John 20:31 in Sunwar 31 मिनु मेको ब्रेक्शो छक लाक्चा ङा गेयपुकी मारदे ब्रेक्शो बाक्नीम देंशा हना, गेपुकीमी “येसु ख्रीस्त, परमप्रभु यावे आ तौ बाक्ब” दे थमा सुइक्ने चापीन। मिनु थमा सुइश्शा, आ नेंमी गेना हना यो ब्रोंइशा बाक्चा ताइनीनी, दे ब्रेक्शो बाक्ब। १यूहन्ना ५:१३
Other Translations King James Version (KJV) But these are written, that ye might believe that Jesus is the Christ, the Son of God; and that believing ye might have life through his name.
American Standard Version (ASV) but these are written, that ye may believe that Jesus is the Christ, the Son of God; and that believing ye may have life in his name.
Bible in Basic English (BBE) But these are recorded, so that you may have faith that Jesus is the Christ, the Son of God, and so that, having this faith you may have life in his name.
Darby English Bible (DBY) but these are written that ye may believe that Jesus is the Christ, the Son of God, and that believing ye might have life in his name.
World English Bible (WEB) but these are written, that you may believe that Jesus is the Christ, the Son of God, and that believing you may have life in his name.
Young's Literal Translation (YLT) and these have been written that ye may believe that Jesus is the Christ, the Son of God, and that believing ye may have life in his name.'
Cross Reference Psalm 2:7 in Sunwar 7 परमप्रभु यावेमी लोव़ पा आं कली “गे आं तौ नवे, मुलाक्ती गो इ कली सेल्ता” देंत। भजन संग्रह ८९:२७-२८; २सामुएल ७:१४; प्रेरित १३:३३; हिब्रू १:५, हिब्रू १:५; हिब्रू ५:५
Psalm 2:12 in Sunwar 12 मिनु आ तौ आ ङोंइती बाप्शा, आ खोइल पुक्पु पने। मेको गाइक्ताक्व हना, गेपुकी लांमीन जाम्शा लाइनीनी। मो मपाइतीनी हना, गाइक्चा चिक्शो बाक्ब। सु सु मेको कली थमा सुइश्शा, आ नेक्था लाइनीमी, मेको ग्येरसीशो मुर दुम्नीमी।
Matthew 4:3 in Sunwar 3 मिनु सैतानमी येसु कली “मार, गे परमप्रभु यावे आ तौ नवे हना, एको फुल्लु आन कली शोब्ले दुमीन देंशा शोब्ले सेलो” देंमाक्त। उत्पत्ती ३:१-७
Matthew 16:16 in Sunwar 16 सिमोन पत्रुसमी “ब्रोंइशा बाक्ब परमप्रभु यावे आ तौ ख्रीस्त बाक्नीनी” देंत। यूहन्ना ६:६९
Matthew 27:54 in Sunwar 54 येसु कली खाल पाइब कप्तान नु सिपाहीपुकीमी ख्रिनु कुशा नु मोपा हिंचा ङा गेय दुम्शो तशा, शुश हिंशा “एको परमप्रभु यावे आ तौ बाक्माक्त” देंमुमा बाक्त।
Mark 16:16 in Sunwar 16 सुमी थमा सुइश्शा, ब्वाक्कुमी ख्रुम्शा ग्रुंइचा पुंइसीबा, मेको ब्रोंइचा ताइब। सुमी चहिं थमा मसुइक्बा, मेको सजाइ गेचा पुंइसीब। प्रेरित २:३८; प्रेरित १६:३१-३३
Luke 1:4 in Sunwar 4 लोव़ का निक्शी ङोंइती नेंनी माइ। एको आं ब्रेक्शो यो पढेतीनी हना, गेमी यो “थमा बाक्माक्त” दे थमा सुइक्नीनी।
