Jeremiah 30:15 in Sunwar 15 मारदे गे इ मसाब गार आ पर्बम वाइ ब्रेश्शा ङाक्नेवे? इ खाइश्शो मसाब। मारदे हना इ दोस तशो नु इ शुश पाप पशो आ पर्बम गो इ कली मो पाइश्शो बाक्नुङ।
Other Translations King James Version (KJV) Why criest thou for thine affliction? thy sorrow is incurable for the multitude of thine iniquity: because thy sins were increased, I have done these things unto thee.
American Standard Version (ASV) Why criest thou for thy hurt? thy pain is incurable: for the greatness of thine iniquity, because thy sins were increased, I have done these things unto thee.
Bible in Basic English (BBE) Why are you crying for help because of your wound? for your pain may never be taken away: because your evil-doing was so great and because your sins were increased, I have done these things to you.
Darby English Bible (DBY) Why criest thou because of thy bruise? thy sorrow is incurable; for the greatness of thine iniquity, [because] thy sins are manifold, I have done these things unto thee.
World English Bible (WEB) Why cry you for your hurt? your pain is incurable: for the greatness of your iniquity, because your sins were increased, I have done these things to you.
Young's Literal Translation (YLT) What! -- thou criest concerning thy breach! Incurable `is' thy pain, Because of the abundance of thy iniquity, Mighty have been thy sins! I have done these to thee.
Cross Reference Joshua 9:10 in Sunwar 10 यर्दन आइक्ची हांबु ङा एमोरी आन पिप निक्शी, हेश्बोन ङा पिप सीहोन कली नु अश्तारोथम बाक्ब बाशान ङा पिप ओग कली मार मार पनी मेको नेल्ल नेंतक। गन्ती २१:२१-३५
2 Chronicles 36:14 in Sunwar 14 मेको प्रोंइशा, चढ़ेब नु मुरपुकीम थाम्पा मरिम्शो पा, रागी रागी ङा मुर आन ग्रांग्रा दिशो गेयपुकी नेल्ल पामे बाक्त। मोपा यरूसलेम ङा परमप्रभु यावे आ खिं ग्रांग्रा दिशो सेल्मे बाक्त। ब्यवस्था १८:९
Ezra 9:6 in Sunwar 6 “आं परमप्रभु, गो इन कली आं कुल कोंइचा थाम्पा मुने पाता। मारदे हना आंइ मरिम्शो पतीके आंइ पिया क्येङा यो लाक्शो बाक्ब। मिनु आंइ दोस सरीङ सम्म जाक्दीशो बाक्ब। दानीएल ९:७-८
Ezra 9:13 in Sunwar 13 गोपुकीमी आंइ मरिम्शो पतीके नु आंइ ठेयब दोस आ पर्बम श्येत जशो बाक्तक। मो हना यो आंइ परमप्रभुमी आंइ तचा माल्शो क्येङा इच्का ला सजाइ गेतीनी। मिनु आंइ कली ब्रोंइचा गेतीनी।
