Isaiah 41:10 in Sunwar 10 महिनो, मारदे हना गो गे नु बाक्नुङ। आइक्च थुं मपावो। मारदे हना गो इ परमप्रभु नङ। गो इ कली बोल्यो सेल्शा, वारच पाइनुङ। गो इ कली आं ग्राब ग्युरा गुइमी वारच पाइनुङ। यसैया ४३:१
Other Translations King James Version (KJV) Fear thou not; for I am with thee: be not dismayed; for I am thy God: I will strengthen thee; yea, I will help thee; yea, I will uphold thee with the right hand of my righteousness.
American Standard Version (ASV) Fear thou not, for I am with thee; be not dismayed, for I am thy God; I will strengthen thee; yea, I will help thee; yea, I will uphold thee with the right hand of my righteousness.
Bible in Basic English (BBE) Have no fear, for I am with you; do not be looking about in trouble, for I am your God; I will give you strength, yes, I will be your helper; yes, my true right hand will be your support.
Darby English Bible (DBY) -- Fear not, for I [am] with thee; be not dismayed, for I [am] thy God: I will strengthen thee, yea, I will help thee, yea, I will uphold thee with the right hand of my righteousness.
World English Bible (WEB) Don't you be afraid, for I am with you; don't be dismayed, for I am your God; I will strengthen you; yes, I will help you; yes, I will uphold you with the right hand of my righteousness.
Young's Literal Translation (YLT) Be not afraid, for with thee I `am', Look not around, for I `am' thy God, I have strengthened thee, Yea, I have helped thee, yea, I upheld thee, With the right hand of My righteousness.
Cross Reference Genesis 15:1 in Sunwar 1 मिनु नोले परमप्रभु यावेमी अब्राम कली ङोमु खोदेंशो पा कोंइतीक कोंइदा बाक्त। मिनु मेकोमी अब्राम आ नें थिशा “अब्राम महिनो। गो इ कली कोव़नन। शुश आसीक गेनन” देंमाक्त। गन्ती २४:४,१६; भजन संग्रह ३:४
Deuteronomy 20:1 in Sunwar 1 मिनु मोसामी “गेपुकी लडाइ पथ लनीनु, शारा नु बग्गीपुकी तशा, इन जोरी सत्रु इन क्येङा शुश बाक्तेक्म हना, महिनीन। मारदे हना परमप्रभु यावे, इन कली इजीप्त रे ग्रुंइब इन परमप्रभु गेपुकी नु बाक्ब।
Deuteronomy 31:6 in Sunwar 6 बोल्यो नु महिंब दुमीन। मेको आन कली तशा महिनीन मारदे हना परमप्रभु यावे, इन परमप्रभु गेपुकी नु लाइब। मेकोम इन कली कोव़शा, मप्रोंइब” दे मोसामी देंत। ब्यवस्था १:२९-३०
Deuteronomy 33:27 in Sunwar 27 साइ नेसी ङा परमप्रभु ख्रुइश्शा बाक्तीक बाक्ब। इन ङोंइती इन जोरी सत्रु आन हुल कली खेरतु। मिनु मेको आन पर्बम खतम सेलीन, देंत।