Luke 24:47 in Sunwar 47 मिनु यरूसलेम रे पा रागी नेल्ल ङा मुर आन कली ‘गे इन थुं परमप्रभु यावे गे लेत्चा माल्नीनी। मिनु येसु ख्रीस्त आ नेंमी पाप क्याम्चा तांइसीब’ दे नेंपाइक्चा माल्ब” देंमाक्त। प्रेरित २:३८ प्रेरित १७:३०
John 1:49 in Sunwar 49 मिनु नथानेलमी “शेंब, गे परमप्रभु यावे आ तौ ननी। गे इस्राएल ङा मुर आन पिप ननी” देंत। यूहन्ना ६:६९; भजन संग्रह २:७; येरमीया २३:५; मत्ती १४:३३; मत्ती १६:१६
John 3:15 in Sunwar 15 मारदे क्युक्चा पुंइसीब देंशा हना, सुमी मेको कली थमा सुइक्बा, मेको गेना हना यो ब्रोंइशा बाक्चा ताइब” देंत।
John 3:18 in Sunwar 18 सुमी परमप्रभु यावे आ तौ कली थमा सुइक्बा, मेको स्वर्गमी निसाफ पचा मपुंइसीब। सुमी चहिं थमा मसुइक्बा, मेको ङोंइती रेन निसाफ पा सजाइ तचा पुंइसीब दुम्शो बाक्ब। मारदे हना मेकोमी परमप्रभु यावे आ कांइचीक तौमी पाप रे प्रोंइब, दे थमा मसुइश्शो बाक्ब। यूहन्ना ५:२४
John 3:36 in Sunwar 36 सुमी आ तौ आ देंशो थमा सुइक्बा, मेको गेना हना यो ब्रोंइशा बाक्चा ताइब। सुम चहिं आ देंशो मटीबा, मेको गेना हना यो ब्रोंइशा बाक्चा मतथु, परमप्रभु यावे आ गाइश्शो ताइब” दे यूहन्नामी शेंताक्व।
John 5:24 in Sunwar 24 नोफा दाइश्शा नेनीन, सुमी आं लोव़ नेंबा नु आं कली सोइक्ब आं आफ परमप्रभु यावे कली थमा सुइक्बा, मेको गेना हना यो ब्रोंइशा बाक्चा ताइब। सजाइ मताइब। मारदे हना बेक्शो रे गेना हना यो ब्रोंइशा बाक्चा ताइब। यूहन्ना ३:१६-१८
John 5:39 in Sunwar 39 गे परमप्रभु यावे आ लोव़ शेंसीन सीन बाक्नीनी। मारदे हना मो पशोनु, ब्रोंइशा बाक्चा तांइसीब, दे मिम्नीनी। मिनु परमप्रभु यावे आ लोव़मी आं पर्बम ब्रेक्शो बाक्त। लूका २४:२७,४४; २तिमोथी ३:१५-१७
John 6:40 in Sunwar 40 मिनु सु सुमी परमप्रभु यावे आ तौ, दे आं कली तुइक्नीमी नु थमा सुइक्नीम। मेको आन कली नोले ङा नाक्तीमी सेंपाइश्शा, गेना हना यो ब्रोंइशा बाक्चा गेनुङमी। आं आफ आ दाक्शो गेय मेकोन बाक्त” दे यहूदी आन कली शेंताक्व। यूहन्ना ५:२९; यूहन्ना ११:२४
John 6:69 in Sunwar 69 गे परमप्रभु यावेमी योव़शा सोइश्शो ननी, दे तुइश्शा थमा सुइक्नीकी” देंत। मत्ती १६:१६
John 9:35 in Sunwar 35 मिनु येसुमी मेको कली यहूदी आन ग्रुम्तीक खिं रे तिल्तेक्म देंशो नेंशा, मेको कली ग्रुम्शा “गे रागीमी जरमेशो कली थमा सुइक्नेवे?” दे हिल्लो पाप्तु।
John 10:10 in Sunwar 10 खुइमी दा खुइ पथ, साइक्थ नु प्रेत्थ ला जाक्ब। गो चहिं भेडा आन कली ब्रोंइचा गेशा, ग्येरसीशा बाक्मल, दे जाक्ती” दे शेंताक्व।
John 19:35 in Sunwar 35 मेको नेल्ल ताइबमी मेको दुम्शो आ पर्बम सांकछी बाक्शा, थमा लोव़ पाइब। गेपुकी यो थमा सुतीन दे मेकोमी थमा लोव़ पाइब।
John 20:28 in Sunwar 28 थोमासमी “आं प्रभु, आं परमप्रभु यावे” देंत। यूहन्ना १:१
Acts 3:16 in Sunwar 16 परमप्रभु आ सक्ति येसु नु बाक्ब। मिनु येसु आ नें थिशा थमा सुइश्शा, सक्ति पाइश्शो गेय पचा तांइसीब, दे थमा सुइक्नीकी। मिनु आंइ कली थमा सुइश्शो तशा, परमप्रभुमी एको मुर कली सापाइश्शा कोंइताक्व। मिनु साशा सेस दुम्शो ताइतीनी।
