Hebrews 11:7 in Sunwar 7 नोआह यो थमा सुइक्ब बाक्माक्त। यावेमी मेको कली “नोले ओदेंशो दुम्ब” मदानु, मेको लोव़ थमा सुइश्शा टिशा, ठेयब डोंगा सेल्शा, आ खिं ङा मुर आन कली ओंइशा, बेक्चा मगेथु प्रोंइमी बाक्त। नोआहमी मो पशो तशा यो अरुमी थमा मसुदमे बाक्त। मिनु आन थमा मसुइक्तीके दोसी दुम्शा, नेल्ल बेक्चा माल्मा बाक्त। नोआह चहिं थमा सुइश्शोमी ब्रोंइचा तांइसीब, दे कोंइब दुम्माक्त। उत्पत्ती ६:८-९,१३-२२
Other Translations King James Version (KJV) By faith Noah, being warned of God of things not seen as yet, moved with fear, prepared an ark to the saving of his house; by the which he condemned the world, and became heir of the righteousness which is by faith.
American Standard Version (ASV) By faith Noah, being warned `of God' concerning things not seen as yet, moved with godly fear, prepared an ark to the saving of his house; through which he condemned the world, and became heir of the righteousness which is according to faith.
Bible in Basic English (BBE) By faith Noah, being moved by the fear of God, made ready an ark for the salvation of his family, because God had given him news of things which were not seen at the time; and through it the world was judged by him, and he got for his heritage the righteousness which is by faith.
Darby English Bible (DBY) By faith, Noah, oracularly warned concerning things not yet seen, moved with fear, prepared an ark for the saving of his house; by which he condemned the world, and became heir of the righteousness which [is] according to faith.
World English Bible (WEB) By faith, Noah, being warned about things not yet seen, moved with godly fear, prepared an ark for the saving of his house, through which he condemned the world, and became heir of the righteousness which is according to faith.
Young's Literal Translation (YLT) By faith Noah, having been divinely warned concerning the things not yet seen, having feared, did prepare an ark to the salvation of his house, through which he did condemn the world, and of the righteousness according to faith he became heir.
Cross Reference Genesis 6:9 in Sunwar 9 नोआह आ तौ सां बाक्मा बाक्त। नोआह शुश रिम्शो मुर बाक्माक्त। मुर नेल्लेमी “ठीक पाइब दोस मताइब मुर बाक्ब” दे तुइक्तमे बाक्त। नोआह परमप्रभु नु गाक्बाक्माक्त। उत्पत्ती ५:२२
Genesis 6:13 in Sunwar 13 मिनु परमप्रभुमी नोआह कली “गो मुर नेल्ल आन कली क्याम्नुङमी। मारदे हना मेको आन पर्बम रागी हुश ख्राक्श पोक्तीकेमी ब्रीत। मुर नु रागी नेल्ल आन कली क्याम्नुङ। आमोस ८:२
Genesis 7:5 in Sunwar 5 मिनु परमप्रभु यावेमी मार मार अरेवा, नोआहमी नेल्ल टिशा पवा बाक्त।
Genesis 7:23 in Sunwar 23 मोपा मेकोमी रागीम ब्रोंइशा बाक्ब मार मार बाक्मा, मुर, जन्तु खपीम ग्रेशा गाक्ब आइक्च जन्तु नु सरीङम बेरब चिक्ब नेल्ल क्याम्दा बाक्त। नोआह नु आ खिं ङा मुर ला प्रोंइमी बाक्त।
Genesis 8:16 in Sunwar 16 “गे, इ मीश, इ तौपुकी नु इ चाइमीपुकी डोंगा रे ग्रूङीन” देंमाक्त।
