Micah 7:9 in Sunwar 9 आं कली निसाफ पा वारच मपवा सम्म गो परमप्रभु यावे आ गाइश्शो फाल्चा माल्नुङ। मारदे हना गो मेको कली पाप पाता। मेकोमी आं कली आ शिशी तपाइक्चा कली छेङछेङम ग्रुंइब। येरमीया १४:७
Other Translations King James Version (KJV) I will bear the indignation of the LORD, because I have sinned against him, until he plead my cause, and execute judgment for me: he will bring me forth to the light, and I shall behold his righteousness.
American Standard Version (ASV) I will bear the indignation of Jehovah, because I have sinned against him, until he plead my cause, and execute judgment for me: he will bring me forth to the light, `and' I shall behold his righteousness.
Bible in Basic English (BBE) I will undergo the wrath of the Lord, because of my sin against him; till he takes up my cause and does what is right for me: when he makes me come out into the light, I will see his righteousness;
Darby English Bible (DBY) I will bear the indignation of Jehovah -- for I have sinned against him -- until he plead my cause, and execute judgment for me: he will bring me forth to the light; I shall behold his righteousness.
World English Bible (WEB) I will bear the indignation of Yahweh, Because I have sinned against him, Until he pleads my case, and executes judgment for me. He will bring me forth to the light. I will see his righteousness.
Young's Literal Translation (YLT) The indignation of Jehovah I do bear, For I have sinned against Him, Till that He doth plead my cause, And hath executed my judgment, He doth bring me forth to the light, I look on His righteousness.
Cross Reference Leviticus 26:41 in Sunwar 41 मिनु गो मेको आन कली मरिम्शो पस ङा पस बाक्शा, आन जोरी सत्रु आन रागीम सोइक्ताक्ङमी। मिनु मेको आन खकटा थुं ब्रेम्शो दुम्शा, आन पाप आ पर्बम पाप क्याम्तीक गेय पाम्तेक्म हना, ब्यवस्था १०:१६; येरमीया ९:२५
1 Samuel 3:18 in Sunwar 18 मिनु सामुएलम परमप्रभु यावे आ देंशो लोव़ नेल्ल शेंदा बाक्त। तेकोइ लोव़ मख्रुइक्ता बाक्त। मिनु एलीमी “मेको परमप्रभु यावे बाक्ब। मेकोम आ दाक्शो पवल” देंमाक्त। २सामुएल १५:२६
1 Samuel 24:15 in Sunwar 15 परमप्रभु यावे निसाफ पाइब बाक्ब। मिनु मेकोमी इस दातेम निसाफ पवल। परमप्रभु यावेम कोव़ङल। आं परमप्रभु यावेम आं कली इन गुइ रे प्रोंइब” देंमाक्त।
1 Samuel 25:39 in Sunwar 39 मिनु दाऊदम नाबाल बेक्शो लोव़ नेंशा मेकोमी “परमप्रभु यावे ठेयब बाक्ब। मारदे हना मेकोमी आं कली मरिम्शो पशो आ पर्बम नाबाल कली सजाइ गेप्तु। मिनु आ गेय पाइब, आं कली मरिम्शो पतीक रे तेक्ती। नाबाल आ मरिम्शो पशो आ पियामीन मोइक्तु” देंमाक्त। मिनु दाऊदमी अबीगेल कली आ मीश सेल्चा कली लोव़ पथ मुर सोइक्ता बाक्त।