Acts 8:36 in Sunwar 36 मोपा लसा लसा ब्वाक्कु बाक्तीकेमी जाक्दीस्सा बाक्त। मिनु ठेयब मुरुमी “एकेर ब्वाक्कु बाक्त, एको ब्वाक्कुम ख्रुम्शा ग्रुंइचा पुंइसीनुङ, दुम्बा?” देंमाक्त।
Acts 9:20 in Sunwar 20 मिनु सावल ग्रुम्तीक खिं खिं लशा “येसु परमप्रभु यावे आ तौ बाक्ब” दे शेंना शेंन यहूदी आन कली येसु आ पर्बम शुश लोव़ तुइक्पाइक्मी बाक्त।
Acts 10:43 in Sunwar 43 सु सुमी येसु कली थमा सुदमे, मेकोपुकी येसु आ नेंमी आन पाप क्याम्चा पुंइसीनीम। साइ ङोंइती रे परमप्रभु यावे आ लोव़ पाइबपुकीमी मोदेंशो देंशो बाक्नीम” दे शेंदीमी बाक्त। यसैया ५३:५-६; येरमीया ३१:३४
Acts 13:38 in Sunwar 38 मोपतीके आं लोक्बपुकी, आं लोव़ रुपीने। मेको येसुमी मुर आन पाप क्याम्शा गेब, दे इन कली शेंनीकी। रोमी ८:३-४
Romans 1:3 in Sunwar 3 येसु ख्रीस्त पिप दाऊद आ थरमी मुर दुम्शा, जरमेशो बाक्माक्त। रोमी ९:५; २सामुएल ७:१२; मत्ती २२:४२
1 Peter 1:9 in Sunwar 9 इन थमा सुइक्तीकेमी पाप रे ब्रोंइचा ताइनीनी।
1 John 2:23 in Sunwar 23 सु सुमी “येसु ख्रीस्त परमप्रभु यावे आ तौ ममाइ” दे शेंनीमी, मेको इं आफ परमप्रभु यावे नु थुं का ङा मबाक्नीम। सु सुमी चहिं “येसु ख्रीस्त परमप्रभु यावे आ तौ बाक्ब” दे शेंनीमी, मेको इं आफ, परमप्रभु यावे नु थुं का ङा बाक्नीम। यूहन्ना ५:२३; १यूहन्ना ४:१५
1 John 4:15 in Sunwar 15 सुमी “येसु परमप्रभु यावे आ तौ बाक्ब” देंबा, मेको परमप्रभु यावे नु थुं का ङा बाक्ब। मिनु परमप्रभु यावे यो मेको नु थुं का ङा बाक्ब। १यूहन्ना ५:५
1 John 5:1 in Sunwar 1 मिनु सुमी “येसु परमप्रभु यावे आ सोइश्शो ख्रीस्त बाक्ब” दे थमा सुइक्बा, मेको मुर परमप्रभु यावे आ आल बाक्ब। मिनु सुमी आफ कली दाक्बा, मेकोमी आ आल कली यो दाक्ब।
1 John 5:10 in Sunwar 10 सु परमप्रभु यावे आ तौ कली थमा सुइक्बा, मेको मुर आ थुंमी सांकछी लीब। सु चहिं परमप्रभु यावे कली थमा मसुइक्बा, मेकोमी “परमप्रभु यावे जोल्फे बाक्ब” देंब। मारदे हना “आं तौ बाक्ब” दे परमप्रभु यावेमी देंशो थमा मसुइक्ब। यूहन्ना ३:३२-३४; रोमी ८:१६
1 John 5:20 in Sunwar 20 मिनु परमप्रभु यावे आ तौमी इं कली रुप्तीक थुं गेप्तु, दे तुइक्नय। मेको रुप्तीक थुंमी थमा पतीके कली तुइक्नय। गोपुकी मेको थमा पाइब नु थुं का ङा बाक्नय। मोपा आ तौ येसु ख्रीस्त नु यो थुं का ङा बाक्नय। मेको थमा परमप्रभु यावे नु गेना हना यो ब्रोंइशा बाक्तीक बाक्ब। यूहन्ना १७:३
2 John 1:9 in Sunwar 9 सुम चहिं ख्रीस्त आ थमा शेंतीके लोव़ प्रोंइबा, मेको परमप्रभु यावे नु थुं का मबाक्ब। सुम चहिं ख्रीस्त आ थमा शेंतीक लोव़ मप्रोंइबा, मेको आफ नु तौ निम्फा नु थुं का ङा बाक्ब। १यूहन्ना २:२३
Revelation 2:18 in Sunwar 18 मिनु परमप्रभु यावे आ तौमी आं कली थिआटीरा सहर ङा थमा सुइक्ब आन शेंब कली ब्रेक्पाइक्ती। एको आ मिक्च हुरुर पा ब्रशो मी खोदेंशो तांइसीशो नु आ खोइली याप्पाइश्शो टल्केशो कांसा खोदेंशो तांइसीशो आ लोव़ बाक्ब। प्रेरित १६:१४; प्रकाश १:१४-१५