Isaiah 30:10 in Sunwar 10 मेकोपुकीमी नोले दुम्ब लोव़ ताइब आन कली ‘मतने। मकोव़ङीन’ देंनीम। मिनु परमप्रभु यावे आ लोव़ पाइब आन कली ‘ठीक पचा आ पर्बम आंइ कली लोव़ मपने। जोल पा हना यो, आंइ दाक्शो लोव़ ला पने। आमोस २:१२
Other Translations King James Version (KJV) Which say to the seers, See not; and to the prophets, Prophesy not unto us right things, speak unto us smooth things, prophesy deceits:
American Standard Version (ASV) that say to the seers, See not; and to the prophets, Prophesy not unto us right things, speak unto us smooth things, prophesy deceits,
Bible in Basic English (BBE) Who say to the seers, See not; and to the prophets, Do not give us word of what is true, but say false things to give us pleasure:
Darby English Bible (DBY) who say to the seers, See not; and to the prophets, Prophesy not unto us right things; speak unto us smooth things, prophesy deceits;
World English Bible (WEB) who tell the seers, "Don't see;" and to the prophets, "Don't prophesy to us right things, speak to us smooth things, prophesy deceits,
Young's Literal Translation (YLT) Who have said to seers, `Ye do not see,' And to prophets, `Ye do not prophesy to us Straightforward things, Speak to us smooth things, prophesy deceits,
Cross Reference 1 Kings 21:20 in Sunwar 20 मिनु आहाबमी एलीया कली “आं सत्रु, गे आं कली थिय्यी?” दे मदा बाक्त। मिनु मेकोम “ओं, गो इ कली थित्तन। मारदे हना गे परमप्रभु यावे आ ङोंइती मार मरिम्शो बाक्मे, मेको ला पना पन बाक्ते।
1 Kings 22:8 in Sunwar 8 मिनु इस्राएल ङा पिपम येहो-शाफात कली “परमप्रभु यावे कली हिल्लो पचा कली अर्को का बाक्ब। मेको इम्लाह आ तौ मीकाया बाक्ब। तन्न गो मेको मुर कली काइ मदाक्नुङ। मारदे हना मेकोम आं पर्बम गेनायो रिम्शो लोव़ मपाइब। गेना हना यो मरिम्शो लोव़ ला पाइब” देंमाक्त। मिनु येहो-शाफातमी पिप कली “पिपम मोदेंशो लोव़ मपवल” देंमाक्त। २इतिहास १८:७-२७
1 Kings 22:27 in Sunwar 27 मिनु एको मुर कली चोक्शा वोतीन। गो रिम्शो पा लेश्शा मजाक्ङा सम्म एको कली शोब्ले नु ब्वाक्कु ङा लाक्शा अरु मारेइ मगेने” देंमाक्त।
2 Chronicles 16:10 in Sunwar 10 मिनु परमप्रभु यावे आ लोव़ पाइबम मोदेंशो लोव़ पा, आसा कली शुश गाइक्पदा बाक्त। मिनु मेको कली फ्रेंशा चोक्शा वोइक्पदा बाक्त। मेना पिप आसामी का निक्शी अरु मुर आन कली यो काइ मरिम्शो पवा बाक्त। २इतिहास १८:२६; मत्ती १४:३
2 Chronicles 18:7 in Sunwar 7 मिनु इस्राएल ङा पिपमी येहो-शाफात कली “परमप्रभु यावे कली हिल्लो पचा कली मुर का बाक्ब। मेको इम्लाह आ तौ मीकाया बाक्ब। तन्न गो मेको कली काइ मदाक्नुङ। मारदे हना आं पर्बम गेनायो रिम्शो लोव़ मपाइब। मेकोमी मरिम्शो लोव़ ङा लाक्शा अरु मारेइ मदेंब” देंमाक्त। मिनु येहो-शाफातमी “पिपम मोदेंशो लोव़ पचा मदुम्ब” देंमाक्त।