Nehemiah 9:26 in Sunwar 26 मेको नेल्ल तशा यो इन देंशो मटिथु, ठेयब लेश्शा, इन अरेशो लोव़ मटीमे बाक्त। इन लोव़ पाइबपुकीमी आन कली ‘गे मरिम्शो पाइब बाक्नीनी। आं गे लेतीन’ देंमानु, मेको आन कली सदमे बाक्त। मिनु मेकोपुकीमी शुश शुक्शी पामे बाक्त।
Job 34:6 in Sunwar 6 गो ठीक पाइब बाक्ती हना यो, आं कली जोल पाइब सुइक्ती। गो हेंथे मपाता हना यो, आं गार मसा’ देंत। अय्युब ९:१५,२०; अय्युब ६:४
Job 34:29 in Sunwar 29 तन्न मेको सिक्सी पा बाक्त हना, सुम मेको कली दोस गेने चाप्बा ङा? मेकोम आ कुल ख्रुइक्ताक्व हना, सुम मेको कली तने चाप्बा ङा? रागी ङा मुर नेल्ल कली नु मुर का कली मेको कान बाक्ब।
Isaiah 1:4 in Sunwar 4 आबी, पापम ब्रीशो रागी, मुरपुकी मरिम्शो पतीकेम ब्रीशो बाक्नीम। मेको आन आल काइ मरिम्शो पाइब दुम्तेक्म। मेकोपुकी शोर गाक्शो बाक्नीम। परमप्रभु यावे कली प्रोंइशो बाक्नीम। इस्राएली आन का ला बाक्शो परमप्रभु आ पर्बम ‘ममाल्नीकी’ देंशो बाक्नीम। मेकोपुकी नोले शोंइसीशो बाक्नीम।
Isaiah 1:21 in Sunwar 21 परमप्रभु यावेमी “आं थमा सुइश्शो सहर दोपा तेल्लेम दुम्मे? ठीक निसाफ नु ठीक पतीके मेको नु बाक्त। मुल मेको मुर साइक्ब मुरुम ब्रीतेक्म।
Isaiah 5:2 in Sunwar 2 मिनु मेकोमी रू दोशा, फुल्लु गुप्शा ताइक्ताक्व। मिनु नेल्ल क्येङा रिम्शो अङगुर बोट ख्रुम्तु। मेकोमी रू आ दातेमी खाल पतीक खिं का सेल्तु। मिनु मेकेर कोल का यो सेल्तु। मिनु अङगुर सिप्ब दे आस पाप्तु। तन्न ब्वाकी ङा अङगुर कका सित्तेक्म।
Isaiah 30:13 in Sunwar 13 मोपा इन मरिम्शो पशो ब्रेत्चा चिक्शो लाइश्शो गारो खोदेंशो दुम्शो बाक्ब। मेको इन मतुइक्थु याम काम ब्रेप्ब।
Isaiah 59:1 in Sunwar 1 कोव़ङीन, परमप्रभु यावे आ मुर आन कली पाप रे प्रोंइतीक सक्ति मपाइश्शो मदुम्शो बाक्ब। आ नोफा मथांइशो बाक्ब। यसैया ५०:२
Isaiah 59:12 in Sunwar 12 इन ङोंइती आंइ हेंथे पशो शुश बाक्ब। आंइ पशो पापमी इन कली तुइक्पाइक्ब। गो मरिम्शो पाइब बाक्नीकी, दे तुइक्नीकी। आंइ हेंथे पशो थमा पा गोपुकी नु बाक्ब। गोपुकी आंइ मरिम्शो पशो तुइक्नीकी। येरमीया १४:७
Jeremiah 2:19 in Sunwar 19 इन परमप्रभु यावे आ अरेशो लोव़ मटितीकेमी इन कली सजाइ गेब। इन प्रोंइशोमी इन कली हुइक्ब। गेपुकीम इन परमप्रभु यावे कली प्रोंइशो थम मरिम्शो नु इन थुं कशो दुम्शो बाक्ब, दे तुइक्तीन। मिनु आं कली मान पा हिंतीके गे नु मबाक्ब” दे परमप्रभु, मुर नेल्ल आन परमप्रभु यावेमी देंत।
