Micah 7:10 in Sunwar 10 मेना आं जोरी सत्रुम मेको ताइनीम। मिनु मुने दोक्नीम। मारदे हना मेकोपुकीमी ङोंइती ‘परमप्रभु यावे, इ परमप्रभु ते बाक्म?’ देंशो बाक्तेक्म। गो मेको आन खतम दुम्शो ताइनुङ। मुल यो मेकोपुकी लां ङा हिलो खोदेंशो पा दिम्चा पुंइसीशो बाक्नीम। भजन संग्रह ७९:१०
Other Translations King James Version (KJV) Then she that is mine enemy shall see it, and shame shall cover her which said unto me, Where is the LORD thy God? mine eyes shall behold her: now shall she be trodden down as the mire of the streets.
American Standard Version (ASV) Then mine enemy shall see it, and shame shall cover her who said unto me, Where is Jehovah thy God? Mine eyes shall see `my desire' upon her; now shall she be trodden down as the mire of the streets.
Bible in Basic English (BBE) And my hater will see it and be covered with shame; she who said to me, Where is the Lord your God? my eyes will see their desire effected on her, now she will be crushed under foot like the dust of the streets.
Darby English Bible (DBY) And mine enemy shall see [it], and shame shall cover her which said unto me, Where is Jehovah thy God? Mine eyes shall behold her; now shall she be trodden down, as the mire of the streets.
World English Bible (WEB) Then my enemy will see it, And shame will cover her who said to me, Where is Yahweh your God? Then my enemy will see me and will cover her shame. Now she will be trodden down like the mire of the streets.
Young's Literal Translation (YLT) And see doth mine enemy, And cover her doth shame, Who saith unto me, `Where `is' Jehovah thy God?' Mine eyes do look on her, Now she is for a treading-place, As mire of the out-places.
Cross Reference 2 Samuel 22:43 in Sunwar 43 गो मेको नेल्ल आन कली रागी ङा फुरक खोदेंशो पा फस पोक्तामी। गो मेको आन कली लां ङा हिलो खोदेंशो पा दिम्ताक्ङमी।
2 Kings 9:33 in Sunwar 33 मिनु येहूमी “मेको कली झेल रे ताइक्तीन” देंमाक्त। मिनु मेकोपुकीम इजेबेल कली उइ ताइक्तमे बाक्त। मिनु मेको आ हुश प्रेक्शा कोइ गारोमी नु कोइ शारा आन कली जुक्तमे बाक्त।
Psalm 18:42 in Sunwar 42 मिनु गो मेको आन कली फशेम बेरपाइश्शो फुरक खोदेंशो पा फस सेल्तामी। गो मेको आन कली लां ङा ग्रांग्रा खोदेंशो पा ताइक्ताक्ङमी।
Psalm 35:26 in Sunwar 26 गो श्येत जङानु, आं पर्बम रिप्ब नेल्ले मुने दोक्मल। मिनु मेको “क्येङा ठेयब नकी” देंबपुकी मुने दोक्शा आइक्च सेल्चा पुंइसीमल।
Psalm 42:3 in Sunwar 3 आं प्रेक्कु नाक्दो नाक्ती आं जचा थोव़क दुम्शो बाक्ब। मारदे हना मुरपुकीमी नाक्त किंत किंत “इ परमप्रभु ते बाक्मे?” दे शुक्शी पा हिल्लो पस ङा पस बाक्नीम। भजन संग्रह ७९:१०
Psalm 42:10 in Sunwar 10 आं कली दिप्बपुकीमी आं रुश जिक्शो खोदेंशो पा शुक्शी पाइनीम। मिनु मेकोपुकीमी गेना हना यो “इ परमप्रभु ते बाक्मे” दे शुक्शी पा, हिल्लो पस ङा पस बाक्नीम।