2 Chronicles 24:19 in Sunwar 19 मो हना यो परमप्रभु यावेम मेको आन कली आ गे लेप्पाइक्चा कली आ लोव़ पाइबपुकी सोइक्तीमी बाक्त। मिनु मेकोपुकीम मेको आन मरिम्शो पशो कोंइदमे बाक्त। तन्न मुरपुकीम मेको आन लोव़ मनेन्मे बाक्त।
2 Chronicles 25:16 in Sunwar 16 मिनु मेकोमी लोव़ पना पन, पिपमी “मार गोपुकीम इन कली पिप कली अर्ती गेब सेल्शो नकी ङा? ब्वाले पावो। मारदे साइक्चा पुंइसीनेवे?” दे मदा बाक्त। मिनु मेको परमप्रभु यावे आ लोव़ पाइबम सिक्सी पचा क्येङा ङोंइती “गेम ओं पाइतीनी, आं लोव़ मनेंतीके परमप्रभुमी इन कली थमा पा खतम पोक्चा थुं पवा बाक्त। गो तुइक्नुङ” देंमाक्त।
Jeremiah 5:31 in Sunwar 31 परमप्रभु यावे आ लोव़ पाइबपुकीम जोल पा लोव़ पाइनीम। दोपा परमप्रभु यावे आ लोव़ पाइबपुकीम जोल पा लोव़ पाइनीमी, मोपा चढ़ेबपुकीम मुर आन कली हुकुम पाइनीम। मिनु आं मुरपुकी चहिं मोदेंशोन दुम्चा दाक्नीम। तन्न नोले ङा नाक्ती मार, पाइनीनी?” देंत। इजीकीएल १३:६
Jeremiah 6:13 in Sunwar 13 परमप्रभु यावेमी “नेल्ल क्येङा आइक्च मुर रे नेल्ल क्येङा ठेयब सम्म ठीक पा मचेम्शो क्येट तचा कली शिंम दुम्शो बाक्नीम। परमप्रभु यावे आ लोव़ पाइब रे चढ़ेब सम्म नेल्ल जोल पाइब दुम्शो बाक्नीम। येरमीया ८:१०-१२; इजीकीएल १३:१०-१६; १थिस्सलोनिकी ५:३
Jeremiah 8:10 in Sunwar 10 मोपतीके गो मेको आन मीश अरु आन कली नु मेको आन रू लडाइ ग्राब आन कली गेनुङमी। नेल्ल क्येङा आइक्च मुर रे नेल्ल क्येङा ठेयब सम्म ठीक पा मचेम्शो क्येट तचा कली शिंम बाक्नीम। परमप्रभु यावे आ लोव़ पाइब रे चढ़ेब सम्म नेल्ल जोल पाइब दुम्शो बाक्नीम। येरमीया ६:१३-१५; यसैया ५६:११
Jeremiah 11:21 in Sunwar 21 मोपतीके आं कली साइक्चा माल्ब अनाथोथ ङा मुर आन पर्बम परमप्रभु यावेम “मेको मुरपुकीम इ कली ‘परमप्रभु यावे आ नेंमी लोव़ मपावो। लोव़ पाप्तीवी हना, गे आंइ गुइ रे बेक्नेवे’ देंनीम। येरमीया १:१
Jeremiah 23:17 in Sunwar 17 मेकोपुकीम आं लोव़ मदाक्ब आन कली गेना हना यो ‘परमप्रभु यावे इन कली थुं नाइश्शा बाक्तीक दुम्ब’ देंनीम। मिनु मेकोपुकीम मटिथु आन थुं ङा मिम्शोम गाक्ब आन कली ‘इन कली मारेइ हिंचा ङा श्येत मदुम्ब’ देंनीम।
Jeremiah 23:26 in Sunwar 26 गेना सम्म मोदेंशो दुम्बा? मेको आं लोव़ पाइब आन थुं गेना आं गे लेप्बा? मेको जोल पाइब आंम थुं ङा दूली लोव़ पाइबपुकी गेना आं गे लेत्नीमी।
Jeremiah 26:11 in Sunwar 11 मिनु चढ़ेबपुकी नु परमप्रभु यावे आ लोव़ पाइबपुकीम, सरकार आ गेय पाइब मुरपुकी नु मुर नेल्ल आन कली “एको मुर कली साइक्चान माल्ब। मारदे हना एकोमी एको सहर आ पर्बम मरिम्शो पा परमप्रभु यावे आ लोव़ पाप्तु। मेको गेपुकीम आंमा यो नेंतीनी” देंतेक्म। प्रेरित ६:१३
Jeremiah 26:20 in Sunwar 20 मेकोपुकी नु अर्को मुर का यो बाक्त। मेकोमी परमप्रभु यावे आ नेंमी लोव़ पाप्तु। मेको किरयथ-यारीमम बाक्ब शेमायाह आ तौ उरीयाह बाक्त। मेकोमी यो मेको रागी नु मेको सहर आस पर्बम येरमीयामी खोदेंशो पा परमप्रभु यावेम मरिम्शो पचशो आ पर्बम लोव़ पाप्तु। यहोसु १:५९
Jeremiah 29:27 in Sunwar 27 मिनु गे ‘इन दाते ङा परमप्रभु यावे आ लोव़ पखु पाइब अनाथोथ ङा येरमीया कली मारदे महुइक्तीनी?’