Jeremiah 2:28 in Sunwar 28 तन्न आंम इन सेल्शो देवी देवता ते लाक्गमे? मेकोपुकीमी इन कली प्रोंइने चाप्तेक्म हना, इन श्येत जची ना मेको आन कली जाक्पतीन। मारदे हना यहूदा, गे इ के गिश सहर बाक्मा, मिश देवी देवता बाक्नीम। ब्यवस्था ३२:३७-३८; न्यायाधीस १०:१४; येरमीया ११:१३
Jeremiah 5:6 in Sunwar 6 मोपतीके परमप्रभुमी “ब्वाकी ङा गुप्स कामी मेको आन कली ग्राम्शा साइक्ब। गोरशो रागी ङा फर कामी मेको आन कली खतम सेल्ब। जोइ का मेको आन सहर कोव़ना कोव़न बाक्शो बाक्ब। सु मेकेर रे ग्रूबा, मेकोमी मेको कली क्राइश्शा चोकटा लाम्टा सेल्ब। मारदे हना मेकोपुकी शुश हेंथे गाक्ब बाक्नीम। मेको आन मटितीके ठेयब बाक्ब” देंत। येरमीया ४:७
Jeremiah 5:25 in Sunwar 25 परमप्रभु यावेमी “इन मरिम्शो पशोम एको नेल्ल मरिम्शो दुम्त। इन पाप आ पर्बम गे मेको रिम्शो मताइनीनी। यसैया ५९:२
Jeremiah 6:6 in Sunwar 6 मुर नेल्ल आन परमप्रभु यावेम “मेको आ रवापुकी क्योरशा तिमीन। मिनु यरूसलेम ङा गारो ङोइक्तीक सेलीन। मेको सहर कली सजाइ गेचा माल्ब। मेको सहर मरिम्शो पतीकेम ब्रीशो बाक्ब।
Jeremiah 6:13 in Sunwar 13 परमप्रभु यावेमी “नेल्ल क्येङा आइक्च मुर रे नेल्ल क्येङा ठेयब सम्म ठीक पा मचेम्शो क्येट तचा कली शिंम दुम्शो बाक्नीम। परमप्रभु यावे आ लोव़ पाइब रे चढ़ेब सम्म नेल्ल जोल पाइब दुम्शो बाक्नीम। येरमीया ८:१०-१२; इजीकीएल १३:१०-१६; १थिस्सलोनिकी ५:३
Jeremiah 7:8 in Sunwar 8 तन्न गेपुकी दा जोल लोव़ कली थमा सुइक्नीनी। मेको नेल्ल मोशा बाक्नीम।
Jeremiah 9:1 in Sunwar 1 परमप्रभुमी “आं पिया ब्वाक्कु बुक्तीक दुम्शो हना, नु आं मिक्ची प्रेक्कु बुक्तीक दुम्शो हना, गो नाक्दो नाक्ती ङाक्ङ वा। श्येत जशो साइश्शो आं मुर आन पर्बम ङाक्ङ वा। येरमीया १३:१७; लूका १९:४१
Jeremiah 11:13 in Sunwar 13 यहूदा, इ के दोशो सहर बाक्मा, मोशो इ देवी देवता दुम्तेक्म। यरूसलेममी गिश लां बाक्मा, मीश मुने दोक्तीक बाल देवता कली चढ़ेतीक सेल्तेक्म।
Jeremiah 15:18 in Sunwar 18 आं श्येत जतीक मारदे मनुम्मे? मिनु आं गार मारदे मसाब दुम्मे? गे आं कली मरिम्शो नु ब्वाक्कु मबाक्शो खोला खोदेंशो दुम्तीनी” देंती।
Jeremiah 30:12 in Sunwar 12 मिनु परमप्रभु यावेम “इ गार मसाब। मेको मरिम्शो बाक्ब। येरमीया १५:१८
Jeremiah 30:14 in Sunwar 14 इ वारच नेल्लेम इ कली प्रेंने थुम्तेक्म। मेकोपुकीमी इ कली गेनायो ममिम्नीम। गो इ ठेयब दोस तशो नु इ शुश पाप आ पर्बम पतीके जोरी सत्रुम खोदेंशो पा तुप्तन। मिनु शिशी मपाइक्बम खोदेंशो पा गो इ कली सजाइ गेतन।
Jeremiah 30:17 in Sunwar 17 गो इ कली लेंशा ङोंइती ङा खोदेंशो मारेइ मदुम्शो सेल्नुङ। मिनु इ गारपुकी सापाइक्नुङमी। मारदे हना इ कली ‘प्रोंइचा पुंइसीशो नु सुइम मिम्चा मपुंइसीशो सियोन’ देंनीम” दे परमप्रभु यावेमी देंत। येरमीया ३३:६; यसैया ५७:१८-१९