Joshua 1:9 in Sunwar 9 गो इ कली ‘बोल्यो नु महिंब दुमो’ देंती। इ थुं लुक्च मलल। गे गेनायो हिंशा ख्रिंख्रि मपावो। मारदे हना गे ते लते हना यो, गो, परमप्रभु यावे, इ परमप्रभु, गे नु बाक्नुङ” दे परमप्रभु यावेमी यहोसु कली देंत।
1 Chronicles 12:18 in Sunwar 18 मेना परमप्रभु आ सोक्तीम मेको ३० जना आन दाते ङा कप्तान अमासै कली सुमा बाक्त। मिनु मेकोम “दाऊद, गो इन मुर नकी। येस्से आ तौ दाऊद गो गे नु बाक्नीकी। इन थुं नाइक्सेक्ल। मिनु इन कली वारच पाइब आ थुं नाइक्सेक्ल। इन परमप्रभु इन कली वारच पाइब बाक्ब” देंमाक्त। मिनु दाऊद म मेको आन कली ब्रावा बाक्त। मिनु मेको आन कली आ हुल ङा कप्तान सेल्मी बाक्त।
2 Chronicles 20:17 in Sunwar 17 यहूदा नु यरूसलेम ङा मुर, गेपुकीम एको लडाइ पचा ममाल्नीनी। आं देंतीकेम लने। मिनु रिम्शा बाक्कीन। इन पा ङा गो परमप्रभु यावेम लडाइ पा ग्राशो, कोव़ङीन। महिनीन। इन थुं लुक्च मलल। गे ग्रूशा, मेकोपुकी नु लडाइ पथ लने। मारदे हना परमप्रभु यावे गेपुकी नु बाक्ब’ ” देंमाक्त।
2 Chronicles 32:8 in Sunwar 8 मेको नु शुश मुर ला बाक्नीम। तन्न गोपुकी नु परमप्रभु यावे, इं परमप्रभु बाक्ब। मेकोमी इं कली वारच पा इं पा ङा लडाइ पाइब” दे यहूदा ङा पिप हिज्कीयाहमी मुर आन थुं बारपदा बाक्त। येरमीया १७:५-६
Psalm 27:1 in Sunwar 1 दाऊद आ कुम्सो। परमप्रभु यावे आं छेङछेङ नु आं कली श्येत रे प्रोंइब बाक्ब। गो सु नु हिंचा माल्नुङा ङा? परमप्रभु यावे आं ब्रोंइतीक सक्ति नु आं ख्रुइक्तीक बाक्ब। आं कली सुम हिंच कोंइने चाप्बा ङा? मीका ७:८; भजन संग्रह ५६:५
Psalm 29:11 in Sunwar 11 परमप्रभु यावेमी आ मुर आन कली सक्ति गेब। परमप्रभु यावेमी आ मुर आन कली आसीक गेशा, थुं नाइक्पाइक्ब।
Psalm 37:17 in Sunwar 17 मारदे हना परमप्रभु यावे आ अरेशो मटीब आन गुइ जिक्चा पुंइसीनीम। परमप्रभु यावेमी ठीक पाइब आन कली रिम्शो पा बाक्चा गेब।
Psalm 37:24 in Sunwar 24 मेको दाइल पांइसाक्म हना यो, मगोल्नीम। मारदे हना परमप्रभु यावेमी मेको आन गुइ ग्याइश्शा, तिक्ब। हितोपदेस २४:१६
Psalm 41:12 in Sunwar 12 आं रिम्शो थुं आ पर्बम गे आं कली ग्योम्ताक्यीनी। मिनु गे आं कली गेना हना यो इन ङोंइती राप्पाइक्तीनी।
Psalm 46:1 in Sunwar 1 कुम्सो पपाइक्ब कली अलामोथ कुम्सो आ लायो। कोराह आ तौ आन कुम्सो। परमप्रभु आंइ ख्रुइश्शा बाक्तीके नु आंइ सक्ति बाक्ब। गो श्येत जकानु, गेना हना यो आंइ नेक्था बाक्शा वारच पाइब बाक्ब।
Psalm 46:7 in Sunwar 7 मुर नेल्ल आन परमप्रभु यावे गोपुकी नु बाक्ब। याकूब आ परमप्रभु आंइ बोल्यो दरवार बाक्ब। ठेयब सेंदा पा।
Psalm 46:11 in Sunwar 11 मुर नेल्ल आन परमप्रभु यावे गोपुकी नु बाक्ब। याकूब आ परमप्रभु आंइ बोल्यो दरवार बाक्ब। ठेयब सेंदा पा।
Psalm 63:8 in Sunwar 8 आं थुं गे नु बाक्ब। गे आं कली कोव़ब बाक्नीनी।