Jeremiah 38:4 in Sunwar 4 मिनु ठेयब मुरपुकीम पिप कली “एको मुर कली साइक्चा माल्ब। मारदे हना एकोमी ओदेंशो लोव़ पा, एको सहरमी लीशो लडाइ पाइब नु मुर नेल्ल आन थुं लुक्च लपाइश्शो बाक्ब। एको मुरुम मुर आन कली रिम्शो ममाइ मरिम्शो पचा दाक्ब” देंतेक्म।
Ezekiel 13:7 in Sunwar 7 गेपुकीम जोल पा कोंइतीके तशा, लिंक्यु कोव़शा, जोल लोव़ ला पाइब दुम्तीनी। तन्न गो इन कली काइ लोव़ मपथु, गेपुकीमी ‘परमप्रभु यावे आ लोव़ बाक्ब देंतीनी’ दे माइक्मी” देंत।
Ezekiel 13:18 in Sunwar 18 ‘आबी आबी, गुइ कली फ्रेंतीक सेल्ब मीश मुर आन कली श्येत बाक्ब। मुर आन कली साइक्चा कली लाइश्शो कोव़शा, कुल सुम्तीक वा सेल्ब मीश मुर आन पर्बम आबी आबी। मार, गेपुकीम आं मुर आन कली साइक्नीनी? मिनु गे ब्रोंइचा ताइनीनी ङा? मताइनीनी।
Amos 2:12 in Sunwar 12 मिनु परमप्रभु यावेमी “तन्न गे मेको नाजिरी दुम्शो मुर आन कली अङगुर शांबु तूपाइक्तीनी। आं लोव़ पाइब आन कली ‘परमप्रभु यावे आ लोव़ मपने’ दे माइक्तीनी। आमोस ७:१३,१६; येरमीया ११:२१
Amos 7:13 in Sunwar 13 बेथेलमी लेंशा गेनायो परमप्रभु यावे आ लोव़ मपावो। मारदे हना मेको पिप आ देवी देवता थान नु राज्य ङा पूजा पतीके बाक्ब” देंत। १राजा १२:२८-२९
Micah 2:6 in Sunwar 6 मेकोपुकीम “परमप्रभु यावे आ लोव़ मपने” देंनीम। तन्न लोव़ पाइनीम। मिनु मेकोपुकीमी “मोदेंशो श्येत आंइ कली मदुम्ब” देंनीम। आमोस ७:१६
Micah 2:11 in Sunwar 11 तेकोइ मुरुमी जोल पा दूली लोव़ पशा “गो इ कली अङगुर शांबु तूचा नु रकसी तूचा आ पर्बम लोव़ पाइनुङ” देंत हना, मेको मुर मेको आन कली गारचा ङा लोव़ पाइब बाक्ब।
John 7:7 in Sunwar 7 रागी ङा मुरपुकीमी इन कली श्येत मगेनीम। आं कली चहिं श्येत गेनीम। मारदे हना गो मेको आन कली ‘आन पशो गेय मरिम्शो बाक्ब’ दे कोंइनुङमी। यूहन्ना १५:१८
John 8:45 in Sunwar 45 गे आं कली थमा मसुइक्नीनी। मारदे हना गो थमा लोव़ पाइनुङ।
Acts 4:17 in Sunwar 17 तन्न मोदेंशो लेंशा मदुम्ल, दे मेको आस कली मार पचा देंशा हना, मुल ङा मेरे येसु आ नें सुइ कली मतुइक्पाइक्चा नमी, आ नें ब्रशा सुइ कली मसापाइक्चा नम, दे माइक्चा नसी” दे सल्ला पामे बाक्त।
Acts 5:28 in Sunwar 28 मिनु ठेयब चढ़ेबमी “येसु आ नें मशेंचा, मुर आन कली मतुइक्पाइक्चा देंतक। गेपुकीमी चहिं यरूसलेम नेल्ल मेको लोव़ फ्रनी बाक्त। लोव़ फ्रशो ला ममाइ। मेको येसु कली गोपुकीमी साइश्शो, दे आंइ कली दोस गेनी बाक्त” दे हुइक्तीमी बाक्त। प्रेरित ४:१८; मत्ती २७:२५
Romans 16:18 in Sunwar 18 मेकोपुकीमी येसु ख्रीस्त आ गेय मपाइनीम। आन कोव़ज प्रिंचा ला मिम्शा, गेय पाइनीम। मिलो शिलो लोव़ पा रिम्शो लोव़ नेंब आन थुं क्याल्नीम। मोदेंशो मुर आन क्येङा होस पा बाक्कीन। फिलिप्पी ३:१९; कलस्सी २:४
Galatians 4:16 in Sunwar 16 मुल इन कली हुइश्शा, थमा लोव़ शेंदन्नीनु, आं कली मरिम्शो सुइक्नीनी?
1 Thessalonians 2:15 in Sunwar 15 यहूदीया ङा मुरपुकीमी प्रभु येसु कली नु परमप्रभु यावे आ लोव़ पाइब आन कली साइश्शा, आंइ कली खेरतेक्म। मेकोपुकीमी मोपा परमप्रभु यावे कली मग्येरपदेम, मुर नेल्ल आन कली श्येत गेम्तेक्म। प्रेरित २:२३; मत्ती २३:३७; प्रेरित ७:५२
Revelation 11:7 in Sunwar 7 मिनु मेको निक्शीमी परमप्रभु यावे आ लोव़ थुम्से नोले, मेको पुं मपाइश्शो ढोडोङगा रे ठेयब जन्तु कुशा, मेको निक्शी नु राम्शी पा ग्रात। ग्राशा ङा मिन मेको आस कली साइक्तु। प्रकाश १३:३; प्रकाश १३:७