Isaiah 41:17 in Sunwar 17 मेकोमी लेंशा “प्रुङग नु क्येट मथीबम ब्वाक्कु माल्नीम। तन्न मथित्नीम। मेकोपुकी तूतू दाक्शा, आन लाकचा सोव़ब। गो, परमप्रभु यावेमी, मेको आन लोव़ नेंनुङ। मिनु गो, इस्राएली आन परमप्रभुमी मेको आन कली मप्रोंइथु, मेको नु बाक्नुङ।
Other Translations King James Version (KJV) When the poor and needy seek water, and there is none, and their tongue faileth for thirst, I the LORD will hear them, I the God of Israel will not forsake them.
American Standard Version (ASV) The poor and needy seek water, and there is none, and their tongue faileth for thirst; I, Jehovah, will answer them, I, the God of Israel, will not forsake them.
Bible in Basic English (BBE) The poor and crushed are looking for water where no water is, and their tongue is dry for need of it: I the Lord will give ear to their prayer, I the God of Israel will not give them up.
Darby English Bible (DBY) The afflicted and the needy seek water, and there is none; their tongue faileth for thirst: I, Jehovah, will answer them, [I], the God of Israel, will not forsake them.
World English Bible (WEB) The poor and needy seek water, and there is none, and their tongue fails for thirst; I, Yahweh, will answer them, I, the God of Israel, will not forsake them.
Young's Literal Translation (YLT) The poor and the needy are seeking water, And there is none, Their tongue with thirst hath failed, I, Jehovah do answer them, The God of Israel -- I forsake them not.
Cross Reference Genesis 28:15 in Sunwar 15 गो गे नु बाक्शा, ते लाइनेवे, गो इ कली कोव़नन। गो इ कली एको रागी लेप्पाइक्नन। मारदे हना गो इ कली मप्रोंइनन। इ कली मार मार देंङा, गो मेको नेल्ल पाइनुङ” देंमाक्त।
Exodus 17:3 in Sunwar 3 मिनु मुरपुकी ब्वाक्कु तूतू दाक्शा, गाइक्ताक्म। मेकोपुकीमी मोसा कली “गे मारदे आंइ कली इजीप्त रागी प्रोंइपाइय्यीकी? आंइ कली, आंइ आल आन कली, आंइ बस्तु भाव आन कली तूचा ब्वाक्कु मबा, आंइ कली बेक्पाइक्चा कली इजीप्त प्रोंइपाइय्यीकी?” देंतेक्म। प्रस्थान १५:२४; प्रस्थान १६:२; गन्ती १४:-; गन्ती १७:६-२८
Exodus 17:6 in Sunwar 6 गो होरेब माइश्शो डांडा आ नेक्था सेरथे फुल्लु तार इ ङोंइती बाक्नुङ। मिनु गे मेको सेरथे फुल्लु तुप्चा माल्नेवे। मिनु, सेरथे फुल्लु रे ब्वाक्कु यीब। मिनु मुरपुकीम तूने चाप्नीम” देंत। मिनु इस्राएली आन खाल्पा आन ङोंइती मोसाम मो पाप्तु। गन्ती २०:११; १कोरिन्थी १०:४
Judges 15:18 in Sunwar 18 मिनु सिम्सोनमी ब्वाक्कु तूतू दाक्शा, परमप्रभु यावे कली पुंइशा, “गे इन वाइल कली ठेयब लडाइ ग्रापाइक्तीनी। मुल गो तूतू दाक्शा बेक्नुङा? एको ख्रोइक्तीक चिनु मख्रोइश्शो आन गुइमी बेक्नुङा?” देंमाक्त।
Psalm 22:15 in Sunwar 15 आं सक्ति ग्युम्त। ब्रोल्शो खप के गर खोदेंशो दुम्त। आं शोव़ सोव़त। मिनु गे आं कली साइक्चा ठीक पाइतीनी। यूहन्ना १९:२८
