारदे हना मेको आन कली शिशी पाइबमी मेको आन कली खुल्ब। प्रकाश ७:१६
Isaiah 63:11 in Sunwar 11 मिनु नोले मेकोपुकीमी साइ ङोंइती ङा नाक्ती मिम्ताक्म। मेको आ गेय पाइब मोसा आ पाला ना ङा नाक्ती मिम्ताक्म। मिनु मेकोपुकीमी “समुन्द्र रे पा गोठला नु आ बगाल ग्रुंइब ते बाक्म? मेको आन कली परमप्रभु यावे आ सोक्त वोइक्ब, ते बाक्मे? प्रस्थान २:५; गन्ती ११:१७
John 4:10 in Sunwar 10 मिनु येसुमी मेको मीश मुर कली “परमप्रभु यावेमी इ कली मार गेचा दाक्ब, दे तुइक्ताक्वी हना, नु ब्वाक्कु पुंइब, आं कली, सु बाक्नुङ, दे तुइक्ताक्वी हना, आं कली ‘ब्वाक्कु गेयी’ दे पुंइदी वा। मिनु ब्रोंइचा गेब ब्वाक्कु गेन वा” दे मदा बाक्त। यूहन्ना ७:३८-३९
John 4:14 in Sunwar 14 तन्न सुमी आं गेशो ब्वाक्कु तूबा, मेकोमी लेंशा तूतू मदाक्ब। आं गेशो ब्वाक्कु मुर आगामी बुक्शो खोदेंशो पा बारशा, गेना हना यो ब्रोंइशा बाक्चा गेब” देंत। यूहन्ना ६:३५; यूहन्ना ७:३८-३९; भजन संग्रह ३६:१०
John 7:37 in Sunwar 37 मिनु बाली ओंइतीक चाड नुप्ची नाक्त नेल्ल क्येङा ठेयब नाक्ती बाक्त। मेना येसुमी मुर आन कली “सु सुमी तूतू दाक्नीमी, मेको आं गे पिशा तूङमेक्ल। लेवी २३:३६; यूहन्ना ४:१०; यसैया ५५:१; प्रकाश २२:१७
Romans 15:30 in Sunwar 30 आं लोक्बपुकी, इं प्रभु येसु ख्रीस्तमी इं कली थुं का सेल्तु। परमप्रभु यावे आ सोक्तीमी दाक्मुपाइक्तु। मिनु थमा पा वोबु दुम्तय। मोपतीके आं पर्बम परमप्रभु यावे कली पुंइना पुंइन बाक्कीन। २कोरिन्थी १:११; २थिस्सलोनिकी ३:१
Galatians 5:22 in Sunwar 22 परमप्रभु यावे आ सोक्तीमी ब्रीशो थुं पाइश्शोपुकीमी परमप्रभु यावे आ सोक्त रे पा दोदेंशो पाइनीम देंशा हना, दाक्मुइनीमी, ग्येरनीमी, थुं नाइक्नीमी, शुश फाल्नीमी, रिम्शो पाइनीमी, शिशी पाइनीमी, कबल खाप्नीमी,
Ephesians 5:9 in Sunwar 9 छेङछेङ ङा फल दोदेंशो बाक्ब देंशा हना, नेल्ल शिशी पतीकेमी, ठीक पतीकेमी नु थमा पतीकेमी बाक्ब। गलाती ५:२२; फिलिप्पी १:११
2 Peter 1:21 in Sunwar 21 मुर आन थुं रे मपीब। तन्न परमप्रभु यावे आ सोक्तीम आ मुर आन कली सुम्शा, परमप्रभु यावे आ लोव़ ब्रेक्पाइश्शो बाक्ब, दे रुप्चा माल्नीनी। १तिमोथी ३:१६-१७