Genesis 19:14 in Sunwar 14 मिनु लोतमी आ तमी आस कली ग्युंबे पचशो वोंइश आल आस कली ग्रुम्शा “बोक्कीस, सहर रे लसे। मारदे हना परमप्रभु यावेमी सहर क्याम्ब” दे माइक्सी बाक्त। मेको निक्शीमी चहिं “रित्चा ङा लोव़ बाक्त” दे मिम्तसे बाक्त। गन्ती १६:२१
Exodus 9:18 in Sunwar 18 नेनो, दीसा गो शुश मरिम्शो मुप्स यिपाइक्नुङ। मुल सम्म इजीप्त रागीमी मुर बाक्चा गोव़मे रे मोदेंशो ठेयब मुप्स गेनायो मयिशो बाक्ब।
Proverbs 22:3 in Sunwar 3 निप्स पाइश्शो मुर श्येत जाक्चा चिक्शो तशा, ख्रुंइसीनीम। तन्न मारेइ मजोक्ब मुरुमी मारेइ मतुइक्थु श्येत जाइनीम। हितोपदेस २७:१२
Proverbs 27:12 in Sunwar 12 निप्स पाइश्शो मुर श्येत जाक्चा चिक्शो तशा, ख्रुंइसीनीम। तन्न मारेइ मजोक्ब मुरुमी मारेइ मतुइक्थु श्येत जाइनीम। हितोपदेस २२:३
Ezekiel 3:17 in Sunwar 17 मार लोव़ पाप्तु देंशा हना “ए मुर, गो इ कली इस्राएली आन खिं ङा मुर आन कली खाल पाइब सेल्तन। गे आं देंशो लोव़ नेंतीवी हना, मेको आन कली आं लोव़ रे पा हिंच कोंइदीमी। इजीकीएल ३३:७; यसैया ५२:८; हिब्रू १३:१७
Ezekiel 14:14 in Sunwar 14 मेकेर नोआह, दानीएल नु अय्युब सांफा बाक्तेक्म हना यो, मेकोम आन ठीक पतीकेम आंमा ला ब्रोंइचा ताम वा, दे परमप्रभु, परमप्रभु यावेमी देंशो बाक्ब” देंत। येरमीया १५:१
Ezekiel 14:20 in Sunwar 20 मिनु मेकेर नोआह, दानीएल नु अय्युब बाक्तेक्म हना यो, गो आं ब्रोंइशा बाक्शो खोदेंशो पा मेकोम आन तमी तौ आन कली प्रोंइने मचबेम वा। मेको आन ठीक पतीकेम आंमा ला ब्रोंइम वा” देंत।
Matthew 3:7 in Sunwar 7 मिनु यूहन्नामी फरिसी नु सदुकी शुश जाक्शो तशा, मेको आन कली “गे बुस्स आ खलकपुकी, सुमी परमप्रभु यावे आ सजाइ रे ब्रोंइचा तांइसीब, दे शेंदीनी?फरिसी रिती थीती सेल्शा, रिम्शो पचा कली कोव़ब यो बाक्शो बाक्तेक्म। सदुकी यहूदी आन सरकार ङा हुल ‘मुर मसेंसीनीम’ दे थमा सुइक्ब बाक्शो बाक्तेक्म। मत्ती २३:३३
Matthew 12:41 in Sunwar 41 निसाफ पची नाक्तीम निनवे सहर ङा मुरपुकी बोक्शा, एको पाला ङा आन कली दोसी सुइक्नीम। मारदे हना मेकोपुकीमी योना आ लोव़ नेंशा, आन थुं परमप्रभु यावे गे लेत्ताक्म। नेनीने, एकेर का योना क्येङा ठेयब बाक्ब। जोना ३:५
Matthew 24:15 in Sunwar 15 परमप्रभु यावे आ खिं ग्रांग्रा सेल्नीम, दे परमप्रभु यावे आ लोव़ पाइब दानीएलमी ब्रेक्शो लोव़ थमा दुम्शो तनीनु ‘पढेबपुकीमी रुप्मेक्ल’ दानीएल ९:२७, दानीएल ११:३१
Matthew 24:25 in Sunwar 25 मेको नेल्ल दुम्चा ङोंइतीन गो इन कली नेल्ल शेंशा तुइक्पाइक्तन्नी।
Matthew 24:38 in Sunwar 38 नोआह आ ठेयब डोंगा मओव़म सम्म मुरपुकीमी जना जन, तूना तून, ग्युंबे पना पन नु ग्युंबे पांइसीन सीन बाक्शो बाक्मा बाक्त।
Luke 11:31 in Sunwar 31 निसाफ पची नाक्त दक्खिन रागी ङा पिपीममी बोक्शा, एको पाला ङा मुर आन कली दोस ताइब सेल्ब। मारदे हना मेकोमी ङोन रागी रे पिप सोलोमन आ जोक्तीक तुइक्तीक नेंचा कली जाक्त। नेनीन, एकेर सोलोमन क्येङा यो ठेयब का बाक्ब। १राजा १०:१
Luke 17:26 in Sunwar 26 रागीम जरमेशो जाक्मेनु, मुरपुकीमी नोआह आ पालामी पशो खोदेंशो पाइनीम।
Romans 1:17 in Sunwar 17 परमप्रभु यावेमी मुर आन कली दोपा ठीक दुम्पाइक्बा, मेको आ लोव़ रे पा तुंइसीब। मिनु “ठीक पाइब आं कली थमा सुइश्शा ब्रोंइब” दे ब्रेक्शो बाक्ब। हबकुक २:४; रोमी ३:२१-२२; गलाती ३:११
