Malachi 2:11 in Sunwar 11 यहूदामी आं कली प्रोंइती। मिनु इस्राएल नु यरूसलेममी ग्रांग्रा दित्चा ङा गेय दुम्शो बाक्ब। मारदे हना यहूदामी परमप्रभु यावे आ दाक्शो बाक्तीके ग्रांग्रा दिशो सेल्तु। दोपा मोदेंशो सेल्तु देंशा हना, आंम तौ आन कली देवी देवता आन कली ठेयब सेल्ब मुर आन तमी चाक्तु। एज्रा ९:२
Other Translations King James Version (KJV) Judah hath dealt treacherously, and an abomination is committed in Israel and in Jerusalem; for Judah hath profaned the holiness of the LORD which he loved, and hath married the daughter of a strange god.
American Standard Version (ASV) Judah hath dealt treacherously, and an abomination is committed in Israel and in Jerusalem; for Judah hath profaned the holiness of Jehovah which he loveth, and hath married the daughter of a foreign god.
Bible in Basic English (BBE) Judah has been acting falsely, and a disgusting thing has been done in Jerusalem; for Judah has made unclean the holy place of the Lord which is dear to him, and has taken as his wife the daughter of a strange god.
Darby English Bible (DBY) Judah hath dealt unfaithfully, and an abomination is committed in Israel and in Jerusalem; for Judah hath profaned the sanctuary of Jehovah which he loved, and hath married the daughter of a strange ùgod.
World English Bible (WEB) Judah has dealt treacherously, and an abomination is committed in Israel and in Jerusalem; for Judah has profaned the holiness of Yahweh which he loves, and has married the daughter of a foreign god.
Young's Literal Translation (YLT) Dealt treacherously hath Judah, And abomination hath been done in Israel, and in Jerusalem, For polluted hath Judah the holy thing of Jehovah, That He hath loved, and hath married the daughter of a strange god.
Cross Reference Genesis 6:1 in Sunwar 1 मिनु नोले रागीमी मुर शुश दुम्मा बाक्त। मेकोपुकीमी शुश तमी थीमा बाक्त।
Exodus 19:5 in Sunwar 5 गे आं देंशो लोव़ पाइतीनी नु आं कबल पशो टीतीनी हना, गे नेल्ल जात जात ङा मुर आन दातेमी आं योव़शो मुर दुम्नीनी। मारदे हना रागी नेल्ल आं केन बाक्ब। ब्यवस्था ५:२; ब्यवस्था ७:६
Leviticus 18:24 in Sunwar 24 गेपुकीमी मोदेंशो पाप पा आंम कली ग्रांग्रा मसेलीन। मारदे हना गो मोदेंशो पाप आ पर्बम जात जात ङा मुर इन ङोंइती रे ग्रुंइनुङमी। मेको नेल्लेम मोदेंशो पाप पा ग्रांग्रा दिशो दुम्शो बाक्तेक्म।