Psalm 58:10 in Sunwar 10 मिनु ठीक पाइबपुकी मरिम्शो पाइब आन कली क्येक्क लेश्शो तशा, ग्येरसीनीम। मिनु मेको आन हुशेम गाक्नीम।
Psalm 79:10 in Sunwar 10 मारदे रागी रागी ङा मुरपुकीमी “मेको आन परमप्रभु ते बाक्म?” दे हिल्लो पाइनीमी। रागी रागी ङा मुरपुकीमी इन मुर आन कली आन ङोंइती साइश्शो आ क्येक्क लेप्ब, दे तुइक्तमेक्ल। भजन संग्रह ११५:२; योएल २:१७
Psalm 109:29 in Sunwar 29 आं कली दोस गेब आन कुल मुनेम सुम्सीमल। मिनु आन मुने दोक्तीके फेक्तीके वा खोदेंशो पा फेक्सीमल।
Psalm 115:2 in Sunwar 2 रागी रागी ङा मुरपुकीमी “मेको आन परमप्रभु ते बाक्म?” दे मारदे हिल्लो पाइनीमी? भजन संग्रह ४२:४
Psalm 137:8 in Sunwar 8 बेबीलोन सहर, गे मुल खतम पोक्चा पुंइसीनेवे। गे मार पवी मेको आ क्येक्क लेप्ब ग्येरसीशो मुर बाक्ब।
Isaiah 25:10 in Sunwar 10 मारदे हना परमप्रभु यावे आ गुइ मेको डांडा तार बाक्ब। मिनु मोआब रागी ङा मुर आन बाक्तीके दिम्चा पुंइसीनीम। मेको नेल्ल मोव़ल वोइक्तीके खोदेंशो पा दिम्चा पुंइसीनीम।
Isaiah 26:5 in Sunwar 5 मारदे हना मेकोमी ठेयब लेश्शो मुर ब्रेम्पाइक्तु। आन सहर कली आइक्च सेल्शा, खपीम वोइश्शा, फुरक नु उइक्थ सेल्तु।
Isaiah 37:10 in Sunwar 10 मार लोव़ सोइक्ताक्व देंशा हना, यहूदा ङा पिप हिज्कीयाह कली “इन थमा सुइश्शो परमप्रभुमी इन कली दूली लां मखोइक्पांइसीन। ‘यरूसलेम अस्सुर ङा पिप आ गुइमी मदुम्ब’ देंनीनी।
Isaiah 41:15 in Sunwar 15 मुल गो इ कली हेल्शो अन्न तुप्तीके सेल्नुङ। मेको हेश्शो, नक नु ख्रुइ पाइश्शो बाक्ब। गे डांडा आन कली तुप्शा, फस सेल्नेवे। पहाड आन कली भूस खोदेंशो सेल्नेवे।
Isaiah 47:5 in Sunwar 5 कल्दी आ तमी ब्वालेइ पा छिङछिङम लशा निस्सो। मारदे हना गे मुल रे राज्यपुकी ङा पिपीम माइक्चा मपुंइसीनेवे।
Isaiah 51:22 in Sunwar 22 परमप्रभु यावे, इ होव़प दुम्शा परमप्रभुमी “गो आं मुर आन कली वारच पाइब बाक्नुङ। गो इ दिङ दाङ गोल्पाइक्ब कचौरा इ गुइ रे लाइक्ता। मुल रे गे आं गाइक्तीक कचौरा लेंशा तूचा ममाल्नेवे।
Isaiah 63:2 in Sunwar 2 मिनु गो “इन फेक्शो वा मारदे लल जिशो बाक्मे? मारदे इन वा अङगुर ख्राक्ब आन के खोदेंशो दुम्मे?” देंती। प्रकाश १९:१३
Jeremiah 50:33 in Sunwar 33 मुर नेल्ल आन परमप्रभु यावेमी “इस्राएल ङा मुर नु यहूदा ङा मुर श्येत गेचा नु दिप्चा पुंइसीनीम। मेको आन कली ग्याइश्शा लाइक्बपुकीम मेको आन कली लचा मगेनीम।
Jeremiah 51:8 in Sunwar 8 बेबीलोन याम कामी गोल्त। मिनु टुक्रा टुक्रा सेल्चा पुंइसाक्व। मेको आ पर्बम रोंका पने। मेको आ गारम ख्रेक्चा कली ख्रेक्तीक चाक्कीन। मो पशोनु, मेको साबा कों। यसैया २१:९
Jeremiah 51:24 in Sunwar 24 गो इ ङोंइती बेबीलोन नु कल्दी रागीम बाक्ब मुर नेल्लेम सियोनम मरिम्शो पशो आ पर्बम क्येक्क लेत्नुङ” दे परमप्रभु यावेम देंत। येरमीया ५०:२९; अय्युब १:१७
Jeremiah 51:51 in Sunwar 51 मेकोपुकीमी “आंइ कली शुक्शी पाइश्शो नेंशा, गो मुने दोक्तक। गो आंइ कुल सुम्तक। मारदे हना परमप्रभु यावे आ खिंम अर्को रागी ङा मुर जाक्शा ओव़तेक्म” देंतेक्म।
