Mark 8:38 in Sunwar 38 सुमी हेंथे गाक्ब नु पाप पाइब आन पालामी आं पर्बम नु आं लोव़ आ पर्बम मुर आन कली देंचा मुने पाइबा, मेको आ पर्बम रागीम जरमेशोमी यो आ आफ आ छेङछेङ नु आ स्वर्ग ङा गेय पाइबपुकी नु जाक्मेनु मेको कली तशा मुने पाइब” दे माइक्मी बाक्त। मत्ती १०:३३
Other Translations King James Version (KJV) Whosoever therefore shall be ashamed of me and of my words in this adulterous and sinful generation; of him also shall the Son of man be ashamed, when he cometh in the glory of his Father with the holy angels.
American Standard Version (ASV) For whosoever shall be ashamed of me and of my words in this adulterous and sinful generation, the Son of man also shall be ashamed of him, when he cometh in the glory of his Father with the holy angels.
Bible in Basic English (BBE) Whoever has a feeling of shame because of me and my words in this false and evil generation, the Son of man will have a feeling of shame because of him, when he comes in the glory of his Father with the holy angels.
Darby English Bible (DBY) For whosoever shall be ashamed of me and of my words in this adulterous and sinful generation, of him shall the Son of man also be ashamed when he shall come in the glory of his Father with the holy angels.
World English Bible (WEB) For whoever will be ashamed of me and of my words in this adulterous and sinful generation, the Son of Man also will be ashamed of him, when he comes in the glory of his Father with the holy angels."
Young's Literal Translation (YLT) for whoever may be ashamed of me, and of my words, in this adulterous and sinful generation, the Son of Man also shall be ashamed of him, when he may come in the glory of his Father, with the holy messengers.'
Cross Reference Deuteronomy 33:2 in Sunwar 2 “परमप्रभु यावे सीनै रे जाक्शो बाक्ब। मेको सेइर रे पा आंइ ङोंइती ग्रूत। मेको पारान डांडा रे पा टल्केसाक्व। मेको नु लाख लाख आ मुर बाक्तेक्म। आ ग्युरा गे आंम मुर ङा ठेयब हुल बाक्तेक्म। न्यायाधीस ५:४
Daniel 7:10 in Sunwar 10 मिनु मेको शुश बर्स दुम्शो का आ ङोंइती रे मी के खोला खोदेंशो पा ग्रूत। मिनु हजार हजार आ स्वर्ग ङा गेय पाइबमी मेको कली गेय पाम्तेक्म। मिनु १०, १० हजार मेको आ ङोंइती बाक्तेक्म। मिनु मेको निसाफ पचा कली निस्साक्म। मिनु किताबपुकी प्राक्शा वोइक्तेक्म। प्रकाश ५:११; भजन संग्रह ६९:२९; प्रकाश २०:१२
Daniel 7:13 in Sunwar 13 मिनु नोले गो नाक्दो ङा कोंइतीकेमी मुर खोदेंशो का ताता। मेको गोस्सुम गिल्सीशा पिना पिन पशो ताता। मिनु मेको कली शुश बर्स दुम्शो का आ ङोंइती राप्पाइश्शो ताता। लूका २१:२७; प्रकाश १:१३; प्रकाश १४:१४