1 Samuel 26:10 in Sunwar 10 मिनु दाऊदमी लेंशा “परमप्रभु यावे ब्रोंइशा बाक्शो खोदेंशो पा, मेकोमीन मेको कली काबु साइक्ब कि आ बेक्ची नाक्त जाक्शा बेक्ब कि लडाइम लशा साइक्चा पुंइसीब। १सामुएल २४:१३
2 Samuel 16:11 in Sunwar 11 मिनु दाऊदम अबीशै नु आ गेय पाइब नेल्ल आन कली “आं तौमी आं कली साइक्चा माल्ब हना, मेरे बेन्यामीन आ थर ङा मुर के मार लोव़ पचा ङा? मेरे कली प्रोनीन। मेरेमी सराप पवल। मारदे हना परमप्रभु यावेमीन मेरे कली सराप पचा गेशो बाक्म माइ।
2 Samuel 24:17 in Sunwar 17 मिनु दाऊदमी मेको मुर आन कली साइक्ब परमप्रभु आ आ स्वर्ग ङा गेय पाइब कली तवा बाक्त। मिनु मेकोमी परमप्रभु यावे कली “पाप पाइब, गो आं का ला नङ। इन अरेशो लोव़ मटीब यो गो नङ। तन्न एको मुर मार पामे ङा? गे आं कली नु आं खिं ङा मुर आन कली श्येत गेने” देंमाक्त। गन्ती १६:२२
Job 23:10 in Sunwar 10 तन्न मेकोमी आं गाक्शो लां तुइक्ब। मेकोमी आं कली नाक्शा कोव़यीनु, गो सुन खोदेंशो दुम्नुङ। भजन संग्रह १७:३; भजन संग्रह १३९:२३-२४
Job 34:31 in Sunwar 31 मिनु मेकोमी परमप्रभु कली ‘गो सजाइ फाल्ता। गो मुल रे मरिम्शो गेय मपाइक्नुङ।
Psalm 7:6 in Sunwar 6 परमप्रभु यावे, गे गाइश्शा, बोक्कीन। आं जोरी सत्रु आन पशो तशा, आं कली वारच पथ बोक्कीन। गे “गो निसाफ पचा माल्नुङ” दे लोव़ पाइतीनी।
Psalm 37:6 in Sunwar 6 मेकोमी इन ठीक दुम्तीके छेङछेङ खोदेंशो पा ग्रूपाइक्ब। इन ठीक पतीके नाक्ती खोदेंशो दुम्पाइक्ब। मीका ७:९
Psalm 43:1 in Sunwar 1 परमप्रभु, आं कली वारच पाइय्यीनी। इन कली थमा मसुइक्ब मुर आन पर्बम आं पोन बोक्कीन। मिनु जोल पाइब नु मरिम्शो पाइब मुरपुकी रे आं कली प्रोंइयीनी।
Isaiah 46:13 in Sunwar 13 आं पाप रे प्रोंइतीक चाक्नुङ, मेको ङोन मबाक्ब। गो इन कली रीब पा पाप रे प्रोंइनुङ। गो आं पाप रे प्रोंइतीक सियोनम वोइक्नुङ। इस्राएल कली आं छेङछेङ गेनुङ” देंत।
Jeremiah 50:17 in Sunwar 17 इस्राएल गुप्सपुकीम खेदा पा एर ओंथ ब्रपाइश्शो भेडा खोदेंशो दुम्शो बाक्ब। मेको कली ङोंइती अस्सुर ङा पिपम दाक्तु। मिनु नेल्ल क्येङा नोले बेबीलोन ङा पिप नेबुकदरेसरमी मेको आ रुश नेल्ल नेक्तु” देंत।
Jeremiah 50:33 in Sunwar 33 मुर नेल्ल आन परमप्रभु यावेमी “इस्राएल ङा मुर नु यहूदा ङा मुर श्येत गेचा नु दिप्चा पुंइसीनीम। मेको आन कली ग्याइश्शा लाइक्बपुकीम मेको आन कली लचा मगेनीम।
Jeremiah 51:35 in Sunwar 35 आं मुर आन कली साइश्शो आ पर्बम बेबीलोन क्येक्क लेत्चा पुंइसीब” देंत। सियोन ङा यरूसलेममी “कल्दी रागीम बाक्ब मुरपुकीम ‘आं हुश आ क्येक्क लेत्चा पुंइसीनीम’ देंचा माल्नीम” देंत।
Lamentations 1:18 in Sunwar 18 परमप्रभु यावे ठीक पाइब बाक्ब। मारदे हना गो आ लोव़ काइ मटीब दुम्ती। तन्न गे जात जात ङा मुर नेल्ल नेनीन। आं श्येत कोव़ङीन। आं मीश आल नु ठिटा वोंइश आल नेल्ल ग्याइश्शा लाइक्चा पुंइसाक्म। येरमीया ३:४२; येरमीया ५:१६
Lamentations 3:39 in Sunwar 39 मारदे मुरुमी आंम पाप आन पर्बम सजाइ तामेनु, गन गन पाइनीमी?