Psalm 65:5 in Sunwar 5 आंइ पुंइशो लोव़ इन ठेयब गेयमी आंइ कली प्रोंइशा लोव़ लेत्नीनी। परमप्रभु, आंइ कली श्येत रे प्रोंइब बाक्नीनी। गे ङोन बाक्ब रागी नु नेल्ल क्येङा ङोन ङा समुन्द्र आ नेक्था बाक्ब आन आस बाक्नीनी।
Psalm 89:13 in Sunwar 13 गे सक्ति पाइश्शो बाक्नीनी। गे बोल्यो नु ठेयब बाक्नीनी।
Psalm 99:4 in Sunwar 4 सक्ति पाइश्शो पिपम, ठीक निसाफ दाक्ब, गे कुल मकोव़थु, याकूब आ रागीमी ठीक पतीके नु ठीक निसाफ वोइक्तीनी। यसैया ९:६
Psalm 144:8 in Sunwar 8 मेकोपुकीमी जोल नु मरिम्शो ला पाइनीम।
Psalm 144:11 in Sunwar 11 आं कली मुर साइक्ब तरवार रे प्रोंइयीनी। अर्को रागी ङा मुर आन गुइ रे प्रोंइयीनी। मेकोपुकीमी जोल नु मरिम्शो ला पाइनीम।
Psalm 145:14 in Sunwar 14 मिनु परमप्रभु यावेमी गोल्शो नेल्ल आन कली पोक्ब। मेकोमी आन थुं लुक्च लशो आन कली आन थुं बारपाइक्ब। भजन संग्रह १४६:८
Psalm 147:12 in Sunwar 12 यरूसलेम, परमप्रभु यावे कली ठेयब सेलो। सियोन, इ परमप्रभु कली ठेयब सेलो।
Isaiah 12:2 in Sunwar 2 थमा पा, परमप्रभु आं कली पाप रे प्रोंइब बाक्ब। गो मेको कली थमा सुइश्शा महिंनुङ। मारदे हना परमप्रभु यावे आं कली सक्ति नु बोल गेब बाक्ब। मेको आं कली श्येत रे प्रोंइब बाक्ब” दे कुम्सो पाइनीनी। प्रस्थान १५:२
Isaiah 40:29 in Sunwar 29 मेकोमी दाइब आन कली बोल गेब। मचाप्ब आन कली सक्ति गेब।
Isaiah 41:13 in Sunwar 13 मिनु गो परमप्रभु यावे, इ परमप्रभुमी इ ग्युरा गुइ ग्याइक्नुङ। मिनु गो इ कली ‘महिनो’ देंशा, वारच पाइनुङ।
Isaiah 43:1 in Sunwar 1 याकूब, इ कली नु इस्राएल कली सेल्ब परमप्रभु यावेमी “महिनीन। इन कली पाप रे प्रोंइता। गो इन नें थिशा ब्रेत्ती। गे आं मुर बाक्नीनी।
Isaiah 43:5 in Sunwar 5 महिनीन, गो गेपुकी नु बाक्नुङ। गो इन आल आन कली नां दाप्तीक पूर्ब रे चाक्नुङ। मिनु नां पेरतीके पच्छिम रे खुप्शा तेल्नुङ। यसैया ११:११-१६; येरमीया ३०:१०
Isaiah 44:2 in Sunwar 2 इ कली कोव़जीम सेल्शा, वारच पाइब परमप्रभु यावेमी ‘आं गेय पाइब याकूब महिनो। येशुरुन गो इ कली योव़ता। यशुरुन इस्राएल आ नें का बाक्ब।ब्यवस्था ३२:१५
Isaiah 49:8 in Sunwar 8 मिनु परमप्रभु यावेमी “शिशी पतीक नाक्त गो इ लोव़ नेंशा, लोव़ लेत्ताक्न। प्रोंइतीके नाक्त गो इ कली वारच पाता। गो इ कली कोव़शा, आं कबल ङा मुर सेल्ता। गो रागी लेंशा सेल्चा कली मोदेंशो पाता। इन थेरशो रू लेंशा इन कली गेचा कली मो पाता। भजन संग्रह ६९:१४; २कोरिन्थी ६:२; यसैया ४२:६
Isaiah 51:12 in Sunwar 12 परमप्रभुमी “गो इन कली थुं बारपाइक्ब नङ। गे मुर तशा, मारदे हिंनीनी? मुरपुकी घांस खोदेंशो पा बेक्नीम। भजन संग्रह ५६:५; मत्ती १०:२८; यसैया ४०:१,६