Zechariah 14:5 in Sunwar 5 गेपुकी परमप्रभु यावे आ डांडा ङा बेंसी रे पा प्रोक्चा माल्नीनी। मेको आस दाते ङा बेंसी आसाल सम्म जाक्दीश्शो बाक्ब। गेपुकी यहूदा ङा पिप उज्जीयाह आ पालामी कुशो ख्रिनुमी मुरपुकी प्रोक्शो खोदेंशो पा प्रोक्नीनी। मिनु नोले परमप्रभु यावे, आं परमप्रभु आ मुर नेल्ल नु यीब। आमोस १:१
Matthew 8:20 in Sunwar 20 मिनु येसुमी “फ्याउरे आन बाक्तीके ढोडोङगा बाक्ब। चिक्ब आन बाक्तीके ग्योव़ बाक्ब। रागीम जरमेशो के बाक्तीक मबाक्ब” देंमाक्त। २कोरिन्थी ८:९
Matthew 10:32 in Sunwar 32 सुमी मुर आन कली ‘येसु आ मुर नङ’ देंबा, गो यो स्वर्गम बाक्ब आं आफ कली ‘एको आं मुर बाक्ब’ देंनुङ। प्रकाश ३:५
Matthew 12:39 in Sunwar 39 मिनु येसुमी “मरिम्शो थुं पाइश्शो नु थमा मसुइक्बपुकीमी चिन्ड कोव़कोव़ दाक्नीम। मेको आन कली परमप्रभु यावे आ लोव़ पाइब योना आ चिन्ड ङा लाक्शा मारेइ चिन्ड मकोंइनुङमी।
Matthew 13:41 in Sunwar 41 रागीम जरमेशोमी परमप्रभु यावे आ गेय पाइब आन कली सोइक्ब। मिनु मेकोपुकीमी आ राज्य रे पाप पपाइक्ब नु पाप पाइब नेल्ल आन कली खुप्शा, मत्ती २४:३१
Matthew 16:4 in Sunwar 4 मरिम्शो पाइब नु देवी देवता नु परमप्रभु यावे खाल्ब पालाम चिन्ड कोव़कोव़ दाक्नीम। मेको आन कली योना आ चिन्ड ङा लाक्शा मारेइ चिन्ड मकोंइनुङमी” देंशा, मेको आन कली प्रोंइशा गाक्त। मत्ती १२:३९-४०
Matthew 16:27 in Sunwar 27 रागीम जरमेशो आ आफ आ दारसमी परमप्रभु यावे आ स्वर्ग ङा गेय पाइबपुकी नु जाक्ब। मिनु मुर आन गेशो पशो कोव़शा, आन गेशो का का पा लेश्शा गेब। रोमी २:६
Matthew 24:30 in Sunwar 30 मिनु सरीङमी रागीम जरमेशो आ चिन्ड तांइसीब। मिनु नेल्ल जात ङा मुरपुकी ङाक्नीम। रागीम जरमेशो कली गोस्स तारी बाक्शा, सक्ति नु ठेयब छेङछेङमी यिशो ताइनीम। प्रकाश १:७; मत्ती २६:६४; दानीएल ७:१३-१४; प्रकाश १९:११-१३
Matthew 25:31 in Sunwar 31 रागीम जरमेशो परमप्रभु यावे आ स्वर्ग ङा गेय पाइबपुकी नु आ छेङछेङमी जाक्शा, आ ठेयब नित्तीकेम निस्सीब। मत्ती १६:२७; प्रकाश २०:११-१३
Matthew 26:64 in Sunwar 64 येसुमी “गे आंमा देंतीनी। मुल ङा मेरे रागीम जरमेशो कली नेल्ल सक्ति पाइश्शो आ ग्युरामी बाक्शो ताइनीनी। गोस्स तारी बाक्शा, यिना यिन पशो ताइनीनी, दे गो इन कली देंनुङ” दे मदा बाक्त। भजन संग्रह ११०:१; मत्ती १६:२७; मत्ती २४:३०; दानीएल ७:१३
Mark 14:62 in Sunwar 62 येसुमी “गो नङ। गे रागीम जरमेशो कली नेल्ल सक्ति पाइश्शो आ ग्युरा गे बाक्शो ताइनीनी। गोस्सुमी गिल्सीशा जाक्ना जाक्न पशो ताइनीनी” दे मदा बाक्त। भजन संग्रह ११०:१; दानीएल ७:१३-१४
Luke 9:26 in Sunwar 26 सुमी आं पर्बम नु आं लोव़ आं पर्बम देंचा कली मुने पाइबा, मेको आ पर्बम रागीम जरमेशोमी, आ आफ आ छेङछेङमी, परमप्रभु यावे आ स्वर्ग ङा गेय पाइबपुकी नु जाक्मेनु ‘मेको कली मतुइक्नुङ, सु बाक्मे?’ देंब। मत्ती १०:३३; २तिमोथी १:८
