Isaiah 30:30 in Sunwar 30 मिनु परमप्रभु यावेमी आ ठेयब सेंदामी लोव़ पशा नेंपाइक्ब। मेकोमी गाइश्शा चुरशा, आ गुइ याम पाइश्शा, मारेइ मारेइ नेक्ब मी ब्रपाइश्शा, बुंबु पपाइश्शा, रेउ नु मुप्स यिपाइश्शा कोंइब।
Other Translations King James Version (KJV) And the LORD shall cause his glorious voice to be heard, and shall shew the lighting down of his arm, with the indignation of his anger, and with the flame of a devouring fire, with scattering, and tempest, and hailstones.
American Standard Version (ASV) And Jehovah will cause his glorious voice to be heard, and will show the lighting down of his arm, with the indignation of `his' anger, and the flame of a devouring fire, with a blast, and tempest, and hailstones.
Bible in Basic English (BBE) And the Lord will send out the sound of his great voice, and they will see his arm stretched out, with the heat of his wrath, and the flame of a burning fire; with a cloud-burst, and storm, and a rain of ice.
Darby English Bible (DBY) And Jehovah will cause the majesty of his voice to be heard, and will shew the lighting down of his arm with indignation of anger, and a flame of consuming fire, with waterflood and storm and hailstones.
World English Bible (WEB) Yahweh will cause his glorious voice to be heard, and will show the lighting down of his arm, with the indignation of [his] anger, and the flame of a devouring fire, with a blast, and tempest, and hailstones.
Young's Literal Translation (YLT) And caused to be heard hath Jehovah The honour of His voice, And the coming down of His arm He doth shew with the raging of anger, And the flame of a consuming fire, Scattering, and inundation, and hailstone.
Cross Reference Exodus 15:16 in Sunwar 16 परमप्रभु यावे, इजीप्त रागी रे इन ग्रुंइशो मुरपुकी मजाक्दीम्मा सम्म मेको आन जोरी सत्रु इन सक्ति ङा गेय तशा, हिंशा फुल्लु खोदेंशो पा सिक्सी पा बाक्तेक्म। मोपा हिंशा मेको आन थुं लुक्च लत।
Joshua 10:11 in Sunwar 11 मिनु मोपा इस्राएली आन ङोंइती बेथ-होरोन रे आजेका सम्म ब्रुप्शा प्रोक्मानु, परमप्रभु यावेमी सरीङ रे ठेयब मुप्स यिपाइक्तु। इस्राएलीपुकीमी तरवारमी क्योरशा बेक्शो क्येङा ठेयब मुप्सीम ख्रशा बेक्शो मुर शुश बाक्तेक्म। प्रस्थान ९:२२-२५; अय्युब ३८:२२-२३; हबकुक ३:११; २सामुएल १:१८
1 Samuel 7:10 in Sunwar 10 सामुएलम चोशा चढ़ेना ढ़ेन बाक्मेनु, पलिस्तीपुकी इस्राएली नु लडाइ पचा कली आन नेक्था जाक्मा बाक्त। मिनु मेको नाक्ती परमप्रभु यावेमी पलिस्ती आन तारी ठेयब बुंबु पपदा बाक्त। मिनु पलिस्तीपुकी वाम ग्याम दुम्शा, इस्राएली आन ङोंइती रे प्रोक्मा बाक्त। उत्पत्ती ३५:५; प्रस्थान १४:२४; प्रस्थान २३:२७; यहोसु १०:१०; न्यायाधीस ४:१५
Job 37:2 in Sunwar 2 नेनीन, आ सेंदाम बुंबु पशो नेनीन। मिनु मेको आ शोव़म ब्वाक्शो ठेयब सेंदा नेनीन।
Job 40:9 in Sunwar 9 मार इ सक्ति परमप्रभु के खोदेंशो बाक्बा? गे बुंबु पशो सेंदा खोदेंशो पा ग्रीने चाप्नेवे?