Leviticus 20:26 in Sunwar 26 गेपुकी ग्रांग्रा दिशो क्येङा ङोन बाक्शो दुमीन। मारदे हना गो ग्रांग्रा दिशो क्येङा ङोन बाक्शो परमप्रभु यावे नङ। मिनु गो इन कली आं मुर दुम्चा कली अरु मुर रे तिल्शा योव़तन्नी।
Deuteronomy 7:3 in Sunwar 3 मेकोपुकी नु ग्युंबे मपचा। इन तमी मेको आन तौ कली ग्युंबे पा मगेन। इन तौ कली आन तमी मचाक्चा। प्रस्थान ३४:१५-१६
Deuteronomy 14:2 in Sunwar 2 मारदे हना गेपुकी परमप्रभु यावे, इन परमप्रभु आ आंम मुर बाक्नीनी। मिनु परमप्रभु यावेमी जात जात ङा मुर नेल्ल आन दाते रे इन कली आ मुर सेल्चा कली योव़तु।
Deuteronomy 33:26 in Sunwar 26 मिनु “येशुरुन आ परमप्रभु खोदेंशो सुइ मबाक्ब। मेको इ कली वारच पाइक्चा कली स्वर्ग रे पीब। मेको सरीङ मेर रे मान पचा पुंइसीशा पीब। येशुरुन याकूब-इस्राएल कली मान पतीक नें बाक्ब। आ अर्थ ठीक पाइब बाक्ब।ब्यवस्था ३२:१५
Judges 3:6 in Sunwar 6 मिनु मेकोपुकीमी मेको आन तमीपुकी ग्युंबे पा चाक्गमे बाक्त। मिनु आंम तमीपुकी यो मेको आन तौ आन कली ग्युंबे पा गेमे बाक्त। मिनु मेकोपुकीमी मेको आन देवी देवता आन कली यो मार मार चढ़ेशा ठेयब सेल्मे बाक्त। ब्यवस्था ७:३
1 Kings 11:1 in Sunwar 1 पिप सोलोमनम फाराओ आ तमी ग्युंबे पा यो, मेकोमी शुश अर्को रागी ङा मीश मुर, मोआबी, अम्मोनी, एदोमी, सीदोनी नु हित्ती आन कली दाक्तीमी बाक्त। ब्यवस्था १७:१७
Ezra 9:1 in Sunwar 1 मिनु मेको नेल्ल पने थुम्शो नोले का निक्शी योव़चा पुंइसीशो मुरपुकी आं बाक्तीकेम जाक्शा “इस्राएल ङा मुरपुकी, चढ़ेब नु लेवीपुकीमी, कनानी हित्ती, परिज्जी, यबुसी, अम्मोनी, मोआबी, इजीप्ती नु एमोरी आन ग्रांग्रा दिशो गेय रे ङोन मदुम्शो बाक्नीम।
Ezra 9:12 in Sunwar 12 मोपतीके गेपुकीमी इन तमी मेको आन तौ आन कली ग्युंबे पा मगेन। इन तौ आन कली मेको आन तमी नु ग्युंबे पा मचाक्कीन। मिनु गेपुकीमी मेको आन कली रिम्शो दुम्चा नु दारचा कली वारच मपने। मोपा गेपुकी शुश बोल्यो दुम्शा, मेको रागी ङा रिम्शो थोव़क जचा ताइनीनी। मिनु गे मेको रागी इन चच युइ आन कली गेना हना यो आन के दुम्पाइश्शा वोइक्नीनी’ दे लोव़ पपाइक्तीनी।
Ezra 10:2 in Sunwar 2 मिनु एलाम आ चच युइ ङा येहीएल आ तौ शेकन्याहमी एज्रा कली “गो आंइ परमप्रभु कली मटिथु, एको रागी ङा अर्को जात ङा मीश आल ग्युंबे पा चाक्तक। मोदेंशो पाइतक हना यो, इस्राएली आन कली आस पतीके बाक्ब।
Nehemiah 13:23 in Sunwar 23 मिनु मेना यो गो अश्दोदी, अम्मोनी नु मोआबी मीश आन कली चाक्ब यहूदी आन कली ग्रुम्तामी।
Psalm 106:28 in Sunwar 28 मिनु मेकोपुकीमी पेओर ङा बाल कली पूजा पशो बाक्तेक्म। मिनु बेक्शो मुर आन कली चढ़ेशो जशो बाक्तेक्म। गन्ती २५:३
