Hosea 2:23 in Sunwar 23 गो मेको कली आं पर्बम आं रागीमी बाक्पाइक्नुङ। गो मेको कली ‘मदाक्नुङ’ देंशो कली आं शिशी कोंइनुङ। मिनु गो ‘गेपुकी आं मुर मननी’ देंशो नङ। मुल गो ‘आं मुर ननी’ देंनुङ। मिनु मेकोपुकीमी आं कली ‘गे आंइ परमप्रभु बाक्नीनी’ देंनीम” दे परमप्रभुमी देंत। होसे १:६; होसे १:९; रोमी ९:२५; १पत्रुस २:१०
Other Translations King James Version (KJV) And I will sow her unto me in the earth; and I will have mercy upon her that had not obtained mercy; and I will say to them which were not my people, Thou art my people; and they shall say, Thou art my God.
American Standard Version (ASV) And I will sow her unto me in the earth; and I will have mercy upon her that had not obtained mercy; and I will say to them that were not my people, Thou art my people; and they shall say, `Thou art' my God.
Bible in Basic English (BBE) And I will put her as seed in the earth, and I will have mercy on her to whom no mercy was given; and I will say to those who were not my people, You are my people, and they will say, My God.
Darby English Bible (DBY) And I will sow her unto me in the land; and I will have mercy upon Lo-ruhamah; and I will say to Lo-ammi, Thou art my people; and they shall say, My God.
World English Bible (WEB) I will sow her to me in the earth; And I will have mercy on her who had not obtained mercy; And I will tell those who were not my people, 'You are my people;' And they will say, 'My God!'"
Young's Literal Translation (YLT) And I have sowed her to Me in the land, And I have pitied Lo-Ruhamah, And I have said to Lo-Ammi, My people thou `art', and it saith, My God!'
Cross Reference Deuteronomy 26:17 in Sunwar 17 गेपुकीमी मुलाक्ती परमप्रभु यावे कली ‘गे आंइ परमप्रभु बाक्नीनी। गो इन लां खोइक्नीकी। मिनु इन फुल्लुम मुशा ब्रेक्शो लोव़, इन शेंशो नु इन निसाफ पतीके लोव़ पाइनीकी नु इन देंशो टीनीकी’ दे परमप्रभु कली लोव़ पाइतीनी।
Psalm 22:27 in Sunwar 27 रागी रागी ङा मुरपुकीमी आं कली मिम्शा, परमप्रभु यावे गे लाइनीम। मिनु रागी ङा खिं खिं ङा मुरपुकी परमप्रभु आ ङोंइती बाप्नीम।
Psalm 68:31 in Sunwar 31 इजीप्त रे मुर जाक्नीम। एथीयोपीया ङा मुरपुकी परमप्रभु कली जिम्मा गेंसीनीम। यसैया १८:७; यसैया १९:२१; यसैया ४५:१४ प्रेरित ८:२७
Psalm 72:16 in Sunwar 16 मिनु रागी शुश अन्नम ब्रील। डांडा तार यो अन्न ग्रेल्ल। मिनु फल फुल लेबानोन ङा खोदेंशो पा सिल्ल। सहरम बाक्ब मुर घांस खोदेंशो पा सोशा बोशा शुश दुम्मल।
Psalm 118:28 in Sunwar 28 गे आं परमप्रभु बाक्नीनी। गो इन कली “गे रिम्शो पाइब बाक्नीनी” देंनुङ। गे आं परमप्रभु बाक्नीनी। मिनु गो इन कली मान पा ठेयब सेल्नुङ।
Song of Solomon 2:16 in Sunwar 16 आं दाक्शो वोंइश आल आं केन बाक्ब। मिनु गो मेको के बाक्नुङ। मेकोमी आ क्यारश भेडा लिली फू आन दातेम योव़ब। ठेयब कुम्सो २:१६