Psalm 34:6 in Sunwar 6 एको श्येत जाइबम पुंइतु। मिनु परमप्रभु यावेमी आ लोव़ नेंशा, आ श्येत रे प्रोंइतु।
Psalm 42:2 in Sunwar 2 मोपा आं थुं ब्रोंइशा बाक्ब परमप्रभु आ नेक्था बाक्चा दाक्ब। गो गेना परमप्रभु आ ङोंइती बाक्चा ताइनुङा? भजन संग्रह ६३:२; भजन संग्रह ८४:३; भजन संग्रह १४३:६
Psalm 50:15 in Sunwar 15 मिनु श्येत जनी नाक्त आं कली पुनीन। मिनु गो इन कली श्येत रे प्रोंइनन्नी। मिनु आं कली ‘गे ठेयब बाक्नीनी’ देंनीनी” देंत। भजन संग्रह ९१:१५
Psalm 63:1 in Sunwar 1 यहूदा आ गोरशो रागीम बाक्शो ना ङा दाऊद आ कुम्सो। १सामुएल २२:५ परमप्रभु, गे आं परमप्रभु बाक्नीनी। गो इन कली थमा पा माल्नुङ। गो ब्वाक्कु तूतू दाक्शो खोदेंशो पा आं थुंमी इन कली माल्नुङ। गो ब्वाक्कु मबाक्शो रागीम ब्वाक्कु माल्शो खोदेंशो पा इन कली माल्स ङा माल्स बाक्नुङ। भजन संग्रह ४२:३
Psalm 68:9 in Sunwar 9 परमप्रभु, गे ठेयब रेउ यिपाइक्तीनी। इन सोव़ने थुम्शो रागी जिप्पाइक्तीनी।
Psalm 72:12 in Sunwar 12 मारदे हना मेकोमी आ कली पुंइब श्येत जाइब आन कली प्रोंइब। वारच पाइब मबाक्शो प्रुङग आन कली वारच पाइब। अय्युब ३६:१५
Psalm 94:14 in Sunwar 14 मारदे हना परमप्रभु यावेमी आ मुर आन कली मप्रोंइब। मिनु आ योव़शो रागी यो मप्रोंइब। यसैया ३७:३३-३५
Psalm 102:16 in Sunwar 16 मारदे हना परमप्रभु यावेमी सियोन कली लेंशा सेल्ब। मिनु आ छेङछेङमी ग्रूब।
Psalm 107:5 in Sunwar 5 मेकोपुकी जचा तूचा मतथु बेक्चा चिक्ताक्मे।
Isaiah 30:19 in Sunwar 19 यरूसलेमम बाक्ब सियोन ङा मुरपुकी, गे लेंशा मङाक्नीनी। मेकोमी इन ब्रेश्शो नेंशा, इन कली थमा पा शिशी पाइब। इन लोव़ नेंशा, लोव़ लेप्ब। यसैया ६५:२४
Isaiah 42:16 in Sunwar 16 मिनु मिक्च मताइब आन कली आन मतुइश्शो लांमी खुल्नुङमी। आन मतुइश्शो गाक्तीक लांमी गाक्पाइक्नुङमी। मेको आन ङोंइती बाक्शो छिङछिङ कली छेङछेङ सेल्नुङ। मिनु फुल्लु बाक्तीक कली दिंम सेल्नुङ। एको मप्रोंइथु पाइनुङ। यसैया ४०:४
Isaiah 43:20 in Sunwar 20 मिनु ब्वाकी ङा जन्तु, सिवार नु ठेयब चिक्बपुकीमी आं कली मान पाइनीम। मारदे हना गो मुर मबाक्तीकेमी रेउ यिपाइक्नुङ। गोरशो रागीमी खोला शाइक्पाइक्नुङ। आं योव़शो मुर आन कली तूचा गेचा, दे गो गोरशो रागीमी खोला शाइक्पाइक्नुङ।
Isaiah 44:3 in Sunwar 3 मारदे हना गो सोव़शो रागी तारी ब्वाक्कु लुक्नुङ। सोव़शो खपीम खोला शाइक्पाइक्नुङ। गो इ चच युइ आन तारी आं सोक्त मोइक्नुङ। इ आल आन कली आसीक गेनुङ’। यसैया ३२:१५; योएल ३:१
Isaiah 55:1 in Sunwar 1 मिनु परमप्रभु यावेमी “तूतू दाक्बपुकी ब्वाक्कु बाक्तीकेम जाक्कीन। क्येट मथीबपुकी यो जाक्कीन। मिनु ग्याप्शा जने। क्येट मथाप्थु, मोशा अङगुर शांबु नु दूध ग्यापीन। यूहन्ना ७:३७; प्रकाश २२:१७
Isaiah 61:1 in Sunwar 1 “परमप्रभु, परमप्रभु यावे आ सोक्त आं तार बाक्ब। मारदे हना परमप्रभु यावेमी तेल लुक्ताक्यी। मेकोमी आं कली दिप्शो प्रुङग मुर आन कली ग्येरपाइक्ब लोव़ नेंपाइक्चा कली, थुं जिक्शो आन कली आन थुं बारपाइक्चा कली, चोक्चा पुंइसीशो मुर आन कली प्रोंइचा कली नु जेल्खान बाक्ब आन कली ग्रुंइचा कली सोइक्ताक्यी। यसैया १:२; मत्ती ११:५; लूका ४:१८-१९