Luke 12:8 in Sunwar 8 सुमी मुर आन कली ‘गो येसु आ मुर नङ’ देंबा, रागीम जरमेशोमी यो मेको आ पर्बम परमप्रभु यावे आ स्वर्ग ङा गेय पाइब आन ङोंइती ‘मेको आं मुर बाक्ब’ देंब।
Luke 19:26 in Sunwar 26 मिनु मेकोमी ‘सु नु बाक्मे, मेको तेम्शा गेचा पुंइसीब। सु नु मबाक्मे, मेको के बाक्शो यो रोइक्चा पुंइसीब। लूका ८:१८; मत्ती १३:१२
John 1:14 in Sunwar 14 मिनु लोव़ माइश्शो मुर दुम्शा, गोपुकी नु बाक्शो बाक्त। मेको शिशी पाइब नु परमप्रभु यावे आ लां कोंइब बाक्त। गोपुकीमी “परमप्रभु यावे आ कांइचीक तौ बाक्ब” दे तुइश्शा, मेको कली परमप्रभु यावे आ छेङछेङ, आ शिशी नु आ थमा पतीकेमी ब्रीशो ताइतक। १तिमोथी ३:१६; प्रस्थान ३३:१८; यसैया ६०:१; २पत्रुस १:१६-१७
John 1:51 in Sunwar 51 मिनु लोव़ बोइश्शा “नोफा दाइश्शा नेनीने, गेपुकीमी सरीङ रोक्शो ताइनीनी। मिनु परमप्रभु यावे आ स्वर्ग ङा गेय पाइबपुकी रागीमी जरमेशो आ तार जुक्शो नु स्वर्ग गे लेश्शा लशो ताइनीनी” दे माइक्तीमी। उत्पत्ती २८:१२; मत्ती ४:११
John 5:27 in Sunwar 27 मिनु आ तौ कली निसाफ पतीक अधिकार गेप्तु। मारदे हना आ तौ रागीमी जरमेसीशो बाक्ब। दानीएल ७:१३-१४
John 12:34 in Sunwar 34 मिनु मुरपुकीमी येसु कली “परमप्रभु यावे आ लोव़ ब्रेक्शो किताबमी ‘ख्रीस्त गेनायो मबेक्थु बाक्ब’ देंशो नेंतक। गे चहिं ‘रागीमी जरमेशो क्युक्शा साइक्चा पुंइसीब’ देंनीनी। मिनु मेको रागीमी जरमेशो चहिं सु बाक्म?” दे हिल्लो पाम्तेक्म। भजन संग्रह ११०:४; दानीएल ७:१४
Acts 5:41 in Sunwar 41 मिनु सोइश्शोपुकी ग्येरसीशा, मेकेर रे लमा बाक्त। मारदे हना “येसु आ नेंमी श्येत जचा रिम्शो दुम्ब” देंमा बाक्त। मत्ती ५:१०-१२; १पत्रुस ४:१३
Romans 1:16 in Sunwar 16 ग्येरपाइक्तीक लोव़ शेंना शेंन गाक्ङानु, मुने मपथु, शेंनुङ। मारदे हना मेको लोव़मी परमप्रभु यावे पाप रे प्रोंइतीक सक्ति बाक्ब। मेको लोव़ ङोंइती यहूदी आन कली तुइक्पाइश्शो बाक्माक्त। नोले ग्रीक आन कली यो तुइक्पाइश्शो बाक्माक्त। भजन संग्रह ११९:४६; २तिमोथी १:८; १कोरिन्थी १:१८,२४
Galatians 6:14 in Sunwar 14 नें बोरपाइक्चा दा गो यो आं नें बोरपाइश्शा गाक्ती। तन्न मुर आन पशो तशा ममाइ। इं प्रभु येसु ख्रीस्त इं पा ङा शीम केप्शा कांटी थोक्शा साइक्चा पुंइसीशा, इं पाप क्याम्ताक्व, दे ख्रीस्त आ पशो मिम्शा, आं नें बोरपाइश्शा गाक्ती। ख्रीस्त आ गेय ङा लाक्शा मारेइ ठेयब ममिम्नुङ। रागी ङा मिम्तीक पतीक नेल्ल बेक्शो खोदेंशो मिम्ताक्ङ। रागीमी यो आं कली बेक्शो खोदेंशो मिम्ताक्व। १कोरिन्थी १:३१; १कोरिन्थी २:२
1 Thessalonians 1:7 in Sunwar 7 मोपा गेपुकी मासीडोनीया नु आकाया रागी ङा थमा सुइक्ब आन कली रिम्शो कोंइतीक दुम्तीनी।