Isaiah 44:5 in Sunwar 5 मिनु कामी ‘गो परमप्रभु यावे आ मुर नङ’ देंब। अर्कोमी ‘आ नें याकूब बाक्ब’ देंब। मिनु अर्कोमी ‘गो परमप्रभु यावे आ मुर नङ’ दे आ गुइम ब्रेक्शा ‘आं नें इस्राएल बाक्ब’ देंब” देंत।
Jeremiah 16:19 in Sunwar 19 मिनु मेकोपुकीमी “परमप्रभु यावे, गे आं सक्ति नु आं ख्रुइश्शा, ब्रोंइशा बाक्तीक बाक्नीनी। गे श्येत जची ना आं ख्रुइक्तीके बाक्नीनी। रागी रागी ङा मुर रागी ङा सुर रे इन ङोंइती जाक्नीम। मिनु मेकोपुकीमी ‘आंइ किकी पिपी आन देवी देवता जोल ला बाक्तेक्म। मेको शोर गाक्शो बाक्तेक्म। भजन संग्रह ३६:७
Jeremiah 31:27 in Sunwar 27 मिनु परमप्रभु यावेमी “गो इस्राएल आ खिं ङा मुर, यहूदा आ खिं ङा मुर नु क्यारश भेडा, बी ब्यफ आन कली सोशा बोशा दुम्पाइक्तीक नाक्त थमा पा चाक्नुङ।
Jeremiah 32:38 in Sunwar 38 मिनु मेकोपुकी आं मुर दुम्नीम। मिनु गो मेको आन परमप्रभु दुम्नुङ। येरमीया ७:२३
Hosea 1:6 in Sunwar 6 मिनु गोमेरमी लेंशा आल कुरशा, तमी का थिप्तु। मिनु परमप्रभुमी होसे कली “मेको आ नें लो-रूहामा वोतो। मारदे हना गो इस्राएल कली लेंशा शिशी मपाइनुङ। मिनु मेको आन पाप मक्याम्नुङ। होसे २:३,२५
Hosea 1:9 in Sunwar 9 मिनु परमप्रभुमी होसे कली “मेको आ नें लो-अम्मी वोतो। मारदे हना गेपुकी आं मुर मननी। गो इन परमप्रभु मनङ। लो-अम्मी आ अर्थ ‘गे आं मुर मनवे नु गो इ परमप्रभु मनङ’ देंशो बाक्ब।
Hosea 8:2 in Sunwar 2 मिनु इस्राएलमी आं कली ‘आंइ परमप्रभु, गो इन कली तुइक्नीकी’ दे देंनीम।
Zechariah 2:11 in Sunwar 11 मेको नाक्त शुश रागी ङा मुरपुकी परमप्रभु यावे नु गारचा कली जाक्नीम। मेको नाक्ती मेको आं मुर दुम्नीम। मिनु गो गे इन दातेमी बाक्नुङ। मिनु गेपुकीमी मुर नेल्ल आन परमप्रभु यावेमी आं कली इन कली लोव़ पथ सोइश्शो बाक्ब, दे तुइक्नीनी” दे परमप्रभु यावेमी देंत। यसैया ११:१०
Zechariah 8:22 in Sunwar 22 शुश मुर नु बोल्यो रागी ङा मुरपुकी मुर नेल्ल आन परमप्रभु यावे कली माल्थ, यरूसलेम सहरम जाक्नीम। मेकोपुकीमी परमप्रभु यावे आ शिशी पुंइनीम” देंत।
Zechariah 10:9 in Sunwar 9 गो मेको आन कली रागी रागीम फ्राता हना यो, मेकोपुकीमी ङोन रागीम बाक्शा, आं कली मिम्नीम। मिनु मेको आन आल कोल्पाइश्शा आन रागीम लेत्नीम। यसैया ६६:१९; येरमीया ५१:५०
Zechariah 13:9 in Sunwar 9 मिनु मेको लीशो भाग आन कली गो मीम कुरपाइनुङमी। चांदी याप्पाइश्शो खोदेंशो पा याप्पाइक्नुङमी। मिनु सुन नाक्शो खोदेंशो पा नाक्नुङमी। मिनु मेकोपुकीमी आं कली थोइनीम। मिनु गो मेको आन कली लोव़ लेत्नुङमी। मेकोपुकी आं मुर नम’ देंनुङ। मिनु मेकोपुकीमी ‘परमप्रभु यावे, आंइ परमप्रभु बाक्ब’ देंनीम” दे परमप्रभु यावेमी देंत। होसे २:२५
Zechariah 14:9 in Sunwar 9 परमप्रभु यावे रागी नेल्ल ङा पिप दुम्ब। मेको नाक्त परमप्रभु यावे का ला बाक्ब। आ नें यो का ला बाक्ब। भजन संग्रह ९७:१; प्रकाश ११:१५
Zechariah 14:16 in Sunwar 16 मिनु यरूसलेम कली लडाइ तोइब रागी रागी ङा मुर आन दाते ङा सु सु ब्रोंइशा लीमा, मेकोपुकी बर्स बर्समी यरूसलेम लशा पिप नु मुर नेल्ल आन परमप्रभु यावे कली मान पा ठेयब सेल्चा माल्नीम। मेकोपुकीमी गोठ सेल्शा मानेतीक चाड मानेचा कली यरूसलेम लचा माल्नीम। जकरिया १४:९