Isaiah 66:2 in Sunwar 2 मारेइ मारेइ आं सेल्शो मनमी ङा? मोपतीके मेको नेल्ल आं के नम” दे परमप्रभु यावेम देंत। मिनु लेंशा “मो हना यो गो आं लोव़ नेंशा, हिंशा, ख्रिंख्रि पा श्येत जाइब नु आ थुं जिक्शो मुर आन कली कोव़नुङ।
Lamentations 4:4 in Sunwar 4 दूध तूब आल आन लें शुश तूतू दाक्शा, आन कुंकुमी खोक्ताक्व। आलपुकीमी जचा थोव़क पुंइनीम। तन्न सुइमी मेको आन कली मारेइ मगेनीम।
Amos 8:11 in Sunwar 11 मिनु परमप्रभु यावेमी “गोम अन्काल सोइक्ची ना, थमा पा श्येत जतीक नाक्त जाक्ब। मेको अन्काल जचा नु तूचा के अन्काल ममाइ, तन्न परमप्रभु यावे आ लोव़ नेंतीक अन्काल बाक्ब। १सामुएल ३:१
Matthew 5:3 in Sunwar 3 “महिक्सीशो मुरपुकी आसीक राइनीम। मारदे हना स्वर्ग ङा राज्य मेको आन केन बाक्ब। यसैया ५७:१५
Matthew 5:6 in Sunwar 6 ठीक पशो तचा दाक्बपुकी आसीक राइनीम। मारदे हना आन दाक्शो ताइनीम। लूका १८:९-१४; यूहन्ना ६:३५
Luke 16:24 in Sunwar 24 मिनु ठेयब सेंदा पा ‘ए, आं आफ अब्राहाम, शिशी पाइय्यीनी। मारदे हना गो मीम दुप्शा, आं शोव़ सोव़शा बेक्चता। लाजरस कली आ ब्रेप्चो ब्वाक्कु ख्रुम्शा, ब्वाक्कु तोक्पाइक्थ सोइक्तीने’ दे ब्रेम्माक्त।
John 4:10 in Sunwar 10 मिनु येसुमी मेको मीश मुर कली “परमप्रभु यावेमी इ कली मार गेचा दाक्ब, दे तुइक्ताक्वी हना, नु ब्वाक्कु पुंइब, आं कली, सु बाक्नुङ, दे तुइक्ताक्वी हना, आं कली ‘ब्वाक्कु गेयी’ दे पुंइदी वा। मिनु ब्रोंइचा गेब ब्वाक्कु गेन वा” दे मदा बाक्त। यूहन्ना ७:३८-३९
John 7:37 in Sunwar 37 मिनु बाली ओंइतीक चाड नुप्ची नाक्त नेल्ल क्येङा ठेयब नाक्ती बाक्त। मेना येसुमी मुर आन कली “सु सुमी तूतू दाक्नीमी, मेको आं गे पिशा तूङमेक्ल। लेवी २३:३६; यूहन्ना ४:१०; यसैया ५५:१; प्रकाश २२:१७
2 Corinthians 12:9 in Sunwar 9 तन्न मेकोमी आं कली “आं शिशी इ कली गारब। मारदे हना मचाप्ब मुर आगाम आं सक्ति नेल्ल क्येङा ठीक बाक्ब” देंत। मोपा तुइक्तु रे ख्रीस्त आ सक्ति गो नु बाक्शो तांइसेक्ल, दे गो मारेइ पने मचाप्ब दुम्शोमी, थाम्पा ग्येरसीशा आं नें बोरपाइक्नुङ।
Hebrews 13:5 in Sunwar 5 क्येट चेम्चा गे इन थुं महिरदीने। गेपुकी नु मार मार बाक्मा, मेको मोशोमीन इन थुं नाइश्शा बाक्कीन। मारदे हना मेकोमी “गे नु बाक्नुङ, मिनु गेनायो मप्रोंइनन” देंब। यहोसु १:५; १तिमोथी ६:६
Revelation 21:6 in Sunwar 6 मिनु मेकोमी लेंशा आं कली “गो आल्फा नु ओमेगा नङ। नेल्ल क्येङा ङोंइती नु नेल्ल क्येङा नोले ङा गो नङ। सु सुमी तूतू दाक्नीमी, मेको आन कली ब्रोंइचा गेब ब्वाक्कु बुक्तीक रे मोशा तूचा गेनुङ। प्रकाश १:८; प्रकाश २२:१३
Revelation 22:17 in Sunwar 17 मिनु परमप्रभु यावे आ सोक्त नु ग्युम्लीमी मुर आन कली “पिने” देंनीस। मिनु सु सुमी मेको लोव़ नेंनीमी, मेकोमी यो “पिने” देंमल। सु सु तूतू दाक्नी, पिने। मिनु ब्रोंइचा गेब ब्वाक्कु मोशा तूङीन। यसैया ५५:१; यूहन्ना ७:३७