2 Timothy 1:8 in Sunwar 8 इं प्रभु आ पर्बम लोव़ पचा मुने मपावो। गो प्रभु आ पर्बम जेल्खानम बाक्शो आं पर्बम यो मुने मपावो। तन्न ग्येरपाइक्ब लोव़ आ पर्बम परमप्रभु यावे आ सक्तिमी श्येत फलो। रोमी १:१६; पत्रुस ४:१६
2 Timothy 1:12 in Sunwar 12 मोपतीके गो यो श्येत जाइनुङ। तन्न गो मुने मपाइनुङ, मारदे हना सु कली थमा सुइक्नुङा मेको तुइक्नुङ। मेकोमी आं कली मबेक्ङा सम्म कोव़ने चाप्ब, दे यो तुइक्नुङ।
2 Timothy 1:16 in Sunwar 16 प्रभुमी ओनेसीफरस आ खिं ङा मुर आन कली शिशी पवल। मारदे हना साङलोम पाइश्शो बाक्ङानु, ओनेसीफरस आं पर्बम मुने मपथु, आं कली शुश रिम्शो पाप्तु। २तिमोथी ४:१९
2 Timothy 2:12 in Sunwar 12 गोपुकीमी श्येत फाल्तय हना, मेको नु हुकुम पाइनय। गोपुकीमी ‘मेको कली मतुइक्नुङ’ देंतय हना, मेकोमी यो ‘मतुइक्नुङ’ देंब। मत्ती १०:३३
Hebrews 11:16 in Sunwar 16 तन्न ग्रूशा लशो रागी क्येङा रिम्शो बाक्तीके परमप्रभु यावेम गेब, दे तुइश्शा, परमप्रभु यावे गे लमा बाक्त। मिनु परमप्रभु यावे मेको आन परमप्रभु यावे दुम्चा मुने मपाइब। मेको आन कली बाक्तीके सहर का सेल्शा वोइश्शो बाक्ब।
Hebrews 11:26 in Sunwar 26 मारदे हना इजीप्त ङा शोंप नु मान तशा यो मारेइ मसुइक्थु “ख्रीस्तमी श्येत जशो खोदेंशो पा श्येत जचा थमा ङा शोंप नु मान बाक्ब, दे मिम्ताक्व। मिनु नोले इनाम यो तांइसीब” दे तुइश्शा थमा सुइश्शो बाक्माक्त।
Hebrews 12:2 in Sunwar 2 थमा सुइक्तीक लां कोंइशा, पाको सेल्ब येसु कली मिम्तय। मेकोमी शीम केप्शा कांटी थोक्शा क्याइश्शा साइक्चा पुंइसीचा आ पर्बम, मुने आ पर्बम मारेइ ममिम्ता बाक्त। नोले मान पा ग्येरसीशा बाक्चा ताइनुङ, दे मिम्ता बाक्त। मिनु मुल परमप्रभु यावे आ ग्युरा गे निश्शो बाक्ब। हिब्रू ५:८-९; फिलिप्पी २:८-१०
Hebrews 13:13 in Sunwar 13 आ मुर दुम्शा, मेको मेर ग्रूशा, आ नु काथा बाक्शा, आ बुदी शुक्शी पाइक्चा पुंइसाक्य। हिब्रू ११:२६; हिब्रू १२:२
James 4:4 in Sunwar 4 गे परमप्रभु यावे आ लां प्रोंइशा हेंथे गाक्बपुकी, गे थमा मसुइक्ब आन वारच बाक्तीनी हना, परमप्रभु यावे आ जोरी सत्रु दुम्नीनी। सु थमा मसुइक्ब आन वारच दुम्चा माल्बा, मेको परमप्रभु यावे नु जोरी सत्रु दुम्ब। लूका ६:२६; रोमी ८:७; १यूहन्ना २:१५
1 John 2:23 in Sunwar 23 सु सुमी “येसु ख्रीस्त परमप्रभु यावे आ तौ ममाइ” दे शेंनीमी, मेको इं आफ परमप्रभु यावे नु थुं का ङा मबाक्नीम। सु सुमी चहिं “येसु ख्रीस्त परमप्रभु यावे आ तौ बाक्ब” दे शेंनीमी, मेको इं आफ, परमप्रभु यावे नु थुं का ङा बाक्नीम। यूहन्ना ५:२३; १यूहन्ना ४:१५
Jude 1:14 in Sunwar 14 मिनु आदम रे ७ पाला नोले ङा हनोक माइश्शो मुर का बाक्त। मेकोमी मोदेंशो मुर आ पर्बम परमप्रभु यावेमी तुइक्पाइश्शो लोव़ पवा बाक्त। मेकोमी “नेनीन, प्रभु नु आ योव़शो हजार हजार जाक्तेक्म। हनोक कली हिब्रू लोव़मी एनोक देंनीम।उत्पत्ती ५:२१