Malachi 1:11 in Sunwar 11 “नां दाप्तीक रे नां पेरतीक सम्म रागी रागी ङा मुर आन दातेमी आं नें ठेयब बाक्ब। रागी नेल्ल ङा मुरपुकीमी आं कली धूप चोशा, रिम्शो थोव़क चढ़ेनीम। मारदे हना रागी रागी ङा मुर आन दातेमी आं नें ठेयब बाक्ब” दे मुर नेल्ल आन परमप्रभु यावेमी देंत। यसैया ६०:१-७
Acts 8:1 in Sunwar 1 स्तीफानस कली साइश्शो तशा, सावलमी “एको कली साइक्चा माल्शो। मिनु साइश्शा ठीक पाइतीनी” देंमाक्त। स्तीफानस कली सादमे नाक्त रे यरूसलेम सहरम बाक्ब थमा सुइक्ब नेल्ल आन कली खेदा पा श्येत गेचा गोव़मे बाक्त। मिनु श्येत गेशा प्रोक्पदमेनु, मेकोपुकी ब्रशा गाक्शा, यहूदीया नु सामरीया रागीमी जाक्दीश्शा बाक्मा बाक्त। १२ जना येसु आ सोइश्शोपुकी ला यरूसलेम उइ बाक्मा बाक्त। प्रेरित १:८; प्रेरित ११:१९
Romans 3:29 in Sunwar 29 परमप्रभु यावे यहूदी आन परमप्रभु यावे ला बाक्बा ङा? नेल्ल अर्को रागी ङा मुर आन परमप्रभु यावे बाक्ब। रोमी १०:१२
Romans 9:25 in Sunwar 25 होसेमी “साइ आं कली मतुइक्ब आन कली आं मुर सुइक्नुङमी। ङोंइती मदाक्शो कली मुल आं दाक्शो, दे ब्रेत्नुङ।
Romans 11:30 in Sunwar 30 गेपुकीमी यो परमप्रभु यावे आ लोव़ मटिनी। यहूदीपुकीम मटितीके परमप्रभु यावेमी इन कली शिशी पा थमा सुइक्चा गेप्तु। मिनु मुल गे परमप्रभु यावे आ शिशी ताइब दुम्तीनी।
Romans 15:9 in Sunwar 9 अर्को रागी ङा मुरपुकीमी परमप्रभु यावे आ शिशी आ पर्बम मेको कली ठेयब सेल्मेक्ल। मोपतीके “अर्को रागी ङा मुर आन दातेमी इन नें तुइक्पा कुम्सो पाइनुङ” दे ब्रेक्शो बाक्ब। भजन संग्रह १८:४९
1 Thessalonians 1:9 in Sunwar 9 मेकोपुकीमी इं पर्बम लोव़ पाम्तेक्म। मार लोव़ पाम्तेक्म देंशा हना, थिस्सलोनिकी सहर ङा मुरपुकीमी आंइ कली मिश रिम्शो ब्राम्तेक्म। मिनु गेपुकी इन मूर्ति कली प्रोंइशा, परमप्रभु यावे कली थमा सुइक्ब दुम्शा, ब्रोंइशा बाक्ब, थमा परमप्रभु यावे आ गेय पाइब दुम्तीनी। प्रेरित १४:१५; १कोरिन्थी १२:२
James 1:1 in Sunwar 1 गो, याकूब, परमप्रभु यावे नु प्रभु येसु ख्रीस्त आस वाइल नङ। गो ब्रशा बाक्शो १२ थर ङा यहूदी इन कली नमो पाइनुङ। गे रिम्शो बाक्कीन।
1 Peter 1:1 in Sunwar 1 गो येसु ख्रीस्त आ सोइश्शो पत्रुस नङ। एको चिठी पोन्टस, गलातीया, कापाडोसीया, एसीया नु बिथीनीया रागीम ब्रशा बाक्शो इस्राएल रागी ङा थमा सुइक्ब, इन कली ब्रेक्ताक्न्नी। हिब्रू १३:१४
1 Peter 2:9 in Sunwar 9 तन्न गे परमप्रभु यावे आ योव़शो मुर दुम्तीके, आ राज्य ङा चढ़ेब परमप्रभु यावे आ रागी ङा मुर दुम्तीनी। मारदे मोदेंशो दुम्तीनी देंशा हना, परमप्रभु यावेमी इन कली रिम्शो पशा, छिङछिङ रे ग्रुंइशा, आंम आ छक लाक्चा ङा छेङछेङमी वोइश्शो बाक्त। मिनु अरु नेल्ल आन कली शेंचा, दे मोदेंशो दुम्तीनी। प्रस्थान १९:६; यसैया ४३:२१; प्रकाश १:६; ब्यवस्था ४:२०; ब्यवस्था ७:६; एफिसी ५:८
Revelation 21:3 in Sunwar 3 मिनु गो ठेयब नित्तीके रे ठेयब सेंदा का ग्रूशो नेंता। मेकोमी “कोव़ङीन, परमप्रभु यावे आ बाक्तीकेमी मुरपुकी यो बाक्नीम। परमप्रभु यावे मुरपुकी नु बाक्ब। मेकोपुकी परमप्रभु यावे आ मुर बाक्नीम। मिनु परमप्रभु यावे आ मुरपुकी नु बाक्ब। प्रस्थान २९:४३५; येरमीया ७:२३