Isaiah 52:7 in Sunwar 7 डांडा मेरे ग्येरपाइक्ब लोव़ शेंशा गाक्ब आन खोइली शुश रिम्शो बाक्नीम। मेकोपुकीमी थुं नाइक्चा आ पर्बम लोव़ शेंनीम। मेकोपुकी रिम्शो लोव़ पाइब बाक्नीम। पाप रे प्रोंइतीक शेंनीम। सियोन कली “इ परमप्रभुम सासन पाइब” देंनीम। यसैया ४१:२७; नहुम २:१; रोमी १०:१५
Isaiah 60:19 in Sunwar 19 मेना इ कली नाक्त ङा नां छेङछेङ मदुम्ब। नाक्दो तास्ला हाम्सो मदुम्ब। मारदे हना इ परमप्रभु इ कली गेना हना यो छेङछेङ बाक्ब। मिनु इ परमप्रभु इ दारस बाक्ब। यसैया २४:२३; प्रकाश २१:२३; प्रकाश २२:५
Hosea 1:9 in Sunwar 9 मिनु परमप्रभुमी होसे कली “मेको आ नें लो-अम्मी वोतो। मारदे हना गेपुकी आं मुर मननी। गो इन परमप्रभु मनङ। लो-अम्मी आ अर्थ ‘गे आं मुर मनवे नु गो इ परमप्रभु मनङ’ देंशो बाक्ब।
Zechariah 10:12 in Sunwar 12 गो मेको आन कली परमप्रभु यावे कली थमा सुइक्तीकेम बोल्यो सेल्नुङ। मिनु मेकोपुकी मेको आं नेंम गाक्नीम” दे परमप्रभु यावेमी देंत।
Zechariah 13:9 in Sunwar 9 मिनु मेको लीशो भाग आन कली गो मीम कुरपाइनुङमी। चांदी याप्पाइश्शो खोदेंशो पा याप्पाइक्नुङमी। मिनु सुन नाक्शो खोदेंशो पा नाक्नुङमी। मिनु मेकोपुकीमी आं कली थोइनीम। मिनु गो मेको आन कली लोव़ लेत्नुङमी। मेकोपुकी आं मुर नम’ देंनुङ। मिनु मेकोपुकीमी ‘परमप्रभु यावे, आंइ परमप्रभु बाक्ब’ देंनीम” दे परमप्रभु यावेमी देंत। होसे २:२५
Luke 1:13 in Sunwar 13 मिनु परमप्रभु यावे आ स्वर्ग ङा गेय पाइबमी “जकरिया महिनो। परमप्रभु यावेमी इ पुंइशो गेब। इ मीश एलीशीबाम तौ का थीब। मिनु गे मेको आ नें यूहन्ना वोतो।
Luke 1:30 in Sunwar 30 मिनु गाब्रीएलमी “ए मरीयम, महिनो। परमप्रभु यावेमी इ कली दाक्शा योव़ते।
Luke 2:10 in Sunwar 10 तन्न परमप्रभु यावे आ स्वर्ग ङा गेय पाइबमी “महिनीने। गो इन कली नु मुर नेल्ल आन कली ग्येरपाइक्ब लोव़ नेंपाइक्थ जाक्ती।
John 8:54 in Sunwar 54 येसुमी “गो ठेयब सेल्साक्यी हना, गो ठेयब मदुम्नुङ। आं आफोमी चहिं आं कली ठेयब सेल्ब। गे आं आफ कली ‘आंइ परमप्रभु यावे’ देंनीनी। यसैया ६३:१६
Romans 8:31 in Sunwar 31 मुल मार देंनुङ देंशा हना, परमप्रभु यावे गोपुकी नु बाक्त हना, सुइमी इं कली मारेइ पने चाप्नीमी ङा? सुइमी मारेइ पने मचाप्नीम। भजन संग्रह ११८:६
2 Corinthians 12:9 in Sunwar 9 तन्न मेकोमी आं कली “आं शिशी इ कली गारब। मारदे हना मचाप्ब मुर आगाम आं सक्ति नेल्ल क्येङा ठीक बाक्ब” देंत। मोपा तुइक्तु रे ख्रीस्त आ सक्ति गो नु बाक्शो तांइसेक्ल, दे गो मारेइ पने मचाप्ब दुम्शोमी, थाम्पा ग्येरसीशा आं नें बोरपाइक्नुङ।
Ephesians 3:16 in Sunwar 16 मिनु गोमी परमप्रभु यावे कली “इन शुश छेङछेङ नु सक्तिम, एफिसस ङा थमा सुइक्ब आन थुं बोल्यो सेलीन। मिनु इन सोक्त आन थुंमी बाक्मेनु, महिंब दुम्नीम। एफिसी १:७; एफिसी ६:१०; २कोरिन्थी ४:१६
Philippians 4:13 in Sunwar 13 आं कली सक्ति गेब आ नेंमी गो नेल्ल पने चाप्नुङ। २कोरिन्थी १२:१०