Psalm 2:5 in Sunwar 5 मिनु नोले मेको गाइश्शा, लोव़ पाइब। मोपा चुरशा, मेको आन कली हिंच कोंइब। यसैया ३४:२; प्रकाश ६:१५-१७
Psalm 18:13 in Sunwar 13 परमप्रभु यावेमी सरीङ रे बुंबु पशो खोदेंशो पा आ सेंदा नेंपाइश्शो बाक्त।
Psalm 29:3 in Sunwar 3 परमप्रभु यावे आ सेंदा ब्वाक्कु तारी बाक्ब। छेङछेङ ङा परमप्रभुमी ठेयब ब्वाक्कु तारी बुंबु पपाइक्ब। परमप्रभु यावे ब्वाक्कु तारी बाक्ब।
Psalm 46:6 in Sunwar 6 मिनु रागी रागी ङा मुरपुकी जिशा खेशा पाइनीम। राज्यपुकी क्याम्चा पुंइसीनीम। परमप्रभुमी आ सेंदा नेंपाइक्तु हना, रागी नेल्ल याइनीम।
Psalm 50:1 in Sunwar 1 आसाफ आ कुम्सो। ठेयब सक्ति पाइश्शो, परमप्रभु, परमप्रभु यावेमी लोव़ पाप्तु। नां दाप्तीक रे नां पेरतीक सम्म ङा रागी कली लोव़ पाप्तु। १इतिहास २५:१
Psalm 76:5 in Sunwar 5 महिंब मुरपुकी रोइक्चा पुंइसाक्म। मेकोपुकी साइक्चा पुंइसाक्म। लडाइ पाइब आन दातेमी कामी यो आन गुइ क्युक्ने मचबेम।
Psalm 97:3 in Sunwar 3 मेको आ ङोंइङोंइती मी लशा, आ एर ओंथ ङा जोरी सत्रु नेल्ल आन कली दाक्ब। हबकुक ३:४
Psalm 98:1 in Sunwar 1 कुम्सो का। परमप्रभु यावे कली नक कुम्सो का पय। मारदे हना मेकोमी छक लाक्चा ङा गेय पाप्तु। मेको आ ठेयब सक्तिमी ग्रात। भजन संग्रह ३३:३; यसैया ५९:१६; यसैया ६३:५
Isaiah 28:2 in Sunwar 2 कोव़ङीन, परमप्रभु नु बोल्यो नु सक्ति पाइश्शो का बाक्ब। मेको मुप्स ब्वांइसीशो फश गिवार खोदेंशो बाक्ब। शुश रेउ ब्वांइसीशो फश गिवार खोदेंशो बाक्ब। परमप्रभुमी मेको कली रागी तार तोक्ब। २राजा १७:५-६
Isaiah 29:6 in Sunwar 6 मिनु मुर नेल्ल आन परमप्रभु यावे इ कली ग्रुम्थ जाक्ब। मेको बुंबु, ख्रिनु ठेयब रेयके नु जाक्ब। मेको हिरशो फश गिवार नु ठेयब मी नु जाक्ब।
Isaiah 32:19 in Sunwar 19 तन्न ब्वाकी नेल्ल जाम्शा लाइब। सहर श्येत्थ दुम्ब।
Isaiah 51:9 in Sunwar 9 परमप्रभु यावे सेंसीन, सेंसीन। सक्ति पाइश्शो दुमीन। साइ ङोंइती आंइ किकी पिपी आन कली पशो खोदेंशो पा, पने। साइ गे राहाब माइश्शो समुन्द्र ङा जन्तु कली मसाइक्नी ङा? ठेयब बुस्स कली मतूदीनी ङा? भजन संग्रह ८९:११
Isaiah 62:8 in Sunwar 8 परमप्रभु यावेमी आ ग्युरा गुइ क्युक्शा, कसम जाप्तु। मार कसम जाप्तु देंशा हना “मुल रे गो इ अन्न इ जोरी सत्रु आन कली जचा मगेनुङ। मिनु अर्को रागी ङा मुर आन कली इ अङगुर शांबु तूचा मगेनुङ। मारदे हना गे मेको आ पर्बम शुश श्येत पाप्तीवी। यसैया ६५:२१-२२