Romans 3:22 in Sunwar 22 परमप्रभु यावे आ ठीक पतीके येसु ख्रीस्त कली थमा सुइक्ब नेल्ल आन कली बाक्ब। यहूदी बाक्तेक्म हना यो, अर्को रागी ङा मुर बाक्तेक्म हना यो, नेल्ल कान बाक्नीम। फिलिप्पी ३:९
Romans 4:11 in Sunwar 11 आ थमा सुइश्शोमी ठीक दुम्पाइक्चा कली ख्रोइक्तीक चिनु छाप खोदेंशो पा ताप्तु। मारदे हना मेको ङोंइतीन थमा सुइक्ब बाक्त। मोपतीके मेको ख्रोइक्तीक चिनु मख्रोइश्शो थमा सुइक्ब, ठीक दुम्शो नेल्ल आन आफ दुम्त। उत्पत्ती १७:१०-११
Romans 4:13 in Sunwar 13 परमप्रभु यावेमी अब्राहाम कली अरेशो लोव़ टितीके लोव़ मगेशो बाक्त। तन्न थमा सुइश्शो तशा “इ चच युइ शुश दुम्शा, रागी नेल्ल ब्रीनीम” दे लोव़ गेशो बाक्त। उत्पत्ती २२:१७-१८
Romans 9:30 in Sunwar 30 मिनु मुल गो मार देंचा ङा? अर्को रागी ङा मुरपुकीमी ठीक दुम्चा ममाल्थु, ठीक दुम्तेक्म। तन्न आन ठीक दुम्तीके मेको आन परमप्रभु यावे कली थमा सुइक्तीक रे जाक्त। रोमी १०:२०
Romans 10:6 in Sunwar 6 थमा सुइश्शा, ठीक दुम्शोपुकीमी चहिं मार देंनीम देंशा हना, स्वर्ग सु लाइबा ङा? सुइ मलाइनीम मारदे हना येसु ख्रीस्त कली ब्रथ लचा ममाल्ब। ब्यवस्था ३०:११-१४
Galatians 5:5 in Sunwar 5 गोपुकी “ख्रीस्त आ पतीके ठीक दुम्तय” देंशा, परमप्रभु यावे आ सोक्तीमी तुइक्पाइक्चा पुंइसाक्य।
Philippians 3:9 in Sunwar 9 मोपा आ मुर दुम्शा, परमप्रभु यावे आ अरेशो लोव़ ङा आंम ठीक पतीके मबाक्थु, ख्रीस्त कली थमा सुइक्तीकेमी ठीक दुम्तीके बाक्ब। मेको ठीक दुम्तीके परमप्रभु यावेमी गेशो थमा सुइक्तीके रे ला बाक्ब। रोमी ३:२२
Hebrews 5:7 in Sunwar 7 येसु मुर दुम्शा, रागीम बाक्मेनु, प्रेक्कु तोक्शा गोंगों पा ङाक्शा आ कली बेक्शो रे सेंब कली पुना बाक्त। परमप्रभु यावे कली मान पा हिंशा, मुर आन पर्बम पुना बाक्त। मिनु आ पुंइशो तवा बाक्त। मत्ती २६:३९-४६
Hebrews 11:1 in Sunwar 1 थमा सुइक्चा चहिं मार बाक्ब देंशा हना, आस पशो थमा दुम्शो तांइसीब नु इं मिक्चीम मतशो थोव़की बाक्नीम, दे मिम्चा बाक्ब। मिनु बाक्नीमी यो। मेको मोदेंशो मिम्चा कली थमा सुइक्चा देंसीब। २कोरिन्थी ५:७
1 Peter 3:20 in Sunwar 20 मेको सु बाक्तेक्म देंशा हना, साइ ङोंइती नोआहमी ठेयब डोंगा सेलानु, परमप्रभु यावेमी रिम्ना रिम्न बाक्शो बाक्त। तन्न परमप्रभु यावे कली काइ मटीब, नोआह आ पाला ङा बेक्शो मुर बाक्तेक्म। ८ जना मुर चहिं नोआह आ सेल्शो डोंगामी बाक्शा, ब्वाक्कु रे ब्रोंइचा ताम्तेक्म। उत्पत्ती ७:७; २पत्रुस २:५
2 Peter 1:1 in Sunwar 1 गो येसु ख्रीस्त आ वाइल नु आ सोइश्शो, सिमोन पत्रुस नङ। इं परमप्रभु यावे नु पाप रे प्रोंइब येसु ख्रीस्त रे पा ठीक दुम्तय, दे थमा सुइश्शा, थुं का दुम्तय। मोपतीके इन कली एको चिठी ब्रेक्ताक्ङ।
2 Peter 2:5 in Sunwar 5 मिनु परमप्रभु यावेमी साइ ङा मुर आन कली शिशी मपथु, नोआह ला ठीक पाइब बाक्तीके मेको नु अरु ७ जना आन कली ला श्येत रे प्रोंइतीमी। मेना परमप्रभु यावेमी रागी नेल्ल ब्वाक्कुमी ब्रीपाइश्शा, आ कली मटीब आन कली साइश्शो बाक्त। उत्पत्ती ८:१८; १पत्रुस ३:२०; २पत्रुस ३:६
2 Peter 3:6 in Sunwar 6 मेना रागी नु मुर नेल्ल आन कली ब्वाक्कुमी ख्रुम्शा सदा बाक्त। २पत्रुस २:५; उत्पत्ती ७:२१