Jeremiah 32:30 in Sunwar 30 मारदे हना इस्राएल ङा मुर नु यहूदा ङा मुरुम आन ठिटा रेन आं ङोंइती मरिम्शो गेय ङा लाक्शा अरु मारेइ मपामे। थमा पा इस्राएल ङा मुरपुकीम आन गुइ ङा गेयम आं कली गाइक्पाइक्चा ङा लाक्शा, अरु मारेइ मपामे।
Jeremiah 46:11 in Sunwar 11 गे कन्ने मीश आल इजीप्त, इर गिलादम लशा ख्रेक्तीके चाक्को। गे शोर गाक्शो शुश खाल ङा ओख्ती ख्रेक्साक्वे। तन्न गे मसानेवे। येरमीया ८:२२
Lamentations 1:5 in Sunwar 5 मेको आ जोरी सत्रु आ होव़प दुम्तेक्म। मेको आन माल्शो शुश ताइनीम। मारदे हना परमप्रभु यावेमी मेको आ शुश हेंथे पशो तशा, यरूसलेम कली श्येत गेप्तु। मेको आ आल ग्याइश्शा लाइक्चा पुंइसीशा, आन जोरी सत्रु आन ङोंइती लाम्तेक्म।
Lamentations 3:39 in Sunwar 39 मारदे मुरुमी आंम पाप आन पर्बम सजाइ तामेनु, गन गन पाइनीमी?
Lamentations 4:13 in Sunwar 13 परमप्रभु यावे आ लोव़ पाइब आन पाप नु चढ़ेब आन मरिम्शो पशो आन पर्बम मो दुम्शो बाक्त। मेकोपुकीमी सहर आ दातेम ठीक पाइब मुर आन कली हुश ख्राक्श पोक्तेक्म।
Lamentations 5:16 in Sunwar 16 सिरपेच आंइ पिया रे दोक्त। आबी, गो पाप पाइतक। येरमीया १३:१८
Ezekiel 16:1 in Sunwar 1 परमप्रभु यावेमी आं कली लोव़ पाप्तु।
Ezekiel 20:1 in Sunwar 1 मिनु ७ बर्स ङा ५ महिना ङा १० नाक्ती इस्राएल ङा खाल्पापुकी परमप्रभु यावे कली हिल्लो पचा कली जाक्शा आं ङोंइती बाक्तेक्म। इजीकीएल १४:१
Ezekiel 22:1 in Sunwar 1 परमप्रभु यावेमी आं कली लोव़ पाप्तु।
Hosea 5:12 in Sunwar 12 मिनु गो एफ्राइम ङा मुर आन कली तुम्ब नु यहूदा ङा मुर आन कली राक्शो खोदेंशो दुम्शो बाक्नुङ।
Micah 1:9 in Sunwar 9 मारदे हना मेको आ गार मसाब। मेको यहूदा सम्म जाक्शो बाक्ब। मेको आं मुर आन बाक्तीक यरूसलेम सहर ङा ठेयब लाप्चो सम्म जाक्दीश्शो बाक्ब।
Micah 7:9 in Sunwar 9 आं कली निसाफ पा वारच मपवा सम्म गो परमप्रभु यावे आ गाइश्शो फाल्चा माल्नुङ। मारदे हना गो मेको कली पाप पाता। मेकोमी आं कली आ शिशी तपाइक्चा कली छेङछेङम ग्रुंइब। येरमीया १४:७
Zephaniah 3:1 in Sunwar 1 मेकोमी “आं देंशो गेनायो मटीब, ग्रांग्रा दिचा ङा नु मुर आन कली दिप्ब सहर बाक्ब।
Malachi 4:1 in Sunwar 1 मुर नेल्ल आन परमप्रभु यावेमी “आं निसाफ पतीक नाक्ती जाक्ब। मेको ठेयब मी खोदेंशो पा ब्रशो बाक्ब। मेना ठेयब लेश्शो नु मरिम्शो पाइब नेल्ल सोव़शो ठुटा खोदेंशो बाक्नीम। मेको नाक्ती मीम मेको आन कली नेक्ब। मिनु मेको आन शाक्श नु राशी यो मलीब।