Ezekiel 10:5 in Sunwar 5 मेको करूब आन फ्रां आन रेयके लाङगा सम्म नेंसी बाक्त। मेको परमप्रभु यावे ब्वाक्शो खोदेंशो पा नेंसी बाक्त।
Ezekiel 38:19 in Sunwar 19 मेको नाक्ती गो आं जोंब बोक्शा, गाइश्शो चुरशोम इस्राएल रागीम ठेयब ख्रिनु कुइब।
Micah 1:4 in Sunwar 4 मी आ नेक्था मयीन यशो खोदेंशो पा, लुक्च लतीकेमी ब्वाक्कु शाइश्शो खोदेंशो पा, मेको आ थेक्शो डांडापुकी याइनीम। मिनु दिंमपुकी ब्रोल्नीम।
Nahum 1:2 in Sunwar 2 परमप्रभु यावे रुश पाइब नु क्येक्क लेप्ब परमप्रभु बाक्ब। परमप्रभु यावेमी आ जोरी सत्रु आन कली क्येक्क लेप्ब। मेको आन कली तशा गाइक्ब। परमप्रभु यावेमी आ जोरी सत्रु आन कली क्येक्क लेश्शा, मेको आन कली तशा शुश चुरब। प्रस्थान २०:५; ब्यवस्था ४:२४
Matthew 24:7 in Sunwar 7 मारदे हना ङोंइती जात जात नु राज्य राज्यमी लडाइ पाइनीम। रागी रागीमी अन्काल दुम्ब, एर ओंथ ख्रिनु कुइब।
Luke 1:51 in Sunwar 51 मेकोमी सक्ति कोंइताक्व। मिनु ठेयब लेश्शो आन कली आन मिम्शा हिंतीके मेको आन कली गेब। उत्पत्ती ११:८
2 Thessalonians 1:8 in Sunwar 8 मेको नु हुरुर पा ब्रशो मी सरीङ रे यीब। प्रभुमी परमप्रभु यावे कली मतुइक्ब नु आ ग्येरपाइक्ब लोव़ मटीब आन कली क्येक्क लेप्ब। रोमी २:८
Revelation 1:15 in Sunwar 15 आ खोइली याप्पाइश्शा टल्केशो कांसा खोदेंशो तांइसाक्व। मिनु आ सेंदा ठेयब खोला आन रेयके खोदेंशो नेंसाक्व।
Revelation 6:12 in Sunwar 12 मिनु पाठामी मेको लीशो छाप निक्शी रे का प्राक्गानु, ठेयब ख्रिनु कुत। मिनु नां कुंखी खोदेंशो क्येर दुम्त। तास्ला चहिं हुश खोदेंशो लल दुम्त। यसैया २४:२१-२३; योएल ३:३-४; मत्ती २४:२९
Revelation 11:19 in Sunwar 19 मिनु परमप्रभु यावे आ स्वर्ग ङा खिं रोक्साक्व। मिनु मेको कबल पशो सन्दोस परमप्रभु यावे आ खिंम तांइसाक्व। मिनु चिला पाप्तु। शुश रेयके नु बुंबु पशो नेंसाक्व। ख्रिनु यो कुत। मिनु ठेयब मुप्स यित। प्रकाश १५:५
Revelation 14:16 in Sunwar 16 मिनु गोस्सुमी निप्बमी गुये शेशा, रागी कली मीशो बाली खोदेंशो पा रिक्तु।
Revelation 16:18 in Sunwar 18 मिनु चिला, ठेयब रेयके, बुंबु पशा, ठेयब ख्रिनु कुत। मुरपुकी रागीमी बाक्मानु, मोमो ठेयब ख्रिनु गेनायो मकुशो बाक्माक्त।