Psalm 106:34 in Sunwar 34 मिनु मेकोपुकीमी परमप्रभु यावे आ देंशो खोदेंशो पा जात जात ङा मुर आन कली मसदमे बाक्त। ब्यवस्था ७:१२; ब्यवस्था १२:२-३; न्यायाधीस १:२८; न्यायाधीस २:२३-३:६
Jeremiah 2:3 in Sunwar 3 इस्राएल आंम परमप्रभु यावे कली आ का ला बाक्शो ग्युम्ली खोदेंशो बाक्त। मेको, आ गेय ङा ङोंइती ङा फल खोदेंशो बाक्त। मेको कली नेक्ब नेल्ल दोस ताइब दुम्तेक्म। मेको श्येत जाम्तेक्म’ देनो” दे माइक्ती। प्रस्थान २८:३६; आमोस ६:१; याकूब १:१८
Jeremiah 2:7 in Sunwar 7 गो इन कली रिम्शो रागीम चाक्तन्नी। मेकेर ङा फल नु रिम्शो थोव़क जपाइक्चा कली चाक्तन्नी। तन्न गेपुकी जाक्शा, आं रागी मरिम्शो सेल्तीनी। आं रागी कली ग्रांग्रा दिशो सेल्तीनी। ब्यवस्था १:२५; न्यायाधीस २:१-२
Jeremiah 2:21 in Sunwar 21 गो इ कली नेल्ल क्येङा रिम्शो अङगुर बोट ख्रुम्ता। गे दोपा मरिम्शो दुम्शा ब्वाकी ङा अङगुर बोट खोदेंशो दुमे? भजन संग्रह ८०:९; यसैया ५:१-४
Jeremiah 3:7 in Sunwar 7 मेकोमी मोदेंशो नेल्ल पा आं गे लेप्ब, दे मिम्ताक्ङ। तन्न मेको मले। मिनु मेको नेल्ले जोल पाइब आ लोक्ब यहूदाम ताप्तु। २कोरिन्थी ७:८-९; इजीकीएल २३:२,४१
Jeremiah 7:10 in Sunwar 10 मो हना यो आं ङोंइती आं नें बाक्शो खिंम राप्शा बाक्नीनी। आं ङोंइती राप्शा ‘गो रिम्शो बाक्नीकी’ देंनीनी। मेकेर रे लेश्शा इन ग्रांग्रा दिचा ङा गेय लेंशा पाइनीनी।
Ezekiel 18:13 in Sunwar 13 मेकोम आ चाइक्ब ताक्शा ला जेर गेब, मार मोदेंशो मुर ब्रोंइचा ताइबा ङा? मेको ब्रोंइचा मताइब। मोदेंशो ग्रांग्रा दिशो गेय नेल्ल पतीके, मेको थमा पा बेक्चान माल्ब। मेको आ हुश आ दोस मेको आंमा राइब।
Ezekiel 22:11 in Sunwar 11 मेकेर मुरुम आन नेक्था ङा मुर आन मीश नु इप्शा ग्रांग्रा दिशो गेय पाइनीम। मिनु का निक्शीमी आन चाइमी कली बिथोलो पाइनीम। का निक्शीमी आंम आफ आ तमी कली बिथोलो पाइनीम। लेवी १८:२०; लेवी १८:१५; लेवी १८:९
Hosea 6:7 in Sunwar 7 मेकोपुकीमी आदम सहर ङा मुर खोदेंशो पा गो नु पशो कबल प्रोंइतेक्म। मेकोपुकीमी आं कली थमा मसुइक्थु प्रोंइतेक्म। यहोसु ३:१६
2 Corinthians 6:14 in Sunwar 14 नेनीन, थमा मसुइक्ब आन कली इन थुं मगेने। मारदे हना ठीक पतीके नु परमप्रभु यावे कली मटितीके दोपा गारनीस? छेङछेङ नु छिङछिङ दोपा गारनीसी? एफिसी ५:११
Revelation 21:8 in Sunwar 8 तन्न मुर तशा हिंबपुकी, परमप्रभु यावे कली थमा मसुइक्बपुकी, पापमी ग्रुम्शोपुकी, मुर आन कली साइक्बपुकी, तेल्लेम पाइबपुकी, टुना मुना पाइबपुकी, देवी देवता आन कली पूजा पाइबपुकी, नु जोल पाइबपुकी नेल्ल गन्धक रे हुरुर पा ब्रशो मीमी हुम्चा पुंइसीनीम। मिनु मेको नोले ङा बेक्तीक बाक्ब” दे माइक्ती।