Malachi 3:18 in Sunwar 18 मेको नाक्त ठीक पाइब नु परमप्रभु आ अरेशो मटीब खाल का ङा मदुम्नीम। मेको ताइनीनी। परमप्रभु कली गेय पाइब नु गेय मपाइब खाल का ङा मदुम्नीम। मेको यो ताइनीनी” देंत।
Luke 15:18 in Sunwar 18 मुल गो आं आफ आ खिं लेत्नुङ। मिनु आं आफ कली “गो परमप्रभु यावे आ देंशो मटिङ। इन देंशो यो मटिङ। भजन संग्रह ५१:६; येरमीया ३:१२-१३
1 Corinthians 4:5 in Sunwar 5 मोपतीके प्रभु आ निसाफ पतीक नाक्त मजाक्म सम्म मुर आन कली मनाक्तीन। आ निसाफ नाक्ती जाक्मेनु, ख्रुइश्शा वोइश्शो लोव़ नेल्ल तुइक्पाइक्ब। छिङछिङम ख्रुइश्शो थुं ङा थोव़क नेल्ल छेङछेङम तांइसीनीम। मिनु परमप्रभु यावेमी मुर आन कली “गे रिम्शो पाइतीनी” देंब। १कोरिन्थी ३:८
2 Thessalonians 1:5 in Sunwar 5 गेपुकी परमप्रभु यावे आ राज्यम शिरशो मुर दुम्तीनी। मिनु मेको राज्य आ पर्बम श्येत जाइनीनी। परमप्रभु यावेमी इन कली श्येत जचा गेप्तु हना यो, ठीक निसाफ पाइब बाक्ब। फिलिप्पी १:२८
2 Timothy 4:8 in Sunwar 8 मुल रे ठीक पतीके ङा सिरपेच गुप्चा दे आं कली वोइश्शो बाक्त। प्रभु ठीक निसाफ पाइब बाक्ब। मेकोमी आं कली आ नाक्तीम सिरपेच गेब। आं कली ला ममाइ, सु सुमी आ जाक्शो दाक्नीमी, मेको आन कली यो गेब। २तिमोथी २:५; १पत्रुस ५:४; याकूब १:१२; प्रकाश २:१०; मत्ती २५:२१
Hebrews 12:6 in Sunwar 6 परमप्रभुमी सु कली दाक्बा, मेको कली सजाइ गेब। सु कली आ तौ मिम्बा, मेको कली तुप्ब” दे ब्रेक्शो बाक्ब। हितोपदेस ३:११-१२; प्रकाश ३:१९
Revelation 6:10 in Sunwar 10 मिनु मेकोपुकीमी ठेयब सेंदामी “परमप्रभु, गे का ला परमप्रभु नु थमा पा नेल्ल आन कली सासन पाइब बाक्नीनी। गेना आंइ कली साइक्ब आन कली निसाफ पाइनीनी? गेना रागीम बाक्ब आन कली क्येक्क लेत्नीनी?” देंतेक्म।
Revelation 18:20 in Sunwar 20 मिनु स्वर्गमी बाक्ब नेल्ले ग्येरसीने। परमप्रभु यावे आ योव़शोपुकी, ख्रीस्त आ सोइश्शोपुकी नु परमप्रभु यावे आ लोव़ पाइबपुकी ग्येरसीने। मारदे हना, परमप्रभु यावेमी इन कली गेशो श्येत आ पर्बम मेको कली सजाइ गेप्तु” देंशो नेंता। येरमीया ५१:४८