Ezekiel 7:18 in Sunwar 18 मेकोपुकीम अरन्डी फेक्चा माल्नीम। शुश हिंतीकेमी मेको आन कली सुम्ब। मेको नेल्ल आन कुल मुनेम सुम्सीचा माल्नीम। मेको नेल्ल आन पिया प्रेक्सीचा माल्नीम। येरमीया ४८:३७
Daniel 3:15 in Sunwar 15 गेपुकीमी मुल ग्रोव़, मुराली, ठेयब नु आइक्च तार पाइश्शो नु मार मार ताप्तीक ताप्शो नेंनीनु, आं सेल्शो मूर्ति आ ङोंइती खुम्की पा बाप्शा, सेउ पाइतीनी हना, मेको इन कली रिम्शो दुम्ब। तन्न खुम्की पा बाप्शा, सेउ मपाइतीनी हना, इन कली ठेयब मी ब्रतीकेमी बो हुम्चा पुंइसीनीनी। मिनु इन कली आं गुइ रे तेको परमप्रभुम प्रोंइबाक्म?” दे माइक्तीमी। प्रस्थान ५:२; २राजा १८:३५
Joel 2:17 in Sunwar 17 परमप्रभु यावे आ ङोंइती गेय पाइब चढ़ेबपुकी परमप्रभु यावे आ खिं ङा पिंडी नु चढ़ेतीक आ दातेम ङाक्मल” देंत। मेकोपुकीमी “परमप्रभु यावे इन मुर आन कली सजाइ मगेने। रागी रागी ङा मुर आन ङोंइती इन मुर आन कली शुक्शी नु तोक्शा लोव़ पाइक्तीक दुम्चा मगेने। मिनु जात जात ङा मुरपुकीमी ‘मार, मेको आन परमप्रभु ते बाक्म?’ देंचा मतामेक्ल” देंतेक्म। भजन संग्रह ७९:१०
Obadiah 1:10 in Sunwar 10 गे इ लोक्ब याकूब कली हुश ख्राक्श पोक्शो आ पर्बम इ कली मुनेम सुम्ब। मिनु गे गेना हना यो कली जाम्शा लाइनेवे। योएल ४:१९
Micah 4:11 in Sunwar 11 मुल शुश रागी रागी ङा मुर इ पर्बम दूली पा बोक्शा ‘सियोन ग्रांग्रा दिशो दुम्ल। गो मेको कली कोव़ना कोव़न बाक्चा तांइसेक्ल’ देंनीम” देंत।
Nahum 2:1 in Sunwar 1 निनवे, इ कली खतम सेल्ब जाक्शो बाक्ब। इ बोल्यो दरवार खाल पावो। इ लां रिम्शो पा कोव़ङो। इ किप्शुर किम्सो। इ बोल नेल्ल ग्रुंइदो। यसैया ५२:७; नहुम १:११
Zechariah 10:5 in Sunwar 5 मिनु मेको नेल्ल लडाइम बाक्शो लडाइ पाइब खोदेंशो बाक्नीम। मेकोपुकीम आन जोरी सत्रु लां ङा हिलोम खोल्शा दिम्नीम। परमप्रभु यावे मेकोपुकी नु बाक्तीके मेकोपुकीमी लडाइ पाइनीम। शारा ङोइक्ब आन कली मुने तोक्नीम।
Malachi 1:5 in Sunwar 5 गेपुकीमी मेको नेल्ल तशा “तेइ तेइ रागी ङा मुरपुकीमी परमप्रभु यावे कली ठेयब सेल्नीम” दे लोव़ पाइनीनी।
Malachi 4:3 in Sunwar 3 मिनु गेपुकीमी आं अरेशो लोव़ मटीब आन कली इन खोइलीमी दिम्नीनी। आं निसाफ पतीक नाक्ती मेको इन खोइलीम दिम्शा, पुलु खोदेंशो सेल्चा पुंइसीनीमी” दे मुर नेल्ल आन परमप्रभु यावेमी देंत।
Matthew 27:43 in Sunwar 43 परमप्रभु यावे कली थमा सुइक्बाक्माक्त। मोपतीके परमप्रभु यावेमी एको कली दाक्ताक्व हना, एको श्येत रे प्रोनल। ‘परमप्रभु यावे आ तौ नङ’ देंत, मोपतीके परमप्रभु यावे आ दाक्शो बाक्माक्त” दे शुक्शी पामे बाक्त। भजन संग्रह २२:९
Revelation 17:1 in Sunwar 1 नोले गो परमप्रभु यावे आ स्वर्ग ङा गेय पाइब का ताता। मेको सु बाक्त देंशा हना, मेको ङोंइती ङा ७ जना श्येतमी ब्रीशो डप्का कुरबपुकी ङा का बाक्त। मिनु मेकोमी “एके पिवो, गो इ कली ब्वाक्कु तार बाक्ब ठेयब तेल्लेम कली गेशो सजाइ कोंइनन। प्रकाश १५:१
Revelation 18:20 in Sunwar 20 मिनु स्वर्गमी बाक्ब नेल्ले ग्येरसीने। परमप्रभु यावे आ योव़शोपुकी, ख्रीस्त आ सोइश्शोपुकी नु परमप्रभु यावे आ लोव़ पाइबपुकी ग्येरसीने। मारदे हना, परमप्रभु यावेमी इन कली गेशो श्येत आ पर्बम मेको कली सजाइ गेप्तु” देंशो नेंता। येरमीया ५१:४८